Downtown Hot Dog (已結業)

< 意式黑松露熱狗 $45 >位於如心廣場一間比較隱蔽既小店，都係專賣熱狗，冇乜特別多款既小食，據說呢到既黑松露熱狗出名，於是就叫隻黎食下，腸仔上面有層芝士，然後上面有幾行薄弱既黑松露醬，而包果方面都冇香味又唔軟熟，好明顯冇落功夫去烘，真係有啲失望，$45 既價錢我會期望多啲！

睇完戲見有啲餓 就係附近覓食見到hot dog🌭之前又聽聞過 就決定try try佢星期日中午都吾算太多人 total 有四張枱仔我等左5-10分鐘就有得坐 經典熱狗 (8/10) 費城芝士牛肉熱狗 (6/10)即叫即整 個包咬落去好脆 加18蚊 有set 可以揀 薯條/沙律 and 野飲/湯我揀左是日湯:南瓜湯其實係幾好飲 吾係罐頭湯費城芝士牛肉狗就同熱狗吾夾配料:牛肉 洋蔥 蘑菇 芝士感覺會同漢堡包夾啲

恨左食隻有質數嘅熱狗好耐，奈何香港食漢堡嘅地方多過食熱狗。第一次嚟食試左佢嘅意大利松露醬熱狗，個飽連入面切面都有烘脆嘅... 腸仔好juicy, 係番茄同芥末上面再淋上松露mayonaise... 一定再返嚟食!!!

同朋友去荃灣睇戲，趁仲有少少時間食少少嘢先，揀咗Downtown Hot Dog。呢度有幾款特定款式，另外都可以自己配搭唔同嘅熱狗包同熱狗腸。俾錢後等咗幾分鐘，熱辣辣熱狗就整好。費城芝士牛肉狗，即係芝麻熱狗包配牛肉、洋蔥、磨菇、芝士，跟住就用黑椒汁調味，啲餡都算豐富。個麵包好似話係間嘢自己整，都算鬆軟，牛肉同其他嘢夾埋一齊就幾甜而帶少少黑椒嘅辛辣，不過因為芝士都幾多，再加上啖啖肉，食吓食吓都幾漏。另外加錢要埋汽水及薯條，薯條係粗身有少少似triple O嗰種，加上嗰日係啱啱炸起，所以都唔會難食。

在香港要吃美味漢堡不容易出現，之前和朋友在cwb和深水涉吃過手打漢堡，以前只會去M記，有次在筌湾行街時候，就在如心廣場吃晚餐，就見到一間漢堡店,第一次光顧關係，就點了一個手打漢堡，漢堡全部手打制作,仲係即叫即做,牛肉味道十分可口，個包十分軟熟,肉汁鮮味，價錢比起M記貴咗些小，又比起M記好好吃好多，這裡漢堡的確幾好味味道:我覺得十分不錯，牛肉十分新鮮，個包好軟熟環境:十分企理乾淨服務:我覺得又幾好價錢:稍為貴咗些小，我覺得物有所值

下午茶食個漢堡飽加薯條，價錢都唔太貴，2個人食咗$130左右，有個包，汽水同薯條。薯條係即炸，好好味。漢堡飽都好脆！牛扒好juicy,唯一美中不足係油煙味好大。同埋座位得好少。

我向來喜歡吃漢堡包和熱狗，某天和男朋友經過荃灣，記得如心廣場內有一間熱狗小店，就一齊去醫肚啦今次和男朋友點了手打安格斯牛肉漢堡和意大利黑松露醬熱狗，先說手打安格斯牛肉漢堡，份量十分大，漢堡包烘得香脆，內裡的安格斯牛肉經煎煮後，仍然十分Juicy美味！唯有要改善的地方就是漢堡包太大個了，進食時可能有點困難，建議大家分開一層層食！而男朋友說意大利黑松露醬熱狗也十分美味，淡淡的黑松露香味配上皮脆的熱狗腸，再加上外脆內軟的熱狗包，配合得非常出色！結論：兩種食物都好味又飽肚，價錢都合理！

