又係抱歉，個包我咬咗啖至影，講返啲嘢食，真係好少見羅宋湯會咁嘅味～蕃茄水，大家明㗎啦！包同沙律ok!
首先你真係西餐廳，我哋叫牛扒，通常都會問幾成熟，呢度要用apps落單，入面係無得選擇幾成熟，真係無留意到呢點，點知道塊扒係well done,韌到呢⋯⋯但係友人果塊都係我落單，都係無選擇幾成熟，但入面又竟然係「粉紅色」，雖然係粉紅色但都係小小韌，反而配菜～都唔知叫佢薯仔定薯角好，就大大舊，幾好食，補充一點，佢話就話香煎，但塊扒感覺係炸 ！
原隻咸豬手，食過咁多間咸豬手，都未見過佢哋切開三件會又完全唔同色，同咁嘅型態，真係首見。我都醒，見到炸到油淰淰，食咗右手面件乾噌噌嘅肉試吓先，等佢收返啲「油」至試佢層皮，果舊「肉乾」真係唔使講你哋睇見都幻想到會係咩口感，跟著食返啲主食，啲皮不但唔脆，仲「油淋淋」，啲肉真係唔知點講，「硬」同「鞋」就一定～無乜味～真係唔知點食，果三舊，我食咗右手邊，中間俾友人，左手邊，唔信邪，咬下啲皮，睇吓脆唔脆同砌多一舊食就算。
中午來，最簡單，最能吃得齊全，一定是午市的套餐。因為有餐湯，所以就一人有一片香脆可口的蒜蓉包。香嘖嘖既麵包一到，讓我的相機吃了一口之後，兩個小朋友在立即一人一件取走。
要濃湯的，有甜美 creamy 的南瓜湯。飲得出這是用鮮南瓜打碎後再加奶油去煮的一個湯，味道甜美無比。
跟餐的紅湯是意大利雜菜湯。同南瓜湯一樣，兩個都是沒有肉的湯，這令太太很開心，因為可以食到 full set。雜菜湯足料，湯內好多菜。同羅宋湯一樣，有點咬口才開心。
因為女兒吃得不多，又好想自己有自己的一份野食，所以我們點了這一個蜜糖芥茉炸雞給她。說是炸雞，其實給的全是雞翼，而這樣小朋友吃得很開心。雖然是蜜糖芥茉，但入口不會辣，而且帶點點甜，好啱小朋友食。
蘑菇忌廉炒意大利粉是我們要求店方走了煙肉的。淨蘑菇忌廉炒意大利，也就是素食版的carbonara。雖然，汁好像過多了，但香港人的確是比較喜歡多汁，多一點的 creamy 口感。當然，我們也是，很 creamy 很香滑的意粉，會吃得份外開心。
我的選擇是香煎金寶雞扒配洋蔥汁。"金寶" 我相信只是音譯，應該是 Jumbo 的意思。我有咁既認為，全因為份雞扒的確是十分之大份。配上的洋蔥汁非常之濃香，加埋香脆的薯條同雜菜，把肉感豐富，味道也豐富的雞扒再昇華多一級，而這多出來的一級，就叫做更美味。
兒子點的煎焗美國豬排拼惹味雞鎚。這一份餐，這一件豬扒，我可以用 juicy 來形容。因為好少可食到一件多汁的厚豬扒。這一份餐的汁，是 gravy 燒汁，同樣地，這把豬扒的味道增強了，也把看似沒味道的意粉增強了，也是好好味道。至於雞鎚，就好似乾左少少。
最後說的是飲品。而我同阿仔都喜歡飲奶茶，一凍、一熱的港式奶茶，雖沒有傳統茶餐廳的出品好，但茶夠香，奶夠濃已經可以令我們飲得開心。
這次的確是隨機的選擇，大家也沒想到，我們選中了一間很好味的餐廳，為我們一家四口的赤柱一天遊，揭開一個好的序幕。
影片
