影片
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
相關文章
想嚟呢間燒肉食好耐啦😍!因為有好得意嘅飛船送餐👾~呢日喺沙田附近做完嘢過嚟食,估唔到晚市咁多人👯♀️👯♀️~母親大人揀咗呢個牛小排,肩胛牛柳,薄切牛舌套餐,最吸引係有牛舌👅,彈牙又有油份~而肩胛牛柳就有條筋,所以會比較有咬口😋~牛小排油脂就多啲,燒嘅時候要小心搶火🔥~套餐仲有跟飯,湯同埋沙律/泡菜~我哋就加錢升級咗做紫菜飯,仲有埋溫泉蛋添🍳~而我就因為想食肥美嘅牛五花🐮,所以揀咗呢個Prime Grade牛五花,牛小排套餐~同樣有牛小排,而牛五花就有更靚嘅雪花❄️~夏天咁熱,佢哋仲推出咗靜崗水冷麵🍜,套餐加三十零蚊就可以將飯轉成水冷麵~面頭仲有兩片西瓜🍉,見到都覺得清涼~麵質彈牙,酸酸辣辣咁,啱晒夏天食☀️~因為我哋嘅都係牛肉套餐,所以就點咗個鹿兒島豚肩肉🐷~佢嘅鹿兒島豚肩肉肉質好嫩,燒過後脂肪無咁多🤏,入口好化~而佢嘅調味都好好,唔使額外點醬都好好食😚~雖然佢啲自家醬都好好食~呢度嘅飲品除咗汽水🥤,仲有埋梅酒同梅酒梳打~我鍾意飲梅酒嘅就淨飲,母親大人唔鍾意酒味就可以揀梳打🍶~燒肉配梅酒真係一流!不得不讚呢度抽風做得幾好🌬,現場好乾淨無煙之外,返到屋企都唔覺有燒肉味👍~不過入座有限時75分鐘⏳️,記得人齊先入就無咁趕~
繼續閱讀
好日都唔會踏足沙田圍呢個地方，今次專登過嚟，皆因睇到網上介紹呢一間燒肉店好特別，佢哋採用一人一爐方式用餐，每一個餐點都係火車送到😳 非常吸睛🤭佢哋嘅宮崎A5和牛極高質，更標榜係宮崎直送「冰鮮」和牛而並非「急凍」！即係夠晒新鮮😳😳 真係淨係睇相都已經流口水！✰一人一套餐形式，每個套餐已包沙律或泡菜（2選1）、主食及麵豉湯；主食如果轉「紫菜溫泉蛋飯」只需+$15，升級「盛崗水冷麵」只需+$32。叫完套餐唔夠食肉類亦可以散叫加點。✰調味料有三四款醬汁任君選擇，亦有提供即磨黑椒及海鹽。♡極上宮崎A5和牛套餐 $268/200g❥A5肩胛肉眼心｜A5上等牛肩胛｜A5肩胛腋板❥呢個餐真係必食！三款A5和牛極高質😳油花靚到嘩一聲，每款大約有4-5片，都幾厚身。❥三款嘅肉質都屬於入口即溶而且和牛味香濃，其中上等牛肩胛肉更加係非常驚喜，直逼日本當地食A5和牛嘅質素🤤♡宮崎A5和牛臀溥燒套餐 $168/100g❥見到和牛臀呢個名唔夠膽叫20g咁多😳😂但係原來都好正！❥一樣係入口即溶油花勁靚級數😎❥燒10秒就熟晒，過咗火都唔會嚡。脂香四溢好啱餸飯♡盛岡水冷麵 單點$48 / 跟餐+$32❥店員話係新品，見到餐牌已經好吸引😍 有西瓜嘅水冷麵都係第一次食！❥就算跟餐都好足料，有西瓜、烚蛋、泡菜、青瓜、蟹柳、醃蘿蔔。❥味道好清新酸酸地開胃又透心涼，超級好食！♡紫菜溫泉蛋飯 跟餐+$15❥跟餐最抵食，無論100g/200g/300g 三個份量都係加$15。❥我覺得食燒肉必食呢個飯，如果食和牛就更加需要食飯吸油，加咗溫泉蛋紫菜溝少少燒肉汁，咁樣食日本飯係最好食😌♡梅酒梳打 $58❥見到新品有兩款梅酒，揀咗梅酒梳打，梅酒味都幾濃，酸酸甜甜，開胃又解油膩。入面真係有成粒梅俾你！🙆🏻♀️價錢唔貴食到咁高質嘅A5和牛，而且其他嘢食都好好食（包括個麵豉湯我都覺得好好飲🤣）個地點唔就腳都值得嚟食！希望遲啲佢會喺市區開分店🥹💵2人食👫人均$300
