DOUBLE 8 PIZZERIA

營業中

休息中

平時做嘢舖頭附近成日會經過呢間Pizza店，每次都會好掙扎想買，不過價錢的確係有少少偏貴。今日見到有優惠，買咗外賣自取🤣🤣🤣食完先知真係物超所值😍首先，我哋叫咗千島夏威夷pizza， Pizza底非常薄脆，配上上面嘅配料， 10分香口！最驚喜係個卡邦尼意粉，超級Creamy ！同外面非常高級嗰啲餐廳真係有得比👍🏻好老實，如果佢多啲呢啲優惠價，我相信樓上啲住戶會買爆佢🤣

只要夜晚9點半前打個電話叫，放工返到樓下就有熱辣辣pizza同意粉食，pizza香脆，又可以自選配搭口味；意粉惹味，又啱香港人口味。耐唔中有新口味，簡直係夜收工社畜首選。

呢間既「薄」餅係真正既薄批pizza 坊間做薄批底既唔多，好食既就更加少。呢間既薄批底，夠脆夠薄，外圍微微燶燶地好香，火喉控制得剛剛好，普通連鎖pizza店係絕對做唔到。而且材料豐富得來，油唔多，唔會浸到個批底濕晒，焗完出來批底乾身夠脆，唔會一地都油 10吋 pizza 係剛剛好一人份量因為批底夠薄，唔會好飽肚，唔好諗住一個批兩個人些牙，因為太好食肯定會打交，唔太大食既，一人一個剛剛好。餓底建議直接食2個 ！

星期六同屋企人嗌咗呢個外賣pizza買咗個火腿夏威夷同埋肉腸味道都唔錯係九龍灣除咗pizza hut之後嘅選擇屋企人唔鍾意食夏威夷呢個pizza hut咁後不過其實平平哋都可以係幾好嘅選擇七八十蚊pizza係幾抵嘅

這次叫外賣非常差，完全唔抵食，份量少，叫咁多次外賣覺得今次係完全唔掂，可以用失敗形容。1) 1個10寸薄pizza,兩個意粉，兩個茶杯湯，蒜蓉包，豆腐沙拉，薯蓉要$486。貴個 pizza hut2)10寸薄pizza 黎到係凍，pizza走哂位3）蟹肉意粉冇蟹或蟹肉味，似普通蕃茄意粉4）香草雞肉意粉超多油，得幾條雞肉5）蒜蓉包超油和鹹6）豆腐沙拉一般7）茶杯湯係好鹹，飲不到其他味8）薯蓉係暖，味道一般不會有下次

小店用心做的特色口味pizza, 喜歡食真正意大利pizza 人才懂薄批，因為真係唔可以同好似食緊麵包既厚pizza相比。如果食野只係為左飽肚，其實應該買麵包唔好揀pizza 🤭之前食過新出既泡菜餐肉pizza 好味道，今次試埋大阪燒pizza, 喜歡大阪燒嘅一定唔好錯過，脆卜卜，醬汁九成似呢😍今次又係預訂七成熟，返屋企自己再焗180-200度3-5分鐘，焗完放喺個架度涼下先食就會脆卜卜，無需技術。蕃茄水牛芝士係次次都會叫嘅鐵膽，下次會加埋松露pizza。what’s app 落單講定大約幾點取就可，非常方便。繼續支持！

嗌咗個Pizza完全凍的 無味仲要好燶底以及細 完全唔合乎價錢同店員反應後 兩個店員態度超差又串串客人以及無禮貌仲要講平台抽好多傭 所以將件事合理化唔會再幫襯！！大家一定要引以為鑑

好少食pizza既我因為好怕啲又厚又淋既厚批。個人都唔特別喜歡蕃茄，但呢一間係最合我口味的小店，唔係住附近既我已經食過三四次😬今次店主知道我買返去晚上翻焗，佢細心的幫我安排焗七成熟😍小孩子唔食辣，叫左蜜糖豬肉腸粟米🌽Pizza, 四重芝士Pizza, 蕃茄水牛芝士Pizza, 自己就試泡菜餐肉😍真心好食😋批底夠脆夠薄🥰之前食過黑松露磨菇都好好食😋問心唔可以同冷凍pizza 相比，新鮮野價錢同冰鮮野不能相提並論呢。

