Eat@ease

營業中

休息中

Staycation 包咗check out半自助午餐，12点去到餐廳，人不多，出去行咗一個round，擺出嚟食物同晚上嘅半自助餐差唔多不過就冇咗海鮮，都係可以叫一個主菜而飲品任飲👍我哋就叫咗兩個主菜，一個秘製海南雞椰香油飯，另外一個烤紐西蘭頂級肉眼扒200gram配燒汁，叫左5成熟，不過大家要留意，酒店package食呢個主菜係要加30蚊，本人覺得要加依個收費，酒店就比較小氣😔如果唔加收就更加好🤩牛扒上枱時，賣相都唔錯，中間位就做到五成熟，邊邊位就反而過熟左，比較鞋口，不過都ok合格。海南雞上枱時，覺得個份量比較少，如果男士們，我覺得真係唔夠食，配咗四種唔同嘅醬料都唔錯，而油香飯都好好食😋拎咗少少前菜，有春卷，火腿，朱古力酥皮包，好有鹹香味加入朱古力甜甜地幾特別，可以食完再食唔錯🥰至於甜品都五款，仲有生果，因為覺得飽都冇攞，其實同晚嘅半自助餐係差不多，冇乜特別，都OK正常。總括嚟講晚嘅半自助餐，食物種類就多過午嘅半自助餐，不過以食物質素绝對得起價錢，都值得推介。

休閒的中午 🌞，多謝賞你遊 ⭐因為有政府的免費本地團，令我今天首次嚟到荃灣嘅 旭逸酒店內 享用半自助午餐。😋餐廳名叫 : EAT@EASE原先唸住免費又邊會有好野？但估唔到呢度嘅食物又唔錯噃。😁先講講環境，呢度嘅裝修頗為型格，地方寬敞整潔，燈光柔和，枱距鬆動，坐得非常舒適，值得一讚。👍每位旅客可選擇一個主菜，我揀了蜜糖烤雞，上枱時仍然熱辣辣，雞皮烤得很香脆，雞肉亦非常 juice，好味到震。🤤因為係半自助餐關係，所以餐廳另有個自助餐區域，估唔到呢區所安排嘅食物亦絕不馬虎。😎餐包，中西餐湯，炸春卷，沙律吧，水果，甜品 ..... 食物不停添加，食得非常滿足。🥳餐後我從服務生口中得知，原來平日及假期他們都有做呢款 半自助餐 ，價錢都只係 百零蚊 左右，性價比真係好高，有下次。😉

Staycation包咗個半自助晚餐，package包埋當然要去試下啦!🤪半自助晚餐由晚上6點半至9點半，重包海鮮蝦，翡翠螺，大蜆同青口，主菜有幾款選擇，重有沙律菜，中西湯各一款，甜品，生果同雪糕，飲品有橙汁熱檸茶，檸水，鮮奶和咖啡。沙律菜都新鮮配上火腿、都好OK喎😋凍蝦超新鮮/青口、翡翠螺正正常常、味道一般。香煎西冷羊扒配薯蓉薄荷汁、7成熟、好軟冧、不過味道好一般、麻麻地😔香煎厚切羊架配薯蓉、5成熟、羊架味道軟冧、口感唔錯、重有份量極大、一共有3塊、抵食👍🤩😋甜品外形的的式式、好可愛、不大甜、可以食多幾件🤪掛住食食食，湯都冇影到相😑中西湯各一，係西蘭菜花忌廉湯另外一個中湯係青紅蘿蔔南北杏唐排湯，味道鮮甜，好夠火喉，飲左兩碗，值得推介👍👍👍飲品系無限量任飲，值回票價🤩🤩🤩生果有西瓜菠蘿哈密瓜，超清甜。最後值得一提就係餐廳服務非常之好，收碟極快🥰服務態度very good 。