情人節 乜春都貴 不過咁特別日子我唔想要條女捱老麥所以我帶佢嚟食好西 高級熱狗不過冇諗過咁旺場 仲要等位反正等位咪先睇餐牌囉我叫佐「黑松露醬熱狗」$45條女叫佐 「墨西哥塔可熱狗」$42薯仔沙律x2 $15一兜汽水x2 $15一罐黑松露醬熱狗包好大好大 條腸又大碌 熱狗醬汁D味係好鬼特別 酸酸甜甜又有D黑松露味 巧鬼正 薯仔沙律個沙律醬D味係唔太酸 薯仔淋得嚟又唔會話爛bebe咁 同一般係茶記D沙律係好唔同 very good情人節大餐嘅價錢係$45+$42+$15+$15+$15+$15 = $147 $147/2人 = $73.5一人    啱數有情唔會飲水飽 食熱狗先會夠飽

今晚時間比較趕 所以想買啲野行住黎食。諗起公司樓下果間熱狗一次都未試過就試下佢。今日有特別推介喎, 9吋珍寶XXX芝士牛肉熱狗 $58一個。都唔平, 不過推介得冇死嘅。就呢個我想攞走。下? 加一蚊? ok...... 明嘅。咁我堂食啦都係。搵位坐 但好多盤冇人執。No problem, DIY等左都5分鐘以上, 乜熱狗要咁耐。叫我號碼了, wow 好珍寶喎。不過, 係個包。咦? 呢個唔係熱狗黎咩? 咁薄嘅? 係咪漏左條腸 Oh...... 入平果塊 原來真係牛肉黎.....餐牌冇錯, 係我get錯. 不過如果冇腸, 仲可以叫做熱狗嗎?Fine, 可能好味呢。望多一望, 塊牛個面積只係佔左個包嘅二分之一。厚度就應該2-3mm. 有幾啖都係齋食包。我冇睇錯, 58蚊呀可? 你贏個汁呢, 應該係洋蔥芥末醬, 都唔錯。但係配塊牛肉乾就失左色。我又唔會話冇下次, 因為我今次點錯野。不過希望佢地小心揀野做“特別推介”

3個月前的一個週末，放工後想到荃灣行街買東西！ 順便在荃灣醫肚，荃新天地的食肆不便宜，走過去如心廣場看看，如心廣場比以前人流旺得多！ 1樓這一層食肆林立，找到一間熱狗店 Downtown Hot Dog！店子鄰近洗手間及如心海景酒店通道，人流絡繹不絕！加上鄰近西鐵站，十分方便！店子以街頭圖案作背景，只有四張桌子！ 人流旺的環境下在這裡進食，的確好似身在街頭食熱狗！黑松露醬熱狗 $42烘至熱辣辣又鬆軟的包身，夾住芝士腸，咬開爆汁又鮮美！ 配上黑松露細及蜜糖芥末，味道夾得來又可提升味道！南瓜湯 $18質感濃稠而甜美的南瓜湯，混合南瓜粒，真材實料又不錯！薯仔沙律簡單混合沙律醬及香草，簡單而美味，我卻喜歡蘸上熱狗的黑松露醬，口味更突出！

經過荃灣如心廣場本來想找間餐廳醫肚，看見有間Downtown Hot Dog既小店，餐廳屬開放式格局，但座位離行人通道有段距離，坐下不覺焗促，一様可以和朋友談天說地。 叫了一客店員推介既意大利黑松露醬熱狗，黑松露醬透出淡淡清香，配上處理得皮脆肉香既熱狗腸，烘得外脆內軟既熱狗飽，配合得非常出色美味！另一份秘制鹵肉醬味熱狗，鹵肉味偏濃，熱度充足，口感獨特， 如果加多兩片番茄就可以中和味道。 還有一份粗條薯條，香口不油膩，食完哂盛載薯條個紙杯一滴油都無， 值得一讚！ 再叫一杯自家制新鮮濃湯，溫度十足帶南瓜甜味，兩杯即磨咖啡，兩人巳非常飽足了，下次嚟會試下店員推介既手打牛肉芝士漢堡。

