Deluxe Bakery (已結業)

公司係荔枝角，同last day 散水餅揀左呢間，賣相都很不錯，係用心嘅外型，值得一讚！這朱古力賣相很可愛，內裡是熱情果啫喱同朱古力mousse，以為好甜好膩，但口感不錯，味道mix & match都毫無違和感～ 值得推介！另一款係blueberry cream cake，賣相好飄雪好靚，未食都已經覺得so sweet！食落個口感不錯，濃濃blueberry 而都是微甜感！確實好味！

行過見佢地個樣幾靚所以買嚟試吓。先講Tiramisu,唔講我以為自己食緊一舊cream加海綿蛋糕，未食過咁難食嘅Tiramisu! 之後仲買咗個伯爵茶同培茶蛋糕，茶味唔夠得個甜字，搞唔掂！最正常係個松子朱古力蛋糕，有朱古力味海綿蛋糕亦ok，不過同一個黑森林蛋糕無乜分別。四份加埋一百蚊真係完全唔值！

今次是小妹相隔一周再次幫襯嘅小店。記得第一次光顧，為了替朋友搵一個特色生日蛋糕。穿梭來回好多間大集團餅店，不是口味問題，就是價錢總覺得有點貴。或許是租金嘅問題😅終於，在生日會前一天，從Open Rice 搜尋到這間暫時未有負評，又鄰近港鐵站的小店。最初，只是抱著普通期望行到該小店。誰知，眼睛已被廚窗內造型精緻嘅西餅和5吋蛋糕吸引住。訪談下，發覺除了口味清新，價錢正如前者所形容，只是大集團西餅店價錢，已經可以擁有一個特色口味和造型的蛋糕。最後，心滿意足地訂了一句個生日小蛋糕給朋友。☺朋友當然十分欣賞，而且蛋糕確實好味，甜度適中。👍👍👍❤️今次回購，買了4件西餅。造型都是非常漂亮，以每件平均$30來計，CP值非常高，值得一再推介。☺

靚媽生日揀咗佢公司荔枝角區食飯，我唔近又唔熟，唯有靠 openrice 探索，比我揾到呢間，膽粗粗打去問佢可唔以影啲現成蛋糕比我揀，佢又肯喎 👍👍餅店姐姐好好， whatsapp 咗蛋糕款同價錢比我，原本訂個大小小，姐姐話我哋 5 個女士食可能大咗啲，所以最後揀咗栗子蛋糕，竟然無要求我過數就肯等我 7 點去攞，我仲要遲到 😅😅由於臨時訂所以寫唔到朱古力牌，所以我就做咗小手工寫上壽星個名 🤭🤭不過呢我哋最後食飯個餐有甜品，所以我哋都係攞個蛋糕影相，但又忍唔住試小小，大家都覺得性價比好高，第 2 日另一靚女問我攞地址啦 😋😋

呢幾日好想食甜品，今日有野做要出到荔枝角，咁就睇下附近有咩甜品食，見delaux既蛋糕款式有好多，一於去試下佢。🌰栗子撻($28) 栗子蓉質地偏實，甜味過重，蓋過栗子味(但仍食到淡淡既栗子味）確實有啲失望🙁。🍎🧁杏仁蘋果小蛋糕($1x 唔記得確實幾錢😅）呢個小蛋糕有驚喜😳！本身食左件栗子撻後，對小蛋糕無乜期望架喇，但反而幾好食！蛋糕質地濕潤😋，雖然細細杯，但入面都有唔少蘋果蓉🤩🤩都係帶少少偏甜，如果蘋果酸返少少就更好喇🤪！但性價比都係高😙😙！

前幾日經過呢一間舖，覺得d cake好精緻好靚！今日同事生日，所以買幾件蛋糕請佢食😊每件$24。個盒都好靚，金色的！影相效果好好😂左一： 紅桑子士多啤梨蛋糕好紅桑子的味，莓類的酸感剛剛好，絕對唔會太酸！切開可以見到有幾層，最外層係紅桑子，頂層係有士多啤梨的啫喱狀。好靚！左二：伯爵茶慕絲蛋糕呢個蛋糕係4個當中最有驚喜的一個！真係好香伯爵茶味！第二、第四層雖然只係普通的海綿蛋糕，但都好重茶味！👍🏻👍🏻👍🏻 好好食左三：Baileys酒咖啡味蛋糕 (唔太記得個名)呢個都好香咖啡味，不過就冇食唔到Baileys酒味。不過不失。左四: 松子朱古力蛋糕本身個人好鍾意朱古力，同接受到好甜的朱古力。呢個cake對一些人來講可能會偏甜，但我覺得甜得好好食。好綿密的朱古力口感，好似brownie咁。😋

屋企人生日，想買個蛋糕。不想在連鎖餅店求其買一個回家，所以就搜索一下那兒有小店又近我工作的地方，以便交收。想不到香工有這間店。上fb專頁也看到蛋糕的選擇。外型精緻，聽説味道不俗，係睇得又食得。趁中午放lunch，就去了店舖看一看實物。蛋糕真的很漂亮！屋企人不好甜，所以我選了6”芒果拿破崙蛋糕。到取時，發覺蛋糕很足磅。。相當重！至於味道呢。。讚！屋企人也覺得是甜，但一層層拿破崙的餅塊夾着來吃，可減膩度。水果也很新鮮，屋企人很滿意😆(這個最重要！)欣賞用心小店，有人生日要訂蛋糕，會再幫趁！

