Delicious (已結業)

近年喺華都都開左唔少食店，食物類型唔再局限於小食，其中呢間熱狗店我都經常幫襯。早前喺網上見到小店因為租約期滿，黎緊24號就結業喇，同朋友大嘆可惜，我地都覺得喺屯門黎講算質素相當唔錯嘅熱狗店。未知老闆會否喺其他地方再開店呢？熱狗即時製作，有多款味道可選，特別喜歡佢地嘅自家製醬汁，柚子蜜糖芥茉、他他醬、蒜蓉醬、wasabi醬。另有小食，相對食過其他熱狗店，價錢合理。以往有套餐供應，熱狗配薯角、汽水大概四、五十蚊。不過近幾次經過都唔覺有，可能臨近結業，冇套餐都唔定。熱溶芝士夠大方，芝味夠濃，唔會食落冇料到熱狗腸足足8吋長，今次揀左雞肉腸，就冇上次嘅辣肉腸咁惹味。薯角都係現炸，好難唔好食。唯一挑剔係佢地係外賣店，冇位食，我次次都係拎落樓下吃。結業前唔知有冇機會去食多次呢。

估唔到呢間小店雖然唔起眼，但食物質素可以咁高！特別係幾款秘製醬汁，真係同坊間食到嘅醬汁好唔同，尤其推介Wasabi醬（唔會好攻鼻，出乎意料地同個熱狗好夾）同香辣蒜蓉醬（超級辣！）。店員好nice，我揀緊要咩款嘅時候佢仲問我食唔食金莎又會好細心問要唔要袋要唔要紙巾。由第一次發現呢間鋪到依家唔夠一個月我已經幫襯左三四次，論價錢佢唔係最平，一個熱狗連配料都要～$40，但味道絕對值回票價，以後都會多多幫襯！

熱狗套餐有5款，既有指定款式的熱狗，另外配上香辣薯角和汽水，價位就$46-$57唔想食套餐都有單點，單點富彈性，由腸、醬、配菜都可以自選。墨西哥辣肉腸熱狗 $43（配蛋黃醬 + 熱溶芝士$10）熱狗即叫即做，需時等候。麵包有烘過，食落好鬆軟，比元朗嘅J大大出色（當然價位唔同）辣肉腸足足8吋長！辣得黎好惹味，而且唔會乾爭爭。除左原本附上嘅蛋黃醬，另外加左$10熱溶芝士，好建議加，因為真係幾大pat~而家掃街仲貴過坐低正正經經食個飯架喇~不過好在呢$43俾得開心，食得滿足。

#放假就是要懶 今日三個90後吃貨懶到呢😂 唯有留返係屯門區搵食啦 #屯門人 揮手👋🏻.近近地 去左屯門華都 Delicious hot dog shop 食熱狗 點了一個辣辣之選熱狗套餐$52 有 8'' 墨西哥辣肉腸 配香辣蒜蓉醬 加香辣薯角 汽水 個熱狗包先烘烤 烤得香脆 加上個辣辣醬汁 辣得惹味 仲有薯角 份量剛剛好💓.Hotdog shop開店一年多 雖然小店 都每天買接近個百隻熱狗😋 開店時間12-9pm 屯門人還等什麼 gogogo! 而家華都商場好多野食 遲下等 #三個90後吃貨 會逐一品嚐👏🏻👏🏻👏🏻再向大家

(1) 香草豬肉腸配柚子蜜糖芥末醬(2) 牛仔腸配香辣蒜蓉醬第一次食覺得配搭很新鮮又唔錯，加上熱辣辣包包，因同朋友share食，兩款食落口有唔同層次質感。有機會下次經過又支持小食店！

香港d商場食市就黎變到一式一樣，小商店越來越少。真係要好好珍惜同支持小店。所以我先會寫呢篇食評。已經食左第三次架喇。珍寶雞肉腸熱狗+茄汁/日式燒烤醬個包煎脆左，夾住條珍寶腸，勁多醬，真係好滿足。日式燒烤醬有d似章魚燒上面果款汁，食悶左茄汁芥末都可以試下呢個醬，都幾好食架。QQ炸雞粒配他他醬真係好好食，雞入面唔乾，外面脆卜卜，配埋個醬係會食唔停口，所以我要叫兩份！棉棉芝士條外脆內軟，外賣返到屋企都好食！日式紫薯栗子餅紫薯餡唔會太甜，正！佢d炸野真係炸得好好食架！又唔會油林林！

