720
19
11
| 餐廳: | Cuisine Culture |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵中環站 D2 出口, 步行約2分鐘
繼續閱讀
電話號碼
26089191
開飯介紹
餐廳主打傳統法國菜，而裝修簡潔舒適，予人輕鬆之感。提供單點餐牌及午市餐牌，菜餚多樣化，特別推介焗古也芝士洋蔥湯，濃郁的洋蔥香，配上濃而不膩的芝士。
繼續閱讀
營業時間
今日營業
11:45 - 15:00
18:30 - 22:00
星期一至五
11:45 - 15:00
18:30 - 22:00
星期六
12:00 - 15:00
18:30 - 22:00
星期日
全日休息
公眾假期
全日休息
以上資料只供參考, 請與餐廳確認詳情
有關獎賞計劃
優惠
相關文章
喺歐洲幾個大國嘅菜系中，相信法國菜算喺比較少食，睇返自己啲食評，原來對上一次食法國菜已經喺成年前嘅事，今晚嚟到隱身於商廈裡面嘅「Cuisine Culture」，再細嚐法式滋味。雖然店舖裝修樸實，卻有種小鎮嘅法式小酒館氣氛，加上燈光柔和，感覺蠻舒適服。而廚房採開放式，睇到廚師們晌裡面做茶嘅情景。順帶一提，招呼幾唔錯，侍應不時主動添水，更換餐具，又會視乎你進食進度而上下一道菜，令整晚進食嘅流程好暢順。講講餐牌，呢度就無做套餐，全部都喺散點。大類分為前菜、湯品、沙律、主菜、意大利麵及甜品。而飲品方面，除一般嘅咖啡、茶、果汁之外，有另一本餐牌列出多款紅白餐酒。侍應更話做緊推廣，紅白餐酒買一送一，無論喺嗌一杯或是一整支，都有呢個優惠，啤酒同汽水都喺，買一送一。龍蝦湯 $92講到湯品，法式洋蔥湯同法式龍蝦湯相信都可以喺代表之一。龍蝦湯上到枱，色澤已經好對辦，橙紅得嚟好亮麗，入口更喺鮮蝦味濃郁，啖啖精華湧入口腔，附上嘅蒜蓉法包亦烘得脆口，蒜香滿滿。法式焗蝸牛 $108焗蝸牛亦喺法國菜頭盤嘅經典，一客共有6隻，墊有少少薯蓉，咪輕看啲薯蓉，除咗搓得軟滑，仲有陣陣香草香；而啲蝸牛肉口感嫩滑，甚具蒜蓉及牛油香味。慢火煮紅酒和牛面肉配法包 $288主菜就推薦呢一道牛面肉，因為唔喺經常遇到呢一款菜式，加上以慢煮方式，更能發揮到牛面肉嗰份超鬆化。雖然賣相平實，但牛面肉入口確喺勁軟腍，質感好有一咬即化嘅感覺，而且，肉味濃，陣陣紅酒香氣。汁底亦咪錯過，以法包沾上少少紅酒汁，食味一流。海鮮墨汁意粉 $208另一道主菜就揀咗海鮮意大利麵，單睇啲海鮮，就已經覺得好有料到，包括有大虎蝦、帶子及青口，虎蝦非常之彈牙鮮甜，帶子軟滑而帶有陣陣海水鹹鮮味，而啲青口唔喺普通嘅平價貨，食得出嗰份甜味，質感柔軟；意粉亦煮得啱啱好，咬落有柔韌感，做得水準甚高嘅菜式。