E-mo Korean Restaurant (已結業)

作為一個韓國菜既話 佢唔好食 作為一個香港菜 佢都一樣好難食😷 完全俾d好評呃左去 d好評既同學其實可以搭遠小小車出城去食下野 或者會明白多d咩叫做"好 食"。我諗我屋企煮都好食d 辣豆腐湯唔辣 剩用味精同辣椒油調味 飲完要狂灌水 仲要overpriced 最好食既我諗就係紫菜卷(我六歲第一道料理都係紫菜包飯卷卷多謝)  我諗唯一尼間野做到生意係因為屯門冇競爭對手 各位想創業既諗諗佢 ps: 平時係openrice做開cd-rom 但今次真係食得好傷心 我未試過俾錢食d咁難食既野😓

韓國餐廳在香港開得成行成市，尤其一陣星星熱使韓式炸雞風靡一時，至今熱潮仍未減退。然而我對最熱門的炸雞及燒肉卻不感興趣，反而喜歡石頭鍋飯、紫菜捲飯等普通的韓國料理。屯門的韓國餐廳可用五根手指數完，今次特地前往屯門最有名的韓式家庭餐廳－E-mo Korean Restaurant。食店位於屯門市中心，不過有點難找，去到時已接近下午茶時段了！事先看過食評知道晚市時間要等位，可見人氣，幸好是日能即時入座，也沒有出現擁擠的情況。甫坐下，店員少年便遞上餐牌和熱茶，友善有禮，值得一讚！牆上有不少韓式料理推介，另一邊有用日文、英語等介紹如何吃石頭鍋飯。我點了一客豆腐煲（＄４８）。豆腐煲與白飯分開奉上，豆腐煲的份量跟我預期相差極遠。看照片跟飯碗大小差不多，煲裡只有一磚大豆腐，湯底少辣，有少量蛋碎、蔥粒和豬肉，味道正常。然而此用料便宜簡單的料理定價過高，不太抵食。 baka則點了韓式拌飯加配雞肉（＄５５），用料配搭傳統，有雞蛋、紫菜、蘿蔔切條等。但份量都是偏少，大吃的baka當然也不夠果腹。由於我倆都不太夠飽，所以多點了一份紫菜包飯（＄４０）。韓式紫菜卷與日式壽司造型相似，但味道和用料都大有不同，配料裡沒

因為要去一去黃金海岸, 去完已經係食晚飯時間,就openrice下食咩好, 見le間係屯門區30名之內 就le間laaa 個服務員幾好人 我同男朋友係去緊e-mo途中驚無位就打去留定先個服務員就幫我留左姓係張等枱號碼飛上^>^我地一去到就已經有唔少人排隊幸好有預留等枱號碼飛,等一陣就ok了店內不是很大呢,,坐低左, 侍應已經擺低2杯水 (讚 有d餐廳要係咁問可唔可以比杯水黎先有@_@)不過佢唔似其他韓食店, 無餐前小食..2個人,叫左3樣野食個泡茶鍋材料都算唔錯有泡茶雞蛋豆腐芽菜火腿午餐肉年糕個鐵板雞肉唔錯的, 至少無雪藏味, 有雞味:B個年糕就一殷, 個人覺得唔算好辣, 醬汁無咁唏會好d

今次去左間韓國餐廳試下，幾好食！當然就叫左個石鍋飯食喇，好夠熱，而且飯上面既配菜都好有韓國風味，食落d飯焦都好正。之後仲叫左幾個小食，有炒年糕同紫菜卷等等，個炒年糕幾辣下，但就唔算太特別。反而個紫菜卷就有別於壽司，佢用既飯無咁甜，而且入邊既送同一般壽司都好唔同。值得大家試下！！

某天與我媽媽到了《E-mo》，一間位於華都花園地下的小店，亦是屯門市中心一帶唯一的韓國菜館。選擇不多，「勝在想食嘅都有」。至於格局嘛，就是一般街坊式食店，搭檯是必然。ps. 不如坊間韓國菜館般，這裡沒有免費的泡菜作前菜喔！！！（由於天氣炎熱，故沒點石頭飯喔）點了炒粉絲（$48），只因經驗所得，大部份韓國菜館也弄得蠻好吃，以為「包無衰」，滿懷期望地吃了一口，喔喔喔！！！很重麻油味，感覺還十分「油」，就似單以麻油來拌勻般。而配料如胡蘿蔔、菠菜、洋蔥及雲耳等的份量也不算多，跟我於其他韓國菜館吃到的可謂南轅北轍。但粉絲煮得煙煙韌韌，總算有其可取之處，不過仍感有點失落。牛肋骨煲（小 $78）跟白飯，端來時熱騰騰、內裡醬汁還沸騰著，很是吸引。牛肋骨大概有四件左右，也挺入味而甜美。可惜配料跟menu內的參考圖相距甚遠，圖內有蘿蔔、胡蘿蔔、冬菇及紅棗，而當日我們那煲就只有兩顆蘿蔔「墊底」而已。或可說因為menu內標明那參考圖是大的牛肋骨煲，而我們那客是小的，因此「未能作準」。不過牛肉的來貨價也不便宜啊，因此份量上已是合理以上的水平，也不要太執著於配料方面了。食物不難吃，只是不韓式、未如期望而已。以$1

