Croissant Taiyaki

營業中

休息中

朋友特登買禮來，上次在東京食過，超級回味，在東京真係平靚正，點知來HK開分店，本來擔心會好貴，點知都係$15件，同有3種味: 紅豆、吉士、朱古力。半打有個靚靚盒裝住，一個個卡住分開裝，保護住吾怕撞散，好有心思。每個都非常鬆脆，表面有杏仁片粗糖粒，微甜增加口感及味道層次。紅豆蓉微甜小小濕潤吾乾吾嚡，幸福感爆棚。吉士甜度過中，同是美味之選，朱古力蓉同是微甜帶點濕潤。我鐘情朱古力，必食之選，我一口氣下午茶吃了朱古力和紅豆各一件。

我地兩個本身都好鐘意食鯛魚燒，次次去到日本就狂食，週日喺銅鑼灣順便試下呢係鯛魚~鯛魚燒喺B2超市嗰層，芝士撻隔離，唔洗等。當日所有魚都已經整好，非即叫即做~有三個味道 紅豆、吉士、朱古力由於我地紅豆、吉士都想食，加上冇諗過會中伏，決定要哂兩隻味~紅豆鯛魚燒 $15吉士鯛魚燒 $15拎上手暖暖地，薄薄一塊，唔係新鮮熱辣始終已經爭少少~酥皮唔夠酥，唔鬆，亦都食唔到所謂廿幾層… 充其量都似係食左個蝴蝶酥，叫croissant係唔合格，又冇牛油香，又唔脆…純粹食到面頭有層焦糖，亦都甜味主要來源。面頭嘅幾片杏仁，對整體味道、口感冇大幫助…鯛魚係減過肥，變左比目魚咁，超扁，餡料少得可憐， 係平時食車輪餅餡料份量嘅1/3。紅豆：冇紅豆味、係死甜，質地唔夠蓉，又乾又死實… 吉士：雖然夠滑，但唔香，食完一啖唔會覺得想再食，份量太少…我直頭唔想食…男朋友勉強食多左幾啖都掉左，真係後悔，仲要買左兩條…

今日下午走左落崇光百貨地庫的超級市場行下 , 由扶手電梯落到去一轉彎就見到呢間叫 "Croissant Taiyaki" , 走左埋去八卦下 , 見到好似好吸引喎 , 師傳不停咁即場制作 , 全部都係新鮮出爐, 不停香味撲鼻 , 原來它是鯛魚燒 , 據聞係由二十四層酥皮制作而成 , 味道分別有北海道紅豆, 吉士打, 朱古力３款口味, 每件十五蚊, 如果買６件仲有禮盒裝九十蚊, 同埋它的造型不是鯛魚形的, 是長方形的, 好等我買件留番今晚食完飯做飯後甜品先, 我選擇左吉士打師傳不停制作 , 熱辣辣 , 香噴噴包裝用size剛好的紙袋裝住, 非常方便食用真係十級正 , 因為我是下午買晚上先食 , 原先驚會淋晒唔好食 , 但竟然唔係 , 真係要讚下佢果二十四層酥皮 , 真係好鬆脆, 內裏的吉士打又唔會太甜味道剛好, 下次一定要試埋其他味道

Sogo B2那一排食店成日變換，見這間好像有不少人光顧，今日就試下你先。這個鯛魚燒呈方形，味道只有三款：紅豆，吉士，朱古力。15蚊個都算合理。今次試下紅豆，因本身比較傳統。味道就ok, 不太甜，但餡料比較少一點，出色的是它的外皮，脆脆的，像牛角包的皮，加點焦糖的甜還有點杏仁片加進去，不錯。。係幾好食亦顛覆一般鯛魚燒的印象。

24層酥皮鯛魚🐟燒...雖然睇唔清楚個魚🐟樣, 但好味道足以彌補一切😂.有三款口味 - 紅豆, 吉士, 朱古力好似唔係成日都有朱古力味鯛魚燒, 所以二話不說...一條朱古力魚, 唔該.酥皮本身帶甜, 而且皮面有焦糖, 同時亦食得出酥皮本來的香味.朱古力餡呈Cream狀, 唔算係好濃嘅朱古力成條魚唔會過甜, 👌🏻會再食的

心血來潮來銅鑼灣崇光的旭日書店，逛崇光不可能不順便來地庫覓食吧！決定試下呢間從未吃過的牛角酥！我挑了紅豆味的。份量好大件，溫度剛剛好，是溫熱的但又不會熱到燙傷我，讚 ！酥皮都帶點甜味，入面是名符其實的紅豆蓉 。 整體來說，真的好吃又抵吃 ！

難得準時收工，就去附近的sogo兜個圈地庫的美食廣場絕對係必到之處一落到地庫，遠遠就聞到好香的酥皮香！原來芝士撻附近開咗間賣雕魚燒店！人龍不比芝士撻遜色呢！而且每條魚只係15蚊，當然要試試啦！小店面陳列出吉士、紅豆同朱古力三款口味的魚仔！每條金黃色的酥皮外層，非常吸引，搭配新鮮出爐的香味，點忍到口本來想試吉士味的，但店員指出要等15分鐘，小妹怕朱古力太甜所以卻步，退而求其次選了紅豆口味，亦要等上5分鐘呢！不過新鮮出爐的雕魚燒真係香噴噴，本來滿心期待餡料有紅豆粒，原來係紅豆蓉呢 可能我唔係甜魔，所以甜度有點超過，最後吃剩了部分紅豆餡！不過15蚊價錢相宜，下次試埋吉士口味！

