Curry Boy

營業中

休息中

今日同事話嚟呢間事食晏，試吓佢個咖喱聽聞呢間咖喱呢排好出名行過都好多人食同等緊位今日我哋大約12:30到等10分鐘到就入到座我叫咗佢個黑啤咖喱牛肋肉佢呢度做熟成牛油咖喱老實講，我都唔係好識以前食開深水埗咖喱，好多洋蔥嗰隻我都覺得好好食今次試佢個黑啤咖喱牛肋肉係幾濃味嘅都有浸牛油香午餐嚟講，每位大約$100我覺得牛肉算少咗啲大約好似得八粒左右，唔算大粒如果經過開唔使等位，都可以試吓嘅不過如果特登過嚟又要排隊，我就覺得一般啦

小編平時好少過嚟大圍呢邊，今次咁啱經過記得有一間咖喱店Curry Boy一直好想試吓，就特登過到嚟。附近嘅店舖都好舊式，唯獨呢間嘅咖喱店有種日式嘅vibe，都幾特別。呢度以熟成牛油咖哩作主打，餐廳講法所謂熟成係指咖哩煮完會擺係度12-24小時，等所有嘢融為一體。不過都有啲評論喺度爭拗呢種方式到底係咪熟成。小編就撇開呢樣嘢唔講，純粹講吓佢個味道啱唔啱口味。黑毛豬肉餅（$98）+薄餅（+$12）佢嘅擺盤盤有心思，味道上確係幾特別，味道甜甜哋，帶有果酸味，之後會有輕微辣味，香料味亦幾突出，幾有層次。可能因為用得多蔬果，質地介乎汁同醬中間，食到少少蔬菜煮到爛晒嗰種質地。不過佢嘅酸味都比想像中重，好唔好食，真係好視乎你接唔接受到。小編就接受到，但唔係特別鍾意。小編加配薄餅，薄餅煎得幾香脆，有少少燶位，薄餅帶油香，配埋佢酸酸地嘅咖喱汁都幾夾。豬肉餅兩邊香脆，肉質有少少彈性，肥瘦適中，幾香口。整體佢嘅咖喱係幾唔同，但未至於好特別一定要特登去試吓嗰種，而且定價偏貴，份量唔多。味道：7.8/10抵食：7.6/10環境：7.7/10服務：7.6/10Curry Boy (大圍)大圍積運街2-8號海福花園商

「咖哩系一門學問，根據味道性質而劃分出吾同流派」咖哩，之前就同大家介紹過元朗天龍咖哩、重廈大廈正宗印度咖哩，而小編今次就帶大家黎到大圍，同大家介紹一間隱世心機咖哩店 一 CurryBoy @curryboyhkCurryBoy自家奶油咖哩加入27種香料調製，再加以熟成處理而成，絕對系心機之作。🌟黑啤牛肋咖哩飯 $108牛肋軟腍入味，奶油咖哩質地醇厚，味道香中帶辣，同時食得出吾同既香料堆叠出層次感🤤👍🏻👍🏻太陽蛋+$10🌟薄餅 $28口感略帶酥脆，最岩用黎配咖哩🤤👍🏻👍🏻🌟霹靂雞軟骨 $38粒粒都炸得金黃酥脆🤤👍🏻📍Curry Boy地址：大圍海福花園商場地下22號舖

Curry Boy@大圍🪡大圍積運街2-8號海福花園商場地下22號舖💰$80-$120難得嚟到大圍當然想揾返啲隱世美食，Curry Boy一聽嗰名覺得好得意，店舖位置有啲隱蔽，要啲時間揾下，不過店舖裝修好有個人風格。雖然店舖位置唔多，但感覺上好似日式家庭風格，feel good。🍛鼠尾草烤飯咖喱飯餐廳採用27種以上調味料調整已成既咖喱汁，咖喱汁濃郁香醇，配合埋鼠尾草既清香，好有Fusion菜式感覺，烤雞份量好足，mix埋一齊食好滿足，記住一定要加太陽蛋 🥚 ~餐廳主打四款咖喱飯，黑啤牛肋肉/黑毛豬肉餅/味噌燒茄子，本身想try豬肉餅，不過咁啱餐廳準備試新menu，所以話之後會有更多特色口味，大家可以期待下❤️❤️

