Donbini

營業中

休息中

差唔多個個星期日都要喺荃灣西搵食，食嚟食去都係嗰啲餐廳，食到有啲悶。咁啱發現呢間餐廳，見佢冇喊臉，決定一試。餐廳位於AEON food court，雖然係food court，但都坐得舒服。我哋搵咗靠牆嘅位置，自成一角，感覺唔錯。本來想點$38推介，點知原來星期一至五先有。不過，呢到嘢食唔貴，冇都唔緊要。點咗以下食品﹕溫泉蛋醬油牛肉丼 ($52)﹕好大份，冇諗過會咁大碗，非常抵食！溫泉蛋汁豐滿，完全足夠包住每粒飯，蛋汁包飯真係好好食，令人不知不覺食哂成碗！牛肉份量好多，老公讚啲薑好食添！同埋碗飯好夠熱，讚！厚切吉列豬扒蛋包飯($63)﹕賣相吸引！而且好大碟！鍾意佢隻蛋唔係全熟，有蛋汁包住。揀咗蘑菇汁，同個飯又幾夾，仲有蘑菇食添。配菜係茄子，雖然未見過蛋包飯用呢樣做配菜，但我好滿意，因為好多時出街食飯都冇咩菜食到。呢碟飯又食熱辣辣架，讚！三拼薯餅($27)﹕所有薯餅都好足料，紫薯薯餅好紫薯，南瓜薯餅又好足南瓜料，咖喱薯餅就濃濃咖喱味。唐揚炸雞($38)﹕熱辣辣炸起，每粒都大大嚿。北海道芝士薯波 ($28)﹕細細粒，易入口。SIZE唔大，對於叫咗兩個飯嘅我哋嚟講，呢個小食SIZE夠細，過到

最近去開Aeon買嘢發現原來翻新咗個food court，有幾間店之前無見過，見今晚得自己一個順便食埋飯先走，睇哂咁多間好似呢間感覺唔錯，就揀咗呢間，去佢地counter落咗單會比個震動牌我，等食物準備好就叫我出去拎。好搞笑嘅係佢跟餐附送一把扇比我，初初有啲出奇，後尾食食下先發覺無冷氣…難怪咁貼心送把扇。我叫咗碗溫泉蛋醬油牛肉丼，$52，無飲品跟。係food court食我覺得應該只係吉野家嘅水準，估唔到又幾好食，佢個醬油味道幾好味，加上有流心溫泉蛋，額外加咗分！完全係食到一滴汁都清埋！不過下次等佢有返冷氣先再去，食到出哂汗🥵

Donbini位置在荃灣Aeon裡面既Food Court，提供多款平靚正日式地道丼飯、蛋包飯、定食、風味小食、飲品，每個月仲會推出唔同既優惠，冷泡茶配餐價只須$9，非常抵食。三拼薯餅：有齊三款唔同口味薯餅，炸到金黃色，新鮮酥脆，咖哩味道濃郁、紫薯味道香甜、南瓜粟米味道軟糯。腐皮餃子：腐皮包住豚肉和雞肉既餡料，腐皮索滿豐富肉汁，充滿日式風味。溫泉蛋醬油牛肉丼：牛肉份量幾多，肉質軟腍，放左好多洋蔥去煮，醬汁唔會太咸，入口帶甜甜地既味道，加埋半熟溫泉蛋，撈飯一流。蒲燒鰻魚定食：配半條鰻魚、白飯、味噌湯、魚乾、薯仔沙律、醃蘿蔔。鰻魚厚肉肥美，有微微炭香味道，甘香滋味。紅豆白玉湯：白玉入口Q彈，紅豆湯甜而不膩。總結，食物即叫即做，方便又美味，服務員態度誠懇，值得推薦。