Staycation package包半自助午餐及晚餐。是晚的主題是韓牛-海鮮滋味半自助晚餐，其中廚師推介兩款主菜，分別是香煎豬斧頭扒伴黃蜜桃配芥末籽燒汁和香煎1+韓牛肉眼扒伴燒蒜配喜馬拉亞山岩鹽。可惜在我們於7時點餐完畢後，侍應竟回來告知韓牛售罄，主題食品售罄真是讓我們有點錯愕和失望，惟有轉選紅酒燴牛頰肉配薯蓉。前菜是自助的，款式也不少。為了可以有足夠時間品嘗前菜，詢問了是否可應我的要求才奉上主菜，職員亦欣然答應。主菜方面強力推薦豬斧頭扒，雖然燒汁味道偏淡亦嘗不出其主題，但扒類始終是一力降十會，只要扒的本身高質，就算不醃不汁都能令人讚不絕口。豬扒本身份量十足，厚度足夠卻又肉質鬆嫩而多汁，薯蓉軟硬恰到好處，蜜桃香甜可口，單單這主菜已是物超所值，遑論這還是一個半自助餐。至於牛頰肉雖然牛味不濃但肉質軟腍，不過紅酒汁同樣味淡而嘗不出主題，算是質量過關不過不失。湯有中式老火湯和西蘭花忌廉湯，後者奶味濃郁令人激賞，絕對是必試之選。海鮮種類不多，只有鮮蝦、蜆、青口和翡翠螺，但卻全都很鮮味。煙三文魚亦很肥美。沙律醬竟然有蜜糖芥末，令人驚喜，除了用於沙律外，我還用於主菜的薯蓉上，效果亦非常不錯。爐端燒

呢度主要食半自助餐，見到今個月晚餐主題是韓牛、海鮮半自助晚餐，用Openrice 訂位平日7折後連加一低至唔使2百蚊位，望落幾吸引，決定同幾個fb收工來試下，可能位於工廠區，就算星期五晚都唔多人，自助區取食物唔使同人爭，半自助餐來講食物種類算多，海鮮有煙三文魚、凍蝦、螺、青口等，味道一般啦，比較有驚喜是燒烤區，有串燒、蔬菜及菇類、最正是燒菠蘿，可惜分量太少，只取了一次便再沒有了，其餘食品有沙律菜、湯、生果、甜品、雪糕及飲品都是不停供應。值得推薦主菜是韓牛肉眼扒，份量相當足夠，5成熟剛剛好，肉質軟淋，配菜有原個蒜頭及薯蓉，連配菜都好好味，其他主菜三文魚及斧頭豬扒都唔錯，整體食物質素唔差，平均每位二百令蚊絕對性價比高。

上星期上網見到話旭逸酒店eat@ease推晚市西餐優惠，提早book可以有6折！（原價$248未計加一‼️）趁著5月就同媽媽提早慶祝母親節🎉一家四口去食飯，menu入面5道主菜，我地叫左4道，可以話人多就食得多款🤣🤣本來想齊齊位位upgrade做龍蝦湯，點知原來酒店做緊優惠，只要用社交平台 like指定post及share就可以變成免費upgrade😍慳左$48x4=$192以當時menu：⭐️香煎豬斧頭扒伴黃蜜桃配芥末籽燒汁4道菜入面最推薦這個，肉質鬆軟，厚切超大份‼️爸爸媽媽都讚好，我們成碟清哂🤣🔴紅酒燴牛頰肉伴薯蓉平時好少食牛頰肉，肉質本身軟軟，但會夾住牛根，牛肉味都好重（本人馬馬地重牛肉味同牛根）媽媽幾乎一個人食光這度菜🤣🤣🔴香煎比見魚伴大蝦配黑松露忌廉汁魚肉軟軟，重點講這個汁配薯蓉•超·級·好·吃，正正常常的一道菜，我比較喜歡這個。🔴磯燒明太子帆立貝野菜海膽意大利飯這個在我想象中有啲落差，意大利飯間間店做的軟硬度不同，是我喜歡的飯心都熟透，不會硬硬的，但飯汁好似加了甚麼，有點濃烈（不知是酒還是香料），我不喜歡🫣帆立貝可能是用燒的關係，個人覺得有少少🤏生，所以4道菜裡不太喜歡這個。⭐️

