EC Kitchen (已結業)

過年呢幾日假 除左拜年就係食！你食夠了麼？唔好諗肥左幾多！食埋今日先啦😂😂😂手打芝士牛肉漢堡 $38另加$20 有薯條同汽水塊牛肉漢堡有成寸厚😎 即叫即煎，肥瘦適中，外焦內粉紅，咬落多汁有牛味🐮 加埋芝士、茄汁同酸瓜粒😍 甜甜酸酸地係幾正既👍🏻手打牛肉漢堡 配全日早餐 $68 （包埋汽水）個漢堡同上😅 不過配料：腸仔、火腿、薯條、太陽蛋，就普通左啲，個茄汁豆唔係平時我最愛既罐頭牌子，同埋凍既🙈 爭左啲啦

I've seen many pictures before I decide to make a trip to this place to try their foie gras burger & uni fries. The burger is very good, very juicy. Definitely with go for second time. However the uni fries doesn't seems to hit the right taste bud.

叫左2個麵，足足等左50分鐘前面全部單嘅人客都好不滿，汽水拎左出黎，等到熱左都未有嘢食，一係一家大細有一個成員已經食曬，其餘2位仲要等超過30分鐘，餐廳人手完全應付唔黎，加錢要多d調料又無比

今日朋友約我到荃灣碌玲，就在玲場上層的餐廳食野。餐廳的場地不太接近市區，要在地鐵站搭十五分鐘小巴就可以到達。全座建築的G/F和B1都是同一個店鋪。G/F 為快餐店而B1就是保齡球場，在一個患有經常性遲到的朋友病發時。我們只好食住等。 環境可以，因為可以拎野食到樓下的球場邊食邊玩，所以餐廳本身的人不多。看完餐牌都不知如何是好，就點了今日的推介的三個美食。 鵝肝芝士牛肉漢堡飽($88)鵝肝油香十足，肝的油放左整個包上，油慢慢流到整個包的材料上，好食！ 芝心牛肉漢堡飽($48)的芝心牛肉就跟芝士牛肉差不多，只是放左扒內。不過，味道不錯，可以試試。 海膽肉醬芝士薯條($68)的肉醬就是重點，肉醬可以給你配薯條，一般薯條點的茄醬都十分稠，又太甜。因此，肉醬配薯條更佳，芝士就更香。由於本人唔食海膽，所以不多作評論。 鮮奶咖啡Latte($15)，奶味濃郁，咖啡相信是用咖啡機沖出泥的，整杯咖啡其貌不揚，但奶味和甜味平衡得好，性價比高。 跟餐薯條就未有驚喜，如同連鎖快餐店一般。

同事通知我荃灣，灣景花園開左間新漢堡，仲話好好食，我本人唔食牛，所以起初興趣不大，但同事話有雞，羊漢堡可以試，禁就陪男朋友去食啦，今日黎到商場係保齡球場，地方冷氣，坐位都ok,圓拱形禁坐，幾舒服，見到個黑板寫住海膽黑松露 （牛/雞/豚）漢堡$98 其實98真係唔貴，我見到別人塊牛成2吋厚，仲有鵝肝芝士牛肉漢堡$88， 男朋友2樣都喜歡佢諗左好耐，選左鵝肝，我心諗慳左$10 我就簡單d, 叫左個磨菇雞漢堡餐，33元，有汽水薯條，唔貴喎! 然後我們再選左個芝士炸雞籃$68 散叫一個可樂， 埋單$199 仲有保齡卷送， 可以玩保齡， 真心喜歡有得食有得玩食物即叫即整，等左20分鐘到，就叫號碼取，無失望賣相唔錯，好厚呀! 鵝肝都唔細，牛肉又唔韌，芝士溶溶地，男朋友話好食過高級餐廳，我個磨菇雞堡真係熱到出煙，我第一口未咬落去，就俾d雞汁?雞油燙到手指，超熱呢! 估唔到雞肉漢堡都又厚又juice, 堅like! 芝士炸雞，雞炸得嫩，但芝士唔夠多，可以芝士醬再多d就好，芝士無拉絲效果，薯角惹味香口，薯條像麥記水準，洋蔥圈就基本的夠脆，全部清晒食唔停，如果有埋啤酒供應就更完美，服務員都很有禮貌，食物同