荃灣Aeon翻身左，估唔到多左個food court有幾間餐廳，價錢都唔貴位置都幾多唔聽搵位，見唔少人買完嘢都黎食最後揀左呢間日本丼飯，價格相當便宜，幾十元就有丼飯或者蛋包飯，仲有唔少小食揀即叫即整，份量都唔少溫泉蛋醬油牛肉丼有隻半熟嘅溫泉蛋係面，配上少少酸薑同醬汁撈埋一齊食，成個牛肉丼味道立即提升吉列豬扒蛋包飯好大份，揀左咖哩汁豬扒幾厚身，唔會炸到好乾咖哩汁就係正常日式咖哩汁口味蛋包飯同咖喱汁真係絕配小吃叫左二款試下唐規炸雞外皮唔會，雞肉汁好豐富三拼薯餅有咖喱、紫薯、南瓜熱辣辣每一款老好惹味最後仲試左佢地個冷泡茶

$100左右 食到超級飽喺AEON 超市百貨入面 裏面有個區域雲集咗好多餐廳呢間主打食日本丼飯 蛋包飯嘅餐廳整體上分咗丼飯 蛋包飯 便當 小食 而甜品就係白玉紅豆沙小食紫薯餅 用料十足 唐揚炸雞都值得一試厚切吉列豬扒蛋包飯 $63絹豆腐昆布味噌湯雖然係吉列 食落去又唔算好油膩 豬扒的確係幾厚身口感、豬扒外酥內嫩 搭配蛋包的滑嫩 日式薯仔咖喱汁再加上一些蔥花點綴份量都頗大 如果食唔晒咁多嘢，記得同店員講聲少飯絹豆腐昆布味噌湯湯底清淡而不失鮮味，絹豆腐滑嫩在湯中游弋

荃灣Aeon大裝修，新起左一個foodcourt，今晚就同左屋企人去試下。Foodcourt位置都多，唔難搵位，而且地點方便，荃灣西站過去都係5分鐘路程，我地見主打自選日本丼飯既Donbini價位都合理而且見人地食份量都唔少，今晚就揀左佢。腐皮餃子（3件）：佢係將D餡料釀入日式油揚腐皮，新食感而且味道唔錯。燒鯖魚定食：燒鯖魚外皮香脆，內裡鮮嫩多汁，配菜仲有薯仔蛋沙律同魚仔，仲有飯素係日本米上面。吉列大蝦蛋包飯咖喱汁：咖喱汁濃郁香滑，3大隻吉列大蝦外脆內嫩，蛋包飯經典配搭。手打漢堡蛋包飯蘑菇汁：手打漢堡肉質鮮嫩，蘑菇汁香濃，與蛋包飯非常搭配。草莓荔枝綠茶：這款飲品清新解渴，佢唔係台式飲品果隻草莓和荔枝糖水，而係冷泡茶，有草莓和荔枝的清香，非常清爽。原本之前經過見到有$38既每日推介，不過問左店員，星期一至五先有，今次就試唔到，店員話每個月都有不同優惠推介，等我地搵個weekday再去試下。

荃灣aeon 大份丼溫泉蛋醬油牛肉丼 $52半熟嘅溫泉蛋可以搖吓搖吓彈吓彈吓，重點係要將佢撈埋牛肉丼，咁先可以將整個醬油味提升到一個層次，另外牛肉同飯嘅比例很好，牛肉醬油同埋溫泉蛋三樣真係缺一不可，當你食到牛肉同飯掛住咗醬油同蛋汁真心冇得彈！吉列豬扒蛋包飯 $68呢個蛋包飯有得俾你揀兩款醬汁，我哋當然係要揀咖哩汁，因為蛋包飯同咖喱汁真係絕配，香濃嘅咖喱汁再加埋薯仔真係好重要，咖喱偏甜加埋蛋再送飯真係會食上癮，重點係吉列豬扒外脆內軟好Juicy，外面包住咖喱汁可以將佢嘅肉味更突出！北海道芝士薯波 （六件） $28炸得金黃香脆嘅薯波，外表脆脆地，但係咬落去有少少流心芝士好濃厚，入口都好香芝士味！唐規炸雞 （三件）$28炸雞不錯，外皮唔會好乾真真，反而咬落去雞肉汁好豐富，喺口入面肉汁流晒出炸香嘅雞皮表面真係好惹味！三拼薯餅 $27因為諗唔到想食邊一款薯餅，呢一個三拼就啱晒你，佢包含晒咖喱、紫薯、南瓜，每一款都好吸引！絹豆腐昆布味噌湯 $12呢個味噌湯夠晒足料，入面嘅配料真係夠晒你一路飲湯一路食，配料同味噌湯嘅味道都入晒味，用嚟做頭盤一流！冷泡茶跟餐 $9草莓荔枝綠茶Donbini (荃灣)荃

