影片
港鐵坑口站 A1 出口, 步行約4分鐘
繼續閱讀
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
#慶祝 #聖誕🎄 #假日好去處 適逢假日都會出街覓食，去完睇靚靚嘅聖誕燈飾之後，就嚟到呢間好得意嘅燒肉店同爺爺嫲嫲食晚飯，因呢度出名有機械火車送上美食，Lisboy食得同玩得好開心🥰🎉🍽️ 宮崎A5和牛套餐入到嚟先發現有和牛燒肉套餐，當然我哋就叫咗呢個宮崎A5和牛套餐🥩有肩胛肉眼心、上等牛肩胛、肩胛腋板🥰送上嚟嘅時候會有個電動嘅火車將食物送到每一台，Lisboy一見到電動火車送到就會大叫好開心，而且燒肉可以食和牛真係好開心😍5秒即熟，入口即溶，配埋特別嘅醬汁，真係滿足感大增！套餐仲會有日本米飯、前菜同麵豉湯😍真係大滿足，夠晒飽肚滿足！🍽️ 鹿兒島豬肩、黑毛豬五花、富士蘋果地雞肉呢個人氣套餐，有鹿兒島豬肩、黑毛豬五花、富士蘋果地雞肉🤤鹿兒島豬肩燒完有質感，黑毛豬五花貼雞肉夠晒入味，Lisboy食到舔舔脷😋我哋就加錢叫咗個海苔飯，燒肉配飯一流！🍽️ Prime Grade 牛五花、肩胛牛柳不得不提呢度仲有平靚正嘅Prime Grade 牛五花、肩胛牛柳可以燒😙牛肉味香濃，Prime牛一定有保證🥩滿足晒大胃嘅我哋，今餐真係食得好開心！🍽️ 牛五花套餐我哋最後仲叫咗呢個牛五花套餐，只係$48就包咗300g日本米飯，麵豉湯同埋沙律，肉質唔錯，呢個牛五花意外地比某某大型連鎖店高質😍如果想平平哋解決溫飽又有質素，一定要揀一間燒肉店🎉🎄性價比超高！
繼續閱讀
平日喺屋企附近食燒肉，搵到間平貴皆宜嘅好選擇。“EaT燒肉”同而家好多一人燒肉店類似，EaT燒肉都係以個人set為主。不過佢就唔係得個平字。首先佢環境企理好多，其次佢有專用UFO將成個set運到，非常好玩。玩還玩，我都係着重食物本身先…宮崎和牛 (A5肩胛肉眼心/A5上等牛肩胛/A5肩胛翼板) 100g - $178一次過可以試到三種A5和牛。其實食得A5，三種肉都非常出色。當中”肩胛翼板”油脂感最重，食完係會令人感動，係真正有高級燒肉嘅感覺。宮崎A5牛肉關西壽喜燒 120g - $238叫壽喜燒嘅話，店員會將燒烤爐換成鍋。我哋可以玩關東或者關西壽喜燒 (佢有提供兩種唔同嘅壽喜燒汁)。成個set一共有四大件，入口即溶兼足夠大啖，感動程度，無需多講😌。水冷麵 (餐轉) +$32 呢個嚟自靜岡水冷麵真係有驚喜。尤其食完油份好高嘅和牛之後，食返個清爽、酸甜兼彈牙嘅水冷麵，連同西瓜同其他配菜，係會令人精神為止一振！青梅酒 $58 梅酒嘅果味酸度平衡，飲落舒服，正好用嚟解膩。焙茶奶凍 $22抹茶奶凍 $22呢兩個一定要講，因為實在太得意。兩個奶凍喺度郁吓郁吓咁😂 食落Q彈，焙茶嘅味道幾濃，表現比抹茶好，不過抹茶其實都不錯。雖然佢有好多入門嘅燒肉set ，但其實以佢嘅乾淨、好玩程度同服務水平，佢係比較接近中價燒肉店。今日一試佢嘅和牛、水冷麵同甜品等等，全部都交到貨有餘。無論budget多少，都可以嚟多啲。
繼續閱讀
名過於實？見到好多好評，我係和牛愛好者，所以去試下⋯平日下午過去，直接食200g和牛Set，和牛望落去OK，不過真係A5 quality？認真嗎？完全冇係日本食果種感覺，冇咩牛味，冇入口即溶⋯真正嘅宮崎牛係如棉花糖般充滿油花、軟香嘅口感，但呢度，差好遠⋯⋯食曬全部都冇呢種感覺：（ 不過+$28嘅牛舌OK服務態度差，入到去咩都冇講⋯不過lunch冇加一就算。座位位置近，隔離個阿婆成日望過黎，好八卦，位置冇私隱
繼續閱讀
嚟過呢間燒肉幾次，一次比一次差，今次真的要反映，呢間燒肉以飛船出餐為主題，但最近兩次嚟食都係樓面推車出餐，主要係兩個仔女想睇飛船，忍唔住問服務員可唔可以用飛船出餐，因為仔女想看，服務員找來一位胡子店員（應該是主管）佢解釋因為有幾架飛船做緊保養，怕客人等得太耐所以人手出餐，如果想飛要飛船出餐可能要等多少少時間，我哋當然無問題，服務員就將我哋啲餐拎返入去，等咗三分鐘左右就嚟咗，當然最開心就係兩個寶貝另外想講啲牛肉，100g牛肉有50g是全肥和牛有渣食物質素越來越差，服務好也彌補不了
繼續閱讀
記得上次食得幾開心，難得入將軍澳當然要食多次！不過就食物質素變差，牛肉多肥膏位。不過都明白一分錢一分貨，只是之前食過同一樣野所以有對比。環境質素下降，好似無甘乾淨，掂到張檯油冧冧。感覺最差就系服務，無服務又要收加一💁🏻♀️*價錢係合理的，如果唔介意環境同服務係可以接受
繼續閱讀