Espresso Alchemy (如心廣場一期)

營業中

休息中

嚟咗呢間喺荃灣西嘅咖啡店兼餐廳食午餐同埋飲番杯熱咖啡☕️😆有多款 Lunch Set 可以選擇，咁揀咗 $96「三文魚菠蘿通心粉貝果配沙律 Smoked Salmon and Pineapple Macaroni Bagel with Salad 🥗」，Lunch Set 包 Regular Size Single Origin Brew Coffee，加 $16 轉咗要大杯 Cappuccino ☕️, 再加 $33「自家製藍莓核桃蛋糕 Homemade Loaf Cake - Blueberry & Walnut」😆Cappuccino ☕️ 大大杯熱辣辣，有咖啡香又有奶香又夠滑😋「三文魚菠蘿通心粉貝果配沙律」：用 Bagel 夾住三文魚同通心粉 呢個組合幾有趣，口感幾新穎，都幾好食🤣；三文魚有少少 smoky，又有非常爽脆嘅沙律菜同鮮蕃茄🤩「自家製藍莓核桃蛋糕」：食落甜甜哋，不過又唔算好甜，仲見到又食到有啲藍莓🫐 同埋 核桃🤩

星期六咁岩帶個女黎如心見仲有時間就黎嘆個Brunch 先🍔 烤雞菠蘿漢堡配檸檬乳酪醬及焗薯雞肉鮮嫩多汁而且烤菠蘿面頭帶有焦香菠蘿酸甜巧妙平衡鹹味配搭檸檬乳酪醬清新解膩仲有外脆內綿的焗薯好有滿足感🍰 藍莓核桃蛋糕大大粒核桃好足料藍莓果粒味道酸甜蛋糕體濕潤唔會乾甜度控制得恰到好處☕️ 鮮奶朱古力特別點比個女飲面頭拉花好靚濃滑順口朱古力味溫和加埋牛奶就岩岩好🥛 鮮奶咖啡咖啡味充足但唔酸苦Brunch 最岩飲番回下魂！

Espresso Alchemy 的全日早餐是我喜愛的Special，因為唔使諗都有我鍾意食的香腸、煙肉和牛角包等，今日見到菜單上有些新出品，就選其中一款吧。辣蟹肉炒蛋多士配沙律（$95）這個賣相也不錯，微辣，蛋炒得比較濕潤包裹着蠻多的蟹肉又有少少洋蔥粒，非常好味。新item又想拍下照，店員細心的提示我要盡快食啊，唔想影響脆脆的酸種麵包的口感，旁邊的沙律菜非常新鮮，份量剛剛好，唔會食得太飽。Flat White (大 $45）奶泡幼滑，入口順喉。自家製咖啡胡核蛋糕（$33）蛋糕香軟，厚厚的一件，奉客前先焗熱，溫度剛剛好。

周末又係放風的日子，天朗氣清心情特別舒爽，不忘嘆番杯好啡。慣常的走到喜愛的cafe，喜歡那兒充滿陽光，從大大的落地玻璃眺望窗外的遊人，發下呆享受一下休息日的樂趣。安排了座位，打開menu，原來加了不少新菜品，今日真的有選擇困難症（笑），最終決定試下鴨胸紅咖喱。「紅咖喱鴨胸肉忌廉長通粉」嘩，好惹味啊！厚切條狀的鴨胸肉配上紅咖喱汁好好味，皆因有菠蘿粒粒和紅青燈籠椒提味，個汁帶少少辣更加昇華，他們的長通粉一向對質感都有保證，時間剛剛好，這個新pasta 可以再吃。天氣仍十分熱選了一杯凍Cappuccino ，奶滑啡香。肚子仍有空位，吃了一件綿密的咖啡胡桃蛋糕，份量十足又唔會太甜，吃飽飽準備去附近看番場電影。

無論陰天晴天，喜歡泡這餐廳，享受窗外好風光，店內咖啡香、輕食美味。喜歡這裏的咖啡、自家製合桃蛋糕、精緻健康的午餐。咖啡豆都是自家進口，日替咖啡的咖啡豆如果你喜歡可以買回家自己沖泡，咖啡特飲的選擇好多。多款精緻午餐，例如三文魚沙律、青醬雞胸沙律都是無澱粉的好選擇。意粉做得剛剛好，不會過於軟腍。雞肉芝士夾包是我最喜歡的下午茶，兩人一份剛剛好。簡單的自家烤合桃蛋糕實而不華，不太甜、沒有色素及忌廉，偶然吃一件也沒有負擔。