經過見到小店老闆一個人，默默咁搓麵團整手工pizza，真係好耐冇見過handmade搓皮嘅pizza ，一於幫襯下小店啦。鋪頭主要賣唔同嘅手工pizza同意粉，只做外賣，冇做堂食。🍴辣肉腸黑水檻欖磨菇pizza 10吋 $85一打開個盒，個pizza比我想像中細，好似比pizza hut 細，個批好薄好脆，上面啲料都唔多，見到辣肉腸唔多，每塊啱啱都得一塊多少少嘅辣肉腸😂芝士，黑水欖，蘑菇嘅份量都好少🥲完全冇乜點食到蘑菇，黑水欖見住老闆一粒粒咁數住放😂講返個味道，熱辣辣係ok嘅，每樣食材都新鮮(磨菇同個批?)，可能啲料太少，個肶又薄，食咗好似冇食過咁😂老老實實俾得$85都唔係平，都期望個份量可以足啲，對比起阿信屋賣果隻韓式pizza，料仲多，味道都不相伯仲，又冇特別好食，我會揀三十幾蚊嘅急凍pizza😂推薦指數: 5/10總括而言，味道唔差，但個份量同價錢唔成正比，$85可以有更好嘅選擇。

叫左個千島夏威夷，無帶印花卡就問個服務員仲有無印仔儲，佢就叫我留個電話下次補印。下次？都吾知幾時，到時你地又話搵吾到紀錄啦，仲要我將私人資料俾你，都吾知安吾安全。買完之後見到我後面買個女人同個服務員講佢無帶印花卡，就即刻俾左張卡佢。我諗系我消費得個78蚊，人地消費得多就有卡俾。想俾人差別待遇就幫襯呢間野啦。 食物方面: 食左幾次但個pizza邊好燶 又黑 。啊個pizza勁熱但吾會俾膠袋你裝 你要自己手拎返屋企 好燙手 勁吾方便 又多菌。

母親節比媽媽休息吓，就喺外賣平台揀咗呢間做晚餐，第一次試😋餐牌選擇好多，因為屋企人唔食得牛肉同海鮮，平時嗌pizza店好多意粉類都有牛/海鮮，反而呢間選擇好多，輕輕鬆鬆就揀到！pizza仲可以自選配料，可以揀啲大家都啱食嘅💛pizza我揀咗吞拿魚、磨菇、粟米、洋蔥同芝士，食落味道都好夾👍🏻 同埋邊位焗得好脆口意粉揀咗香草雞胸同埋燒汁鴨胸，2款都好好味，味道夠濃郁，意粉送到嚟都唔會太乾身，冇痴埋一舊小食揀咗肉丸、薯蓉同埋薯仔沙律，味道都唔錯🤩有機會一定會再食呢間🥰🥰

依間黃店真係好好味大家一定要去試吓薄餅即叫即焗💕意粉入味 （有加酒 所以對酒精敏感嘅話要留意一下）最好味嘅係佢嘅曲奇呀呀呀呀呀！有分有棉花糖/冇棉花糖要買有棉花糖果個曲奇！煙韌有咬口😆 唔係平時脆嘅曲奇已經幫襯過好多次 因為真係好好味☺️（唔識寫食評，但真係好推薦大家去食）

即叫即做pizza，用心製作已經幫襯第多次，仍然咁好味！佢鍾意佢嘅自選Pizza，自己選擇鍾意食咩配料，香草醬係必選今次叫咗10吋pizza 🤤2個人食唔使15分鐘就清晒，仲差啲忘記影相 最後得返一塊先記得

好少見地方有薯仔沙律，突然今日好口痕，就黎左買份薯仔沙律食，呢到薯仔沙律超抵食，$15份，唔貴，依家7-11買支野飲都差唔多呢個價錢，而且份量都唔少，應該至少有一個薯仔🥔份量，而且唔係Small Potato嗰種🤣性價比好高🤪

見到佢哋開左一段時間, 但一直未被吸引去幫襯, 食到冇咩餐廳可以去選擇, 就去試下喇...超出我預期地好食, 新鮮,又多配搭可以選擇,不錯,住附近真係好幸福,又多一間舖頭有好野食...