影片
營業時間
今日營業
11:30 - 21:30
星期一至日
11:30 - 21:30
*每天營業直至120碗售罄
以上資料只供參考, 請與餐廳確認詳情
相關文章
呢間位於斜路嘅低調日式拉麵小店，主打鯛魚湯底。店舖雖然細細，但環境乾淨企理，好有日本街頭拉麵小店嘅氛圍。侍應都好有禮貌，門口會先幫你按機落單，跟住就會帶你入座 ~○ 鯛 白 湯 // $138湯底用真鯛魚加上各種貝類足足熬煮 8 小時，真係濃郁到癲 ꒰,,꒪ ᐞ ꒪,,꒱第一啖飲落去，鮮甜鯛魚味即刻爆發，再慢慢滲出鹹香，層次感十足，完全唔腥 ꒰๑ ᷄ ω ᷅ ꒱店家特別提醒，要 1 分鐘內影完相，費事湯底凍咗。如果覺得湯頭太濃嘅話，可以加少少碗邊嘅柚子醬，中和濃度，味道又更加豐富 .ᐟ.ᐟ加埋鯛魚碎、洋蔥粒、七味粉一齊食，又係另一番風仲有配合店名切成 ○▽ 形狀嘅醃蘿蔔，可以清清味蕾○ 櫻 木 煙 燻 糖 芯 蛋 // $15採用日本產雞蛋以櫻木煙燻，充滿香氣 ( ꈍ ᴗ ꈍ )○ 炸 鯛 魚 皮 // $48清脆爽口，浸一浸湯再食，更顯鮮味。絕對係必點小食 (⁎⁍̴̛ ᴗ ⁍̴̛⁎)薄薄一片脆卜卜，鮮香又過癮。建議輕輕浸一浸湯再食，鮮味再提升咗幾倍 .ᐟ.ᐟ記住 𖤐 ˊ˗ 每日限量 120 碗，賣完就收舖，想食就記得早啲去排隊啦 ~ ꒰ ´ ꒳ ` ꒱真心推薦畀所有拉麵控 ♡ ♡ꕀ
繼續閱讀
最近我啱啱返咗日本旅行，心裏面仲有啲拉麵嘅味道，於是決定試下鯛清湯拉面。食落去，湯底清淡又鮮，鯛魚味道幾濃，唔會油膩，啱啱好。拉面的麵條彈牙，配上海苔同葱花，味道都幾好。最近工作忙，成日趕進度，食完呢碗拉麵，心情輕鬆咗少少，似乎可以回味下旅行嘅感覺。餐廳環境幾靜，坐喺度都幾舒服，讓人可以放鬆一下。總之，鯛清湯拉面係個好選擇，幫我重拾啲旅行回憶。食完呢碗拉麵，我決定都係努力繼續工作，賺吓啲旅費快啲再返鄉下食好啲
繼續閱讀
中環呢間○de▽ 鯛白湯らーめん，真係魚湯控天堂！鋪頭細細日式木系風，有2張枱方枱，另外10個左右面對開放式廚房嘅卡位，可以睇住chef點樣變魔術咁煮麵，熱煙滾滾超有劇場感✨ 必試兩寶： 1️⃣「鯛白湯」：奶白色湯頭啖啖魚鮮攻鼻，碗邊嗰pat柚子泥好心機，嗦完濃湯刮一啖，即刻balance返！最過癮係湯麵鋪滿綿密泡泡，飲落似魚湯cappuccino～ 2️⃣「鯛沾麵」：上台自帶仙氣！乾冰嘩一聲飄出嚟，手機食先mode自動啓動🍜 麵條似刀削麵嘅曲寬版，掛汁力MAX！但濃湯真係咸到癲，建議蘸半碗就好，重口味勇士請隨意。 天後同中環都有分店，飯鐘肯定排隊，早啲黎食啦！
繼續閱讀
介紹返💁🏻♀️。。🇯🇵 拉麵 在中環 🇯🇵。○de▽ 鯛白湯らーめん。鴨巴甸街13號地舖。鯛白湯。HKD138炸鯛魚皮。HKD48🤫 老老實實..呢間鯛白湯其實喺香港都已經好出名..可能好多人都去排過隊食過..我今次都唔係話想要懶醒懶係發現新大陸咁樣特別推介啲乜嘢俾大家..而係想出返一篇發洩文😕同埋警惕吓世人..唔想受氣嘅話..諗清楚先好決定要唔要幫襯🤫 話說五月中後期某日..我一丁友去中環嗰邊參加一個下晝嘅Workshop..