Dreampresso

營業中

休息中

之前約咗住深水埗附近嘅朋友出街，佢就介紹呢間小女子試呢間幾有特色嘅咖啡店，呢間cafe提供嘅體驗都係小女子第一次感受到，幾適合想認識咖啡嘅朋友Ice Drip Coffee之前無試過飲冰滴咖啡，今次一試發現比想像中好飲香氣純淨，味道濃厚，唔會有太過刺激同苦澀嘅味道，就可以更好咁感受咖啡豆本身嘅味道，而且佢配左少量咖啡粉俾客人聞吓咖啡本身嘅氣味，所以成個體驗好特別佢仲有附送一塊好香嘅曲奇餅添Espresso Tonic呢款就有tonic water另外上俾客人慢慢加入去，同樣配有曲奇，同埋咖啡粉，呢個仲有一小杯熱嘅espresso 俾客人感受咖啡原本嘅味道，一開始嘅比例上比較好，tonic water同咖啡平衡得比較好，比例平均，唔會搶咗其中一邊嘅味道，但係之後再加tonic water就變得越嚟越甜All Day Breakfast (德國香腸，雞翼，煙肉，法包，滑蛋，是日沙律，扒蕃茄，粟米)佢個全日早餐嘅部分配搭可以自己揀，自由度幾大，其中一款香腸入面有芝士幾好味雞翼幾入味，法包都好脆，其餘都正常發揮黑松露忌廉蘑菇意粉黑松露味幾香，唔算特別creamy，所以都唔太膩感覺呢間cafe嘅

明白這間是主要提供工作坊的cafe⋯但個人認為服務可以好少少。因為先前有朋友試過，話好食好飲先帶咗同事上嚟買咖啡點知一上到嚟個女店員已經好不情願由梳化起身，仲要個樣係令人覺得好不耐煩。唔剩止係本人覺得，同行嘅人都係覺得點解態度咁🥹好似過嚟幫襯係好唔應該。平時返工點都會經過依間店，成日都想幫襯下，估唔到今次take away coffee都令人覺得好唔舒服，唔會再有下次。😢咖啡嚟講都還好但如果想搵做嘢地方係okay

因為係樓上鋪，門口唔起眼，但成日經過都會有𝑠𝑡𝑎𝑓𝑓係樓下派傳單，如果唔係真係好難發現呢到，我特登早啲起身，返工前嚟嘆個靚早餐 我想坐露台位好耐，感覺好似與世隔絕咁好𝑐ℎ𝑖𝑙𝑙，所以幾熱都堅持坐出面店員妹妹有嘗試說服我坐室內，有冷氣最後店員妹妹特登拎咗把風扇吹住我，好細心 ✦ 𝐴𝑙𝑙 𝑑𝑎𝑦 𝑏𝑟𝑒𝑎𝑘𝑓𝑎𝑠𝑡 $𝟷𝟶𝟾 全日早餐啲配搭都有得揀，最鍾意有得揀我揀咗德國香腸、脆香雞翼、煙肉、法包、滑蛋是日沙律、蕃茄扒、粟米就𝑓𝑖𝑥咗冇得揀好彩德國香腸有兩款，因為我唔鍾意食白香腸而脆香雞翼就變咗瑞士雞翼，反而仲好冇咁熱氣煙肉味道就麻麻，法包都脆嘅滑蛋有啲淡，是日沙律同蕃茄扒都新鮮粟米食落去酸嘅，以為壞咗，之後問返係加咗醋成個全日早餐整體不過不失，冇一款特別好食 推介指數：❤️❤️❤️🤍🤍 - ✦ 滴漏咖啡(𝑐𝑜𝑙𝑑) $𝟻𝟶 呢度主打咖啡，我就唔係太識飲咖啡淨係睇個款就知佢哋啲咖啡好專業仲有一塊自家製曲奇送咖啡，烘熱咗，好香同埋有少少咖啡粉俾客人聞 推介指數：❤️❤️❤️❤️🤍 - 等緊野食嘅時候，望住馬路車來車往但我嘅時間好似慢咗落嚟放空下，都幾𝑐ℎ𝑖𝑙𝑙完全唔覺得自己陣間仲要返工有時間再過嚟

偶然睇到評價來到，真的如傳聞中的服務員的服務很到位，很熱情，會同我哋介紹唔同的咖啡豆的原產地、味道、特點等等背景，根據我哋的情況介紹合適的咖啡品種。咖啡都好好飲！All Day Breakfast 都唔錯，好抵食。咖啡廳的環境也很好，我同朋友一齊喺露台坐，仲可以望下風景，好舒服，好適合下午茶同幾個 friend 一齊 吹水。等疫情過後會再去幫襯。走的時候店員介紹仲可以自己嘗試磨咖啡，不過呢次冇試，下次可以試試。

