Eat With Me (已搬遷) 新店位置

係難得不愛吃的老公說要來吃的一間食店，不過佢比起其他甜品店早收，第一次去撞左門釘點左個Rose款的，因為面有個藍色玫瑰cream所以吸引我揀佢，如果想佢唔係一餅，上係木板上，加4蚊碎上。有得坐企堂食，不過我係唔係好鍾意坐啲吧枱式嘅高腳櫈，不過我都明白佢受舖位所限。佢個雞蛋仔，初初睇佢焗出來黑黑的，仲怕佢係咪焗太窿。點知食落又冇窿味喎，仲幾有蛋味又夠脆唔太甜。所有野畢晒夾埋一齊食，味道會升一級。連乜都話唔好食冇興趣食嘅老公都話唔錯。臨走嘅時候，老闆娘仲好一面親切咁同我地講會轉去第二度開一間大啲嘅店，做埋西餐。

揾廣華街有咩食嘅時候搵到，見到有鹹味雞蛋仔所以想去試吓，叫咗個咖喱雞蛋仔然後見其他人個個都食有雪糕嗰啲，所以就叫多一個試吓原味雞蛋仔配合桃雪糕，脆卜卜yam d cream 食，個姐姐好細心咁教你點食，食完第一層cream，再用雞蛋仔夾住雪糕嚟食，正！合桃雪糕仲真係有合桃係入面，好味！！但係個咖喱雞旦仔就好咸，下次可以試吓花生醬味或者芝麻味但係做到5月29號就要搬喇，仲要搬去荃灣好遠

店舖小小，大約只有五至六個座位，所以決定外賣，可邊行邊吃！看到餐牌，原本想叫「麻雀」，轉轉運氣（😂😂😂😂其實不關事）最後還是選了Sweet RosesSweet Roses--HKD48nomnom指數(5最高分): 由於我們在舖門外站著吃，店員友善地說可在店內吃，會舒服點，她並介紹雪糕是用紐西蘭品牌的雪糕，而雞蛋仔蛋漿沒有添加任何人工香料由於不喜歡吃Cream的關係，沒有試過那粉藍色玫瑰；土多啤梨雪糕，有小量士多啤梨粒，不太甜，也沒有太人工化雪糕的味道；新烘的雞蛋仔不算太脆，但很煙靭，有陣陣蛋香及麵漿味。建議盡快在初烘出爐時吃雞蛋仔，因雞蛋仔很快變稔，應與店員所說沒有人工香料有關吧。

媽媽節又來了,除了book枱食飯外,當然要再想想辦法令母親大人開心一下,好彩我有位餵食媽媽,哄她開心無難度~上次睇雜誌看見Eat with me 的特色雞蛋仔介紹,其中一款Sweet Rose特別靚,還有我最愛的士多啤梨雪糕,上面有由Cream擠出的花朵形妝,媽媽節連花都可以不送,直接帯媽媽來食Sweet Rose。Eat with me店鋪不大,説明毎人最低消費$25,我想叫的Sweet Rose$48,當我頭痛緊還可以再叫些甚麼時,老板話加$4用木板上會方便點,就這樣我可以停止我的苦惱。雞蛋仔即叫即做,起出來的雞蛋仔會吹吹風扇,令其脆身。Sweet Rose來了,雞蛋仔被剪到一粒粒,上面有士多啤梨雪糕和Cream,好邪惡!雞蛋仔本身不太甜,脆度一般但有香香的麵粉味,加上士多啤梨雪糕和Cream十分好味,其士多啤梨雪糕的味道更清新不會藥水味,原來是用来自紐西籣的貴價雪糕,難怪如此幼滑,甜而不溜,眞是値回票價。

賣相超正❤️未食已經流哂口水雞蛋仔外脆內軟都好足料朱古力雞蛋仔唔會太甜唔洗怕食到膩玫瑰係藍莓忌廉好特別 食落都幾好味😋灑左糖霜上面同點下cream同雪糕食又將雞蛋仔推到另一個境界😁如果食原版雞蛋仔食到厭可以泥呢間試下

一見到呢杯野外型已經想衝黎試下！飲落層次都多！又蛋糕又綿花糖又朱古力蛋卷同百力支！雖然算口感好豐富，但係阿華田味不太突出，仲有小小過甜，果兩支蛋卷懷疑係雜牌唔係幾好味。。。成杯野飲完飽過食一餐。