今日同朋友去荃灣行街睇戲，都食晚飯嘅時候，我哋打算去商場嘅美食廣場食飯，行到大河道88號灣景廣場購物中心地下已經係美食廣場，真係方便嘅美食廣場，一般美食廣場都係商場頂樓，我哋見到有一間係食日式丼飯嘅店舖叫做DONBINI，就去睇吓有咩食，見到餐牌有個震撼優惠價嘅日式丼飯，價錢只係$38，非常抵食，店員仲同我哋講每個月都有不同優惠推介，仲有凡惠顧任何食品，讚好社交平台，就送小食嘅唐揚炸雞3件，啲優惠真係不錯抵食。🌟餐牌上日式丼飯有五款口味，有溫泉蛋醬油、生姜燒、唐揚炸、照燒、汁燒，還有五款口味嘅蛋包飯，有吉列大蝦、手打漢堡、吉列豬扒、唐揚炸雞、竹莢魚排，真係有好多美味飯食。另外一張餐牌仲有定食同小食，定食有燒鰻魚同鯖魚，仲有湯送，小食都唔少有9款，賣相都唔錯，幾吸引客人叫來食。我哋叫咗一個日式丼飯、一個定食、四個小食、兩個飲品，感覺好似係日本食。🌟先來小食同飲品，小食嘅腐皮餃子3件、唐揚炸雞3件、北海道芝士薯波6件、絹豆腐昆布味噌湯，腐皮餃子外皮香脆可口，餡料肉汁豐盈，口感一流，唐揚炸雞有鹹酥香脆的外皮，雞肉鮮嫩，充滿醬汁香味，北海道芝士薯波外脆內軟，香脆薯波內有芝心餡，薯仔同芝士好夾，

呢晚唔想煮飯之前行開aeon見到佢翻新咗 仲開咗個food court 幾間鋪頭價錢都好抵食 新開冇幾耐已經好多街坊去嘗鮮今次揀Donbini嚟試下Menu選擇都幾多 份量又夠大份叫咗3個飯加小食 一家share嚟食Order完睇住staff炒蛋同添加配料 幾療癒🤣溫泉蛋醬油牛肉丼$52每次食日式嘢都會必點日本丼飯牛肉勁多 鋪滿晒成碗 食落好嫩滑 溫泉蛋、芝麻、香蔥 加埋唔會過咸嘅醬油送飯一流！厚切吉列豬扒蛋包飯$63超大份！炒蛋炒得剛剛好 顏色金黃好靚吉列豬扒超多 炸得外脆內嫩日式咖哩汁係我嘅最愛 超啱送飯～唐揚炸雞蛋包飯$58唐揚炸雞同樣大大件 外面脆香 裡面鎖住肉汁夠juicy呢個跟蘑菇汁 味道剛剛好 唔會過咸 又係好啱送飯～南瓜薯餅$19/2件裡面南瓜綿密有口感 唔會一夾就鬆散大大件都幾飽肚🤣北海道芝士薯波$28/6件非常香口 外面炸粉唔會太厚裡面芝士濃郁 加埋少少沙律醬一齊食好快就清晒6件😆橋本紅豆白玉湯$18紅豆煮得好綿滑 白玉煙煙韌韌 Perfect ending!加$9仲有冷泡茶御翠烏龍茶 清新解渴 不錯！而家新開張買任何嘢 只要follow FB + IG仲送唐揚炸雞