Deli 313 (已搬遷) 新店位置

幫襯左好多次，今次個牛脷太正忍唔住要寫食評＄55蚊牛脷 有六件左右，非常厚切下面有大荳牙，配細半粒青檸，泰式酸辣汁大舊到成個午餐肉咁我買左黎加餸，超好味，食落竟然似一舊牛腩，夠晒入味，超推介👍🏻👍🏻👍🏻＄45 路邊攤煎魚餅份量可以當正餐咁飽，呢到係半份我拎出黎影相上面有d 乾蔥，魚肉充滿香茅味，魚肉彈牙，呢d小食真係無敵，泰國香料迷一定鐘意食之前食過佢既招牌湯粉又係好正，魚肉放湯又係另一番風味。呢區算做得出色既小店，食物水準非常高

睇左雜誌介紹佢既泰式魚餅，專程去探店，但原來開6點🤦‍♀️，跟住睇完屍殺列車再去食魚餅，聽到老闆同街坊講明天休息，食唔食到真係好講運氣😂個魚餅$45好重香茅味，好好味，個泰式粉都好ok值得一試叫左路邊粉試，都好好味👍👍👍

需然係叫網上外賣平台 外賣嘅. 會貴D但份量足夠同包裝得好好。 油飯要加$25 有D貴但份量大碗。飯好香但食落唔係好鹹.相信落足料同沒有加味精。很有驚喜的一次外賣 味到賣相都很有風味. order 咗豬頸肉 同牛肩粒 加油飯 兩個都好好味 . 皮蛋沙律都好好味. 支持小店

呢間路邊粉開頭試時陣間覺得好怪，但愈食愈上癮，入面除左綠色魚肉，仲有麵同蘿白，蘿白超正，每次食親都入晒味而且又淋又甜。有陣間會忍唔住再另叫蘿白（$15蚊好似有4，5舊到）好抵食，值得試。

呢檔路邊粉不知不覺都立足樂軒台一段時間，好耐無食，最近經過又食返佢既青色魚肉路邊粉，依然好味，份量無少到，魚肉有班蘭味，啲粉又正，仲有舊蘿白，唯一就係加左少少價，合理的如果佢既路邊粉可加錢加餸就好了

朋友介紹的這個路邊攤，佢話細細個就聽過哩個名，味道絕對比得上大餐廳。 材料新鮮，炒嘢夠火喉。我哋食咗個炒牛肉粒同埋辣蜆肉木瓜沙律。最貼心嘅係木瓜沙律可以選擇辣度， 終於唔使次次辣到身水身汗。 同埋木瓜沙律通常都係配大蝦，好少會配蜆肉。呢碟蜆肉都幾多下，全部都好新鮮。牛肉粒同乾蒜撈埋一齊，特別好食。最適合一班人黎吹水。我見佢咁少食評提到佢，所以忍唔住都寫番一篇嚟支持下小店。大家都要珍惜小店呀，好食嘅真係買少見少。得閒去幫襯下。

泰國野食，路邊設座別有風味！招牌路邊粉係必食之選！綠色魚肉，菜，粉底，真係好正！！蜆肉木瓜沙律有得揀幾辣，體貼！而且服務非常貼心，絕對係柴灣夜店最佳驚喜之選：）

有時收工都會經過樂軒臺，此店不起眼，燈光比較暗， 很容易行過了也不知道。今晚不太肚餓， 又吾想食一般魚蛋粉麵， 於是想起試一下這店招牌路邊魚肉湯粉（大碗$35）。見老板娘先煮一下金邊粉，然後加上通菜，芽菜，蘿蔔，綠色魚肉，跟著問是否加辣，細心介紹四種不同辣椒和魚露。足料，美味，份量足夠有一頓滿足晚餐。

樂軒台可謂柴灣宵夜的集中地，Deli 313在這競爭激烈的環境下能夠紮穩住腳，食物的質素絕對有保證。歌利亞最愛吃的是魚肉路邊粉(有分大小的，下圖是大，只需$30 )。在香氣噗鼻的牛骨湯內，有大量混有泰式香料的綠色魚肉，加上又淋又入味的蘿蔔、金邊粉、芽菜、通菜，絕對令人回味無窮。歌利亞一口氣吃光，連牛骨湯都喝掉了，之後並無吃過味精後的口乾感覺。若不介意「真。坐路邊」的話，「堂食」的風味其實更佳。而店子的泰式沙律和烤肉等等味道都不錯，推薦。

聽聞這店的魚肉是加了斑闌汁的，所以是綠色的。這麼特別的食物，今晚就來一試。魚肉路邊粉($20): 魚肉份量很多，質地不會太焾也不太靭，雖然感覺不到很強的斑蘭汁味，但魚肉很好吃。路邊粉份量不多，但很滑。蘿白一大件，十分焾甜。很欣賞這小店的製作。一定會再光顧。

於柴灣工廠區工作至晚上的壞處，就是飯堂永遠都很早就關門，於是每次都需要步行至柴灣站的沿途才有茶餐廳或快餐店快速填飽肚內的心靈。 每次經過樂軒臺的食街時都會被不同種類的小食所吸引 (但趕時間回家關係所以未有機會試)。 趁今晚有少少空檔時間就即刻找機會試試先﹗ Deli 313在樂軒臺的食街內不算起眼，不過見到它門外有塊夜光板寫滿推介食品之下，又既然於Openrice內未見有朋友品嚐過情況下，就試這家吧﹗ 在猶豫有甚麼招牌菜之際，老闆娘即刻介紹了她們的招牌魚肉路邊湯粉(小份)及豬頸肉，而因為小弟都喜歡雞翼關係，都點了烤雞中翼，之後就回家品嚐一番。當等候製作期間，見到招牌魚肉的顏色... 下? 綠色的魚肉? 原本小弟以為這是特色的菜脯等等的配料，但老闆娘解釋這是混入香葉而製成的魚肉，所以就會由原來的灰白色變成綠色。 然後再配以蘿蔔﹑泰式路邊粉及大豆芽就成了這道菜。 到家後就即刻嘗試一下，魚肉都頗甜而唔覺有腥味﹑而蘿蔔都已經入味所以唔覺有太多渣。原本還以為路邊粉會配以較濃的湯，但品嚐一下的時候發覺沒有甚麼的油份，會比較清及淡味。(心想：可能用較淡的湯會更健康吧)解釋的途中烤雞中翼及烤豬頭肉到了