環境舒服清雅，可以靜靜的享受咖啡食品。待應小姐細心介紹咖啡豆，幫客人因應口味而作出合適選擇。選了 Columbia 作 americano, Brazil 作 moka, 很好。意料之外是 Batista 另外奉上以同一咖啡豆作的 expresso, 可以讓客人對該咖啡豆有更深認識，讚！ 食物選擇不算太多，但意粉做到 al dente, 我們很滿意。待應小姐除了服務熱誠，對自家食物、飲品認識豐富外，更加對咖啡有深入了解，她令這店更加出色。隱世小店絕對可以再去！

今日同friend去深水埗果陣見到一件樓上coffee，間coffee門面細細，原來裡面係咁特別嘎，入左去之後會見到一大張檯都係咖啡用具啦，坐底之後有職員過黎會介紹一D店舖特色，職員問左右冇想飲邊款咖啡啊，我個朋友就話想要職員推介啦，佢地會問左你，有冇話想飲濃D定要甜D啊，感覺上真係會根據客人嘅個人口味去推介咖啡，好用心嘅設計，跟住叫左杯ICED Mocha啦，職員送上黎果陣，會有一杯仔咖啡粉係度，佢介紹話，尼個係我杯咖啡嘅原豆粉，係俾我問下杯咖啡嘅一D特別香味啦，好似尼一杯ICED Mocha咁，D豆係巴西豆調配而成，裡面有堅果味同埋少少黑朱古力的香味。個感覺都好特別，坐左冇幾耐，見到有人上黎上咖啡堂，問左職員先知，原來尼間咖啡店系會有埋咖啡手沖堂同拉花堂，可以自己落手去整一杯適合自己口味嘅咖啡，都好正wor。

今日到深水埗Dreampresso，見到佢哋真係好用心想要做好咖啡，原來尼度唔止係咖啡廳，仲可以學點樣沖咖啡嘎，店員會好用心咁介紹咖啡原豆啦，烘培啦。勁like！

老友約我去吃飯，收工後行過去原來我屋企後面對面就是這間，真是好近喎！第一次來這裡，我們入去前眼前看到一樓有露台很不錯喎！我們入黎上去一樓，原來是咖啡體驗(有工作坊有教導品嚐、咖啡種值與生產)，雖然我不愛咖啡☕️！入面室內都不大，但環境不錯！室外都有露台，室內有得可以取玩具(啤啤、唱K、睇書等),不錯！我們要嘗試食～～#Dreampresso #享受一下 #我們聚在一起吃飯#咖啡店鋪 #咖啡廳 #Coffee #咖啡體驗#美食推薦 #餐廳推薦 #美味 #香港好去處 #吃貨 #hkfood #yummy #香港の吃喝玩樂

老老實實呢間咖啡店嘅裝修就唔係我嘅取向，但同朋友一直想搵間可以坐一個晏晝慢慢傾偈睇書嘅Cafe真係比較難，特別係依家KOL咖啡店當道，為求做生意都唔會想客人坐咁耐，所以今次就專登嚟太子試一試佢。因為本身已經食咗嘢，所以一開始只係叫咗一杯espresso tonic，佢哋用咗香檳杯去裝，顯得好高雅，份量比較少，但味道都唔錯。係同朋友傾偈嘅過程中，肚子不知不覺又有左quota，於是就叫咗小食拼盤，肉醬芝士薯條等等，再叫多杯hazelnut latte。咖啡嚟講我比較鍾意呢杯，好香。小食方面就唔係特別推介，味道一般，份量亦唔大，如果大家想來，比較推介齋飲咖啡。

星期日 , 兩公婆去聖堂 , 望完彌撒之後 , 就行去嘆杯啡 (這是例行公事吧) ~這次選擇去嘆啡的地方 , 是位於 太子-大埔道 的 "Dreampresso" 這家店並非普通的 coffee shop 那麼簡單 , 而是一間本身有教咖啡班 , 有 workshop 的店 , 絶對是可以看高一線 ~秘魯豆 (Hand drip) : 端上枱時 , 咖啡的溫度適中 , 伴隨的還有一塊餅乾 (夠心思) , 咖啡嗅起來有花香約芬芳 , 算是中等的酸度 , 味道幽香雅緻 , 略帶有可可香 , 餘韻悠長 , 是極有個性的一杯啡 , 很合我口味 ~兩公婆慢慢呷 , 吹吹水 , 靜待時光飛舞 .... 夫復何求也 ~本篇完 ~