酥皮蘋果批配雪糕 $88最後，點少得一份甜品作結吖，師傅更刻意以碟他畫布，晌上面畫有花朶、彩霞，自然更賞心悅目。酥皮蘋果批烘得金黃，酥皮非常香脆富牛油香，蘋果清甜，更有微微玉桂香，伴以果仁雪糕，一凍一熱，口感對比鮮明，再者，雪糕軟滑富奶香，亦記一功。 因為小弟晌附近做嘢，就問問有無午市餐牌，一張小單張印製晒所有午市套餐，足足有成16款之多，豐儉由人，已包沙律或餐湯，以及基本餐飲，有機會再嚟試試午餐先。簡單試過數款菜式，食得出製作用心，用料高質，加上環境都幾舒服，無論三幾位知己嚟聚一聚，抑或特別日子嚟慶祝吓，都喺個好唔錯嘅選擇！
繼續閱讀
豐業大廈我嚟過好多次，但通常都係食中菜多，之前發現呢間Cuisine Culture，今次就過嚟探店！店舖裝修簡潔，舒適；有別於高級法國菜，呢度感覺更casual。今日嗌咗5道菜，而且晚市house wine、啤酒、汽水做緊買一送一優惠⋯為配合法國菜，就嗌咗2杯白酒⋯焗法式地道古也芝士洋蔥湯味道濃郁，洋蔥蕉糖化使洋蔥原來嘅味道更濃郁，更香甜！配上古也芝士同芝士法包，軟腍、咸香加上拉絲嘅芝士，令整個口感、味道更有層次⋯焦糖鵝肝醬配法包本身我好鍾意鵝肝醬配法包，焦糖鵝肝醬真係第一次試！脆脆焦糖下嘅鵝肝醬口感細膩、醇厚，配上果jam，中和咗鵝肝醬油膩嘅感覺，食落更清新，推介！慢火煮紅酒和牛面肉配法包牛面肉煮到軟腍，牛味香濃，肉質嫩滑，骨膠原非常豐富！食落軟腍，而且有口感，唔錯！法包蘸上紅酒汁嚟食，味道亦唔錯。日本鮮帶子檸檬汁初榨橄欖油意粉呢道菜比較清新，帶子鮮甜，口感細嫩⋯意粉口感煙韌彈牙，配上香草汁，味道都已經好好⋯但由於係檸檬汁意粉嘅關係，就略嫌缺少檸檬清新舒爽嘅感覺，但整體都係好味的！朱古力心太軟雪糕朱古力味道濃郁，熱熱嘅朱古力漿再配上冰凍嘅雪糕，感覺一流！House Wine白酒味道較為fruity，果香濃郁，清新易入口。整體體驗唔錯，下次再過嚟試吓其他菜式先⋯最後，要讚一下餐廳嘅服務，侍應一切以客人為先，主動斟水、收碟，令整個用餐感覺非常滿意！
繼續閱讀
星期六的中環，依然是热闹非凡，人流如鲫，打風的日子吃了兩日快餐， Honey話要補番下，食番餐正嘅。出了中環地铁口D，向右行，过了马路，走到德己立街，跟開飯網按圖索驥來到一家樓上法國餐廳，小小的餐廳門口 ，有點懷舊又有點書卷味，餐廳柔和的燈光給人舒服的感覺，店员招呼我们坐下，让我们看菜单，并向我们介绍餐酒喝啤酒是买一送一，还是先填饱肚子再说。第一道菜法式洋葱汤，濃濃的湯熱得喝不下嘴，一片厚厚的法包在湯裡，為的就是讓你慢慢喝，不要燙到嘴，🤪細細品嘗洋蔥的甜美，芝士的濃香。第二道菜焗火腿牛骨髓配法包，一根大大的牛骨，中间满满的骨髓，表面铺了烤香的鹹火腿。配上四片法包，彩色的小番茄和沙律菜。把骨髓涂在面包上，軟糯香脆混合，全新體驗。