自助區選擇不算多，有沙律，餐湯，橙汁等等自助區上新比較慢，動作有點慢。食左個和牛漢堡加薯條，普普通通，口感還行。環境倒是不錯，但是整體價格較昂貴。不建議再去，除非只能選擇這間。

openrice 訂位有75折，cafe 價錢，酒店質素，自助區任飲任食，輕盈又健康，埋單仲送一張買一送一晚市coupon ，抵到冇得擅。。。酒店三楼還有個綠色小花園，相當有特色，絕對系打卡，用膳的好地方

開頭上網睇都好似幾正常咁就上咗網book位，地點尚算OK因為揸車過去。一入到去第一眼裝修算係咁，但出面嗰啲自助嘢食就好似同上網睇有啲唔同，開頭諗住都OK。 之後落單嘅時候佢推介我食肉眼扒同埋斧頭扒，咁就聽佢講諗住正路，點知出到嚟簡直係不知所謂。首先塊斧頭扒細塊都唔緊要，最慘係乾到咬都咬唔落，之後塊肉眼扒原本叫佢五成熟，之後就熟到切唔到。講真，唔係話要求好似五星級咁，但至少都起碼應該同價錢成正比，冇咩事嘅話我都唔會再去食。

好特別啊~今次去Eat@ease食自助餐，諗唔到仲有新出嘅素肉區😍選擇豐富，仲好有驚喜添！.要數最特別，一定係迷你🍔竹炭素牛肉漢堡包！竹炭嘅顏色可愛之餘，又天然，仲有入邊嘅素牛肉口感更加豐富，juicy到同真肉難以區分😍.泰式素肉碎粉絲九層塔沙律，加咗九層塔，沙律清新之餘，🥬更加有唔同層次嘅香味。.脆炸素雞塊配牛油果🍅蕃茄莎莎。外型似足真嘅炸雞塊！🥑個牛油果同蕃茄莎莎好惹味，點住食超正。.烤素雞條配糖醋汁，😙糖醋汁酸甜可口，好開胃。

依家啲酒店經常大劈價，一間比一間平，呢日畀我發現咗間CP值極高嘅酒店，就係位於葵涌嘅「Hotel Ease」，酒店環境新淨舒適，價錢相宜！$700幾蚊包一晚住宿加雙人半自助晚餐、仲有一個超豐富手工啤酒零食禮袋，真係好抵玩！ 佢個半自助晚餐真係好抵食！就算唔跟佢$700幾package，淨住一晚都只不過係二三百蚊，仲有半自助晚餐買一送一優惠！兩個人去食都係人均一百左右，真心食得過！ 先講講自助區，唔算話好多嘢揀，但樣樣都齊全！小食、沙律、湯品、甜點、飲品、雪糕樣樣都有，咁低嘅價錢連海鮮都有，仲要質素都唔錯！仲有部熱香餅機畀你現場DIY熱香餅，都真係幾過癮！ 🧡烤帶骨肉眼伴約克群布甸（+$50）塊扒超大塊厚身，煎得好香，熟度啱啱好，肉質都唔錯，蘸埋個醬食真係好好味！🧡酥皮焗英倫忌廉海鮮酥皮焗得好脆，海鮮都好足料，有大蝦、青口、帶子等，味道偏淡少少，忌廉好飽肚！

抵食半自助餐🤰🏻👍🏻酥皮焗英倫忌廉海鮮🦞雖然外型細細件，但入邊海鮮好豐富😍😍青口丶帶子丶魚塊呢啲全部食到😆👍🏻同埋酥皮都算酥脆，不過係比較薄嗰隻，唔係好厚好飽嗰啲～不過，入邊啲忌廉口味偏向鹹重口味嘅😄但相對就濃郁，睇吓自己嘅口味～仲有啲薯格做配菜，本身以為呢個會唔夠飽，但係食完之後都係有嘢落肚一半飽啦🤣🤣🤣因為仲要食其他俾自助餐嘅嘢🥰烤帶骨肉眼🍖肉眼扒比較薄，但相對就唔會好多筋同肥膏，食落都啖啖肉，全部都食得到😆😆醬汁調味都適中，隔離仲有少少西蘭花配菜等等，擺盤都幾唔錯🥸不過男士食嘅話，可能就會覺得唔算太飽，不過都一樣，因為仲有其他自助餐嘢食😆總括來講，主菜個水準就正常發揮，如果係有折扣優惠咁食嘅話，其實都幾抵，因為平日嚟嘅話又唔係好多人👍🏻🥰🌅