正日生日緊係要謙謙陪我食我最鍾意的沙律早餐啦！🥗 Salad Salmon ～ 假日最喜愛食呢款salad 做早餐， 呢到的沙律菜夠新鮮，醬汁酸酸少少甜好開胃， 最正係煙三文魚整成一朵朵花賣相一流， 配沙律又夾。🥯 Bagle Avocado and Egg Mayo ～ 用牛油果和雞蛋最簡單的材料來做貝果餡料係最夾的，絕對外脆內軟口感一流。🧊 Ice Latte ～ 今日起床唔想咁苦所以叫左杯 Latte ，入口柔和順滑帶有奶香和相對較弱的苦味。☕️ Milk Chocolate🍫 ～ 謙謙最愛呢杯，因為佢朱古力味濃郁又香甜，帶有順滑的口感。

呢間絕對係我近期其中一間愛店 舖頭環境好舒適舒服 落地玻璃開陽✨每次嚟都一定係嗌佢個雞胸沙律 實在太抵食 雞胸同沙律份量超級足料 完全唔Hea 性價比極高！！雞胸肉質地嫩滑 完全唔似食緊雞胸 沙律配埋檸檬醋汁好開胃🤭平時想食得冇咁Heavy 落樓下飲吓咖啡 呢間絕對係我首選🥰

周一是忙碌的開始，工作之餘一定要對自己好一點，一個健康又有營養的午餐是必須的。Espresso Alchemy 的午市套餐有好多選擇，今日選了綠色的飲品，綠色的食物。我好欣賞他們的咖啡性價比高，但今日首次嘗試宇治抹茶鮮奶，綠色的圖案給人舒適的感覺，宇治抹茶那種茶味配上鮮奶的豐盈幼滑，比我想像中還要好味。青醬雞肉忌廉長通粉，嫩滑雞肉被青醬包裏著，肉質滑滑的又有口感，薄薄的忌廉把雞肉和長通粉連起來，清爽又美味。他們自家製的loaf cake沒有特別的擺盤，一件真材實料的磅蛋就在面前，藍莓核桃蛋糕厚厚的一件，外面少少脆，裏面有濕度有暖度，藍莓份量也好多，蛋糕更有牛油香。

Orange Espresso Tonic($48)沒有想過Espresso 加橙汁也成城中熱話，這個做法據說是源於東南亞，也在香港流行，我一向都有飲橙啡，感覺清爽而且平衡咗咖啡的回甘和橙汁的酸甜，夏日解暑良品。Sparkling Black($47)氣泡黑咖啡品嚐到咖啡的香味，一杯超爽的黑咖啡。煙三文魚牛油果碎蛋蕃茄三文治（$88）麵包烘得香脆，牛油果碎蛋沙律配上肥厚的蕃茄片，加上煙三魚的滋味，沙律菜的清爽，一份美味的午餐。厚切意大利煙肉配卡邦尼意粉（$104）這兒的意大和煙肉是厚切條狀，咸香好有口感，意粉質感不錯，整個意粉被蛋黃、忌廉、芝士包裹著，好吃。在這兒除可欣賞咖啡外也有多款沙律、三文治、意粉和甜品可選擇。

早上跟朋友飲完早茶感覺仍未滿足，還欠我的提神咖啡啊。下雨天過後空氣特別清新，雖然不能坐在靠近落地玻璃的位置，但坐在開揚的店子中也感受到外面的陽光。Order 了一杯Sparking Black，雙份濃縮咖啡好滿足，氣泡黑咖啡保留黑咖啡的風味，同時加入soda 水的清爽口感。今天獨享兩個甜品 - 生酮宇治抹茶忌廉卷及香蕉蛋糕，宇治抹茶的綠色給人舒適的感覺，忌廉卷質地細滑，上面還有金箔作點綴。我是香蕉蛋糕的擁躉，那種香蕉的香甜味道，簡單而直接，百吃不厭。

