DPD Deluxe (已結業)

I was so excited to know a deluxe version of DPD had opened in Fortress Hill. I have been here three times since they opened. I know some people find it a bit strange that they have both a chinese and a western selection but I absolutely love it. I love being able to mix a chinese beef noodles with a western pork jowl sandwich.They don't have the full dinner menu online, I hope they can get that up soon. The pictures online don't do this plave justice, this is a must visit! Staff are so friendly

裝修望落簡潔開陽 入到去十分之有feel 佢地有提供西餐同埋中餐嘅 但我地最後揀咗食中餐 估唔到有驚喜 下次再去開個頭可以去試埋西餐鮮鳳梨咕嚕黑豚肉黑豚肉肉質非常軟腍 重點係無骨 唔使損骨好方便 配合埋佢酸酸甜甜嘅醬汁 好開胃 除此之外佢仲有新鮮嘅鳳梨一齊落去炒 令到成個餸加晒分香辣漁香茄子煲上到枱仲係咋咋聲 好夠熱 仲要聞落去勁香 同埋佢真係送飯一流 好惹味 唔覺唔覺就會食多咗個飯 脆皮炸子雞雖然佢得半隻 份量都幾多下 佢哋仲俾埋啲鹽我哋點嚟食 但其實就咁食都好正 因為一食落去啲肉汁衝擊住成個口腔 而且啖啖肉 肉質好鮮嫩上湯金銀蛋浸時菜新鮮蔬菜再配上鹹香嘅鹹蛋同q軟皮蛋 食落清清地 而且好啱而家呢啲天氣食 因為皮蛋都好下火🙈

以前呢個舖位係simply life...都做左好多年，而家改頭換面轉左行高級版大排檔，但一大開餐牌就唔係一般大排檔嘅款式，有中/西餐，但又唔會係港式茶餐廳嘅質素，阿女友今晚揀咗西餐，沙律🥗，春雞同牛排🥩。3⃣️様都唔錯，性價比算中度水平，係略嫌隻春雞仲有少少血水，令到阿女友唔敢食，咁就變咗我第二日嘅lunch 喇塊牛扒都煎得好好，rest 嘅時間足夠，肉質鮮嫩，叫左七成熟切落去都唔韌。最有趣係我哋食緊西餐，隔離枱客係食緊火喉十足嘅啫啫煲

想約朋友食中菜而不失優雅, DPD Deluxe會是好地方。兩間分店,一間旺角,一間炮台山.晚上七時多,不少顧客已在享用晚餐。餐廳氣氛舒服帶幾分優雅. 二人挑選了4款中菜作晚餐。 老火中餐湯，濃郁零味精。 欖菜肉鬆四季豆家常菜系列，四季豆鹹香味濃，鑊氣十足之餘，不帶乾身燶味，仍見蔥綠。欖菜肉鬆份量剛好，一羮來吃挺不錯。鮮鳳梨咕嚕黑豚肉很喜歡這道咕嚕黑豚肉，每到DPD食中菜，必點之選。 新鮮鳳梨已很加分，再加上無骨又非常軟腍的黑豚肉，更見吸引。 沾滿濃濃甜酸汁，醒胃惹味。加上咕嚕肉也是一口大小，方便入口。黃金蝦球除了家常系列水準高，小巧菜式也令人垂涎。黃金蝦球賣相吸引，內裡蝦球大大件。炸層充滿鹹蛋黃，濃郁味道，香脆薄身。而蝦球彈牙，嚼勁十足。百花炸釀松葉蟹鉗另一道精緻菜式，更是廚師提介啊。脆口炸層緊接著彈牙蝦蟹肉，整個蟹鉗釀料豐富。 配上秘製醬汁，尤其滋味。 到晚上九時,大部份食客都已離座。餐後在這簡約優雅的一隅待一會、閒聊一會，的確舒暢。

早排喺北角返工嘅朋友見到公司附近開咗新餐廳，原來就係之前旺角DPD大排檔嘅升級版，所以最近就同朋友嚟咗餐廳食晚飯，餐廳有提供西餐和中式美饌，總有一款啱大家，今次同朋友就係選擇咗食中菜，味道唔錯有驚喜，要讚下店員服務非常好👍🏻_晚市套餐配有中湯和白飯😉🍲蝦醬啫啫唐生菜煲 $88一上枱嘅時候嘩咗一聲，事關上枱嘅時候真係咋咋聲好夠熱，蝦醬配唐生菜非常合襯，配埋非常香口嘅肉碎果然係白飯小偷，十分惹味_🍍鮮鳳梨咕嚕黑豚肉 $138幾欣賞餐廳嘅擺盤非常有特色，採用新鮮鳳梨打卡一流，使用黑豚肉嘅咕嚕肉肥瘦比較均勻，配上鳳梨和彩椒更加有口感_泰式炸蝦餅（六件）$128朋友話想試吓炸蝦餅所以叫咗嚟試吓，外皮香脆，內裏有蝦肉食落幾彈牙，配上甜酸醬汁更開胃_整體來講環境舒適店員服務也不錯，以呢個價錢來講值得大家一試

