影片
開飯介紹
餐廳以白色為主調，使用雲石檯更顯優雅。主打西餐，提供不同口味的意粉及全日早餐等，餐廳的自創甜品——咖啡白朱古力西多士最受歡迎，烘麵包中夾著咖啡餡，適合下午茶時段享用。
繼續閱讀
營業時間
今日營業
08:00 - 19:00
星期一至五
08:00 - 19:00
星期六至日
08:30 - 19:00
公眾假期
08:30 - 19:00
以上資料只供參考, 請與餐廳確認詳情
噚日（27-12-2024 Fri）同老公放假，我哋落荃灣食嘢兼攞嘢，去邊喥？諗起呢間黃店，於是嚟呢喥。我哋嚟到時竟然重係full full哋，我見有位就想行埋去，戴眼鏡，後生少少嘅男店員就即刻截住我，話要攞飛等位，OK我照攞同等。我睇見啲客好似全部都係啱啱坐落，咁即係有排等，咁我就去一去toilet，去完toilet返嚟，老公已經坐低咗，前後應該係用咗25分鐘先至有位坐。由於我哋等嘅時候已經睇咗menu，所以就好快落單，但原來又要出去畀錢。我哋要咗：4. 套餐加$19.00蜜糖青檸梳打呢個冇乜特別。3分2. 套餐加$11.00嘅熱宇治抹茶鮮（REG)端上嚟，冇茶匙畀客人攪勻嚟飲，味道唔濃，一般。2.8分3. $96.00嘅三文魚菠蘿通心粉貝果配沙律嚟到時，三文魚菠蘿通心粉貝果已切開一半，食落，貝果外面係脆硬，內裡煙韌，通心粉係貝殼粉口感正常，充滿沙律醬，沙律菜新鮮但都幾大棵，而....菠蘿呢？我哋完全食唔到。3分1. $128.00嘅雜菌豬頸肉漢堡配芥末籽醬呢個幾耐吓至到，睇見砌得好高，我切開嚟食，好難切，因為件豬頸肉好厚，食落，味道係唔錯，豬頸肉係爽口但好膩，就算有菜同芥末籽醬都幫唔到。雜菌都炒得香嘅。5分5. 後買$33.00嘅自家製檸檬蛋糕都等咗一陣至到，係咪因為有decoration?但端上嚟唔係，就係一件方包形嘅嘢，呢件真係蛋糕？我一切佢就碎晒，個邊係脆，蛋糕邊都脆？而蛋糕本身都乾乾地，檸檬味唔濃，呢個感覺唔膩。1分服務：好耐有位喇我哋坐低冇耐，隔離兩位客人食完起身走，咁我哋就坐一張四人枱，但冇耐，戴眼鏡，後生少少嘅男店員走嚟，要求我哋坐另一張有個女仔嘅四人枱，因為有一組三人嘅客人，我哋就移過去啦。但由頭到尾，我見到有一個女客人坐一張四人枱，點解佢可以咁坐？其實佢可以叫我哋坐埋一邊，然後將兩張二人枱拍埋畀嗰三個人坐，咁我咪唔使搭枱囉，點解要迫我哋搭枱？要記住呢間唔係茶餐廳係cafe。老公出去買蛋糕，話要咖啡胡桃蛋糕，又係戴眼鏡，後生少少嘅男店員好掘咁答冇。老公返埋嚟問我係咪冇㗎？我答menu有哋6，唔通我作咩？咁食另一隻啦。環境：原本坐唔張枱OK嘅，但之後轉嗰張枱對住冷氣出風口。3.5分衛生係3.5分，因為有蠓。
繼續閱讀