早些時間已經發現這店子，可惜放工太晚無奈向隅，今日假期經過就擇日不如就日立即上去試試。天氣不太熱就選擇坐陽台，侍應生有耐性詢問在下這位生客口味以及解釋咖啡豆選擇以及提供咖啡豆樣本。餐廳環境幾舒服唔會太迫，而且依家天氣未係火爐咁，即使露台位坐定咗都算幾自在。.點了個set 加配 coffee Buddy.Coffee Buddy 是日精選咖啡豆（呢一日係藍山咖啡）製作出Espresso Cold Brew Coffee 以及 Hand Brewed Coffee並奉上自家製作曲奇餅餸咖啡。唔太清楚第一次試都可以放心，店員會教你點樣先後次序品賞咖啡。個人覺得冷粹咖啡真的唔錯。曲奇餅餅身鬆軟 有舒量落鹽用鹹味平衡唔會太甜，唔會滯同膩，配咖啡就相當唔錯。至於焗肉醬意粉跟餐湯以及沙律味道可以。如果非要講可再進一步，對義大利麵處理，嗯，個人要求幾近乎有點偏執，香港人以往普遍食慣「煮過頭」over cooked 的義大利麵和義大利飯。但個人認為唔需要太刻意遷就，因為既然有誠意可以做到原碟義大利麵入烤爐焗，義大利麵應該可以做返意式AL-Dente （即麵條煮至外面軟化，一點半熟不生，貪其有咬口）香港唔

3/3/2021 星期三，放假喜歡嘗試特色小店，嘆午餐。這小店地方雖然唔係好大，不過座位擺設舒適，見到佢有一個小露台，行到出去，有驚喜！多盆小盆栽，增添悠閑感覺，掃走這舊區老化感！這小店是咖啡工作室，女侍應好有耐性介紹各種不同嘅咖啡，給人客選擇。Order 每一款咖啡都是一set給人客的，會配一杯expresso，cookies & 咖啡粉，慢慢品嚐。咖啡控，不容錯過！今日午餐，叫咗 All Day Breakfast, 日式豬骨湯烏冬，小食拼盤 and 雪糕窩夫！值得推介！

呢間coffee shop係二樓，行過未必會見到，樓梯口就得兩個易拉架寫住「咖啡體驗」入到去店舖不大，有室外露台位；坐低時店員會問客人係米第一次去，係既話會攞一set試管過黎，比客人聞下唔同咖啡豆既香味，同會介紹唔同既豆適合沖咩類型嘅咖啡同口味我要咗杯巴西豆沖既cappuccino，咖啡會連一個細杯咖啡粉、一杯double espresso 同一件朱古力餅一齊上；店員介紹，咖啡粉係比客人再聞下香味，double espresso 就更原汁原味地呈現咖啡香味比客人體驗，客人亦可因應口味，將double espresso 加入杯咖啡中增加咖啡濃度杯咖啡真係好濃好香，加上有心思嘅服務，絕對滿分💯至於食物... 等咗超過半個鐘先上枱，質素普通總結：裝修有心思但唔算靚仔，可能有室外露台位，有人吸煙，所以室內都有少少煙味；食物水準普通；但，絕對會為咗杯咖啡同服務再幫襯☕️😊

土地問題，疫情下搵個地方可以坐下溫書都好難。有緣經過上黎，安靜地坐下讀書真係好舒服。小店有心做咖啡，每樣都有講解。杯expresso tonic好飲，waffle 都幾好食，推薦。

當平日黎到深水埗，原來想搵間cafe 舒舒服服hea 下已經好難，媽呀 周圍都好多人，好彩比我搵到呢間清泉🥺呢間主打coffee 體驗，等你可以認真品嘗咖啡，入到黎坐底，店員會比你推介你鐘意既咖啡豆，同做法。朋友叫左杯cappuccino, 試左一啖都覺得好正，佢會比埋杯expresso你 等你可以試埋咖啡豆既原味。飲完咖啡會瞓唔著既我，店員推介左我飲jasmine mojito, 佢係jasmine tea, 成杯野好清新，解暑一流呀。想食個甜品，叫左個窩夫$50。窩夫係偏餅乾質地，比較脆身，除左窩夫仲有個朱古力餡夾餅，豐富但較甜，有埋雪糕配咖啡唔錯。呢到有個露台，黃昏黎到好舒服☺️我好鐘意呢到，但好怕之後會好多人🥺。