Darci by Aldou (已結業)

當天慶祝朋友生日，生日安排好，經OpenRice訂座，可以有生蠔拼盤送。每樣食物份量味道都好好，環境舒服，唔會太迫，價錢都好合理。好適合同朋友或者家人一齊慶祝節日同生日。

同朋友系yoho行完街，就系附近搵野食，系門口望到餐牌幾吸引，就決定入去店內比較細，枱與枱之間窄，坐系櫈上感覺同後面枱背脊貼背脊😓我哋點咗份all day breakfast、肉眼扒&無花果牛油果smoothie，all day breakfast 驚人嘅好味，無論系邊一part都配合得好好👍🏼份量味道都好滿意！而肉眼扒相比系份all day breakfast就大跌眼鏡，叫咗5成熟，肉質好韌，醬汁配搭都好一般😥無花果牛油果smoothie就一般，牛油果味偏淡，但份量十足。

元朗係好多好味既餐廳和小食店，這次在元朗尋找一個寧靜的地方。餐廳給我一種在外國餐廳的感覺，看到餐廳有室外的座位，仲可以戴埋狗狗🐶一齊ENJOY😎🔸香煎帆立貝忌廉芝士飯 $78黎到既時聞到好香的氣味，忌廉芝士煮得好CREAMY，意大利飯不會太硬，是很合適既口感，帆立貝有2粒，好鮮甜！🔸香燒薄牛扒配沙律薯條 $88薄牛扒煎得都有粉嫩既效果，已經切晒一片片，好多塊啊~食落一啲都唔乾身，面頭仲有啲蒜片。啲薯條🍟炸得好香好脆！而沙律就係沙律菜配黑醋，仲有羽衣甘藍係入面😍另外我地叫左2杯SPECIAL DRINKS，跟LUNCH SET叫既特別飲品係半價！🔸FIG & AVOCADO SMOOTHIE無花果牛油沙冰 薄荷葉🌿和檸檬乾🍋作裝飾，飲落去每一啖都係濃濃嘅牛油果味，但飲唔出無花果既味，不過都覺得都好好飲💛🔸BLUEBERRY &STRAWBERRY YOGURT SMOOTHIE藍苺士多啤梨乳酪沙冰用左藍苺丶士多啤梨🍓同乳酪打成既SMOOTHIE，賣相都有100分！飲落都好足料🤤

🍔🍟烤雞肉菠蘿芝士漢堡配薯條Burger好大個 薯條都好多菠蘿同雞肉呢個配搭係冇得輸菠蘿好鮮甜 不過雞扒就燶左啲啲連個包都好食 仲脆脆地粗薯條唔係求其比幾條就算 份量多到食唔曬🍹跟餐會有野飲 可以檸檬茶或者普通熱茶menu其他飲品半價我地叫檸檬茶少甜少冰 點知檸檬都少杯野飲少少暖暖地-💭本身想去個間太多人 係附近行下就發現呢間雖然佢仲有一個鐘落場 都趕得切last order價格合理 員工都幾nice👍🏻

元朗比較少有浪漫雅致的西餐廳，這日與老友聚會，她介紹到 Darci by Aldou 一齊食個 lunch，喜歡吃西餐的我，當然想品嚐下這裡的牛扒啦！餐廳門口設有個戶外餐桌，進入室內裝修雅致，感覺帶有浪漫氣氛，環境清幽，地方潔淨，好舒適，令人心情好放鬆！餐牌上的 Lunch Set 有9款選擇，不同種類的食物，有牛扒、魚、豬扒、意粉、漢堡、全日早餐等，每款都好吸引。All day breakfast  全日早餐    $118好豐富的全日早餐，包括有煙三文魚水煮蛋鬆餅、煙肉、鮮果及沙律菜、脆薯餅、豬肉腸、茄汁焗豆，食材好新鮮，而且煎得香脆可口，她最喜歡就是吃多元化食物，感覺不單調，吃了真的大滿足呢！香燒薄牛扒配沙律薯條    $88滿滿的薯條盛載住煎得香口的牛扒，牛扒沒有想像中薄，牛味濃郁，肉質鮮嫩，可口有肉汁，加上薯條非常香脆，薯味濃，而另一邊是沙律菜，翠綠鮮爽，這個餐配備3款醬，分別有芥末、燒汁、茄汁，沾上不同食物，層次度提升，美味的午餐，令人回味無窮。這兩個午餐都選了凍檸檬茶，紅茶清徹，淡淡茶味香，冰冰涼涼，檸檬新鮮，清香好飲。

