Dough Bros Pizza & Doughnuts (淘大商場1期)

營業中

休息中

這間人氣薄餅外賣店其中一間分店位於九龍灣的淘大商場，主打酸種麵團薄餅及炸冬甩。店內採用開放式廚房能欣賞到製作過程，裝潢以型格的黑色為主調，設有少量堂食座位。招牌酸種手工薄餅非常值得一試，以秘製的酸種麵團配方製作，每款即叫即製。外脆內軟的薄餅，伴隨微微炭烤味，帶有淡淡的麵粉香，濕潤度適中。2-4人分享套餐 - $378包括兩款薄餅、三款冬甩及兩款飲品The Carbonara濃郁順滑的卡邦尼醬散發蛋黃香氣，有拉絲的水牛芝士，又有鹹香的巴馬臣芝士，香脆的意式煙肉有濃厚的香料味，還有加入黑胡椒及新鮮蕃茜。The Parma 酸酸甜甜的番茄醬，同樣有水牛芝士及巴馬臣芝士，鋪滿柔軟細緻的巴馬火腿甘甜芳香，還有爽滑的香草烤蘑菇及濃濃芝麻香的火箭菜。招牌蒜蓉香草沾醬每份薄餅均有一份，有濃濃的蒜香奶油香。爆醬冬甩即叫即炸再加入餡料。七款口味選三款。Oreo朱古力醬有濃厚的朱古力堅果香氣、Biscoff焦糖餅乾有特有的肉桂焦糖香氣及酸酸甜甜的檸檬批醬，鋪滿香脆的砂糖。香脆雞翼(10件) - $78金黃酥脆的原味香脆雞翼，咬開雪白的雞肉嫩滑多汁，撒上鹹香的蒜鹽。松露芝士炸薯球 - $68外脆內軟的炸薯球，

因為我朋友好鍾意Red Velvet，適逢情人節Dough Bros推出Red Velvet口味既冬甩，我就陪朋友去九龍灣分店買，打算買六件每人三件，點知付錢後店入面行出來職員黑晒面話無晒，那都算了，因為之前在中環和佐敦分店食過都不錯，所以㨂了另外三款每款兩件（Nutella,吉士,西柚）口味，另外也提醒分開盒三款味各裝一盒。不過回家食過後，應該不會再去這間了，質素差太遠，餡又非常少，同之前完全無得比，再加上裝錯晒，變左我有兩件係相同，完全得個亂字。

食完午餐，心絲絲想食點甜。經過就睇中了冬甩，於是買來試下。有8款口味咁多，好難揀，思量了一陣選左吉士醬同柚子味。冬甩表面可以揀要白糖或玉桂糖。🍩吉士醬冬甩：真爆醬！吉士醬好多，吉士醬幾滑，配合埋鬆軟嘅麵包質感，好好味！個人覺得表面唔使白糖就更佳！🍩柚子冬甩：些微酸感嘅柚子醬配合埋冬甩都唔錯，同樣多醬！不過二揀一的話，會揀吉士醬，口感配合得更豐富！平時好少食冬甩，對於傳統冬甩🍩覺得好甜，而且無咩特別。加左餡令整個口感層次多左，令人想食多幾啖。

Dough Bro嘅酸種薄餅一直人氣都好夠，如果新登記會員，仲可以係生日月有免費pizza食🍕今次簡單買咗佢哋嘅原始風味（即margarita），配料簡單但已經好滿足😋有水牛芝士、鮮甜嘅蕃茄同埋香香嘅羅勒，加上酸種餅底，我過去煙煙韌韌又有麵粉香，芝士同蕃茄香比例啱啱好✨不過買左一定要儘快食，凍咗擺耐左個餅底食落會無咁好口感。而家OpenRice仲有優惠，$115就可以買到，比正價再平d。而且，佢哋pizzza都會配一盒自家製嘅沙律醬，可以用嚟點薄餅食，估唔到咁既食法又幾好，pizza既蕃茄香加左d酸味，提升左味道！🍅🥗

味道一般！thru openrice 落單寫左6:45pm自取 系統顯示6:35pm已ready！三催四請店員多次話再等5-10分鐘就有結果7:20先有得拎 其實係漏單！

