DOSE (已結業)

又係中區午餐選擇困難症系列上次經過Dose 不過滿座。今次再經過好彩有位。Lunch set 價錢似乎合理。揀咗菲律賓炆豬肉set. 可能小弟唔係太了解菲律賓菜有咩特色，所以覺得炆豬肉平平無奇。最奇特反而係炆豬肉嘅份量比餐湯還少。餐湯係忌廉粟米湯，唔係罐裝應該係用blender 搞出黎。味道唔錯。 Set lunch 包 coffee or tea. Latte 上面嘅拉花好靚。用上傳統中式茶杯亦非常creative. 可惜茶杯冇耳，無法即時品嚐熱辣辣的latte.

見到其他食評話有好大份嘅all day breakfast ， 一心嚟試下，點知無得食咁就試海鮮意大利飯雖然海鮮份量足夠，但飯不夠多而且食物不夠熱，煲當然也不熱，不用擔心會「辣」襯手！青口是微涼的 ！有向侍應反映食物是微涼的，都有說給我們再煮過，但我們拒絕了。兩人食了海鮮意大利飯 、 原隻魷魚🦑（配芥辣汁，幾特別，好似中菜魷魚蒸肉餅咁）、薯條（三樣食物中最好食）一杯$88 cocktail，其實都唔係好飽，咁就成為五百幾蚊了🙈整體是令人失望的😞！不會再來幫襯了！下次試試其他附近的餐廳吧！

見到係黃店，所以就試吓，店員非常之友善，裝修都好舒服✨✨✨但啲嘢食真係有啲出事……個意粉好乾，無咩味，唔熱，三文魚有骨……😭ravioli 好似就咁滾熟完就擺響度啲菜度，冇汁冇味...同啲沙律菜都好唔夾下.....😖我哋食咗兩啖就埋單，因為啲嘢食真係唔ok😭但店員都真係好好💛見我地無食到，都問我哋啲嘢食係咪唔啱食，使唔使再煮過一份俾我哋，我哋話唔需要啦，店員就話唔使我地畀錢....加油呀💪🏽💪🏽💪🏽💪🏽💪🏽💪🏽💪🏽💪🏽 希望下次有進步啦！

I got there for a lunch to catch up with an old friend! Amazing food and great value you can get in the area. Friendly staff. I ended up staying to meet with another friend for coffee. Coffees and expresso martinis are to die for there at DOSE. This place is now my regular spot

支付小店當日係公眾假期, 冇訂位, 去到差不多一點, 仲有最後兩個位~5駛等~YEAH不過入去前職員話等食物上餐最少等30分鐘~OK冇問題!本身想吃burger, 但已經賣哂...咁就叫左all day breakfast..有夠大份嘅 all day breakfast, 夜晚都吃5落, 蕃茄仔 grill 得好 juicy另一份係Egg Benedict, 叫左跟smoked salmon, 但嚟左parma ham, 忙中有錯掛個蛋5夠流心...熟左D不過服務態度都好好, 加分啦!

禁晚市堂食之後就得番Lunch～所以好多餐廳都少咗食物供應，例如就係呢一間就得返lunch set 餐牌嘅款式～ 大menu大部份都沒有供應：（首先點左一個青醬肉丸意粉，青醬嘅味道同坊間食到嘅唔同，味道比較青，但係我反而覺得幾清新幾好味 意粉軟硬度啱啱好，好彈牙 肉丸好香肉味～ 總括嚟講呢個意粉好好食另外就點左個burger set, 牛肉好有牛味，煎得幾香，又夠肉汁 薯條正常普通野～ 來之前做咗資料蒐集，知道呢度啲洋蔥湯出名～應該係唯一一樣仲可以點嘅大menu食物 等咗差唔多15分鐘先有得飲，不過味道太甜，除咗洋蔥甜味之外好似加咗糖咁，有點怪，失望。價錢仲要幾貴，但好細碗

中環Soho區呢頭通常都係一啲比較貴嘅餐廳，但呢度有間價錢相對親民嘅小店，座位唔算好多，燈光亦都比較暗，可以靜靚地食個浪漫晚餐🙂➡️ 香烤牛肋扒 (12oz) ($288) ⭐️⭐️⭐️💫價錢適中，賣相都整得幾靚，塊扒下面有薯蓉同埋雜菜，一個人食都食得飽。牛扒嘅火侯控制得幾好，食落都幾香，美中不足嘅係塊扒都幾多筋。➡️ 香烤原隻釀魷魚 ($138) ⭐️⭐️⭐️💫好少地方可以食到釀魷魚，魷魚嘅賣相非常之吸引，入面釀左烤雞肉同埋蘑菇，啲肉質都keep到幾嫩滑。反而我覺得魷魚味道唔夠，可以重味少少都得。➡️ 蜆肉扁意大利麵 ($188) ⭐️⭐️💫最冇驚喜就係呢個蜆肉意粉，意粉份量少之餘，賣相亦都麻麻地，以呢個價錢來講就唔係好值，只係好普通嘅蒜香意粉。DOSE地址📍: 中環卑利街28號地舖.............................. 味道😋: ⭐️⭐️⭐️環境👀: ⭐️⭐️⭐️💫服務👨🏻‍🍳: ⭐️⭐️⭐️💫抵食💰: ⭐️⭐️⭐️