介紹完Eat@ease既semi-buffet dinner，分享埋semi-buffet lunch俾大家參考🙌🏻(上一篇手誤標題打左午餐😂)。🔅自助區 大致上同dinner差唔多，不過少左海鮮(青口同螺)，包就多左款，同埋湯有埋老火湯，無味精都唔錯。🔅烤紐西蘭頂級肉眼扒200g配燒汁牛扒煎得幾香，叫左五成熟入面都夠生但無咩血水又唔會太韌算易咬。燒汁唔會太鹹，有少少黑椒吊味都足夠，同牛扒幾夾。薯蓉都好滑，帶有少少牛油香味。西蘭花椰菜花就無味，可以唔洗食😂。🔅泰式紅咖喱雞配油酥餅咖喱幾香，有少少辣，雞份量都幾多，但略嫌唔夠入味。油酥餅呢個就偏軟糯，唔係嗰啲酥脆既烤餅，個人偏好後者🤣。💬Overall 呢到既semi-buffet lunch都ok既，不過比起dinner就失色左啲，同埋自助bar既野基本上都差唔多就少左驚喜，普普通通咁🤨，唔算係好出色既酒店lunch但咁既價錢都收貨了🙆🏻‍♀️。

官網上book既package包左一餐入住當晚晚餐同翌日午餐，同大家介紹左晚餐先😍。當日lunch唔飽就食嘉寶漢堡💛，食得太飽所以都成8點幾先落去食晚餐。工業風裝修唔錯，樓底高，幾乾淨。staff好貼心話入面有位抹緊坐得舒服啲，所以請我地等一等。🔅自助區選擇唔算特別多， salad、湯、雪糕、麵包、生果等。✅Salad: 好新鮮啲菜好靚😂✅Pancake: 有部機玩下幾過癮，食落又ok喎😂✅生果: 西瓜哈蜜瓜都ok，算甜❎熟食: 翠玉瓜茄子味道奇怪❎素食: 有少量供應，不過凍左同埋口味唔太啱我❎雪糕: 得雀巢同CoCo Berry，後者都係唔使試😝🔅慢煮豬肩肉青口長通粉長通粉都幾入味，青口好大隻下，豬就唔算好多，不過都幾滑，唔錯。雖然睇落唔係好大碟，不過都夠食，始終semi-buffet都唔會諗住食main就飽😝。🔅酥皮焗英倫忌廉海鮮呢個要焗就要俾啲耐性等耐少少，但未拎到黎都聞到好香。個海鮮湯好足料，有蝦、帶子、青口、魷魚等等、全部都大大粒，預期之外高汁。💬睇Openrice好似幾多負評，但同男朋友試完都覺得都唔錯🖖🏻。特登黎食就不了，畢竟有啲遠，但對得住價錢(openrice/eat

家人生日, 一行十幾人。姑拉訂咗位於葵涌嘅旭逸酒店, 食半自助餐一齊慶祝下。酒店安排咗一個區域, 每枱4 人咁坐。由於係半自助餐, 餐廳外有自助沙律吧同幾款凍海鮮、湯同甜品吧。不過選擇好少, 而且味道一般, 失望! 唯有寄望個MAIN COURSE 好食D。我揀咗脆皮豬卷配焦糖蘋果沙律。主菜一上, 我好SURPRISED, 因為個豬有一半以上係肥膏, 我唯有揀D 肉同挑個皮出黎食。除咗食到個皮係脆, D 肉係咩味已經唔係好食到。成餐飯, 基本上全家都好失望, 雖然好似價格比較相宜, 但係整體嚟講, 質素較差。唔會再去食了。(獻出第一個劣評)