雞蛋仔雪糕～聽個名都覺得吸引外型真係好正,個玫瑰花係cream 黎既，然後有一球 士多啤梨味既雪糕， 外面再用熱Lak Lak 外脆內軟既雞蛋仔包住買完淨係影左張相，急不及待要即刻食 價錢係貴既！ 四五十蚊食個雞蛋仔雪糕。但只能佩服老闆唸得出有機會，都會再試推介

終於有時間去有d小失望，可能因為期望太高睇大家上傳d相，有波蘿包或曲奇夾雪糕。睇起身就好吸引，po上網訛like，但其實味道各方面都好一般下昼兩點左右去到，店員問我要甜筒或曲奇⋯⋯毫不猶豫的柬左曲奇可以免費試食啊，試左幾只味都冇特別鍾意嘎我最最中意的香芋味都柬唔落手。最後要左怪獸曲奇，雪糕入邊都有曲奇夾住！但係曲奇一d都唔脆，比人嘎感覺係擺耐左軟曬 店員服務態度好，雪糕影相靚，但係味道唔係好掂。唔推薦，但如果係為左po相訛like，也只會來一次

雞蛋仔是香港特色小食，早在七十年代已經存在，並不是今天才出現。還記得當時買一底，都是一個幾毫，兼且可以半塊來買，當時口味只有單一化。時至今日，口味已經變出了多元化。繼上次去過中環某店吃過某雞蛋的變奏曲後，今晚來到旺角的 Eat With Me，來一個雪糕加雞蛋仔的 crossover。幸好時間當早，可以坐在店內的坐位，可以目睹雞蛋製作的情況。餐牌上的各款口味，款款獨特，實在忍不住要點來所有口味，但是胃納卻告知是不可能的，只好點來一個，滿足一下。食糊是最吸引在下的，可是餐牌上顯示的麻雀卻沒有了賣完，店員只好換上了史諾比 Snoopy 公仔。雪糕為Walnut ButterSotch，據店員說是焦糖味加上合桃，但是在下卻又吃到的，卻又焦糖味道又未算突，反而奶油味較為突出，當中的粒粒粒佈滿在雪糕中，幸好雪糕的甜度未算太高，不會太過膩。而雞蛋仔又幾軟糯煙靱，亦未有脆口的口感。整體來說，雪糕口味是幾特別的，可以再嘗一次的。

幼稚園開始食雞蛋仔，從來都冇諗過雞蛋仔可以加雪糕食。個presentation 可以靚到成個擺設咁。雞蛋仔去完外國返黎，靚仔左，同時都升價十倍。 eat with me 係廣華街。第一間添好運（宜家搬走左喇）隔離。 鋪面好細，只有三個位。外賣為主。新鮮熱辣雞蛋仔係正你面前處理 ROSEY 藍色玫瑰係cream黎架，加埋士多啤梨雪糕，就係番鬼佬雞蛋仔喇呢度既雞蛋仔，比較豐滿，所以口感都好chewy 。同時又比較飽肚。士多啤梨雪糕酸酸地同雞蛋仔好夾呀！

行街路過Eat With Me, 難得不用排隊就和男朋友兩人去試下！話說這個Eat With Me在網上也紅了很耐了, 一直也沒有機會想潮聖。晚上七,八時去到沒有人的，大家不想排隊就可以這個時候來了。在餐牌上有好多隻款都十分吸睛呢，真令人花多眼亂，男朋友提議點S'more（$48）, 是有三重朱古力的味道，有朱古力醬，朱古力雪糕和朱古力的雞蛋仔。雞蛋仔因為雪糕的緣故，所以較淋身，不過欣賞蛋味很香，令人食指大動，兩粒棉花糖放面頭，我覺得如果烤得更溶會更好，因為有點硬。整體來說，朱古力的感覺好出，食完成個係會飽肚，是一個令人感到開心的甜品喔！我食左呢個已經食唔到晚飯了！