久仰大名的「Dough Bros Pizza & Doughnuts」今天到訪九龍灣店朝聖，提供超過十款 Pizza、數款冬甩及小食-🔹The Carbonara $168每款 Pizza 皆附上蒜蓉香草沾醬卡邦尼醬、水牛芝士、意式煙肉、黃金蛋黃、巴馬臣芝士、黑胡椒及新鮮番茜10" 手工酸種薄餅，全部即點即製，確保新鮮，以型格黑色紙盒盛載，個人甚為喜歡薄餅邊有一定厚度，外輕脆而內綿軟輕韌且富空氣感，口感層次佳；多款材料的比例得宜，芝士做到拉絲感，啖啖煙肉與芝士香在口腔內慢慢滲出，齒頰留香；蘸上軟滑細緻又邪惡的蒜蓉香草沾醬，別具滋味-🔹Crispy Chicken Wings (10 pcs) $78單骨雞翼更易進食，炸至金黃色，油膩感不高；炸漿香脆，雞肉嫩滑又能鎖住肉汁，鹹中帶辣極具風味

點左個芝士辣肉腸酸種手工制薄餅，現場睇咗師傅拉薄餅，薄餅皮非常軟熟，拉絲芝士加辣肉腸，新鮮出爐真係超級好食。另外，點左一set泰式炸雞翼，甜甜辣辣，新鮮炸非常惹味。

又到晚餐時間，唔想諗叫外賣就最簡單😜竟然比我見到Dough Bros出咗好多泰式風味新產品，仲有個泰奶茶冬甩，即刻要試一試佢🤩🍗泰式脆香雞翼 ($78)脆香雞翼炸得又香又脆點都好食😆雖然話有10件，但其實係單骨，略厭份量有啲少😂辣雞翼加咗沙嗲粉，辣度十足😈好惹味，食唔停口🤤🍕Half n’ Half ($168)又揀咗兩個口味😋BBQ烤雞甜甜地好惹味👍🏻但卡邦尼就食唔出卡邦尼嘅感覺🫣忌廉味道唔算突出，主要食到煙肉味🥓最後都係靠佢嘅皇牌蒜蓉沾醬添加返嗰味😝🍩Triple ($98)今次貪心買咗3件set，因為計落發現比單叫兩件抵🤑其實主要係想試吓泰式新口味😛泰奶茶一見到就好想試😍點知就中伏啦🤡係第一次覺得唔好食🫠餡料好似奶皇包好傑唔流心，仲要冇乜泰奶茶味🥹成個食完好飽好膩😖

設立pizza同冬甩外賣專門店，真係令到買pizza嘅意欲大大提升，感覺方便好似快餐店概念一樣。門口仲有啲座位可以俾人坐低食。店舖呢頭落單，轉個頭已經可以見到入面廚師即刻搓薄餅，然後攞入焗爐焗，保證即整新鮮熱辣辣進食超級佛系公司，生日嗰個月有免費Pizza，仲要除咗Half-and-half，任何一款都揀得。臨近奧運仲送免費冬甩Ps個店員超Nice好有耐性比客人落單嘅時候先做決定，仲要勁有笑容。// The Truffle佢個手工pizza酸種餅底冇得輸！手搓薄餅，餅底一定超級鬆軟，有麵包感覺完全唔會有脆硬咬到嘴損嘅感覺。餡料上亦係毫不吝嗇，超豐富芝士、火箭菜、同蘑菇，佈滿成個pizza，另外點上超香濃黑松露醬，簡直係食到唔想停點剩嘅醬仲可以自己買啲薯條返嚟點嚟食pizza食兩塊半已經夠飽，可以三至四人share食// Thai Milk Doughnuts冬甩可以揀佈滿砂糖或肉桂糖，我以下選擇咗肉桂糖，咬落相對唔會咁甜，負擔輕少少。期間限定嘅泰奶餡料好特別，唔會死甜，食到啖啖泰奶茶味。個冬甩亦係極度軟熟，撳落去會回彈，鬆軟。食落去嘅口感係會先嘗到肉桂糖嘅微甜，咬落去係軟熟、暖暖嘅冬甩