經過聞到好香 又見到無人就買黎試下酥皮鯛魚燒有三種口味 - 吉士打 紅豆 朱古力我就揀左紅豆攞上手已經唔熱酥皮幾油下除左個邊邊之外 其他位都已經唔脆紅豆餡唔算多 加埋酥皮面啲砂糖粒 整體偏甜試一次就夠了

之前見到朋友fb張相食呢個鯛魚燒，都唔知邊度有得食。有日行sogo，落到去supermarket果層先發現呢條魚，原來總共有三隻味：朱古力、紅豆、吉士我就揀左朱古力味，正，有d暖暖地，個朱古力唔會太甜搶曬味，個面仲有少少杏仁片，i like it我要下次試埋紅豆味～$15件價錢都算ok，可以作為下午茶嘆下！

上年5月尾，已留意到 Openrice 新餐廳資料中，尖沙咀 Sogo 開了一間 Croissant Taiyaki！ 至今，一直尚未幫襯！恰巧！一個月前，我們一行4 人走到銅鑼灣飯聚！ 好朋友食友 E 買了銅鑼灣 Sogo 的 Croissant Taiyaki 鯛魚燒請大家食！ 我們真是有口福嘞！朱古力鯛魚燒咖啡色的鯛魚燒，還以為是一條魚形！ 打開正方形紙袋封套，原來是一塊長方形的酥皮壓上鯛魚燒形狀！表面灑上粗糖粒。未嚐已散發陣陣朱古力香甜， 偷偷地在餐廳咬一口， 的確好鬆脆可口，由於當晚我把一碟美味的意大利飯清碟，實在太飽，也不用食宵夜！翌日早上當早餐後甜品，口感依然脆脆地，多層的酥皮，夾雜甜美的朱古力醬！不及當晚在 <飼說>杯朱古力特飲那麼甜呢！ 總算內外兼備！

今日經過Sogo買零食，見到哩間鯛魚燒。睇真d 原來係用牛角包的酥皮整嘅鯛魚燒～$15 一塊唔貴啊。第一次食左紅豆味，新鮮出爐熱辣辣。第一啖好脆，第二啖開始食到紅豆餡就淋左，下次要攤凍d 先食。金黃色的酥皮牛油味香，有點焦糖味，上面有粗糖粒粒，紅豆餡甜度適中。絕對係下午茶小食好選擇。又食左朱古力味，今次攤凍晒先食，果然脆好多。可能凍在所以冇流心，朱古力餡有mousse 的口感，不錯～下次要食埋吉士味！

到Sogo逛，發現新開了東京爆紅的酥皮鯛魚燒店Croissant Taiyaki，香氣撲鼻而來，當然要即刻買來一試了！酥皮鯛魚燒的餡料有北海道紅豆、吉士打和朱古力三種口味，各款鯛魚燒$15/個，一盒六個禮盒裝$90。酥皮鯛魚燒由銀製機器製作，只見鯛魚燒在機內經過高溫加熱，熱油滋滋作響，從機器裏滲出，讓鯛魚燒變得更加香脆美味。據說，酥皮鯛魚燒的外皮，是由二十四層特製牛角酥皮製成，再沾上粗粒黃糖，放入專用的鯛魚機烤五分鐘，至兩面金黃酥脆。小妹要了一件剛出爐的吉士打酥皮鯛魚燒$15，兩面金黃油亮發光不在話下，牛油香氣四溢。咬下去，口感極為酥脆香甜，內裏吉士醬香滑味美，與酥皮十分匹配。不過，如閣下喜歡吃柔軟Q彈或內餡厚實的鯛魚燒，就未必會喜歡這種新口感的鯛魚燒了！

早就耳聞 croissant 的紅豆餅，生意極好，好吃又爆漿，而且大排長龍，這次到了現場，果然名不需傳，同時有人現場製作紅豆餅，居然消化不了排隊人潮，我看大伙都十個十個在買的，生意實在太好了，走吧，排隊去～採用紅豆熬煮，餡料綿密但依舊吃的到紅豆顆粒，甜而不膩，真是好味道。外型是一條燒魚，熱騰騰，外脆富口感。紅豆軟，燒餅皮脆，外脆內軟效果真好!

之前路過SOGO見新開嘅時候已經想食，但因為排長龍所以最後打消咗個念頭～ 今日再經過嘅時候襯無人排隊就即刻快快脆買～未食見個樣已經覺得好鬆脆，＄15一個咁大塊其實幾抵食～ 三隻味道：朱古力/吉士/紅豆，每樣都叫咗一個～ 個面好鬆脆好似丹麥包咁有少少焦糖同糖霜，朱古力味其實唔係太甜所以唔駛怕，紅豆個個入面都好多紅豆，但係講個酥皮明顯啲反而會係吉士未到鬆脆啲～總括抵食同好味會再encore～

行街行到餓餓地，落sogo超市睇下有乜食，$15件唔算貴，一於試下店員話吉士最甜，紅豆無甘甜，仲要北海道產，就試下紅豆味啦。拎住塊實物，完全無魚的外觀，仲薄身好多，咬落脆口，面頭有粗粒砂糖，味道不錯，但實物比display 薄好多，內裡紅豆亦好少，2啖食完個饀，其實係好味既，又唔太甜，但實物同張相都幾大分別，所以有少少失望。