EXP

營業中

休息中

來到又一城，要數最有特色就是溜冰場了。EXP在溜冰場旁邊，可以靜靜的看著大家練習，而且涼涼的，感覺很舒服呢！溫泉蛋肉醬意粉$78，意粉剛上桌的時候，賣相真的很不錯～之後蛋白就自動和蛋黃分離了！（驚）入口意粉稍硬，肉醬很香，蛋汁混和芝士後很柔滑，整體感覺不錯。日式咖喱豬扒炒飯配炒蛋$90，份量很足，炸得很香酥。唯一不足是醬汁不太夠～炒蛋很迷你，但勝在夠嫩滑！芝士焗薯塊配煙肉牛油果醬$62，牛油果醬稍微有點辣，不能吃辣的朋友要注意。焗薯有點熱氣，身體較弱的我，吃了幾塊喉嚨已經覺得有點沙啞。ABC蔬果汁$33，味道酸中帶蔬果清香，還有一點點果肉。可能是個人剛病癒，體質不給力，喝完覺得有點惹痰。整體而言，是食環境＞味道的感覺，整間店因為環境加分不少～

晚餐同朋友兩個人去到又一城大家鍾意食唔同口味 又想飲下果汁於是大家決定去EXP 拎位門口有部機拎票等左5分鐘左右就入得坐bar 枱都算舒服叫左墨魚汁帶子意粉、豆角蝦炒飯、一杯生果快樂墨魚汁意粉都係必食之選，帶子外面燒到金黃色，但咬落好彈牙有肉汁，仲有蟹籽，脆卜卡另外豆角蝦炒飯以鑊上，幾有鑊氣，蝦都大隻彈牙架！最近水果既飲品多左好多選擇今次一於試下生果快樂，有提子、橙同蘋果，生果味種，感覺唔多落糖雖然侍應都好忙，但佢地都好樂意幫手加水，或者落order

特登同朋友黎食飯睇戲。見到呢間好似唔錯就揀左黎食。水牛城雞翼有驚喜，外表超脆同埋加埋隻經典醬汁，食落味道OK，如果隻雞翼再juicy D就perfect菠菜意式煙肉薄餅呢個配搭第一次食，但又幾夾喎，如果菠菜可以再多些會更佳。薄餅餅底夠薄，和配料的厚度相約，容易入口。整體而言味道唔錯。軟殼蟹炒意粉呢個用上日式醬汁炒意粉，味道酸酸甜甜，很開胃，軟殼蟹份量都很多，意粉麵質軟硬很適中这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

啱啱睇完戲 想食dinner 見到前面幾多人排隊 決定試試佢！兩個人叫左3樣嘢 式燒蝦柚子沙律一上菜真係好驚喜呀 初時以為好似泰式嗰啲沙律咁有沙律菜伴碟 點知真係原塊沙田柚 食落去好清甜 啲汁調得好夾 隻蝦不過不失 但價錢$75黎講 個人認為略貴 唔太抵食泰式豬頸肉炒意粉嘩 上到黎賣相一般 但食落意粉都夠乾身 香茅味較重 有少少青檸味係入面 都幾夾 不過整體冇咩特別 唔多推薦煙三文魚紅蔥薄餅個人偏好餅底薄嘅pizza 呢個餅底夠薄 pizza鋪滿煙三文魚 都算足料 加埋醃過嘅紅蔥頭 酸酸地更開胃 可以一試整體黎講 味道唔錯 款式選擇算多 行過又一城可以試下

☕️Cafe 輕食&正餐系列💕▫️餐廳：EXP▫️地點：九龍塘達之路80號又一城UG層23號舖(港鐵九龍塘站 C2 出口, 港鐵九龍塘站 H 出口)▫️營業時間⏰：Mon-Sun 11:00 am - 11:00 pm▫️價錢：～$80+—美味：🍔🍔🍔+0.5🍔環境：🍔🍔🍔+0.5🍔價錢：💰💰💰💰—先講前菜🍔🍔🍔，三個迷你漢堡包(~$90)係幾開胃，有兩款唔同既味，兩個係沙拉醬🥗一個係辣醬💕🌶仲有洋蔥同雞肉配搭，味道清新而特別🥯🤤賣相都唔錯💕正餐係軟殼蟹🦀意粉(~$90)，個🦀真係超脆同香，但係意粉🍝係有d咸同少🍽🥡不過整體黎講，價錢有d貴，要食得好飽就考慮食其他🤫—

