euro go go

營業中

休息中

早餐至11點，咁岩我又去開連城廣場，食豐富D就唔駛食lunch啦！我叫左火腿香腸鮮茄湯通粉配熱脆牛角包$34我比錢落完單就坐底，人不太多，環境都好舒服。周圍既人都係他他調調咁食完早餐再飲杯咖啡咁，好優閒～服務員將餐送上，下。。。我堂食都用咁多即棄餐具？膠兜、膠餐具、紙杯、紙碟。。。好失望雖說鮮茄湯，可是我只食到好濃既茄膏湯。味道還好，不過都是味精的味道。腸既份量適中，通粉就不太多，食完仲有D餓...牛角包即叫即翻熱，好香好食，仲可以自己加果醬。

星期六晚上都多人等位。今晚三號風球但冇落雨， 膽粗粗出去坐露天位，唔洗等就有位。 環境乾淨企理，不過可能係戶外有d暗。叫了半個千島海鮮pizza，卡邦尼意粉， 芝士焗薯蓉及忌廉朱古力。千島海鮮pizza味道濃郁，pizza底都脆，幾好味。 卡邦尼意粉同芝士薯蓉味道適中，好啱小朋友口味，兩個女食得津津有味。仲有小朋友至愛的忌廉朱古力，上面的忌廉溶左落朱古力，味道唔會太甜，兩個爭住飲。今餐都算抵食，百幾蚊。唯一唔好係無bb櫈。

今日去新城市行街，大約五點幾見有d餓，就去左食下午茶見到Euro Go Go下午茶去到六點，完全剛剛好蜜糖雞翼係必叫每隻雞翼都好大隻，好多蜜糖好甜，超好味跟餐送既熱檸茶，味道正常啦煙肉蘑菇焗薯蓉，下午茶餐就係$32連飲品，不過我已經叫左雞翼餐，所以就散叫平2蚊，$30炸煙肉蘑菇份量都好多，超香

平時呢間euro gogo 成日都有條人龍, 今次6點半黎到就有位坐, 因為唔太肚餓, 所以唔係叫左好多, 但出奇地, 食物非常熱辣辣, 味道比想像中好, 呢個價錢都算好有驚喜叫左2個Caesar salad ($24/each):因為叫左沙律汁分開上, 所以唔係幾好睇 , 可以自己加d芝士粉, 會好味d, 菜係新鮮既, 不過比起其他食物, 就相對較貴, 只係相對~超級pizza(半份):勁多茄汁又多芝士, 岩岩焗起所以好香好好食, 配料都好多,茄汁海鮮闊條麵:呢個又係新鮮焗起, 份量都幾大兜, 估佢唔到咁多海鮮, 味道偏甜, 唔會太漏一坐低店員都好nice, 拎多張椅比我地擺袋, 唯一不足就係用好多即棄既餐具真係好浪費

太久沒吃就會想念的一間餐廳，今天難得經過一定要吃今天叫了千島海鮮pizza,煙肉腸仔蘑菇意粉，蜜糖鷄翼，還有三色焗薯皮。忌廉朱古力是必須的。每次一口一口吃忌廉都有很大罪惡感我很喜歡這裡蕃茄意粉，因為是甜甜的不會太酸。（太好吃忘了拍照）三色焗薯皮有鷄肉，吞拿魚和煙肉。最愛的是吞拿魚，多汁很香千島海鮮pizza我就嫌有點乾，可cheese味道很濃很香最愛當然是蜜糖鷄翼，滿滿的蜜糖，而且鷄翼很夠味（吃到只剩一隻才記得拍照）兩個人吃了很多東西，不過我覺得都滿划算的

果日出開沙田行街到5點幾突然好肚餓行過eurogogo既tea set至到6:00pm就二話不說入去開餐Eurogogo最吸引既一定係佢既蜜糖雞翼🍯🐔跟埋野飲就40蚊，其實都唔平加上佢加左價，不過間唔中一次都可以接受另外朋友叫左一個粟米薯蓉雖然係開粉既，但都幾好味不過一個人食一個都會幾滯之前食過芝士煙肉味都好好味👍🏻順帶一提佢既熱檸茶好苦澀一黎到既顏色係似普洱茶我自己個人唔係好接受到下次會嗌返朱古力或者檸水🤔

五一勞動節到到都好多人所以都無係新城市廣場嗰邊食嘢去返之前好耐冇去既依間餐廳度食好好彩唔駛等好耐位就有得入去坐我地點左個茶餐， 有牛角包有嘢飲有通粉牛角包味道都正常但係個通粉雖然係以番茄做湯底但食落去唔知點解冇乜味今個成個通粉有啲hea 煮可能因為係下午茶餐嘅關係，分量唔多淡而無味嘅通粉，下次都係唔點食番牛角包算

大懶豬睡得太晚了，起床時已快下午兩點。吃下午茶當午晚就是最好不過，我走到了連城廣場，還是覺得 Euro Go Go 的下午茶最掋食。我要叫火腿香腸鮮茄湯通粉套餐。鮮茄湯夠熱，蕃茄味香濃，還真的有蕃茄蓉在湯裡呢。香腸不算鹹，火腿和香腸的份量也頗多。通粉也煮得剛剛好，不會太硬或太稔。下午茶餐還配牛角包。牛角包有驚喜，是剛焗熱的，很好香很重牛油味。配上餐茶熱咖啡，真的絕配。整個套餐也只需 $36，我當是早餐連午餐吃，所以十分掋食！

今日下午係沙田分店同家人一齊食lunch, 差唔多食完時只係要求水一杯, 其實眼睇唔係好忙先要求, 初頭女侍應話等一等, 但我眼見她淨係係度等待廚房傳菜跟住吹水, 以為佢唔記得先再問佢, 跟住佢同我講話要15分鐘..LMAO! 一向對於euro形象係上餐快, 食物質素唔係話好標青, 而且價錢1 D都唔算平, 15分鐘一杯水呢句擺明係度趕客 如果係忙ge話, 可以同客人說因繁忙時間不提供飲用水服務, 講真15分鐘唔係唔等得, 見出面有一家大細等緊所以先忍左淡氣走。唔睇過下面都唔知沙田分店形象真係差, 以後都唔會揀沙田分店幫襯!