下午茶時間到咯，要食飯個下午茶relax下先得！Deluxe Bakery滴蛋糕選擇好多，花樣都好多，搞到我有選擇困難症，個個蛋糕都好靚好精緻，個個都想食！要左個栗子餅，餅好松化啊，栗子味好香濃，入口綿滑，我中意啊！下午茶系要食翻滴甜品先得噶，系一個輕鬆噶下午茶！

呢個靚到爆晒鏡既美人魚海洋蛋糕，咪以為係要訂成幾個月既tailor made蛋糕呀，佢係黎自呢間「Deluxe Bakery」既新鮮蛋糕🎂呢間Cake Shop係荔枝角港鐵站C出口，出到地面轉右直行，過左幾間手搖茶飲店唔好過對面馬路，直接轉口就見到ga la，路程10分鐘內可到。呢日teammate生日，晨早流流黎睇下有無靚cake，見到門口個凍櫃有少少失望，就膽粗粗行入店問下阿姐，除左凍櫃放左出黎既cake，仲有無其他款式可以揀，點知勁lucky阿姐話剛剛返左新野😎😎嘩嘩嘩！靚到連價錢都無問，直接叫阿姐包起佢，呢款美人魚海洋蛋糕真係靚到無得輸，topping全部都係用白朱古力整出黎架，topping既cream香滑唔甜膩，入面既海綿蛋糕口感好balance唔會太乾又唔會濕冧冧，9個人分都夠晒食，真係勁正👍🏻👍🏻

呢間 Deluxe Bakery d mini cake 真係超靚，企係佢個凍櫃前面真係件件都想帶佢走...由於quota有限，個胃都真係無辦法放得落咁多件cake，最後兩個人揀左4款開心share la，就係上圖呢4位佳麗la，綜合食評4款都咁好味，好fresh又唔會爆甜。呢4位佳麗入面我最like既係左邊開始數起第3件既藍莓乳酪taste，好fresh口感好軟綿綿好幼滑，甜甜地酸酸地，夏天熱辣辣食落真係好好feel。呢間Bakery除左cake，其實佢都有麵包賣架，不過唔知點解，返工時間8:45am有時未開門，有時開左門麵包送到未上架，有時就開左門無包又無cake賣，穩陣d都係lunch time先去參觀選購啦！

尼間面包店都開左一段時間, 每次屋企有人生日都會去尼間鋪頭買蛋糕。佢既價錢唔算貴, 同D 大集團既西餅店既價錢差唔多。但味道同蛋糕都好新鮮, 屋企人D老人家都鍾意食, 唔算甜。尼個上次買黎慶祝屋人生, D cream 好滑 好creamy見到其他面包都好似好好食, 價錢都好親民下下次行過都會試埋其他先

尼間面包店回購率好高每日有逢屋企人、朋友生日。我都會幫襯尼間鋪頭買蛋糕。雖然款式唔多，但至少質素有保證，蛋糕好soft 百幾蚊就有個蛋糕。味道好好。大大話話都幫襯左一兩年😋😋平時趕返工食唔切早餐，都會係到買返個面包帶返公司食。

重回荔枝角, 因為之前曾經在這區返過工.  行經Deluxe, 突然勾起以前在舊公司附近喜歡的一個女仔. 買早餐時候多數在Deluxe碰到. 但此終不敢表白而無疾而終. 但這店總係留下了一段回憶. 除了這份情緣外, 這店亦帶給我無數個美味的早餐, 下午茶及最後的散水餅. 今日重臨舊地, 點都要幫趁下緬懷昔日嘅情壞. 咁今日就揀左個栗子蛋糕. 其實百幾蚊真係唔算貴, 買返屋企氹下媽咪都好.因為佢最鐘意食. 同時當係支持下小店. 

前日喺荔枝角果邊行完批發，返屋企之前有d 餓就買件cake 頂下肚，之后見到呢兩件好似台灣啲盆栽甜品，，上面有d 朱古力粉，應該都唔差，我不嬲都幾中意食朱古力，佢上面仲有舊macaroon，食落又唔係好漏，啱啱好，下次經過會試埋個士多啤梨，見佢賣相都唔錯。

我一直都鍾意食甜品，之前經過呢頭，成日都比呢間店既甜品吸引住，喧上OPENRICE到搵到呢間甜品店,睇左一陣,發現佢D評論都唔錯,而家相片都好靚!所以呢日就忍唔偽入去買左黎試下味~甜品: 感覺甜而不膩,而且外型美,食相佳!!!絕對係女生最愛既不二之選!相信無端係自己食,送屋企人,送比女朋友,送比女仔,都係最好既選擇~下次都會再黎買其他試下的!真心不錯,而且價錢又合理,唔會太貴,絕對對得起佢個出品的