好耐無同啊媽出街食飯，今次就近佢返工附近揀左exp。聽啊媽既推薦叫左個大蝦牛油果醬薄餅同燒帶子墨魚忌廉意粉，平時唔中意食薄餅既佢竟然會推薦薄餅令我好期待佢有咩甘吸引人既地方。上菜既時候都瞎左嚇，因為個薄餅都幾大舊，佢分左做三大塊，兩個人分黎食都幾飽。一食就明白點解啊媽會推薦，因為真係好好食！平時我唔太食牛油果但佢呢個薄餅整得幾香，再加埋大蝦同d醬成件事好夾。再加上佢個餅皮同平時食開既薄餅都唔太一樣，係比較厚身既口感都好好，成個配搭同我以前食開既薄餅好唔同，推薦大家都可以試下，會對薄餅有新一番體會。另外除左薄餅仲叫左個墨魚帶子意粉，帶子都幾大粒，意粉軟硬度亦都唔錯。兩個人叫左兩樣野已經好飽，唔係話好平但都唔算好貴，係商場入面食西餐算係幾唔錯既選擇。

星期六晚大約8點左右，全程大概等咗25分鐘。本身可以早啲啲架！但因為行開咗所以miss咗號碼，就要再等多五張檯所以記住咪咁易行開啦！呢間好啱年輕人食！大部份都係fusion菜式，好特別又吸引。樣樣都想嗌！但就無咁多嗰胃揀揀揀，最後揀咗呢兩碟 再加杯野飲！分別係。。。。1.燒帶子墨魚忌廉汁意粉2.大蝦西柚芒果蕎麥麵（凍）有三粒大帶子加d cheese 好正嗰墨魚麵無得頂，係我食過最好味既墨魚麵嗰汁好濃忌廉味。。好正！唯一唔好就係嗰嘴唇同啲牙都會係「黑色」如果初次約會就唔好點呢嗰啦haha味道酸酸凍凍，幾清同開胃，無咁有罪惡感同飽肚感！

去左EXP 食lunch ，呢到既lunch set $98配飲品（用幾款不同水果mix 埋既juice,, 有6款選擇，對一d平時少食水果既我黎講，好吸引牙😍😍 ）海鮮蛋白炒飯$98愈係普通既菜式就愈難煮得好；呢到炒得夠乾身，但又唔會煮到散曬（仲有返個賣相出黎），而味道ok, 唔會太咸，配料份量都適中，整體黎講，都係合格既。溫泉蛋肉醬意粉$98意粉份量略少；溫泉蛋係做到溫泉蛋效果，肉醬比例算多，加左d肉醬汁，令個意粉唔會太乾身，容易入口。另外，加左芝士粉，提升左成碟意粉既口感😋😋

好耐無黎呢度食飯 今次超快有位 好多人等 但二人枱好快有 都唔駛3分鐘呢度既果汁真係無得輸 又多款 又健康咁 今次試左good fiber 就係有紅蘋果、甘荀、西芹、檸檬，味道好清新，又有甘荀味 每啖都唔同 又有紅蘋果味 好特別 我鍾意 又有high c-因爲朋友仔就黎傷風 所以叫俾佢飲 其實係由橙、奇異果、西柚和檸檬組成 味道比較酸 但應該好有維他命c! 豬頸肉 好好味 比泰國菜館好味 特別在於個汁有一些蔥同其他似蒜、辣椒既物體向入面 汁既層次好多 同豬頸肉肉質好嫩又唔乾 好食軟殼蟹炒意粉好fusion, 入面有紫洋蔥 同個汁酸酸地 令到炒意思同炸軟殼蟹既油膩感中和左 炸軟殼蟹份量又多又大隻 好抵食先係92蚊風乾火腿菠蘿Pizza相對無特別 唔係特別好食 不過都算多料 同埋菠蘿都砌得好特別 橫切薄片 好juicy 每次黎都有d驚喜

餐廳位於溜冰場旁邊 算係場內比較多人等位的 Menu選擇不多 可以邊等位邊睇📋除咗堂食之外 旁邊的外帶飲品區🍹同樣受歡迎😻 有新鮮果汁 水果茶 乳酪smoothies 款式超多！-🔻迷你韓式炸雞漢堡 ($94)成個組合好得意🤣 fushion菜 甜辣炸雞好香口 加埋啲沙律菜 一口係絕對食唔曬🙈⭐評分：7/10-🔻軟殼蟹沙律 🦀🥗 ($72)軟殻蟹大大嚿🤩 因為有醬汁 所以質感較淋 酸酸地 少辣 幾開胃⭐評分：7/10-🔻蜆肉意粉🍝 ($92)清淡之選💦 意粉質感偏硬 用上大量香草🌿 蒜片作調味 仲有白洋蔥同紫洋蔥 如果煮淋啲更好🤭⭐評分：6.5/10-🔻巴馬火腿菠蘿薄餅🍕 ($98)手作Pizza 厚批邊+薄餅底 好鬆脆🤩 開胃的番茄醬底 加上菠蘿🍍同巴馬火腿作配料 簡單好味👍🏼⭐評分：7/10🍹飲品🔻粉紅蘋果 Pink Apple ($33)🔻翡翠 Jade ($33)前者係士多啤梨🍓+蘋果🍎+橙🍊後者係青+紅蘋果+提子+西芹兩款都非常解渴 份量很足 而且係實在的果汁味👍🏼🤤 抵飲！⭐評分：7/10－－－－－－－－－