晚餐諗諗下想食pizza, 知道呢間嘅pizza size幾啱我心水，於是決定食pizza!是日平日下午5點，未有太多人流，可以慢慢睇餐牌，揀想食嘅嘢。落完單，去行下街，到pizza攞得嘅時候，人流越嚟越多。🍕經典薄餅 —The Pepperoni🍕今次試經典類，餡料有蕃茄，水牛芝士，辣肉腸，新鮮羅勒。餅底好薄，麵粉好煙韌，pizza要熱焫焫食，餅底就會軟熟好食😋。每份pizza均會配招牌蒜蓉香草沾醬，而呢個醬令到整個pizza昇華，好好味。

一直想搵機會試呢間pizza, 發現淘大都開咗分店，九龍區人有福了！舖頭主打酸種薄餅，用手工製酸種麵圈黎製作pizza，薄身批底配合煙韌批邊，口感豐富。口味多變，成日會有新口味。每個Pizza都餡料十足至尊意大利辣肉腸薄餅 $168今次揀咗意大利辣肉腸pizza, 每一口都食到辣肉腸片。香濃嘅芝士蕃茄醬底配合鹹香嘅鹹肉腸，再加上餐廳調配的香草醬（garlic & herbs sauces），酸酸甜甜，令人食唔停口。而且香草醬減少咗pizza的油膩感，好開胃。Oreo chocolate doughnut $38餐廳另一主打係爆餡doughnuts，總共有9款味道，開心果、Nutella、biscoff 呢d 熱門口味應有盡有。Doughnut 可以選擇果上白砂糖或者肉桂糖，我個人喜歡肉桂糖，因為多咗一陣香味。Doughnut外表香脆，口感鬆軟，食多幾隻都唔覺膩。

見都好耐無食，諗住今晚食pizza啦。。前面有對夫婦，下一個就到我。點知個收銀行咗去忙外賣單，我企咗成2分鐘佢一眼都無望過嚟，心諗：你唔會覺得我係黎睇你忙單吓嘛？有個人企喺收銀面前點都立下眼望下卦。無嘅，完全無視，咁我就轉身離開。。其實呢間我喺灣仔食過無數次，覺得店員都好有禮貌，可能港島區？加上母語係英文嘅員工會好啲？唉，唔知。本身好有心情買個pizza食吓，被呢啲咁嘅員工冷漠對待無晒癮啦，你去嘞 😒

等咗好耐，終於等到佢開幕啦 佢嘅Pizza喺港九新界都有非常之出名 而且即叫即製熱辣辣超級無敵好食呀 餡料又多 雖然呢個批嘅size嚟講就細咗少少 價錢嚟講，我都覺得偏貴嘅 但係勝在佢有即叫即制 所以味道都非常之好 10分滿足呀

今日公司叫到會，同事選擇左依間主打冬甩及各款薄餅嘅外賣店，首先,pizza是一如既往好吃，外層酥脆,內裡鮮嫩多汁,充滿迷人的煙燻香味,既滿足肉食欲望,又能帶來獨特的口感體驗。接下來,我們有香濃的開心果白朱古力冬甩。雪白的白砂糖沾滿冬甩表面，內裏包裹著香濃的開心果餡料,入口即化,回甘悠長。榛子醬冬甩則以香濃醇厚的榛子醬為餡,酥脆的外皮與軟糯的內餡完美融合,散發出濃郁的堅果香氣。而焦糖餅乾味冬甩帶有濃郁的焦糖香氣,外層酥脆,內餡綿密鬆軟,餘香久久盤旋於口齒間。最後,Oreo冬甩融合了經典的Oreo餅乾風味,內餡極具味覺沖擊力,口感層次豐富,餅乾碎粒與糯米粉的交織令人回味無窮。

Doughbroshk 都算係我哋近期常叫嘅pizza外賣😝因為佢嘅水準都幾穩定😌不過其實最念念不忘嘅係佢啲爆醬冬甩🤤🍕Half n Half ($168)一半一半自己揀自己想食嗰隻味，唔洗爭😝因為pizza餅底係酸種麵包，口感比平時普通pizza濕潤帶煙靭😋最正係佢配嘅蒜蓉沾醬🤤總會令我甘心將平時成日食淨嘅pizza邊食清光🤣🤣🤣🍩Doughnuts ($38)因為真係太邪惡😈所以每次都限自己只可食一粒😇今次揀咗S’mores🍫最愛係佢可以表面揀肉桂糖，香度即刻大大升級🤤不過今次綿花糖加朱古力就有啲甜得滯🫣都係Nutella啱我啲😂😂