係咁食熱狗🌭🌭， 論性價比，呢個係最高分，有8種唔同腸既選擇，蜜糖、雞肉、豬肉、芝士、牛肉腸都唔知點choose, 點知仲有8款醬汁有選擇恐懼症就大件事。 叫左牛仔腸配香辣蒜蓉汁 38蚊，加薯角同蘋果茶就加多12蚊。香蒜汁加辣有d刺激,但好好味， 牛仔腸大大條，好juice , 加埋好match, 呢個一定要有野飲，食左半隻已經飲哂食左薯角中和下先得， 但辣得好味！另外叫埋個招牌香草豬肉腸配柚子蜜糖芥末汁34蚊。芥末少少少辣加甜甜地， 好味。两款自家制醬汁有特色，仲有好多野未試，下次一定encore😋😋😋加分之處係連薯角都好脆，無得輸！ ps 我覺得佢贏元朗間hotdog brothers ;但同荃灣Doodies 又唔同，但平好多😁

老遠入到黎屯門，又要發揮吃貨的時間！朋友最近常光顧華都商場這間小店，今次帶我去試試～華都商場佈滿小店及舊式店舖，真好！食物種類頗多元化，另有期間限定的食物打破沉悶。價錢亦相對較廉宜~QQ炸雞粒配他他醬 - 雞粒炸得剛剛好不太油膩，食落有肉汁不乾身～肉質嫩滑不會太鹹～點上他他醬更加惹味！日式紫薯粟子薯餅 - 作為紫薯控的我當然要試試～炸得很酥脆而且丁點也不油膩！紫薯餡滿滿，味道清甜不假！配上有嚼勁的粟子，味道皆提升不少呢！

叫得delicious我就想試下係咪真係咁delicious😎呢度主打賣熱狗，我當然都叫番隻啦~ 我見到有柚子蜜糖芥末醬咁特別，一於試下佢既特別在邊。香腸就揀左香草豬肉腸，香腸唔油膩，而且肉味好rich，柚子味芳香，酸甜清新，同香腸好夾，麵包烘得香脆，熱辣辣，呢個絕對可以比「delicious」。平時薯餅就食得多，呢度有紫薯栗子薯餅賣，紫薯控表示要即試😂果然冇令我失望，外表鬆脆，內裡紫薯蓉香甜軟綿， 色澤搶眼，栗子粒亦相當美味可口，配合得天衣無縫。下次會再黎試期間限定。

之前行街經過都留意到呢度開左間熱狗店，想試好耐啦！今日見未食午餐又趕住出去做野,就黎買返件上車食！原來熱狗有好多配搭，可以自選腸同埋醬汁我揀左香草豬肉腸+柚子芥末醬因為熱狗係即叫即整，落單之後大約要等5分鐘左右熱狗個賣相好吸引呀！個包焗熱左，個面有少少脆脆地香草豬肉腸都幾好味，唔會太咸或者太重味精味不過就唔太覺有香草味個醬汁係我欣賞o既！酸酸地！好醒胃！不過又係唔覺有芥末味總括黎講都幾好味！但$34一隻有少少貴

每次入戲院前都要先來這裡買熱狗✌🏼️-Delicious他他醬配煙燻辣肉腸 $34熱狗包先搽上牛油 再煎香而酸酸甜甜的他他醬配上微辣的煙燻辣肉腸 作為看電影時的小食可謂十分滋味der～-意式肉醬配滋味蜜糖腸 $29肉醬的份量十分多 幾乎溢出熱狗意式肉醬的味道酸酸的 配上蜜糖腸 可能因此令蜜糖腸的甜味不太出 但整體仍是很好吃-Instagram: chloeelovestoeat喜歡的可以到instagram 看看