荃灣既商場好多，有D仲會係商場連商場咁，真係行到都唔知先自己係邊!~就係咁好偶爾經過宜間快餐店，聞到好香既薯條味，就買左杯黎食下!~薯條金黃，即叫即炸，十分新鮮。條條薯條都係厚切，夠哂口感!~對於唔中意食薯皮既人黎講，宜個薯條會有D敗筆!~每條薯條都連有少許薯皮，不太喜歡!!調味料有茄汁、鹽等等，全部都以自助型式擺放，可以自己中意加幾多都得，正!!

好啦我又來荃灣搵我好姊妹啦，兩個女仔諗住求求其其食啲嘢，喺如心廣場見到有熱狗，就即刻狗衝去食。 我叫左意大利黑松露醬熱狗，加＄18就變套餐，有一個小食同一杯野飲。 先講下個熱狗，一黎到已經香到不得了，啲醬仲要多到㵼晒出嚟，賣相相當吸引。一咬落去覺得個包烘得未夠香脆，但勝在主角條熱狗腸搭救，條腸非常多汁，中間仲要係芝心，所以小姐呢個芝士愛好者決定大大加分。 個薯條都炸得唔錯，好脆但又唔會燶。 總括嚟講50幾蚊有個熱狗有薯條又有嘢飲都算係質素幾好架啦，有機會會再嚟食。

平日好少去如心廣場果邊，咁岩呢一日有野做去到附近，於是入去睇下有咩食啦！俾我發現呢間熱狗小店，想快又想食得簡單啲，所以就揀左呢間店啦！Down Town店仔細細，都算係當眼位置，唔難搵到，簡約既格局令人份外放鬆，放慢腳步看看人來人往的急速步伐 （笑）。除左有熱狗食之外，仲有漢堡食架，不過今次我揀左熱狗試下先。款式唔算多但你一定揀到心水，每個餐加$18都有一杯飲品/湯 + 薯條/沙律，仲可加錢加topping添。我叫左意大利黑松露醬熱狗，配可樂 & 薯條，第一次食熱狗配黑松露醬，感覺幾特別，濃濃既黑松露醬配埋脆皮熱狗腸，滿足到喜歡黑松露既朋友啊！即時制作，薯條又是即時炸的，所以要耐心等一下喔。朋友點左墨西哥塔可熱狗，topping有脆脆粟米片，微辣既醬汁令胃口更好，我自己中意食辣少少，所以稍微辣多少少會更香更吸引。我地其中一個餐既薯條加左火焰芝士，半溶芝士加上濃香薯味，同埋外脆內軟既質感，真的好難抗拒，一見到咁樣既芝士，咩減肥都唔記得哂啦 （笑）。

因為行街行到過哂食飯時間，剛巧經過宜間熱狗快餐店，就決定趕快吃個晚餐。這間快餐店即叫即整，很有HEART唷!!!意大利黑松露醬熱狗$45價錢十分親民，+$18元可升級為套餐，有薯條都飲品。成個熱狗不論麵包、香腸定係醬汁都一流!!!麵包鬆軟，香腸選用了芝士腸，咬落去芝士爆出黎，芝士味香濃!而黑松露醬更係份量十足，保證熱狗唔會乾巴巴的，每啖都會有黑松露既香味!從來無想過熱狗咁平凡既東西都可以變得咁高級，咁有新意!墨西哥塔可熱狗可算是我第一次聽聞了!!!熱狗上佈有塔可，咬落脆卜卜，增加了整個熱狗既口感!!!醬汁味道濃郁，再配上芝士腸既香味，回味無窮!!!!!金黃色既厚切著條一向係我既最愛!!!!最令我欣賞既係著條會連有少許薯皮，外脆內綿，而且食落更有嚼口!!!