🥳🥳第三道菜法式地道鴨腿配鴨油煎薯仔，🥔🥔🦆🦆一隻大鴨腿，煎得香脆，配上鴨油煎的薯仔，鴨的香味撲鼻，是法式菜鴨子的上品。😘😘第四道菜日本鮮帶子檸檬汁初榨橄欖油意粉，🍋🦪用鮮蒜片羅勒檸檬汁煮得依韌的意粉，四粒巨型帶子發出海鮮的誘惑香味，吃在嘴裡是巨大的滿足感。😋😋第五道菜酥皮萍果批配雪糕，法國🇫🇷菜不可少的甜品來了，這絕對是甜品中的極品，酥皮萍果鬆脆香甜，果仁雪糕奶香濃郁，碟子上用糖漿畫了花樹和飛鳥🐦，美得不可一世，這享受可是很多次方🥰🥰。
繼續閱讀
隱藏喺中環嘅舊式大廈，估唔到有一間法式餐廳，而且有唔少人幫襯，有唔少捧場客，所以就黎試下佢咩質素啦。焗法式道古也起司洋蔥湯新鮮焗起嘅洋蔥湯非常熱，入面仲有塊索滿湯嘅包。湯入面有好多洋蔥，飲落去洋蔥嘅甜味十足，非常足料，而且芝士拉絲充滿鹹香，味道豐富。法式焗蝸牛蝸牛望落幾大粒，食落蝸牛彈牙，個sauce調味得剛好，薯蓉好滑好香牛油味。法式地道鴨腿配鴨油煎薯仔鴨腿好大隻，個皮望落金黃色，食落好香脆，咬落好有鴨油香，鴨腿肉質好軟嫩。薯仔身為配角亦都煎得好香。香蒜牛肝菌意粉整個意粉食落充滿蒜香，食得出加咗好多蒜落去炒，牛肝菌份量都好多，索滿蒜油，有滿滿嘅蒜味，意粉軟硬適中，係我喜歡嘅硬度。酥皮蘋果批配雪糕酥皮焗到好香脆，再加上酸酸甜甜嘅蘋果片，加埋邪惡之最嘅雪糕，為今餐畫上完美句號。
繼續閱讀
蘭桂坊附近其實好多樓上餐廳嘅選擇，個人覺得一般嘅法國餐廳定價都偏高，今次就嚟食呢間Celebration vibe少少但價錢唔會令人卻步嘅法國餐廳🍴餐廳唔算好大間，所以服務質素都幾好，加上食物質素真心唔錯，整體性價比好高！好難expect中環呢個價錢會有咁好質素🤙🏻thats why 我會覺得係中環嘅hidden gems!! 另外酒水依家做緊優惠，如果大家想揾有少少情調又有人情味，而且食物同服務都好嘅餐廳，不妨試吓呢間🥂✨龍蝦湯 $92食法國菜必備嘅足料龍蝦湯，唔算係最濃澀嗰種，飲落恰到好處，而且龍蝦味非常香濃！個人覺得好值得一試！✨無花果合桃沙律 $138Dressing嘅味道有啲似黑醋蜜糖，配搭得好健康嘅開胃沙律✨香草燒黑毛豬鞍格配焗薯 $236😋真心覺得好高質嘅黑毛豬！煎到外皮有少少香脆，但完全鎖住肉汁，咬落非常Juicy，足見大廚嘅功架👍🏻焗薯粒應該有煎過，好香而且焗得好腍✨日本鮮帶子檸檬汁初榨橄欖油意粉 $198四粒大大粒嘅日本鮮帶子😋橄欖油同檸檬汁嘅配搭適中，個人比較少食多汁嘅意粉，但今次呢個濕口得嚟唔會膩，而且檸檬汁嘅酸有蕃茄仔嘅甜去平衡😋👍🏻無論係食材同埋味道都係一流！✨是日甜品—水果拿破崙 $88👀有驚喜嘅自家製拿破崙💯好酥脆，而且好重牛油嘅香味！另外一個好加分嘅位係吉士嘅份量啱啱好，而且唔會好膩😋係一個食完都覺得冇負擔嘅飯後甜品
繼續閱讀