係九龍塘嚟講食夜晚 佢既價錢算ok但要收加一的 嘢食都算多選擇 但我覺得食物質素比以前一般左我哋叫咗個巴馬火腿菠蘿薄餅同埋一個軟殼蟹炒意粉 嘢飲方面我就試咗一杯大C Cup係由士多啤梨、青蘋果同橙打成嘅果汁 飲獲唔會酸幾好飲 佢係我對成餐飯中最滿意嘅item軟殻蟹炒意粉 鋪面嘅軟殼蟹有四舊 意粉汁就好似大阪燒汁咁 但係又比大阪燒汁酸啲 食食下先接受到個汁 對我嚟講個汁有啲新奇至於巴馬火腿菠蘿薄餅我就覺得一般般 因為我食到嘅菠蘿唔係一片片 而係好似菠蘿肉咁鋪左上個pizza度 個Pizza其實冇乜味 如果唔係有幾片parma ham 我覺得個Pizza會係冇味

溜完冰想搵野食見到呢間exp堆滿人係門口又想食西餐就試試佢係門口堆滿人好彩二人隊比較快叫咗三樣野食喇沙韓式年糕意外地又唔錯喎估唔到又幾夾 但偏辣 水牛城雞翼 外皮好脆 加埋個汁好juicy甜甜地再加微辣成個口感都好好 好香口大蝦牛油果薄餅Pizza餅底加埋大蝦爽口 同埋牛油果配合又唔會乾

是次不是幫襯EXP食店，只係幫襯它的飲品店。飲品的menu全是清新之選，主打係水果，即叫即造，感覺好健康！店內仲有唔少飲品慢半拍係會已經賣哂😂毫不猶豫下點了杯綠能量黎飲，原來深綠也是很受歡迎的飲品。不消一會，飲品到了，果然好清新，感覺是用新鮮水果製成的，味道不錯

食過好多次exp... 因為地點真心方便，而且佢野食、環境同service 唔錯，係又一城價錢合理。朋友聚餐又得，兩個人撐下枱腳又得。今次就寫下食評啦！次次都中意叫果汁，聲稱先搾，雖然唔多唔少應該有少少糖，但接受到！今次叫deep greeen 貪佢有superfood Kale飲落清新，亦見到攪拌後既青瓜皮，感覺更原味。不過今次比平時甜左，唔知係青蘋果落多左定點。夏天太熱，試左大蝦冷蕎麥麵。唔錯wor!! 消暑一流！連隻碟都時冰凍既，正。汁同蔬果（西柚，芒果及蕃茄）係夾既，汁既份量好夠，麵爽口，大蝦都彈牙，量方面有3隻算唔錯。蕃茄水牛芝士pizza 都唔錯，芝士會拉到絲，味道同預期一樣，冇驚喜但亦冇失望，pass... 友人略嫌pizza 面少少較焦。我就覺得個底硬左少少，小心刮口。試埋小食手指泡菜露筍，話哂之前食開主菜多，都要一試。不過呢個就麻麻。泡菜量唔夠，露筍同個類似spring roll 既皮都太燶啦！賣相唔得，油感亦好重。食春卷好過PS 果個醬是千島醬，夾既！之前食過烏卒卒麵同牛油果大蝦pizza .. 兩者唔錯

放工約左朋友睇mib，睇戲前想醫個肚，所以就起隔壁EXP吃。雖然拎飛之後要等幾十張，但由於地方大座位多，我地都係等左大約15分鐘就有位，跟住極速揀左2個main。泰式豬頸肉炒意粉豬頸肉幾大塊，炒得很爽；意粉煮得剛剛好，不易弄斷，口感很彈牙。而且用泰式醬炒非常惹味，辣辣咸咸的挺開胃。菠菜意式煙肉薄餅這個配搭還是第一次吃，但又幾夾喎，如果菠菜可以再多些會更佳。薄餅餅底夠薄，和配料的厚度相約，容易入口，惟獨左右兩邊的餅較厚較硬且有點燶，所以吃不下。整體而言味道不錯的。半個鐘左右完成晚餐，接著就趕回戲院睇戲了。