Curry Boy (大圍)評分：🌝🌝🌗🌑🌑店家以熟成咖哩作招徠，老實講真係唔知咖哩點「熟成」，睇餐廳既「訪問」話咖哩煮完會擺係度12小時，所以就係熟成。擺係度就係熟成的話，我打包外賣返黎夜晚先食係咪都可以話熟成了幾個小時？而且就算肉類，都無聽過熟成12小時咁少。之後見到好多「食評」都用呢個concept黎sell又讚呢間野，我覺得好突兀。另外餐廳有點隔涉，係份量好少而且味道算不上特別出色之下，收費偏高。日式咖喱強烈建議去食坐忘。🆗黑毛豬肉餅 ($98): 咖哩不屬於任何一種傳統咖哩菜系。味道好甜，帶有酸味，辣度適中，仲有各種香料，但可惜組合起來感覺怪怪。質地偏稀。豬肉餅外脆內鬆。白飯唔知點解要壓到咁扁，想看起來多一點？但犧牲了飯既鬆軟度。整體份量太少，我食量唔大都係剛剛去到唔餓既界線。而且呢個地點呢個價錢性價比不高。🆗黑啤牛肋肉 ($108): 牛肉幾淋，味道ok。環境🖼️：小店有8個室內座位。因為係open kitchen，覺得冷氣不足。裝修偏型格風。走時候先發現原來地上濕了一片，整濕了我條長裙。服務🧍🏻：不止裝修，連員工都係走型格路線，一打開門入去見到得8個座位但有4-5個員工在

上網睇咗啲Foodie介紹，咩驚世，咩隱世小店，以為咖喱會好好食，個價錢又貴，成90幾蚊一碟，仲要唔包嘢飲喎，個心梗係有啲期待。個餐一上到，賣相係OK嘅，一食落肚，個咖喱係好多香料味，但係個味道古靈精怪，完全唔似咖喱，小小都唔夾，個味就好似啱啱行過嚟食燒賣嘅辣汁咁樣，成個飯都冇食晒，食完滯住滯住成日咁，大圍咁多好嘢食，真係浪費咗一日嘅quota。總之一句講晒，以後都係唔好信晒Foodie，沒有下次。

咖哩食得出有心機煮，味道食落會有啲辣，同埋咖哩偏酸。整體係幾好味。不過價錢就係有啲貴齋一個飯$98唔包野飲，雖然好食但係未必回頭。環境都算乾淨，唔係好差好污糟。但店面有啲細，店內大約只可以做到8位客人生意。

位於新界大圍的Curry Boy是由幾位年輕人開的, 並沒有任何的印度師傅, 但吃起來的咖喱在香港來說數一數二的出色, 只因他們用心製作, 咖喱沒有椰奶味, 香料味夠濃特別強調香草的味道, 質感夠濃稠, 但是吃得出中間的蔬果碎而又沒有出水, 這些就是烹調時間的控制, 要在最後階段才將蔬菜加進咖喱之中, 防止過分的出水令其質感變得浠薄. 辣勁在喉嚨底慢慢滲出, 味道層次豐富, 雖然說自己是Buttermilk Curry, 但沒有被弄得太甜太滑.配菜選擇不多, 但全都有心思, 牛肋肉用了黑啤等醃製數小時, 肉香甘香和咖喱香, 結合起來相當惹味, 更重要是口感更為軟腍, 同時間也有肉汁, 如果份量再多一點就完美. 煎豬肉餅兩大塊顯得更為超值, 用上黑毛豬製作, 煎起來兩邊香脆, 內裏剛剛熟, 肉汁豐富不在話下, 最重要是口感不會太過死實, 但又不會一咬即散, 你說是高質素的漢堡扒也有人相信. 小食以燒物和炸物為主, 後者附上的蛋黃醬也不錯, 但個人還是覺得將其伴在咖喱醬更惹味.

Um… 見咁多人推 一直好期待尋晚食完之後覺得真係試下就好 唔會再嚟叫咗兩個咖哩飯，其中一個+$12轉薄餅，仲叫咗炸魚。想試個芝士蛋糕，但已賣晒。一落枱，咖哩係打卡able嘅，好上鏡。個咖哩好重香料味，但調得完全唔夾有人話好食嘅，just not my favour 咖哩一個係豬 一個係雞，肉都好嚡炸魚gg X( 唔會再幫襯

旅行雖是結束了，但回到香港，卻只有我一人啊。原因沒什麼的，只是我只有一星期的假期，而太太及小孩們就多留幾星期，目的的探親嘛。亦因為這樣，接下來的幾星期，我多了出外一人用膳。我首先看中的，是這一間位於大圍的《Curry Boy》。選食 Curry 的原因，就是，我真係好想食咖喱。餐廳不大，來到雖然沒什麼人，但也是 full house。另外，本來餐廳有幾張半露天的 bar 檯位。但當日下大雨，店方應該不會建議食客住店外。當然也不會有人願意在大雨下坐在外面啦。入到店內，我其實也是被安排坐在吧檯。對著開放式廚房飲食，感覺就是一間日式的咖喱屋。之不過，我聞到的咖喱香味又唔係幾似日本，反而像南亞式的咖喱。翻開 Menu，發現食物的配搭，又帶有少少南洋的風味。所以，這又是日式，又是東南亞式，又是印巴式，是三地咖喱的合成品。後來，我看到此店的宣傳，說這是他們自創的咖喱口味，並不屬於任何一國菜式。我點的是黑啤牛肋肉熟成牛油咖喱。看起來，似是南洋咖喱，擺盤，就似日式的咖喱飯。而熟成牛油咖喱的口味，食落有點似南亞式的 Korma。是一個充滿了香味，會令你吃到成日都是奶油香的咖喱汁底。再加上用黑啤醃過的牛肋

