Drink氣鍋

營業中

休息中

原本打算預約食餐好少少為朋友慶祝生日，之前已經見餐牌知會貴少少但都想食海鮮好野。係OpenRice 提前預約第二晚食，亦都即時收到預約成功通知。點知第二日下午差唔多收工先WhatsApp 同我講佢地餐廳唔開😡😡當場企係度。咁大間餐廳仲要到出發前先同個客講唔開？仲要問我會唔會揀食乜，態度仲要差同唔耐煩。無寫明開店時間，話唔開就唔開，仲要叫個客立即決定幾時再會黎食，同食乜？

Early Dinner約左朋友9:00係沙田睇戲. 睇我baby Leonlado Decarprio 套新戲, 3個半小時, 唔食飽D先入場攪唔掂!沙田食飯人多, 所以一早訂左6：00去火炭食海鮮, 今天早去仲有7折優惠, 食好D, 返正就嚟出糧先嚟大九節蝦開始食魚, 食左半份麵醬馬來西亞巴丁魚😋😋跟住食醉大閘蟹, 另加個蟹粉菜心苗, 好好味呀!龍蝦我哋今日轉左1隻西澳龍蝦, 實肉彈牙, 選擇正確早食早走去睇戲, 唔阻人做多枱生意, 香港餐廳加油♥️♥️♥️

老細相約年尾食飯, 當然捨命陪君子啦! 今年公司cut左D人手, 雖然我哋做得比以往辛苦, 但呢段日子公司有錢賺, 我哋又有嘢做, 真係唔好太多要求了!今晚入嚟火炭食醉蟹, 食海鮮。👍普通大閘蟹食過, 花雕醉蟹真係第一次食, 蟹一早已醉哂, 繩都唔駛綁, 喂堅係好味, 真係有蟹味花雕味㗎!😪再嚟食長腳蟹, 但大閘蟹嘅味已搶哂長脚蟹D味, 下次記得要先後掉轉食先得。😪👍食完清清哋食碗蜆肉菇蒸蛋, 又係精彩嘅,👍蟹粉蒸津白, 濃濃蟹膏, 想食多D都無了, 我死更!👍魚食豆酱蒸巴丁魚+鹹魚, 好夾好油香冇骨好好食!今晚我應該超哂標! 要食返1個星期素先掂!😋😋

香港有heart嘅小店越做越少, 通常我預到好嘅一定會介紹朋友, 免得個個爭住北上。這小店以前都有媒體報導過！火炭工業區蒸海鮮嘅私房菜! 難得仲頂住, 一於撐!我哋Head Leader多次幫襯, 今次輪到我嚟食飯和聽歌, 入門口 有藍藍光射出街外, 非常有feel, 因為今日8：15原來有live band!佢哋新推出個season menu，食材特別, 非常精繳~ 由其今晚嚟試嘅馬來西亞活河魚,“巴丁魚”!講真我第一次食, 絕對好食到爸爸聲! 油香肉厚無骨, 這條斤半, 我會再嚟食多次, 另外係和牛芫茜卷和佢哋嘅豉油皇乳鴿, 堅得!最後上埋個鮑魚翅針粥底, 朋友掂呀?😆😆Ok下星期我約左老媽子食生日飯, 再嚟整條巴丁魚encore! 🙆🙆

預先透過WhatsApp訂枱，當日去到竟然無開門，服務粗疏大意，山長水遠。另外一次6位預訂，說要先付訂金，訂金俾咗冇得退回，只可以改日子，店主回答：咁你唔好訂住囉

我本來都以為越夜越繽紛, 點知7：30入到嚟火炭工業區, 好似去左死城咁, 喺條街尾才暗暗見到D光, 門口又有棵樹, 應該係餐廳啦哇, 只有佢裏面有人, 無錯係Drink氣鍋!行到個人水滾, 嘢可以唔食, 但唔該嚟個Highball lu 先!今晚我訂左餐, 仲有30%off tim!盡情, 一行人食海鮮, 我最想試佢哋金銀蒜粉絲扇貝和火炙芝士龍蝦, 咁食住小食飲住等齊人唔駛急啦。佢哋有個海胆墨魚刺身, 千奇唔好叫, 因你會encore的! 送酒一流🤣仲有佢嘅蒸雞下面有腸粉墊底!又係唔好試, 因為你再叫, 佢會加你錢的🤣今晚我飲酒, 無食粥, 朋友話係紫菜蜆肉粥好味!好繽紛嘅1晚💯

搵人陪食飯難，搵到又就啱時間更難，搵到啱嘴形又識飲識食嘅就難上+難！🔊🔊老友外地回來放暑假，就我做東請食飯吧！佢要求好食好坐可傾下計，二話不幾訂左呢間食蒸海鮮私房菜！主打嘢扇貝龍蝦聖子當然有啦，另外再叫D少有貝類乳鴿煎墨魚滑佢地係英國一定無得食！現在原來清酒有半價，幾個人飲左4枝，飽哂平時通常係蒸雞，今次叫廚師放入個粥度食雞粥，掂呀這間Drink氣鍋地方細細，但出品服務做到大餐廳要求，最少D朋友好滿意我無揀錯呢！