好野，午餐係有素食既。好多地方素午餐都係野菌忌廉意粉，食到好厭啦。。。好彩呢度有個番茄味磨菇粟米意粉；）四十幾蚊有湯有沙律主菜，同區黎講算抵食。平時晚市食呢個意粉呢就碟上，感覺比較唔同唔係好夠熱呀。但午市用錫紙盤上，又熱左又多左份量，much better個意粉好似多左少少醬，較酸，但總括黎講係開胃既。但係意粉等左好耐，店員似乎無留意仲問我野係味齊曬下次要注意注意！個湯又係忌廉野菌，䏲得出野菌是後加的，而湯頭本身較咸，如果可以調返個味就好啦。

呢間餐廳嘅知名度相信大家都知幾高，呢間係小編其中一間係沙田諗唔到食乜就會去食嘅餐廳之一，因為佢嘅CP值實在太高，就算等位都要等，並且每次都要支持佢嘅蜜糖雞翼，真係無得輸。呢間分店相對比較細，如果唔係下午茶過後咁嘅時間，基本上都一定要等位，特別係晚市嘅時候。當晚小編同一位友人大約八點鐘嚟到呢間餐廳，大約等左5分鐘就有枱啦， 可能係因為平日啦。唔講咁多，講返啲嘢食先！我哋兩個人total叫咗四樣嘢加每人一杯飲品。*** 凍/熱荔枝茶： ＄24呢杯係凍既荔枝茶，第一次飲，感覺唔錯，不過好彩小編嗌左佢少甜，因為少甜左之後其實都比較甜！但係佢就有好重嘅荔枝味，清清甜甜，上面仲有三粒附送嘅荔枝果肉添，感覺好似好抵！*** 蜜糖雞翼： ＄40第一個黎嘅就係小編同友人最愛嘅蜜糖雞翼，相信呢一個都係好多人好鍾意黎食嘅其中一款食物，因為佢真係好好食！首先係佢嘅蜜糖味好重，成隻雞翼甜甜地咁幾好食，加埋佢嘅香烤煮法好好，唔會令到隻雞翼好油膩之餘，食落去隻雞翼保留左佢嘅肉汁喺入邊，真係無得頂。最衰得五隻，如果唔係真係10隻都成落！*** 煙肉芝士薯皮： ＄42呢個薯皮都好食，不過今次就係唔太清楚點解佢會加左啲沙

很多主打快餐的餐廳都排隊購票買餐，通常買餐後搵位，但這間需要排隊買餐再排隊入座，有點多此一舉！論食物，之前在其他地區試過Euro go go，食物質素尚可，但這間是用錫紙盤裝食物！如果味道好，用錫紙盤都不是問題。我和朋友點了一個卡邦尼意粉（$5x），一個菠菜闊條麵（$60），只能說賣相和食物質素與波仔叮叮麵不遑多讓！下次絕不考慮沙田的euro go go，這間連鎖店一向食客用膳後，店員便會上前收拾乾淨，給人此地不宜久留的感覺，如果食物質素高都可以，但這是餐廳的價錢，快餐的服務和食物品質！令人難以接受

中午午飯時間，跟同事二人出來午餐啦新年過後，二人都想吃得簡簡單單，又要快的恰好餐廳有座位，就坐下來了姐姐點了一個蕃茄火腿通粉，另外還有個焗蜜糖雞翼蕃茄火腿通粉，酸甜的蕃茄湯真讓人開胃呀！連火腿絲、通粉一起吃，口感算是豐富的至於焗蜜糖雞翼是姐的最愛，每次來到都是必點的焗蜜糖雞翼可是這裡的招牌菜呀！錫紙盤底滿滿的是蜜糖，香甜惹味雞翼外皮焗得香脆而肉嫩多汁這裡最適合喜歡簡單餐飲的朋友啦這頓簡單午餐，二人也表示滿意呀！

Euro Go Go was opened for over 10 years in this location!!We I was a secondary student, we went there few times a week for lunch!The price was reasonable and the food it not bad, that's why we loved to come.Ten years passed, I went to Sha Tin alone,I came there  for lunch again! Full of memories were coming to my mind.It 's a restaurant full of memories for me , haha!The Tuna Cheese Spaghetti was still delicious.Cheese was tasty and the portion of tuna was still large! The sauce was creamy enoug

本人非常不滿沙田分店的服務。正值下午茶期間，顧客不多，很多座位。門口除了收銀員，沒職員。眼見一般顧客買東西後已找位置就座，當然也沒有任何職員帶位。於是，買食物後拿著牌子坐下。一向光顧這店的我突然被要求調位，原因是門口有位顧客聲稱跟職員要求這位置。本來乘人之美無所謂，但門口沒人服務，沒牌寫留座，其他顧客也沒被帶位，門口更沒寫明要帶位。事實更是位置隨處可見。為何如此無稽？若有帶位服務，餐廳門口要有人，收銀姐姐要講，否則只會令顧客之間有誤會和不快。座位安排如此，令人失望，職員態度又差，不會再光顧這連鎖餐廳。