影片
港鐵灣仔站 C 出口, 步行約3分鐘
繼續閱讀
營業時間
*不定期舉辦私人活動，營業時間可能有更改
星期一至五
11:00 - 17:00
星期六至日
10:00 - 17:00
以上資料只供參考, 請與餐廳確認詳情
食家推介
我個日上去係一個星期日下午兩點到。入到去一個staff都冇，成間餐廳得一個客人。我望咗大約5分鐘都見唔到有店員，所以我走咗去問成間餐廳唯一嘅個個客人知唔知d staff去咗邊，佢話佢好似去咗廁所。過咗大約10分鐘個唯一嘅店員終於係廁所出嚟 🙂 乜間餐廳唔係開門做生意架咩，點解好似唔expect有人上去食野咁嘅?我叫咗個冬蔭虎蝦意粉同一杯latte冬蔭虎蝦意粉除咗辣同蕃茄味之外，係完全冇冬蔭味 🤡latte仲正🙃我有同店員double confirm: 我係叫latte喎…店員: 係呀呢杯係latte我心諗你杯咖啡d泡多都成杯cappuccino咁都叫latte?! 🤡其實我都去過西環間Tuckshop by Social Club幾次，食物質素都幾高，服務都幾好。所以今次去灣仔呢間Drip by Social Club真係有d嚇親 👻冬蔭虎蝦意粉 $120 + latte $40 = Total $160呢個價錢，我絕對可以揾間食物質素、服務態度、環境更加好嘅餐廳 🌚
繼續閱讀
位於商業大廈樓上的Drip by Social Club有點難找，因為地下電梯大堂的水牌看不到咖啡店的名字，我要再三確認才搭電梯上去——咖啡店在共享空間裏。我被餐牌的牛肉吐司吸引住，於是點了一份牛板鍵配蜂蜜辣醬醃茄子吐司。牛板腱位於牛的肩甲位置，肉質美味程度僅次於菲力牛排和肉眼。吐司用的麵包是Focaccia佛卡夏，一種義大利傳統的家常麵包。咖啡店的吐司好軟熟，牛肉肉質鮮甜，而且有少少辣味刺激味蕾。反而我點了熱鮮奶咖啡有點令人失望，因為咖啡味道很淡，而且只是常溫。牛板鍵(CHOICE GRADE) • 蜂蜜辣醬醃茄子 $120鮮奶咖啡 加$5
繼續閱讀
呢間Drip By Social Club係一間灣仔嘅樓上cafe，如果唔係有朋友帶我去，我真係未必會發掘到呢到😛 成間cafe嘅裝修風格都係比較工業風，枱同枱之間都隔得好開，所以都坐得幾舒服，又可以放心咁同朋友傾計～ 門口左手邊就係佢哋嘅開放式廚房，見到只有2個員工好專心咁喺到煮嘢食同沖咖啡，所以唔會有人上菜/遞餐具～Drip除咗係一間cafe，原來仲係一個co-working space😯 我當日lunchtime去食嘅時候，仲見到有唔少人買埋外賣/帶飯盒上去食😯•🥢 牛板鍵(CHOICE GRADE), 蜂蜜辣醬醃茄子 $120呢款其實係open toast嚟，將麵包烘脆之後再放上生菜、沙律醬、醃茄子同埋牛板腱～ 牛板腱都幾嫩，睇落好紅但食落口感唔會好生～ 不過牛味唔算好濃～ 個蜂蜜辣醬醃茄子就幾有驚喜，亦係成道菜嘅主要味道～就咁睇就搵唔到啲茄子，因為係整成茄子蓉，所以睇落好似肉醬咁，味道偏辣帶啲甜味，好有韓式味道，加埋牛板腱都幾惹味😋 而醃茄子下面舖咗層生菜，加咗少少沙律醬，微微酸味令個成個配搭清新咗，而塊生菜亦都隔開咗醃茄子同多士，keep到多士嘅脆度，但最底仲有啲紅菜頭蓉都係令到個多士嘅底淋咗😬•🥢 黑松露意大利白醬 $110呢個意粉係朋友嘅必食推介~ 一上枱就聞落好香黑松露味，意粉上面灑咗極大量一絲絲嘅芝士🤩撈埋白醬一齊食真係超級creamy~不過黑松露味就比濃郁嘅芝士同白汁味掩蓋咗，好彩仲有超多嘅菇，加埋濃郁嘅菇味，呢個意粉真係好邪惡🤤 不過呢個意粉真係又大份又creamy，一個女仔食應該會有少少膩，未必食得晒～🤣•🥢 朱古力 +$5 (熱)朱古力上面有一層奶泡，朱古力味好濃，帶少許黑朱古力嘅苦味，唔會太甜😋•📸 柚子蜜 +$5 (熱)天氣乾燥想飲杯桂花蜜，點知落單先知無晒，朋友就臨時幫我改咗柚子蜜🤣 呢杯就係平時飲開嘅柚子蜜🤣 但柚子嘅份量都足夠，所以唔會淡到飲水咁～ 不過唔特別評分喇～
繼續閱讀
偶然發現這間樓上店，門口似辦公室，望入去幾大，人不多，令第一次到來既我以為找錯地方。環境: ⭐⭐⭐⭐⭐地方相當闊落，空間感滿分，私穩度高。入到去，好自由，隨便坐。服務: ⭐⭐⭐不設加一服務費，全店只有2位工作人員，他們包辦: 厨師、收銀、侍應生工作，大家要預留多一點時間。食物: ⭐⭐⭐⭐健康、吸睛又有特色🌱 40度三文魚沙律 $100 ⭐⭐⭐⭐⭐菜新鮮、醬汁醒胃、三文魚是半熟的，肉質嫩滑，估不到以這個價錢，都可以享受到特色烹調的食物！正! 油封鴨脾 $110 ⭐⭐⭐⭐ 皮煎得香，好食，但份量太少，不足以飽肚冬蔭虎蝦 $120 ⭐⭐醬汁係酸辣醬，偏甜，沒有冬蔭公味，失望 RED Smoothie (+20) ⭐⭐⭐⭐⭐乳酪飲品材料豐富，質地豐厚，看似細細杯，飽肚非常，味道清新，好refreshing 花茶 (FREE) ⭐⭐⭐花茶賣相有趣，有小竹籃盛載茶葉，相對乳酪飲品，有點失色🔥 總結 : 物有所值，滿足又健康的一餐，聊天好去處
繼續閱讀
發掘到呢間隱蔽又超大空間cafe😍呢間位於灣仔舊樓之間嘅一棟商廈裡面好大嘅空間感 設有室內外座位有梳化位又有普通方枱平日下午時間嚟到差唔多包場咁滯🤪環境俾人一種好休閒舒適嘅感覺特別在Cafe結合Co-working space嘅概念非常方便上班族Cafe由兩位年青人主理係西環Tuckshop by Social Club嘅姊妹店而呢度就主打不同嘅西餐以及慢煮菜式40°C Salmon三文魚以40°C低溫慢煮而成半熟程度呈橙粉紅色魚肉質感超！級！嫩滑！！🤩口感係魚生與熟三文魚之間好奇妙‼️真係入口即化🤤果然有啲料到！三文魚唔會太過肥切開見到絲絲魚肉好有魚油香 真心正！面頭仲加上炸魚皮碎脆脆地 特別香口😍想食light啲就配沙律🥗沙律菜嘅份量好多菜新鮮到sharp sharp聲以醋汁調味 好開胃好fresh!Light得嚟又冇罪惡感
繼續閱讀