首先一定要講一句，真係好難食！唔敢相信咁難食！！行過見到佢個樣靚靚囝囝，環境好似唔差，諗住啲嘢食唔會難食得去邊。。。點知只能夠講一句少年你太年輕啦！！入到去坐低叫咗一個泰式香葉肉碎飯同一個紅酒會牛肉飯。吖！唔係。。應該話係叫咗個福建肉碎飯同羅宋湯牛肉飯。。前者到咗先，然後等咗好耐後者先至到。個福建飯賣相一般仲要用咗世界級難食嘅青豆啊！！呢樣嘢都算數，佢啲肉碎淡而無味又乾又鞋！最緊要係個飯濕過我阿媽，個碗底直情出晒水。。。然後到個羅宋湯牛肉飯，佢真係同佢個名一樣，純粹係加咗啲羅宋湯同幾嚿垃圾牛落過飯。。啲牛肉又要冇味，全部都係根！埋單要成$186，但質素差過屋企自己煮好多。貼錢買難受！應該話你貼錢請我都唔識！！

跟朋友補祝生日，揀左哩間餐廳!要朋友山長水遠由觀塘入黎元朗..唔好食我都唔知點算～但好彩..冇中伏..愉快～～～雖然環境有點迫..但食物食到了誠意😊除左甜品有止少失望之外，其他都好好食， 松露忌廉湯，好好飲！all day breakfast 可以兩人share 的份量！帶子南瓜飯也不錯！滿意的一頓生日飯

難得放假想同朋友去撐下枱腳吹下水，揀咗間位於元朗嘅一間cafe小店，雖然位置有啲隱蔽但係裝修夠明亮同小清新好似漆黑中嘅螢火蟲 第一眼就非常吸引食肉獸嘅我叫咗個7成熟肉眼扒，肉眼扒肉質軟嫩 咬落非常juicy肉味頗濃 加埋gravy食真係一流仲配埋細沙律同脆薯條份量又大又滿足冬陰公蟹肉risotto 依個好推介！啲飯粒吸曬醬汁 粒粒飽滿唔會太軟身有咬口蟹肉好足料啖啖肉 份量多到鋪滿個飯面再加上冬陰公辣辣地又酸酸地嘅風味令成個飯昇華咗另一個level醬燒帆立貝 夠足料好多芝士同蟹籽係面 帆立貝食落夠軟滑青檸薄荷梳打酸酸地解膩一流 最緊要好fresh

All day breakfast 🍳🥗🥓全日早餐 $118Smoked salmon egg benefit, bacon, fruit salad, hash browns, sausage and baked beans 🤤個半熟蛋好好味，咬穿左之後啲汁滲哂人麵包同煙三文魚個好入味。薯餅炸到唔係太窿，脆得黎唔太油❤️ 個沙律好新鮮，配埋個好甜嘅哈密瓜好滿足Black truffle mushroom soup 🍄 黑松露野菌湯 $38Such an impressive soup, with creamy black truffle and loads of mushrooms熱辣辣嘅野菌湯有好多蘑菇粒，濃郁得黎又好重黑松露味，值得推介Mocha ☕️ 朱古力咖啡 $42Made of homemade hot cocoa mix and coffee bean, with pretty latte art heart 咖啡整體來講唔太甜，唔使落糖個味道都啱啱好，我拉花仲好啱打卡添Mango and coconut milk mousse 🥭 芒果奶凍 $52Fresh mango,

話咁快再黎呢度食😆 因係真係以味道同價錢黎講係好抵食 都係要book檯既 今日要試第二樣野 小食有我鍾意食日薯格💁🏼‍♀️熱溶芝士薯格上檯個下有d surprise 個賣相都贏哂 望落都想食 佢個芝士好香呀 但竟然唔膩 熱辣辣好好食 佢份量其實岩岩好 但都係唔夠喉羊西冷配薄荷芝士醬老實講我係第一次食羊西冷 西冷比我既感覺係好硬身 鞋烚烚 但呢個係軟滑架！同埋佢配個芝士醬 原來一d都唔會好膩 而且好香 同埋佢賣相真係好好 再順帶一提 因為有大肚婆係度 佢煮得有少少生 叫佢再煮 都無問題 同埋再煮都唔會鞋架😆 仲要個擺盤都仲係好靚 太好了 所以大肚婆最後都食得！要讚👍🏼泰式冬蔭公燒雞菠蘿意大利飯呢個係泰式西食 味道好特別 酸甜香口 少少辣 有驚喜！仲要好creamy 雞又煎得香滑👍🏼真心推介！

