影片
港鐵上環站 E1 出口, 步行約1分鐘
繼續閱讀
營業時間
星期一至六
08:00 - 19:30
星期日
全日休息
公眾假期
全日休息
以上資料只供參考, 請與餐廳確認詳情
早前屋企人生日，放工後係公司附近見到栗子蛋糕造型咁靚，影相一流，所以就買左一個返去。屋企人一睇都好鍾意呢個蛋糕，朱古力玫瑰花整得好靚，比起出名既餅店亦亳不遜色，不過呢d朱古力玫瑰花既通病就係太甜唔明點解唔可以無咁甜既朱古力整玫瑰花。朱古力牌既問題亦都係一樣。另外蛋糕本身亦偏甜，栗子蓉食得出栗子味，算係真材實料，但加左太多糖，上左年紀既人唔係好食到咁甜。唯一比較可取既係蛋糕面上既幾粒栗子🌰。如果買黎影相就還好，專登買黎食就大可不必了。之前食過呢間既西餅都幾好食，但唔知點解蛋糕會咁甜
繼續閱讀
剛好經過Deluxe門口，見到陳列櫃放了芒果蛋捲,價錢HKD10元，滿吸引，買了一個做早餐，芒果奶油滑而且不太甜也不膩，仲有淡淡芒果香味，蛋糕面用顏色較淺那面，當外皮捲起是向內捲做法，蛋糕口感有彈性也細密算好食。
繼續閱讀
難得去開中環工作，當然要食盡佢啦。 事前已經佈署好， Lunch time買一間蛋糕店，放工再買一間蛋糕店， 咁就可以滿足曬兩個胃啦。既然部署好，就係Lunch time 拉埋同事去買蛋糕，等一陣Tea time有著落。見到甜品櫃有好多造型好靚， 應該係用朱古力槍噴咗 一層朱古力 coating嘅蛋糕， 驟眼睇都值$40一件嫁，但大部份蛋糕都只係賣$20＋，又真係估佢唔到。不過，通常呢啲咁靚嘅蛋糕， 可能都會落咗好多魚膠粉，而影響口感， 所以我就買咗 chocolate brownie同 Oreo cheesecake cake/ tart， 測試吓佢嘅真功夫。我就覺得chocolate brownie 勝在唔太甜， 又有好多合桃，令口感更加豐富， 雖然有少少乾，但都唔會失太多分嘅，所以我投 chocolate brownie一票；但同事就覺得 Oreo cheesecake cake/ tart 味道濃郁啲....... 結果當然係。。打和。雖然唔係用最靚嘅材料，但價錢又真係幾經濟， 如果順路經過，都係一試無妨嘅。
繼續閱讀
跟同事共事多年但要走, 係幾唔捨得. 如果要送某連鎖牌既$4.2西餅, 又過唔到自己關口. 經朋友介紹下, 留意到呢間香港品牌既蛋糕店.雖然價錢同名店蛋糕差唔多, 但款式+賣相+配搭可以媲美/甚至超越名店! 因為需要購買數目唔少, 所以先跟店員預訂+溝通好. 好開心款式夠多, 請同事食人人可以揀唔同款, 打卡又正!店鋪另外賣有曲奇, 方便我送去俾其他office既同事, 因為中上環路窄人多, 運送蛋糕真係唔容易架~ 我幾鍾意餅店有曲奇賣, 食既時候其實仲方便.
繼續閱讀
早餐成日食麵包食到好悶，都唔知食咩好，又未訓醒又趕時間，所以就求其買左包蛋糕仔番到公司先知原來有3隻味，有抺茶、朱古力同原味抺茶好香又清新，唔錯朱古力同原味就普普通通，但一啖一個都幾慳時間呢袋細細既蛋糕都夠我食3日早餐，一次食3個HAHA又好似幾抵食
繼續閱讀