今日同朋友專登黎到旺角食雪糕雞蛋仔!入去唔洗排隊而冇人等, 我地就堂食!  哩度位置不多, 地方不大,牆身都係簡單以一邊黑一邊白色為主!只有約4個坐位, 佢整雞蛋仔既廚房係開放式, 而坐位係高櫈可以睇住點員整雞蛋仔!入去店員都會有介紹雞蛋仔味道!初時我地只選擇SWEET ROSES 士多啤梨雪糕配忌廉玫瑰雞蛋仔係原味, 店員介紹首先食左個top先~然後將雞蛋仔點雪糕和cream食,佢地既土多啤梨雪糕係haagen-dazs既, 而cream係佢地自家人手打既cream, 綠色既係食物色素!味道不錯, cream打得好滑, 好鐘意~我地覺得mahjong 食糊既賣相好得意!咁就order埋佢佢係用奶油合桃雪糕配麻將朱古力做既!麻將朱古力既萬子係用白朱古力做既! 另外同樣中間有佢地手打既cream,再配奶油合桃雪糕, 雪糕入面有一粒粒合桃, 而雪糕味道不濃郁, 哩個冇咁好味! 可能係一粒粒合桃既既係!同樣要met 雞蛋仔點雪糕和cream食!可惜唯一唔好既係我覺得雞蛋仔太淋, 太黏手! 食既時候隻手會好dirty! 因為雞蛋仔有糖粉加埋佢好黏手!要帶定多d 紙巾...

奶油合桃雪糕配麻將朱古力 Walnut butterscotch ice-cream served with man jong chocolate 來,新年最緊要食糊,配少見的奶油合桃雪糕! 帶焦糖味⋯食到粒粒合桃雞蛋仔好脆身...好重雞蛋味...永遠都覺得佢呢間D雞蛋仔係冇得輸既...再嗌左個士多啤梨雪糕配忌廉玫瑰strawberry ice-cream served with sweet rose 玫瑰花超像真,花瓣用忌廉逐片整落去..好有心機... 配哈根達詩既雪糕...真係SWEET到暈... 每次去到見到舖頭老闆整完一底雞蛋仔就會抹乾濕個雞蛋仔機..先再整第2份新既.. 我覺得呢種熱誠好難得... 支持小店....

早前看到網上紅到爆, 超級靚既玫瑰花雪糕夾雞蛋仔 (Puffle cone), 已經好想立即去試, 可惜係加州先食到。幸運地發現香港都有得試雞蛋仔夾雪糕, 仲有朵用Cream吱出來的粉藍色玫瑰, 賣相好得。懷著興奮的心情專登去尋覓此店~有點難找！我們在廣華街兜了一個圈, 先去到一間超香噴噴的雞蛋仔店 (大排長龍) 以為找對了，但細看之下又不太像, 我們再向前行, 兜了一圈找不到, 我們在翠園附近問了看更嬸嬸, 她說翠園有2座, 去另一座看看吧！終於看到了 <Eat With Me>。沒有排長龍, 店內只有4個座位。我們企了一會兒, 有一對情侶離開後, 我們便坐下來點餐。點了"Sweet Roses"。在店內觀察了一會, 終於明白為何沒人排隊了, 店內聞不到香溢的雞蛋仔味道, 只看未吃已感覺得到雞蛋仔是好淋唔香脆。剛才的情侶, 二人share 一份Mahjong (麻雀)雞蛋仔，他們很難分解雞蛋仔....吃得好論盡, 到我們時, 情況也一樣！ 賣相是吸引的, 新鮮即製的雞蛋仔仍是暖的, 配士多啤梨雪糕很好味 (應該不是dryer, 是New Zeland Natural

看了雜誌介紹旺角這家雪糕雞蛋仔 很是吸引 趕忙捉了好友一同去試試 結果十分失望甫進店面 店主/員只顧跟其友人聊天 完全漠視作為唯一顧客的我們 但既然來到 我們便點了有麻雀裝飾的那個 中間的雪糕是奶油合桃味道的 味道偏甜亦有原粒合桃在內 問題出於雞蛋仔身上 雖然是即做 但一點也不脆之餘 又淋得快☹ 我個人是欣賞雪糕+雞蛋仔的組合的 但這個捲起來的設計令人吃起來很狼狽 我們堂食者還好 別提邊走邊吃的怎麼辦😑 結論:我們一致認為早知過對面食媽咪雞蛋仔無咁嬲