之前有鄰居介紹過試呢一間咖喱店，話啲咖喱好粉咁咁另一個鄰居就話不如出去試。店舖唔算大，門外排排坐等位。入去之前見到佢有職員喺度𢳂緊飯，見佢壓扁啲飯壓到實一實，感覺唔係咁好，好似啲飯實的的咁。叫咗個煎肉餅，外脆裏面有夠多肉汁係幾好食，不過個咖喱就同我想像中有少少分別，偏重果味唔辣帶甜。個多士就燶咗少少可以多番少少蒜蓉味會更加開心。個炸雞好出色個漿粉做得好薄。裏便啲肉汁都鎖得住。鄰居話俾我試吓啲牛肋條，但係啱啱自己煮完牛肋條，就唔係好想食住，留返下次先再叫。不過就試咗嗰個牛肋條嘅湯咖喱汁，我就應該用咗炆完牛肋條啲汁去煮，後尾濃郁但係啲咖喱都係唔辣嘅。有舊同學勁推介個茄子，有機會要試埋佢。

首先、見到第一位留負評嗰位師兄/師姐嘅內容清晰地列出種種問題、我個人覺得幾中要害。因為正正反映出一般香港餐飲業經常發生嘅問題。好彩、自己是次用餐體驗就只係發生咗透明碟多手指模呢個問題、我都唔中意壓扁啲飯但問題不算大。（註：我餐無+①）講返Curry Boy～唔知點解好似人氣唔低、第一次去係等位放棄咗。但門口香氣十足、未試其味先聞其氣確係吸引到客、店名簡單直接。呢度嘅咖喱偏日式水果系風格多、因為得一款咖喱只係配唔同嘅餸、但味道亦有少少印度香料風格、不過有種甜味打底始終令我覺得日本風格佔多啲。【 鼠尾草烤雞 】+ 蛋第一口感係有少少特別嘅、因為唔似一般日本咖喱、因為多番啲香料、而且算夠杰身。日本咖喱（非金沢）+ Chicken Makhani 味道。個人覺得 60% JAPAN + 40% INDIA？叫咗加辣但對我冇料到。菜式屬於咖喱汁還咖喱汁、餸還餸。因為例如叫咗烤雞、係另外煎煮冇溶入咖喱入面合而為一。價錢唔係話超貴但唔算抵、份量男仕可能未必夠、好快食哂、格硬加隻蛋、其他小食加埋就唔抵食。但杯飲品幾大杯唔錯、又用凍杯。Encore 指數五五波～不過基於大膽係香港開設咖喱為主嘅餐廳、其實

上網睇到又話咩過江龍又咩日本店，試完一次真係永遠唔信廣告，入到餐廳已經無人食，幾個職員只係掛住傾計，出去食煙，入到去坐在垃圾桶旁邊，有沒有衛生常識？咁得閒傾計食煙都唔會理下d野，叫左個咖喱牛肋肉飯，份量小得可憐，食完都唔會覺得飽，收費90，兩啖食哂仲要唔係話好食，根本都唔知咩咖哩，古靈精怪，食左個空虛落個肚浪費我個胃，全部職員都係掛住傾計食煙，返到屋企仲有d搞肚痛，衛生又無，食物質素又無，服務又無，真係不知所謂，祝早日收檔

今次我同朋友決定去一間新開嘅餐廳，聽聞佢哋嘅熟成牛油咖哩飯好出名，於是就迫不及待想試下！🍽️✨ 餐廳嘅環境好舒服，燈光柔和，讓人一入到去就覺得心情愉快！💖整體嚟講，今次嘅用餐體驗真係非常滿意！🎉🍴 餐廳嘅環境、服務同埋食物質素都一級棒，絕對值得一試！👍🏻🤗 嚟緊我一定會再返來，繼續探險更多美味！🍽️❤️如果你都鍾意食好嘢，記得去試下呢間餐廳，保證你會愛上！🎊🥳 食完之後，我哋都話下次再來，仲可以試多啲其他菜式，真係太好玩！🤩✨ 期待下次再見！🌈💫

之前成日見到好多人排，今日見到無人終於可以試到啦，結果不能有太大期望。1. 定價高，一碟咖喱飯平均要90 蚊起跳，一碟牛肋肉咖喱飯要過100但得7-8粒Cube size2. 豬肉餅無味，雖然佢新鮮熱辣煎起，但食落口完全無味3. 飯，咖喱都係微溫，完全唔熱，上枱都唔見有熱汽，全靠塊豬肉先至覺得食緊熱野4. 要對住垃圾桶食5. 咖喱中規中矩，唔會食完覺得驚為天人，非食不可，食一次就好夠希望佢地會有改善，起碼d野要夠熱先，另外餐廳衛生設計都緊要