午餐一支公又唔係太餓又想食個包，最後去咗荃灣西的一間咖啡店，一個人比較易有位。餐牌好簡單一目了然，午市有套餐，選個主食有杯免費的咖啡奉送，如果想要espresso 可補費用還有凍熱大細杯可選擇。我今日選咗一個幾特別的bagel「三文魚菠蘿通心粉貝果配沙律」，bagel 質感唔錯，外邊少少脆裏面有點煙韌，煙三文魚好肥美再配上菠蘿通心粉沙律，酸酸甜甜又有魚的油香幾好的配搭。沙律菜新鮮，平日我唔會特登叫沙律因為總覺得唔夠味，但今日這個沙律配上淡淡的檸檬醋醬，感覺幾新鮮爽口，差不多全部都吃清。選了大杯的Latte 補$16，拉花幾細緻，好幼滑，入口有甜香的黑朱古力味，粉紅的杯子太嬌了。

今次嚟到荃灣如心廣場覓食，想靜靜地搵個地方同朋友飲杯咖啡、傾吓偈，就選擇咗試吓呢間餐廳！分別嗌咗兩杯Latte同埋：【青醬雞胸沙律配檸檬醋醬】💰92【煙三文魚沙律配檸檬醋醬】💰95價錢嚟講絕對唔算平，但好彩佢嘅份量都足夠，平時OL放lunch食嘅話都夠飽。雞胸目測大約有150g，煙三文魚捲咗做五舊小花花，成功補充蛋白質👍🏻檸檬醋醬開胃又低卡路里💕餐廳亦都有得選擇嗌意粉或者漢堡包總有一款啱你選擇~

Let’s get a cup of coffee. 午餐當然要飲杯咖啡，喚醒一下快樂的情緒，今日就試吓朋友推介位於如心廣場的Espresso Alchemy。沒想到這間coffee shop 世界性排名!簡潔的裝修配上淺色的枱椅令人感到舒服。今日吃的意粉也是朋友的推介，「青醬雞肉忌廉長通粉」果然合我胃口，羅勒葉加上蒜茸和橄欖油，翠綠顏色和味道都好清新，雞肉片嫩滑多汁，長通粉熟度有嚼口，加上忌廉和芝士整體很好，份量也足夠，美味喎。咖啡選了大杯的 Flat White，入口順滑，奶泡好細緻。原本想試下朋友推介的咖啡蛋糕，但暫時未有，改選了他們自家製的「藍莓蛋糕」，味道不錯，新鮮鬆軟，用來伴咖啡一流。

周日最想靜靜地放下風休息一下，沒有約人獨自去享受一個brunch ，嘆番杯black coffee 。行經的商場又有音樂表演啊！到達cafe 要等一會才可入座，安排座位後要到收銀處下單，豬頸肉卷餅配芥末籽醬，咖啡另加一個甜品。「豬頸肉捲餅配芥末籽醬」是一個好味又爽口的捲餅，豬頸肉煎得香香的，配上沙律菜及青瓜感到清爽不會油膩，芥末籽醬有著獨特的香氣，加上火箭菜增添韻味。「Long Black」 濃縮咖啡加入杯中的熱水，保留更多咖啡的油脂同香氣，好喜歡看到咖啡面的油脂，飲起上嚟更能享受咖啡豆的香濃。「藍莓核桃蛋糕」有脆脆的核桃和很多藍莓，蛋糕潤滑唔會太甜。吃完brunch 後下起大雨，撐住雨傘慢慢步行回家，享受食物及下雨天☔️。

最近多咗做gym，去荃灣西康文署運動場運動完後想食返啲優質嘢，隔離如心廣場呢間就好啱我，中午時分有雞胸沙律，但早餐就冇，今日揀咗呢個雞蛋牛油果沙律bagel配沙律菜，免費一杯黑咖啡，啱曬運動後補充體力，黑咖啡又幫助燃脂，沙律菜份量好多，最後都唔係好食得曬，呢間嘅咖啡非常出色，食物配搭又健康，真係好啱我哋呢啲關注健康嘅人士。環境又靚，成間餐廳係白色，落地大玻璃窗光線十足，打卡都非常適合。如果我晏晝做gym就會喺度食埋lunch，最鍾意嗰個雞胸沙律啲雞胸肉，豐富蛋白質，咬落去一啲都唔韌，少少調味已經好好味。