餐廳位於蘇豪區附近，環境舒適自在。The restaurant is located near the Soho area in Central. The atmosphere is relaxing.前菜均配有麵包，黑醋和牛油可自行選擇塗抹在麵包上。Appetizer come with bread, and black vinegar and butter.香烤牛肋扒 ｜ Prime rib eye steak $28812安士牛肋扒伴薯蓉及香烤雜菜份量足。味道恰到好處，略嫌牛扒有筋。The 12ozs prime rib eye steak was served with mashed potatoes and roasted vegetable. The taste was not bad but the steak is slightly rooted. 卡邦尼意大利麵 ｜Spaghetti Carbonara $168卡邦尼主要材料有意大利煙肉，雞蛋及芝士忌廉汁。醬汁份量不多，意粉軟硬度適

中環美食林立，尤其是蘇豪區，這次選擇到Dose用餐，雖然餐牌選擇不多，但大部份選擇都是大眾口味，沒有選擇困難的問題～【Quesadila $88】- 柔嫩雞腿肉與熱溶的芝士，作為飯前小食，配著HH一起品嚐，好不邪惡😍【Prime Rib Eye $288】- 份量非常充足，足夠三個人分享，而且火候控制得剛剛好，CP值高☝🏻【Prawn Cesar Salad $88】- 份量略嫌不足，而且蝦肉感覺亦不太新鮮，相對失望😕

係soho 斜路有間日頭做咖啡，夜晚整cocktail 🍸嘅cafe, 好啡好酒好西 👍🏻 lunch set 好抵食喎，用openrice 訂位仲有折架，中環黎講真係幾抵食Marinara Meatball spaghetti 📍$78有4粒大大粒嘅肉丸，質感比較實心，食得出唔係求其嘅肉碎整出黎 🍝 醬汁酸酸甜甜，仲有啲肉味Mocha 📍+$5靚靚中式茶杯 *crossover* 優質咖啡，咖啡好香滑，朱古力味都好濃

特登去中環試下街巷裡面既黃店，今次去Dose，12點鬆啲未島lunch hour無咩人所以唔使等位😉鋪位無大，歐美bar裝修風格，有霓黃燈感覺唔錯。咖啡杯採用🈶️東方味道既茶杯🙌🏻🙌🏻🙌🏻 好特別😊同朋友一齊叫左兩個set lunch, 粟米湯soup of the day唔係味精，spaghetti略嫌太硬同埋少汁無味，白汁雞肉就正常👌🏻 最驚喜既居然係cheesecake，加dessert只係$18，兩個人share啱啱好！唔會太膩😉😉可能係spaghetti令我唔係好想encore，不過都支持得過💛

放工同同事嚟食飯，因為近近地公司，所以就揀咗呢間，環境幾好，唔會太嘈細細間幾好坐。Smoked salmon spinach spaghetti 通常菠菜意粉都係冇菠菜味，但係呢一個嘅菠菜意粉係有淡淡的菠菜味！同煙三文魚一齊食係出乎意料地夾！整體味道好新鮮。 Meatball spaghetti肉丸好好味！唔會太膩而且有肉味，不過如果可以多幾粒就好啦！意粉酸酸甜甜都幾開胃。整體環境真係幾好，嘢食同服務質素都好好，而且地點方便就腳，推介大家如果放工喺附近又諗唔到食咩都可以試吓！

係網上見到有原盅焗洋蔥湯呀，好似好吸引咁，又適逢C小姐生日放假可以去遠d食lunch ，所以就去左中環試新野喇，我地大概2點幾完左lunch 左先地到，餐廳得番兩枱客，即刻就可以坐低。平日既lunch 時段有lunch sets 仲有得散叫，唔會淨係做lunch sets，好彩咋，因為洋蔥湯唔係個lunch sets menu 到！不過老闆話有d main course 因為準備雖時，所以lunch 都做唔到，下次去之前，記得打去問喇！Classic french onion soup $78原盅焗好足料，好香，飲完大滿足呀。Grilled baby back ribs (half) $188另一個C小姐想食既野，半份都好大份，如果唔係我幫手食，一個人一定食唔哂，如果多人仲可以揀一份。Back ribs 個肉質好柔軟，但係又唔會無左肉味，再加上個燒烤汁，真係一絕呀！Lunch set Burger and fries 我就叫左個burger 食喇，lunch set 抵食d ，有少少沙律同炸得好脆既薯條。burger 既肉係好多肉汁架，非常高質！

餐廳係隨便揀得，霖住搵間少人可以快快食完就走，點咗個lunch set，點咗沙律和一個意粉，野飲就係咖啡，沙律細細份，一個人食啱啱好，開胃菜算係可以了，個意粉硬度適中，加上個好濃的奶油味醬汁個味道都好夾，配料都唔錯，咖啡就一般般吧，最後都係加咗個甜品，甜品係慕斯，味道唔錯。

被這間店的中式咖啡杯吸引了，決定一試。可能是星期一的關係，lunch時間都不算太多人，岩想傾下計的朋友黎食。我點了漢堡配薯條，有牛肉味，整體唔錯。朋友點了飯，亦好欣賞佢個汁！