去之前梗係順便研究吓附近有冇啲咩餐廳被我遺忘咗喺我嘅美食小簿簿入邊..最後就決定幫襯呢間經常大排長龍嘅○de▽ 鯛白湯らーめん🍜🤫 我諗我當日係未到中午十二點去到拉麵舖門口排隊..可能假期嚟講算係時間尚早..所以等咗唔係太耐就有得入座..咁呢度嘅玩法係坐低叫嘢食即刻俾錢然後再等食嘅..呢個Flow我覺得唔係太大問題..全程都相安無事..咁我就叫咗個鯛白湯拉麵再加一份炸鯛魚皮🤫 話晒都係排長龍嘅拉麵店..拉麵師傅整嘢食嘅速度係異於常人嘅快..非常乾淨俐落..喺我飲咗兩啖水之後拉麵同埋魚皮都到齊可以開食~🤫 「鯛白湯拉麵」成個Presentation係幾靚仔嘅..白湯入口Creamy而且打到起晒泡泡咁樣相當之綿密..味道係鮮甜嘅～拉麵嘅軟硬程度都適中..配埋極之薄嘅一片煙燻豚肉仲有鯛魚肉末同洋蔥粒粒..整體味道非常唔錯..而且碗嘅旁邊有一抹應該係佢哋自家製嘅柚子醬..可以配搭成為更加清新嘅口味👍🏻🤫 另外小食方面我就要咗一份「炸鯛魚皮」..肢體形態上你絕對係睇到佢係一隻鯛魚嘅兩邊皮都俾晒你..非常之欣賞佢哋炸魚皮嘅炸粉好薄..脆口而且夠乾身..單純將魚皮放入口個味道已經好唔錯😌而更加有驚喜嘅係隨魚皮奉上嘅牡蠣油..呢個牡蠣油味道好香好鮮..油入邊好似有啲炸到乾晒脆晒嘅牡蠣粒粒..連埋炸鯛魚皮一齊放入口成個味道提升百倍💯成件事都係好好味嘅～🤫 但非常可惜嘅係..就算味道如何驚豔都冇辦法蓋過服務上邊嘅不妥當..簡直係令我感到一絲嘅錯愕..因為當我將拉麵食咗七八成之後..我放低咗筷子飲咗啖水順便吞服我需要食飯同時吞服嘅Supplement嘅時候..侍應姐姐喺冇預警嘅情況底下將我嘅拉麵碗拉走..係一句都冇問過面無表情咁樣將成個盤拉走..當其時我都嚇咗一嚇..然後即時反應係問佢發生咩事..而侍應姐姐本人係立即黑面兼且完全冇解釋發生緊咩事咁樣推翻隻碗俾我..然後行開咗😱全程係一粒聲都冇出過..我自己當下係有反思過成件事嘅來龍去脈..首先由我坐低直到我食完晒成碗拉麵真正走人夾埋都唔夠半個鐘頭..我唔明白只係食咗廿分鐘嘅情況底下..侍應姐姐係咪真係咁有必要趕客走呢..再者我當時碗拉麵入邊剩返晒我非常之欣賞嘅鯛魚肉末諗住留待最後一啖享受..拉麵亦都仲未見底..係咪真係放低筷子就已經代表Times Up嘅意思..可以完全唔使問一句㗎呢？🤫 所以總括最後..○de▽ 鯛白湯らーめん嘅拉麵同埋炸鯛魚皮都好好食..但係呢一種服務態度我不敢恭維..亦都唔會幫襯第二次。。翻兜指數：🙆🏻♀️ （5個🙆🏻♀️為翻兜爆燈）。。
繼續閱讀
○de▽ 的鯛白湯拉麵以濃郁的鯛魚湯底為特色，搭配貝類熬煮8小時，湯頭綿密帶泡沫感，魚味醇厚，但可能略帶腥味，適合喜愛海鮮風味的食客。麵條選用幼麵，口感彈牙，配料包括煎香的鯛魚碎、薄切叉燒及筍乾，碗邊綴以柚子泥，增添清新層次。整體擺盤精緻，適合打卡，若偏好清爽湯底，鯛清湯拉麵的炸魚皮與蠔醬搭配更受推薦。值得一提的是，店家建議先品嚐原味湯底，再拌入柚子泥，能平衡濃郁感。此外，鯛魚碎的焦香與湯底的鮮甜形成對比，層次豐富，建議趁熱享用。
繼續閱讀