喜愛小區內的小店的我，由看見店舖裝修至開店，每次經過都好想一試，奈何每次都只有自己一人，卻沒有買來食的衝動，因為每款都好想試，每款都好想食，但一個人又好難試多過一樣，所以與友人逛街時，就接她來一齊試下了。只看門面就已有很多款式選擇及配搭，先選腸的種類，加上醬汁，再點款小食，下午茶的份量變了晚餐似的。店舖主打食物～熱狗選擇了"芝士脆皮腸" 及"惹味黑椒腸"，分別都是配上沙律醬。兩款腸仔都是脆皮的，外層脆卜卜，內裡卻是非常Juicy，芝士味不濃也不淡，味道適中。黑椒味也不太辣，適合不吃辣的朋友，配上少許酸酸的沙律醬，加上少許香草，味道不止刺激我的味蕾，還刺激了我的視覺。完全沒有感到丁點兒的不配搭。原來還可以加１０元加埋特濃芝士醬，下次必定要試了。還可以要求店員幫忙把長長的熱狗，整齊的分開兩份，同朋友一齊分享食用。另外點算了兩款小食～炸軟軟芝士條及香辣脆薯角我和朋友除了是腸仔的FANS外，芝士絕對是不可決少的美食。一看到這個炸軟軟芝士條，我倆已異口同聲的說必選小食。外皮炸到金黃色，內裡全是軟淋淋熱辣辣的芝士。不過必定要熱食，否則就沒有了軟軟的感覺。薯角的辣味與薯肉溶混在一起，與其他店舖相比都

在屯門這個新界邊境，從不期望有好東西吃，到這裡只是求滿足人類的生物層-飽肚就夠。可是在幾日前路過它，竟然驚喜了我的咀。甜蜜蜜蜜糖腸熱狗+特濃芝士醬 $35因為即叫即製，要等約15分鐘才有“狗”食。雖未及紅磡的熱溶芝士澎湃，但芝士味也不差，烤溶的芝士配脆皮蜜糖腸，野味! 我最欣賞是那熱狗包，它塗上了牛油，再以焗爐烤脆，香味同質感已經好吸引，加上那芝士，怎會不好食呢，不消15分鐘已經剩下空盒。如果在屯門想不了食什麼，它絕對是不會中伏的選擇

有次經過屯門華都商場，第二層中有不少電話鋪及格仔鋪，當然第一、二層都有不少食肆，而我今次試了最新的熱狗店鋪　DELICIOUS。它的食物種類都頗吸引的，例如有熱狗、薯角、薯條及雞粒等等。當天就有點肚餓，但又不太想吃粉麵或飯，於是就點了熱狗。我點了是珍寶雞肉腸配燒烤汁（HK $25 )，它不同熱狗配料和醬汁都是不同收費，收費都頗明確。當時就有五個人等候食物，我排在他們之後，就這樣等候了五分鐘就食物到手了。它的熱狗盒子前後可以打開，方便以盒代替手捏緊熱狗。熱燙燙的熱狗，全條珍寶腸都是熟的味道夠濃郁；而且熱狗外皮被烤得有點香脆，非常可口，而熱狗肉香很濃郁，每一啖都非常滿足。而且麵包質感很鬆軟，幾啖就咀嚼完畢。不過燒烤汁就有點兒咸，配上肉類一起食用就略咸了。價錢不貴又飽肚，每樣食材都可自行選揀，價錢明確，相信會再有光顧的機會。

我朋友想試好耐，終於有機會唻試對於我唻講我覺得食包唻講唔算平又有好多嘢想試喎！叫完之後我地落左樓下公園仔d枱櫈道食最終叫左幾樣薯角我朋友最愛，不能不叫雖然係普通薯角總算外脆內軟我同朋友一樣愛芝士，散叫都要叫呀呢個一定要趁熱食，凍左唔好食！熱食好creamy，凍左會硬成一舊舊架包我叫佢幫我地切開，咁我同朋友可以share咁食我已經唔記得邊款打邊款我地勁愛食腸仔同我都鐘意食沙律醬，所以覺得咁樣配搭好正味道帶點酸時刺激味蕾，2款腸仔都係脆皮同JUICY或者下次要加埋特濃芝士醬要加10蚊今次唔捨得試住...