Tuen Mun 元朗 韓國野選擇唔多，近近地食emo 都唔錯，覺得好過元朗韓松x, 原因係野食味道 同 portion 地道d, home made feel d 味精比韓松x 少必食： 1. home made kimchi :味道扎實，夠fresh，不過食開超市有味精既可能覺得唔夠精彩la (一到食晒，mo 圖) 2. pancake: portion 夠大料多 (sorli 一到食晒，又mo 圖) 3.紫菜roll: 夠粗多料， 韓國c9 一條飯死飽你既氣度~~好欣賞，本身韓國野食就係大份，濃味，超飽的~~ 香港個d 舖頭煮到個portion好似日本野甘細， 錯L 晒law 我覺得仲有叫左年糕同豆腐湯， 味道average, 不過值得一提年糕個sauce夠spicy, 唔同某d 地方既年糕甘死甜jer 係咁，近近地想食韓國野，emo 都ok ga.

睇食評好似唔錯就同朋友去試試落完單見到有隻大老鼠係收銀櫃果邊店員見到即刻走去捉過程中仲聽到有店員話又會咁多既所以衛生環境麻麻叫左個石頭鍋飯自己加d芝麻油同韓式醬個底有少少飯焦 唔係特別好食不過都唔錯芝士年糕辛辣麵年糕得2,3片 芝士冇味 唔值呢個價紫菜卷好普通豆腐煲 個煲拳頭大小一磚百x豆腐 加少少蔥同一個蛋亦好唔抵應該唔會再去

黎屯門行街街，友人大力推薦呢間韓國野，驚多人等位，我地一早黎到食早場，順便留肚食甜品。等左一陣就有枱，嘩嘩嘩，落單嗰個係韓國人黎架，仲好好禮貌添，友人勁興奮囉。石頭窩飯，無加肉，雖然得菜類但唔寡架。跟住佢牆上嘅畫去落辣醬麻油去撈撈撈，攪到一堆咁食得啦。味道唔錯，韓國辣椒醬真係好好味。泡菜煎餅，泡菜份量落得唔多，食落大部分係粉，少少泡菜，不過都夠味嘅，煎得唔油。紫菜卷，又係無加肉，素菜都好好食。蘿蔔少少酸又鹹鹹地，咬落卜卜脆，紫菜軟身得黎又唔會韌，一口一件食得好方便。單，無加一架。

難得韓風打入屯門, 當然要留意一下. 地點跟市中心, 係華都商場地下就是了. 非常方便.故此, 光顧的人亦非常之多. 好多人等下等, 反而去左隔離間小巴黎! 哈.其實我都等左好耐, 不過事緣唔係太餓, 所以等下又何妨呢!男友點了炸醬面, 我吃了一口, 不錯, 但醬比面多好多. 為了不浪費, 我分了點飯給男友拌著吃.他的評語是"OK"我則點了石鍋飯, 熱熱的, 賣相也精美, 一份份分開放的材料, 方便我把不喜歡的白蘿蔔整份夾俾男友食!中心放了蛋黃, 桌面則有介紹如何滋味進食石鍋飯的方法. 整體感覺良好. 其美味讓女生都可以自己完成這一大份的飯. 更飽! 哈哈. 下次再食過!!!! ^^

經同事介紹就去一趟試一試, 但都等左35分鐘才有位, 此間韓國餐廳沒有前菜食。主菜1)人蔘雞湯半隻 - 不太正宗做得麻麻, 不應該存在栗子原素, 另外如果加韓國的黃酒應該令雞湯飲落會好味些。(2)豆腐海鮮煲 - OK啦。(3)泡菜薄餅 - 一般麻麻, 食唔到效果係泡菜辣中帶甜感覺, 整個薄餅厚薄不一致, 仲整到"隆"左。餐廳環境:雖然細間但整體乾淨。服務:WAITER服務唔錯, 不收加一服務費, 以這樣價錢都算OK, 但有待改善。