今年初老師在「Drink氣鍋」擺一圍+試酒會，相隔差不多半年，輪到我做搞手，他在上個月回港舉辦畫展，預先約定我最佳在那一時開局。上次飯局試酒會，已經是上一個兔年的夏天，當年出席的人員，早已各散東西，再沒有可能坐在一起了，人生就是這樣，年紀漸大對此處之泰然，勉強無幸福，沒有甚麼可惜不可惜。今晚飯局人材濟濟，擠逼一點無問題, 早已訂好餐及交帶落什麼海鮮嘅做法適合! 店家永無say no.今晚食品：(自己另行睇相吧)有蒸好和再火燒嘅和牛豆苗卷長腳蟹甜麵醬蒸鱔球鹹蛋黃蒸津白拼鮮蝦棗熱情果南非鮑魚鮑魚魚翅粥食物環境服務和最緊要嘅好友樣樣齊!十分開心嘅晚上, 話再見就再見

這個月有新開商場, 攪到平時已多人嘅大圍爆哂炸, 個個入哂商場涼冷氣, 7成人都唔係幫襯, 你地話好香港好生意! 我唔信囉!買完supermarket就走, 訂左呢間係火炭嘅蒸氣鍋食海鮮, 間嘢細細間好有feel. 食私房菜應該係咁, 先要地方乾淨好坐。二來食材要新鮮, 如果唔係生存唔到!蒸氣鍋粥底好重要, 今晚粥底係紫菜鮮蜆肉十六殼粥! 超班, 好好食! 先上豉油皇乳鴿, 鮮嫩入味金銀蒜粉絲韓國聖子好鮮味龍蝦加左芝士去蒸, 蒸好再火槍燒, 肉質鮮, 加上芝士焦脆, nice今晚我又試左角High 原來係用Suntory 角瓶Whiskey 整嘅 high ball. 又真係好純喎!💯💯整體表現中上, 更要留港消費👍

老實😡！店小也可欺客😤$600 一位的蒸氣粥底火鍋 ，竟然如此做生意？用的肯定是雪藏海鮮，因為味道一陣雪味最後的海鮮粥底🍚當然無味啦，但都算了，食材問題當我不幸，是我選錯餐廳但不老實才是大問題！明明下訂金時用銀行🏦匯款付餘額時竟然只可用現金💵，要人有幾千元現金💵就算了連找續的零錢💲都無，不是吧！擺明想呃你去撳機，呃你蝕餘額啦食材無鮮味✖️粥底不夠香✖️服務態度差✖️老實度：0✖️位置✖️下次？你去埋佢啦！😤

時間 人物 地點時間：2023 7月盛夏某天地點：同樣火炭蒸氣鍋食海鮮人物：朋友面目全非, 舊友好友各散東西!你相信嗎? 晚飯3小時, 全程與好友facetime了1個多小時, 隔著個mon舉杯暢飲, ,非常怪但又可以點呢! Cheers😪😪😪今晚食乜海鮮已不重要, 最緊要facetime近况, 你敬我我笑你!🥃🥃🥃💯💯💯但最深刻印象係日本和牛芫茜卷, 蒸左30秒開蓋再火燒牛面, 嘩好食吖, 蒸氣鍋有咁嘅咩, 顛覆咗我嘅認知😋😋😋甜麵醬唔駛多講, 絕對係日本串燒店級數, 只不過一個係燒一個係蒸!💋💋💋南非鮑魚放入熱情果到蒸又係我新嘗試, E, D鮑魚真係有熱情果嘅香味喎!最後魚翅鮑魚肉碎粥, 掛住飲酒無影相, 聽名你哋自己諗啦😆😆😆好啦, 今晚2枱靜靜地, 飲酒吹水最啱👍👍👍

成日聽老人家講, 出嚟做嘢唔好怕蝕底, 你對人nice不跟跟計較, 自然有好回報, 多嘢學, 多機會, 連食餐飯都會upgrade食好D, 好像Chef Table咁食, 超suprise!這就是好嘅吸引力法則! 今次訂左500餐, 4位朋友都唔想食太多海鮮, 叫店家發辦, 嘩掂!🍸🍸先嚟枝特價Champagne配1人1隻生蠔,正常,好爽甜,👍再嚟豉油皇乳鴿海蜇, 乳鴿係好好味! 100分🕊️辣肉碎茄子, 師父了哂D茄子肉出來和肉碎suck反入個茄杯度, 佢又嫌好齋, 又加D鮑魚條係面, 又靚又高貴又好食🙆活蟮球又加D北海道超甜白粟米解辣💯, 蟮球剛好又厚切🪱🪱再加隻長腳蟹, 我哋較剪都無用過, 師父已預先剪開哂, 用手就可以了, 抵讚👅水準上嘅海鮮餐, 香港正常消費。習慣下就得😆😆😆

