影片
開飯介紹
餐廳以白色為主調，使用雲石檯更顯優雅。主打西餐，提供不同口味的意粉及全日早餐等，餐廳的自創甜品——咖啡白朱古力西多士最受歡迎，烘麵包中夾著咖啡餡，適合下午茶時段享用。
繼續閱讀
營業時間
今日營業
08:30 - 19:00
星期一至五
08:00 - 19:00
星期六至日
08:30 - 19:00
公眾假期
08:30 - 19:00
以上資料只供參考, 請與餐廳確認詳情
影片
相片
三文魚菠蘿通心粉貝果配沙律
+5.2K
+391
食家推介
噚日（27-12-2024 Fri）同老公放假，我哋落荃灣食嘢兼攞嘢，去邊喥？諗起呢間黃店，於是嚟呢喥。我哋嚟到時竟然重係full full哋，我見有位就想行埋去，戴眼鏡，後生少少嘅男店員就即刻截住我，話要攞飛等位，OK我照攞同等。我睇見啲客好似全部都係啱啱坐落，咁即係有排等，咁我就去一去toilet，去完toilet返嚟，老公已經坐低咗，前後應該係用咗25分鐘先至有位坐。由於我哋等嘅時候已經睇咗menu，所以就好快落單，但原來又要出去畀錢。我哋要咗：4. 套餐加$19.00蜜糖青檸梳打呢個冇乜特別。3分2. 套餐加$11.00嘅熱宇治抹茶鮮（REG)端上嚟，冇茶匙畀客人攪勻嚟飲，味道唔濃，一般。2.8分3. $96.00嘅三文魚菠蘿通心粉貝果配沙律嚟到時，三文魚菠蘿通心粉貝果已切開一半，食落，貝果外面係脆硬，內裡煙韌，通心粉係貝殼粉口感正常，充滿沙律醬，沙律菜新鮮但都幾大棵，而....菠蘿呢？我哋完全食唔到。3分1. $128.00嘅雜菌豬頸肉漢堡配芥末籽醬呢個幾耐吓至到，睇見砌得好高，我切開嚟食，好難切，因為件豬頸肉好厚，食落，味道係唔錯，豬頸肉係爽口但好膩，就算有菜同芥末籽醬都幫唔到。雜菌都炒得香嘅。5分5. 後買$33.00嘅自家製檸檬蛋糕都等咗一陣至到，係咪因為有decoration?但端上嚟唔係，就係一件方包形嘅嘢，呢件真係蛋糕？我一切佢就碎晒，個邊係脆，蛋糕邊都脆？而蛋糕本身都乾乾地，檸檬味唔濃，呢個感覺唔膩。1分服務：好耐有位喇我哋坐低冇耐，隔離兩位客人食完起身走，咁我哋就坐一張四人枱，但冇耐，戴眼鏡，後生少少嘅男店員走嚟，要求我哋坐另一張有個女仔嘅四人枱，因為有一組三人嘅客人，我哋就移過去啦。但由頭到尾，我見到有一個女客人坐一張四人枱，點解佢可以咁坐？其實佢可以叫我哋坐埋一邊，然後將兩張二人枱拍埋畀嗰三個人坐，咁我咪唔使搭枱囉，點解要迫我哋搭枱？要記住呢間唔係茶餐廳係cafe。老公出去買蛋糕，話要咖啡胡桃蛋糕，又係戴眼鏡，後生少少嘅男店員好掘咁答冇。老公返埋嚟問我係咪冇㗎？我答menu有哋6，唔通我作咩？咁食另一隻啦。環境：原本坐唔張枱OK嘅，但之後轉嗰張枱對住冷氣出風口。3.5分衛生係3.5分，因為有蠓。
繼續閱讀
座落荃灣西式咖啡店，係一個令人流連忘返好地方！當日品嚐咗以下幾款美食，真係一試難忘。首先介紹Mocha咖啡，上枱時咖啡拉咗花，賣相十分吸引，甜度適中，味道好正，非常滿意。接著係檸檬汁烤雞芝士意大利三文治，份量非常足夠，一共有兩件，夾雜咗清新檸檬汁，味道可口，雞肉同芝士配搭真係一流！最後嚟介紹下甜品香蕉胡桃蛋糕。蛋糕含有清香嘅香蕉味，口感軟熟，非常好味，實在係甜品愛好者嘅最愛🥳咖啡店嘅環境都好值得一讚。門前有個大玻璃窗，陽光照射入嚟，令到室內光猛，配上白色枱櫈，整體感覺非常舒適，員工服務態度有禮，令到用餐體驗更加愉快。總括嚟講，呢間荃灣嘅西式咖啡店無論係食物、環境定服務都令人十分滿意，絕對值得一試！期待下次再嚟試其他美食！🥳🍰
繼續閱讀
今日喺荃灣做完嘢之後去咗如心廣場食早餐，上一次喺尖沙咀Espresso Alchemy食過午餐之後，成日心思思都想再去多次。Espresso Alchemy嘅早餐都有幾大類，麵包多士、奄列、三文治等，亦都可以揀一啲pastries。Avocado and Egg Mayo Bagel with Salad牛油果碎蛋貝果配沙律份量相當之大，$82包Regular Size Single Origin Brew Coffee非常抵食。不過今日加錢想試試手沖咖啡，店員詳細介紹今日嘅咖啡豆，同埋每一款嘅風味。我揀咗來自巴西FERREIRA嘅Santa Clara SeHa咖啡豆，風味係香甜及酒香 sweet & winey。可以先嗅聞一下用小杯裝住磨好咗嘅咖啡粉，香氣滿溢。再呷一啖咖啡，品嚐唔同溫度令味道嘅轉變，層次豐富。
繼續閱讀
手沖咖啡有著獨特的香氣，今日品嚐了Santa Clara，咖啡豆種植於高海拔令咖啡豆積累更多糖分，風味獨特。喜歡它入口順滑帶點香甜酒香，很不錯。我們order 了二份早餐一齊分享，「菠菜芝士奄列配多士」喜歡它清淡又健康，柔滑的菠菜加mozzarella 芝士已經好好味，奄列蛋香濃，配上一片香脆的酸種麵包加上牛油。「牛油果碎蛋貝果配沙律」貝果外微微香脆內𥚃軟糯，牛油果碎蛋加上新鮮的沙律菜，好一份營養均衡的早餐。「Long Black」有著朱古力香甜，較濃香。如心店的地方闊落開陽，嘆個早餐的好地點。
繼續閱讀
幾鍾意呢間餐廳，因為有落地大玻璃，有自然光既照射，加上白色既餐桌，整體好光猛！一行入去餐廳就聞到好香既咖啡香！除左咖啡之外仲有熱食供應！我地叫左個青醬忌廉長通粉同埋芝士煙肉烤雞意大利包！ 個青醬味道好濃郁，長通粉夠咬口！芝士煙肉烤雞意大利包餡料夠哂豐富，個包外層酥脆，烤得恰到好處，芝士濃郁同煙肉既咸香交融，真係令人忍唔住一啖接一啖！咖啡我地叫左Cappuccino同mocha，Cappuccino既奶泡輕盈細膩，讓整體口感變得非常順滑，且咖啡既濃烈感不會被過分削弱！Mocha 係咖啡同朱古力既完美結合，味道甜美，帶有濃厚朱古力香氣最後配埋件咖啡蛋糕作結尾，好滿足呀
繼續閱讀