第一次食呢間 位於元朗既西餐廳 呢排去元朗都係搵食 估唔到俾我哋搵到呢間餐廳 要預先上網book枱因為walk in 係唔會有位香煎北海道帶子墨魚汁意大利飯咸左少少 但好香好香 足料 唔係就咁整d醬落去 無咁咸就好蜜糖燒豬手配燒菠蘿呢個配搭好特別 老公好鍾意食 燒豬手唔係脆皮 而係軟身個種 配燒菠蘿令到成件事冇咁膩青檸蜜糖珍寶雞翼呢個一般般 珍寶雞翼唔珍寶 但配青檸幾夾 清新👍🏼辣肉腸煮藍青口辣肉腸同藍青口唔夾嘅 青口不過不失 勝在熱辣辣 眼闊肚窄😂 份量太多 食到好飽 下次都係叫一個小食算 可以再黎！

上星期日跟朋友約會下午茶聚一聚，來到元朗雞地的小店，間間都好旺，最後到了這間Darci，店內環境也不錯，入店要先量體溫，枱與枱有膠板隔開。我們點了兩個花茶，一個意粉，炸薯條及青檸蜜糖雞翼。炸薯條香脆，雞翼蜜味重夠juicy、意粉多料香辣美味。花茶大壺好味。

今日陪家人去元朗睇完眼科醫生，見到人氣唔錯及環境好似幾舒適，諗住食餐好.點知好失望，叫咗一份紅酒燴牛肋飯同香茅豬扒漢堡，嗰份紅酒會牛肋飯口感同味道有啲似羅宋湯感覺偏酸，而最離譜是香茅豬扒漢堡，個豬扒完全是煎到燶晒，好唔健康叫人點食🤦🏻‍♂️😓，中晒伏，食過一次下次唔敢再去食⋯人哋話一分錢一分貨，但係你比一分錢。但出到黎竟然貨不對辦⋯好失望！屋企人話都好吾滿意。人氣分數都唔知點評出嚟☹️中伏。

自從肥妹仔做咗屯門牛之後，元朗已經變咗肥妹仔其中一個搵食嘅好地方。今晚肥妹仔就去咗元朗國其中一間西餐廳到食晚餐。白汁煮青口原諒肥妹仔呢一張相影得有啲手震，因為實在太肚餓。上到嚟超香，肥妹仔嗱嗱臨影完就食唔切。青口肉汁飽滿，白汁味超級香濃，攞嚟點長法包一流。松露闊條麵呢一個闊條麵係全晚嘅高潮！佢嘅闊條麵係手工做，食落去好香蛋黃味！而且松露醬超級香濃，每一條麵都掛上濃厚嘅松露醬，連唔係好鍾意食松露嘅肥爸都讚不絕口。澳洲肉眼扒呢一份係專程要比肥爸食嘅，佢嘅肉眼扒質素唔錯，但肥妹仔略嫌有好多筋，咬落去少小難咀嚼一如果少啲筋就好多。羊架其實羊架呢如果正正常常都好好食嘅嘢。呢一間西餐廳嘅羊架真係唔錯，唔會煮得太熟，咬落去好香濃，有少少羊騷味。帶子白汁燉飯肥媽同肥妹仔啲碳水化合物狂人叫嘅，燉飯軟硬適中。

元朗不嬲出名多小店，今次係OpenRice見到呢一間好排名top嘅西餐廳，見到啲菜式又幾吸引，決定一試！小店走小文青風，裝修簡簡單單，都幾舒服。餐牌，選擇都唔少，想食嘅都會有！因為今次同朋友只係得兩個人，所以叫咗一個小食、一個飯、同埋一個主菜。小食 青檸蜜糖雞翼配番薯條，小店即叫即做，雞翼想夾都係熱辣辣，係好香嘅蜜糖味，肉質滑溜，可以自己再加啲青檸汁。另外番薯條都趣卜卜，比想像中大碟足料，幾抵食！而麵飯我哋就揀咗呢一個 蟹肉冬陰功烤菠蘿意大利飯。因為一聽個名就好特別，第一次食Fusion嘅意大利飯😍😍真係超足料啊！係滿滿嘅蟹肉同埋蟹子，真係多到每一啖飯你都會食到蟹肉，好滿足！冬陰功味亦做得非常突出，超夾！另外中間仲會有啲烤菠蘿粒，酸酸地咁，好開胃！而意大利飯煮得都好有水準，口感粒粒分明而唔硬身👍🏻😋😋推介推介主菜 香煎加拿大豬鞍架配焦糖蘋果 呢個又係一個水準之作，首先擺碟都好有心思，同埋呢一個主菜都好足料，唔係淨係得肉食，下面係滿滿嘅薯蓉，側邊仲有粟米同雜菜。切開豬鞍扒，肉汁係必晒出嚟，一啲都唔鞋口，好驚喜，必推介喺佢隔離嗰個汁，唔係普通嘅燒汁，而係青蘋果燒汁，食落酸酸甜甜清新得黎又惹