射波的星期三,臨時約了在屯門市中心附近上班的朋友來個午飯~今次去了華都商場地下韓式小店 E-mo,家住屯門,忽然身痕想食韓國菜真係好慘,因為選擇近乎沒有~選擇少所以就分外吃香,晚市好多時都會多人等位 唉!剛過去的 Boxing Day 就係等呢間等得太耐行左去隔離囉 XDD 平日午飯時候,真的沒有這麼多人朋友比我早到一點,她負責先搵位,我一來到就有得食了!我點了韓式伴飯+豬肉(HK$45,可加HK$10加豬肉/牛肉/雞肉) 其實我最愛是石頭鍋飯,部隊鍋......但那段時候我剛吃完蛇宴,燥熱到不行,所以就點了比較mild一點的伴飯啦!除了另加錢的豬肉外,配料甚為豐富,有大豆芽菜,青瓜片,紅蘿蔔絲,麻油紫菜,荷包蛋一隻,有齊韓式養生的五色,很吸引呢!豬肉有少少辣的,薄薄的十分入味,亦不會覺得鞋口~ 朋友叫了的牛肉蓋飯有泡菜附送的!因為她唔太好泡菜,造就我又多個前菜 XD大白菜泡菜其實不是很入味,但可幸就是夠爽脆及冰凍~ 店面不大,大概只有三十個位吧,所以回台速度都算幾快~平時我經過"韓國菜蟲"咬我的時候,都會買一客韓式壽司回家慢慢嘆!飲品方面,可以選韓式的罐裝飲品,不喜歡的可以喝入座時送

屯門區食肆多的是,可是韓國菜選擇卻寥寥可數,在OR資料裡只有這家跟人流暢旺的市廣場一街之隔的韓國菜,雖沒有市中心的那麼熱鬧,不過還是要等位。在店外等候時看到這裝修簡單的韓國餐廳有點細小,桌椅間擺放迫狹不是能久留之地,幸好咱們也沒打算在此逗留太久,快吃快閃也不是大問題。店員姨姨先送來熱茶,淡淡的麥茶還不時添加,就算不點店內韓式罐裝飲料,只飲這清香麥茶也很足夠了。韓菜必有的大白菜泡菜辣中有酸,紅椒的辣度也蠻足夠,爽脆冰凍的大白菜吃得很過癮。石頭飯及韓式炒粉絲中選了後者,粗身韓國粉絲彈牙滑溜,加入爽口雲耳、甘筍、洋蔥平衡一下口感更為爽脆,只以豉油快炒已炒得香氣撲鼻,油份不太多的吃得清淡的朋友也感覺滿意。 紫菜卷如長條型壽司,一人前來吃一份已夠飽肚了。不但外觀如壽司,所用材料也很類似,以黃色醬蘿蔔,紅色蟹柳,黃色蛋絲及綠色菜葉卷在白色米飯裡,單是顏色配搭已夠色彩了。QQ珍珠米飯+香脆紫菜+幾款食材的食味其實很清淡,跟壽司沒兩樣的紫菜卷用作飽肚最好。海鮮煎餅一大碟的大大餅,煎成外圍酥脆中間軟糯的煎餅有著大量蔥段,青蔥甜香令煎餅生色不少!反而所謂海鮮只有不太多的魷魚小蝦碎粒,不過也沒所謂,咱們覺得

間鋪實在太細喇, 搞到等位要等好耐,又亦係由於間鋪太細, 食飽你會即刻埋單走人,都唔好意思同朋友繼續坐響度吹水!所以打算聚舊吹水既朋友, 我建議唔好黎講番啲食物, 我地叫左個泡菜PIZZA, 好好味, 酸辣度都適中, 仲有我鍾意飲既韓國梨汁呢個好似係泡菜汁煮既年糕, 名就唔記得左, 不過記得係好味既跟住呢個韓式鍋飯, 好得意架喎, 佢無豉油比我地架, 問佢亦只有辣醬, 所以最後我地搞均左就食, 但無平時食嗰啲咁好食...

屯門市廣場雖然好多食店, 但食得多都唔知食咩好. 行過華都本身想食茶餐廳, 但見到新開了韓國食店, 一於試下!炒粉絲, 比較淡味, 我地自己加辣醬食泡菜, 是我喜愛的味道!! 紫菜卷, 加料要加錢, 可以加吞拿魚, 芝士, 豬肉等等......... 泡菜薄餅如果泡菜的份量可以多d就好了!!! 這店應該是由韓國人主理, 見落單的小妹都是寫韓文啊! 很pro的感覺, haha 可以一試!! 

星期六返半日工，應承過我媽咪請佢食韓國菜，都係用open rice search 先知華都有得食。兩點幾三點去到，滿座，但等唔夠5分鐘就有位。員工服務態度超好。叫左石頭鍋飯，炒年糕同泡菜煲。石頭鍋飯好食過我係灣仔食個間。但係唔知係佢落錯單定係我叫錯野，泡菜煲送到上黎，但入面有豆腐有金菇，泡菜少，我覺得個煲唔係泡菜煲。不過我食過，又廢事換，炒年糕夠咬口，但要𡁻好耐先呑到。最後仲要左罐甜米水。呢間係區內少之有少既韓國餐廳，可能無咩競爭，連叫肉都要加錢。但夠好味，將功補過啦！環境唔錯，食物價錢算平，本人覺得相當之抵食，又唔洗加一服務費。