🌞🌞春天好像無來過就好似踏入夏天了。5月開始熱了, 母親節當然一家人出去食下飯啦!👺👺但唔知邊條友無嘢做, 諗個520❣️我愛你的日子出來! 食完母親節又要食520.😆😆💰有得呢個日子, 女士門當然唔會放過你的! 大人就一早起身扮曬嘢問今晚預備咗去邊度食飯, 💕小朋友就一早走入你房話今日係女王節要買乜又買物💰!💥好, 就去沙田shopping 完去食飯啦! 嘩商場人來人往, 但不是每個人都消費, 商場食飯不是我杯茶, ❌❌$400/位75分鐘要食完我覺得係好折墮!🛻🛻一於揸車入火炭揾小店食海鮮慢慢嘆下啦!🪔海鮮/火鍋永遠係我首選, 而去火炭當然會去呢間私房小店Drink氣鍋! 💢💢一早已訂定枱和基本餐, 再嚟多隻長腳蟹, 🦀🦀3斤左右已非常知味!通常食之前都會叫D送酒前菜, 海膽墨魚刺身和生煎手打墨魚餅, 墨魚刺身拌上紫菜餅, 送酒一流。👅👅👅一開始就落豬肉十六殼粥底, 粥底吸收哂海鮮味, 最後再加入魚翅鮑魚, 成個粥非常好味又高貴!🉐🉐試左新Menu, 食左個參巴醬蒸蟮球! 我自己就覺得全晚最喜歡呢個魚, 底部有一大堆香茅, 又香又辣, 覺得辣,師父又放左D北海道粟米解辣,

熱到想死嘅七月, 唔係出汗咁簡單, 係出屍油, 香港簡直係去咗非洲咁熱!🌞🌞🌞💯💯以前食飯都會喺周圍搵下有乜新嘢試, 現在熱到咁周圍都唔想去,直接就去啲有信心又一落車就可以行入去嘅餐廳食。現在食🦑🦑🦑海鮮習慣了一係入三聖一係入火炭呢間Drink氣鍋!🐠🐠當然三聖多好多海鮮選擇, 但入火炭我都一早叫店家攞定一D特別想食嘅海鮮, 加上佢哋有D特別做法, 講真永無甩漏!🙆🙆😏自己早到, 當然飲住先食住等, 整左杯🥃Sake Cocktail 跟🐙海胆墨魚條刺身, 相當0K嘅配搭。👌👌人齊就再嚟個生煎墨魚餅, 好食又不太大份, 剛好! 💥💥🦞🦞🦞叫左隻細長腳蟹, 剛好夠4人, 跟住原來佢哋有個芫茜牛肩胛卷, D朋友唔啱, 自己嚟, 超爆一芫茜味呀! 推介之一👍👍👍海鹽蒸馬友, 上面放雞樅茵, 又係另一好味嘅餸!🐚🐚今晚粥底係紫菜鮮蜆肉十六殻粥! 外面真係少有, 超甜, 有誠意🎈🎈🎋🎋🎋甜品有班蘭法式燉蛋, 超香班蘭味, 好滑, 信我,你會唔夠叫多2個的!🔦🔦🔦餐廳又有琴又有咪, 唔明點解唔揾D人嚟唱歌比人聽, 我提意左, 希望會做啦! 我一定會成日嚟食飯聽歌(如果好聽嘅話)😆😆

食飯埋單一定要睇清楚，餐牌講明有優惠，$698/1位，第四位半價，但係收返正價，走左先知。即晚（星期六）同餐廳講返, 明明用fps 轉數去私人戶口，佢話要等會計星期二check數都算。等到星期二，無人搵我過，我再問，就話同事放左假，要明天，問我拎左戶口。我再等，星期三又係無人搵我，我主動問，隔左一陣都唔覆，我最後忍不住罵佢。加上食嘅野同menu上嘅食物唔同，例如大頭蝦變海蝦，豆苗變紅莧菜。我一次過同佢講返，佢話食私房菜不嬲係咁，又話當日海蝦貴過大頭蝦。仲賴話個員工唔記得同我講。我明白有時係會買唔到食材，但私房菜唔會完全唔知會客人，唔會上枱先知原來換左第二啲野食。佢全場只可以做2枱客，咁都通知唔到？咁有冇人通知個員工要同個客講返先？罵完佢，佢星期三，四點幾就退返錢。其實餐廳收多左錢，佢都無好主動退錢，一直拖，要你日日追，只係講緊退幾百蚊。如果唔想做優惠，可以改返個餐牌。上網睇返原來都有客人試過呢啲情況，又係換左食材，唔出聲。講真，位置又偏僻，價錢唔平，呢啲場一定係需要熟客，但服務咁差，就唔會有返頭客囉，咁樣值咩？