繼續閱讀
我哋嗌咗兩個套餐：「豬頸肉 x 西班牙豬五花 x 富士蘋果地雞肉」 ＋「牛五花 x 牛小排 x 日本雞頸肉」，追加牛舌。個人認為舖頭走嘅路線同燒肉like差唔多，肉類選擇更比燒肉like多，不過價錢都貴啲。總括嚟講，肉類排名：🥇牛肉 + 雞肉 > 豬肉 🐮牛小排有牛味，不過略嫌切得太薄，如果有返啲厚度就Perfect了。🐮牛五花 有牛味，正常發揮，如果可以再揀會只叫牛小排。🐮牛舌食落有彈性又唔韌，但係味道一般。🐣富士蘋果地雞肉肉質嫩滑，醃料令到肉味好清新，十分推薦！🐣日本雞頸肉同富士蘋果地雞肉一樣，肉質嫩滑。🐖豬頸肉爽口，厚身。🐖西班牙豬五花肉質有點韌，每件好大塊，若可切細啲會更加好。兩個餐都升級咗紫菜溫泉蛋飯，感覺蛋味和紫菜不足，越光米亦食唔出有咩特別，都係牛角嘅最好食。配菜方面，泡菜嘅份量非常多，可惜只有辣味，唔好食。沙律都算新鮮，蔬菜爽口。麵豉湯出奇地好，唔會太鹹。
繼續閱讀
有左小朋友之後，每次去餐廳食飯都會問下有冇bb櫈今次揀呢間燒烤係有bb櫈外，仲有非常可愛嘅列車送餐服務，小朋友見到眼甘甘望左好耐，好新鮮！餐廳環境乾淨，位置鬆動，我地四個大人兩個小朋友都坐得好鬆動！😍😍我地叫左呢個宮崎和牛套餐（A5肩胛肉眼心+A5上等牛肩胛+A5肩胛翼板），佢嚟到嘅時候用咗三層deco架上，已經令到佢高級咗好多，望到都好開心😆佢每個唔同部位嘅A5都有唔同嘅特色同口感，而且都好有牛味，另外叫左個散點薄切牛舌，我最鐘意係牛舌😛😛 ，燒到個邊邊燶燶地，好脆，又有啲油好香口。套餐仲有跟飯同埋溫泉蛋，麵豉湯同埋沙律or 泡菜。我揀左泡菜，因為配肉，香香辣辣好正，另外佢地可以加錢升級加紫菜落個飯度！😛😛😎😎另外叫左個靜崗水冷麵，面on top上面有兩片西瓜，勁搞笑，以為會唔係好夾完，點知食落醒醒甜甜咁，加埋啲泡菜，幾開胃！❤️佢哋仲安排咗好多醬汁，同朋友食嘅話就可以樣樣都掂暈晒❤️❤️
繼續閱讀
同小朋友去左呢間EaT燒肉，燒肉肉質好好，白飯仲係用日本越光米🌾。最大賣點係用列車🚄送餐，超特別😍小朋友好鍾意睇住列車送啲嘢食黎😉叫左2個套餐，包括：飯、沙律或泡菜同麵豉湯❤️🔥🐮宮崎和牛套餐-宮崎A5和牛肩胛肉眼心-宮崎A5和牛上等牛肩胛-宮崎A5和牛肩胛翼板和牛油脂分布、肉質同顏色都非常靚，牛味香濃有油香，最鍾意肩胛肉眼心❤️我哋仲加錢升級咗做溫泉蛋紫菜飯，加埋BBQ肉汁好惹味🐮牛小排、肩胛牛柳、薄切牛舌套餐 牛舌彈牙有油份、而肩胛牛柳比較有咬口、牛小排油脂比較多。🐷鹿兒島豚肩肉鹿兒島豚肩肉肉質，雖然有脂肪，但係食落唔會油膩，好有肉香😋仲有甜辣醬、梅子醋、鹽味汁、bbq汁、即磨玫瑰岩鹽、黑椒可以自行調味，當日所見，好多人自己一個食Eat燒肉，但我地一班人嚟食都好岩好滿足😚
繼續閱讀
您可能會有興趣的...