一到晚飯時間就要找個落腳處「揾食」，最近得知荃灣灣景花園商場有一間食漢堡熱狗的餐廳，漢堡包一向是我首選，一於去食個痛快。一去到見到個餐牌已經心花露放，每樣東西都想試，什麼海膽肉醬芝士薯條、海膽黑松露牛肉芝士漢堡、鵝肝芝士漢堡等⋯⋯以為自己去了高級餐廳。這些食材不都是高級餐館才會食到的嗎？一間座落在荃灣的小店也有提供，令我欣喜若狂。海膽黑松露牛肉漢堡飽海膽份量多得驚人，滿滿的填滿了整個包！快要有滿瀉的視覺效果，完全可以用「揼本」來形容。老闆話海膽來自智利，智利的海膽特質是天然海水味重，味道甘香，苦涉味較輕，色澤嫩黃優雅。海膽有用火槍燒過，有淡淡的焦香。一打開麵包，金黃的海膽上還有大量黑松露！聚所周知黑松露香味引人入勝，海膽配黑松露簡直天衣無縫。當我以為驚喜已經完結時，發現漢堡的牛肉更令人欣喜，足足有三隻手指厚的牛肉，一咬下去鬆軟可口，肥瘦三七的比例，無懈可擊。鵝肝芝士牛肉漢堡飽三隻手指厚的牛肉漢堡和鵝肝中間夾著熔熔的芝士，未食已經覺得好吸引。鵝肝絕對不輸給牛肉，足足有兩隻手指厚！兩邊煎到金黃色，一口咬下去，鵝肝的油分豐富，油香甘甜，最令人估不到的是原來鵝肝和牛肉同時食可以好夾，鵝肝甘而牛

今晚係第一次去到深井打保齡球，這間食店最近保齡球場，便決定試試。這裏以漢堡包和熱狗作主打，另外都有飯和意粉類。店主推介海膽黑松露牛肉漢堡包，牛肉超級厚，肉質鬆軟。海膽和黑松露超多，多到好像不用本錢，海膽是烤熟的，有口感，咬下是一粒粒的，沒有腥味，加上味道濃烈的黑松露，令整個漢堡包的味道更豐富。另外點了吉烈鱈魚柳熱狗，外層的熱狗包十分鬆軟，配上外脆內滑的鱈魚柳，熱騰騰的，加上千島醬很夾很好味。海鮮拼盤很大份，有炸蝦、帶子、鱈魚和洋蔥圈。炸蝦很彈牙，鱈魚十分大件，肉質很嫩。芝士炸雞，雞肉很滑，味道不錯，不會太咸，如果芝士可以再多一點就更好了。總括來說這裏價格實惠，樣樣都大大份，抵食之選。

去完灣景打保齡後想補充能量而又唔想行咁遠，直接同好友係保齡球場上層的餐廳填飽肚好了。 原本以為冇咩特别，一食之下發現出事。手打漢堡太有驚喜，真係有d 上左癮。 第一次食羊肉漢堡，感覺幾新鮮。羊肉很大件，煮得不是很熟，仍能保留原有肉味。一咬之下，肉汁不斷流出，想截住肉汁時已經瀉出來！ 另外一個流心芝士牛肉漢堡更是不得了。鬆軟的牛肉不斷流出肉汁，咬到中間更有大量的流心芝士！作為芝士控既我甚是歡喜，太正了！ 除了漢堡，亦有肉醬芝士薯條和洋葱圈等小食，都非常香脆可口。最後加上兩杯果汁，食飽飽 ! 如果去個頭打完波一定要再食過！

海膽黑松露菌芝士牛肉漢堡呢個包絕對係一個伏,大伏,以為海膽黑松露就係等於好你就大錯了黑松露香不突出,塊牛肉無水份,令整個配搭食落非常乾身,食完非常口渴仲要成$98,沒有再見面的理由.

我地又本住勇者精神 咩都一試 結果 ⋯ 咪又中伏🌚-好多人都講EC Kitchen 嘅海膽黑松露牛肉漢堡 ($98) 話三樣夾埋好正斗結果嚟到無黑松露香氣 食落都喺普通黑松露醬味 海膽就得幾片 食落好似半生熟咁可能關擺法事 漢堡扒嘅熱力太強 整熟咗佢而我喺第一次唔喺食片狀嘅漢堡扒 喺球形 好似牛肉球咁咁形狀呢啲野好死㗎姐 最緊要好食咪得但喺食落好似𡁻緊一舊無經調味嘅煎牛肉碎嘅物體 煎得好乾 食落又嚡口 無咩肉汁三樣夾埋一齊 好似三樣野分開喺個口到出各自嘅味 毫不協調um 你話好難食又唔喺話難食到唔想食而喺好似三樣野獨立食喺好食但夾埋一齊喺無和諧效果 仲好似無單獨食咁好食你寧願唔好夾埋一齊 可能好虛無飄渺 你食完就明 當然我地打出嚟就喺唔想你中伏😂-

今次再次跟住推介再到荃灣一試餐牌有多款漢堡可選今次揀左個鵝肝羊肉漢堡諗住一次滿足自己三個願望因為第一次上錯牛肉 所以送左兩隻雞翼雖然鵝肝同羊肉都足料但羊味唔重 鵝肝唔夠香口個漢堡包亦都唔脆 個菇太咸了。。。。老實說味道真係一般不過有一點真係要讚因為服務態度真係好好由於有出錯 除左道歉 仲送左兩次小食搞到我都唔好意思如果食物有進步 我一定會再去支持!有一點好重要要提提大家 就係餐廳好熱。。。