前排好忙最近終於有時間來我既愛店chill下好鐘意間鋪頭既環境，加上有落地大玻璃，好光猛💕今次簡左平日中午來食，唔洗同人逼🙈🥯Bagel-Avocado And Egg Mayo with salad 每次來我幾乎必食🤤🤤沙律菜夠曬健康岩曬平時冇咩機會食菜既我🫣而且佢d沙律菜好新鮮👍Bagel 煙煙韌韌，但又唔會咬唔到就算我箍緊牙都咬到👏🫢牛油果蛋夠曬多，唔會食到最後凈係乾食bagel🍝Pasta- Carbonara之前次次來都係食青醬雞肉長通粉今次試下carbonara 🤤都一樣咁出色👏唔會太濟，芝士味好出🙈🍹Milk Chocolate - ICE 🍹Latte - ICE （oat milk)我係咖啡控，一定係飲佢既咖啡🫢有時我會來喱間cafe買杯咖啡拎走，就知我幾鐘意喱間既咖啡🫣男朋友唔飲咖啡，佢就叫左杯milk chocolate 🤓佢表示好滿意，朱古力份量岩岩好唔會甜到濟🤩
繼續閱讀
荃灣區嘅咖啡店選擇唔少，但靚咖啡真係唔多。今日一家大細嚟到荃灣探朋友，順便喺如心廣場食個晏晝。🥪煙三文魚牛油果碎蛋蕃茄三文治啱晒小朋友食🫶🏻煙三文魚鹹香鮮味，加埋牛油果、蕃茄同碎蛋，係個健康好選擇，小朋友都食得好開心。🦐香煎虎蝦配蘆筍 辣茄汁意粉呢個意粉係我嘅favorite，tomato base仲帶有一點點嘅香辣，惹味非常。而虎蝦都有三大隻，啖啖肉非常滋味。而咖啡真係令我哋不斷返轉頭嘅原因。 就算係冇得選擇咖啡豆嘅house coffee都係single origin brew，用單一嘅咖啡豆，味道來得更純粹。今日我哋冇叫到黑啡，點咗一杯Cappuccino同埋latte，口感更加順滑，加上奶香，令我回味。
繼續閱讀
座落荃灣西式咖啡店，係一個令人流連忘返好地方！當日品嚐咗以下幾款美食，真係一試難忘。首先介紹Mocha咖啡，上枱時咖啡拉咗花，賣相十分吸引，甜度適中，味道好正，非常滿意。接著係檸檬汁烤雞芝士意大利三文治，份量非常足夠，一共有兩件，夾雜咗清新檸檬汁，味道可口，雞肉同芝士配搭真係一流！最後嚟介紹下甜品香蕉胡桃蛋糕。蛋糕含有清香嘅香蕉味，口感軟熟，非常好味，實在係甜品愛好者嘅最愛🥳咖啡店嘅環境都好值得一讚。門前有個大玻璃窗，陽光照射入嚟，令到室內光猛，配上白色枱櫈，整體感覺非常舒適，員工服務態度有禮，令到用餐體驗更加愉快。總括嚟講，呢間荃灣嘅西式咖啡店無論係食物、環境定服務都令人十分滿意，絕對值得一試！期待下次再嚟試其他美食！🥳🍰
繼續閱讀
今日喺荃灣做完嘢之後去咗如心廣場食早餐，上一次喺尖沙咀Espresso Alchemy食過午餐之後，成日心思思都想再去多次。Espresso Alchemy嘅早餐都有幾大類，麵包多士、奄列、三文治等，亦都可以揀一啲pastries。Avocado and Egg Mayo Bagel with Salad牛油果碎蛋貝果配沙律份量相當之大，$82包Regular Size Single Origin Brew Coffee非常抵食。不過今日加錢想試試手沖咖啡，店員詳細介紹今日嘅咖啡豆，同埋每一款嘅風味。我揀咗來自巴西FERREIRA嘅Santa Clara SeHa咖啡豆，風味係香甜及酒香 sweet & winey。可以先嗅聞一下用小杯裝住磨好咗嘅咖啡粉，香氣滿溢。再呷一啖咖啡，品嚐唔同溫度令味道嘅轉變，層次豐富。
繼續閱讀