Weekend訓晏左少少，一早知道依間餐廳有做早餐。不過無諗過早餐非常有特色，所以都忍唔住想寫篇食評。早餐唔一定只係雪菜肉絲米同沙嗲牛肉麵既選擇，係到可以揀鬼佬西餐，又或者中式點心。所謂咸魚白菜，各有所愛。我始終都係好鐘意食燒賣，所以點左份中式點心。一個餐就有齊哂自己鐘意既燒賣同蝦餃，至於配埋糯米雞，我更加唔介意！蝦餃夠大粒，做得夠精緻。入面蝦仁起碼有2-3隻，非常彈牙新鮮！其實鐘意依d餐廳，鐘意佢地做到即叫即蒸，小量出貨，但品質非常好。就咁睇早餐時段人流絡繹不絕，如果星期六日應該要早d就位先食到。

北角覓食熱點，電氣道是我不二之選，返工行開行埋發現多了一間新餐廳，想找到一個適合休息既餐廳唔容易。依間餐廳環境寬敞，職員態度好有禮貌又細心。類似餐廳北角少之有少，真係有心做。原本以為只係普通野，以為依道燒西班牙穀飼黑毛豬鞍相貌平平，但食一啖豬肉非常鬆軟，入口肉質嫩滑，完全比一般豬扒超班。可能是用西班牙既關係？ 或者師傅手勢好？總之令我對豬扒「好柴」既概念改觀，有驚喜！肉質鬆軟的煎豬鞍蘸上甜甜的粟米蓉同吃，滋味倍添。其實裝潢已經非常合格，加埋員工親切服務，同埋野食質素，係一間非常有驚喜的餐廳！

另外叫了個C餐(豬扒), 可惜個餐湯有濃味, 換了個中湯。中湯幾好飲, 好足料。服務態度是唔錯的，supervisor 灰色西裝幾好睇，配波鞋，，帶點活力。　環境是舒適的，夠大，夠光猛。希望食物質數有改善。２人用餐，　共＄３７０

今日特登去試新野可惜有點兒失望其實環境同裝修都可以的點了午餐兩份我的正正常常但係我好朋友的酸辣海鮮蟹肉配烏冬令她很失望，佢話食落似蕃茄蛋完全吾辣搵唔到海鮮仲有佢杯latte唔知點解會冇咗個蝴蝶酥同埋隻匙羹仔其實係咪分店嘅標準就唔一致呢🤷‍♀️唯一可取之處係環境清潔都正常，可能因為新。廚房請你出食物之前自己試一試或者叫其他同事試一試！最後值得讚許嘅一個灰色西裝嘅男supervisor 態度良好, 同埋我鍾意佢衣著得比較型👍今時今日唔係一套黑色西裝加一對皮鞋就代表專業！

最近炮台山又開咗唔少新餐廳，呢間大牌檔就係其中一間！一開始聽個名以為係傳統嘅大牌檔，點知裝修完後令我有啲出乎預料，店嘅外觀有別於我以往所認識嘅大牌檔，裝修似比較高檔嘅cafe👀 今次我就無入去堂食，比較想試下佢哋嘅咖啡！店外有外賣角落可以買到咖啡同蝴蝶酥💁🏻‍♀️ 聽聞佢哋嘅咖啡豆係選用君悅酒店都用緊嘅意大利 Kimbo 咖啡原豆，仲會即磨即沖泡，我今次等咖啡外賣都等咗十幾分鐘😬❤️ Latte $38咖啡飲落去係微暖，佢哋選用嘅咖啡聞落去香氣濃郁，飲落去味道偏少少苦但好輕微，整體咖啡味未夠顯著，奶泡打得唔夠細膩，我個人認為味道同普通連鎖咖啡店質素差唔多，無咩驚喜😕好飲度：⭐️⭐️✨ (2.5/5)餐廳推薦度：⭐️⭐️✨ (2.5/5)今次無堂食，但以外賣咖啡嚟講係一般😶 下次有機會都會想入去堂食，試下佢哋主打嘅東南亞菜！

平安晚嘅早晨，樓下開左間新餐廳，就入去試下，叫左個英式早餐，餐廳入面好舒服，入到去居然有種渡假嘅感覺，成個人嘅節奏慢左落嚟，淨係想好好享受呢個早餐時間。服務員有禮咁幫我落左餐，仲比左杯暖水我暖下胃先，早餐嚟到好精美，我就慢慢嘆下個早餐，蛋好香，包很脆，環境好好，冇人催趕，在疫情中好彷彿去左旅行咁

難得來炮台山行，這天早上自己一個來，見到是DPD，也來朝聖一下。你絕對不覺得這是一間大排檔，門口有蝴蝶酥賣。落地大玻璃門口很開揚裝修設計也都十分特別，坐位亦坐得舒適。基本上想那一款種菜式亦有得選擇，拍下其他餐牌讓大家參考一下。這個早上想來一份英式早餐，$55，真心價錢很值得。日本靜崗蛋很好，香腸火腿和多士，很久沒這樣嘆著早餐慢食。在這種舒適環境下，更大加分。唯美中不足的，大排檔應該有港式奶茶，可惜只能配英式茶，這是尚欠一點，我一般咖啡，奶茶是我的提神來源，希望可以考慮加入。