今次嚟到EC kitchen搵食！之前去灣景食飯～見到呢度由貴價西餐變咗burger shop～再搜尋吓原來都幾高評價～週末瞓晏咗～襯tea time終於有機會試喇！店內有9款左右嘅漢堡包～而比較平嘅芝士牛肉、蘑菇雞肉、美國豚肉同吉列蝦就可以跟餐～因為係tea time唔想食咁heavy～我哋只係叫普通burger跟餐～而冇叫特色版～蘑菇吉列蝦漢堡包 （$138套餐）初頭以為係就咁夾隻蝦～原係類似蝦膠咁嘅～蝦膠炸得少許過火～不過咬落去有見到蝦。唔太食到有蘑菇～而芝士味偏淡～成個包冇咩味～要落茄汁食⋯芝士牛肉漢堡包芝士較多～本來應該成個漢堡包好夾～但個手打牛肉好乾好乾！咬落去都冇乜肉汁流出～失望！見到大家食完貴價嘅海膽漢堡同鵝肝漢堡都俾好評～唔通我哋食平價包所以咁差？

係元朗的漢堡店EC Kitchen出曬名做手打漢堡好好味。一搵之下原來係荃灣灣個景花園商場都有間。唔洗入元朗都有得食。荃灣呢間係係保齡球場上面，好多打波既人都會上去食咖。地方都唔細，係地面果層。話明係手打出曬名，緊係食手打漢堡。兩個人去，一人一個交換食。雙鵝肝牛肉漢堡168鵝肝香煎，熟度控制岩岩好。表面油份見唔到好多，但係一口咬開，油係係鵝肝內慢慢流出，同時間鵝肝既香味完全散發出來。黑松露菌西冷牛肉漢堡88黑松露香味充斥住周圍既空氣，真係唔係講小，個黑松露味真係好香好吸引，令人好想一口咬住個包。兩個漢堡都係即叫即煎，熱辣辣的。牛肉的比例豐富，大大塊，口感鬆化而肉汁充盈。麵包口感外脆，內面也真的十分鬆軟。總括成個漢堡即叫即煎即煮，材料不但新鮮，味道都非常之好。再來一個小食，番茄肉醬芝士薯條 28肉醬唔會太咸，薯條新解炸起好香脆，薯味夠濃。

這天夜晚跟朋友在荃灣打完保齡球，看到這家ec kitchen 的手打漢堡，加上poster上的海膽黑松露漢堡，便深深吸引了我，於是便選擇了這家餐廳，放縱一下自己，滿足自己的食慾環境方面有點像會所小食店的感覺，較開放式和自由，帶點漢堡店的特色和味道我們點了2個漢堡，一客飯，兩份小食，雖然有點眼闊肚窄，但最後我們二人也勉強把所有東西吃完，也十分滿足先來的是煙肉德國腸飯，可以自行選擇醬汁，有日式咖哩，黑椒洋蔥汁，粟米忌廉汁，日式燒汁，我們選擇了黑椒。個人認為賣相十分普通，味道也偏咸，但份量也可以接受，算是這頓飯的最大敗筆然後是台式鹽酥雞和粟米墨魚餅，味道十分令人滿意。以$20多元的小食來説，性價比十分之高。鹽酥雞味道適中，不會過咸，炸粉也不會過多，香脆可口，作為飯前小吃一流。墨魚餅比鹽酥雞更出色，表面炸至金黃香脆，內裡有粟米和墨魚的甜味相輔相成，值得一試手打漢堡才是整餐的精華所在。餐廳提供全日早餐，所有手打漢堡可以加$30升級至全日早餐，包括有煎蛋、煙肉香腸、茄汁豆、薯角和飲品。最後我們兩個漢堡也升級了。鵝肝牛肉漢堡 : 7/10分個人認為鵝肝份量十分令人滿意，手打牛肉更是十分大份，厚厚的牛

前排見東張西望介紹呢個<<海膽黑松露牛肉漢堡>>，極愛海膽同黑松露嘅我緊係即刻黎試下啦！ $98，一個好平民嘅價錢食到呢兩樣野，絕對係抵啦。無諗過海膽同黑松露嘅份量居然都幾多！！你見張相黑左一pat嘅唔係燶左呀，而係黑松露黎！！！個包一上桌，聞到陣黑松露味勁香。海膽唔苦，表面略為燒過，味道更加出。舊牛肉好厚，係手打的，食落幾有質感，肉味濃郁，比平時嘅漢堡扒更有咬口。如果可以選擇medium會更好，始終覺得生生地嘅牛肉更吸引。另外，個人喜好較為軟熟的包皮，如果可以改善下會正超級多！整體黎講，係個幾有新意嘅漢堡，🏻值得一試！海膽加黑松露加牛肉，味道出奇幾夾！