EXP

營業中

休息中

與朋友們選址又一城聚聚，大家均心有靈犀選擇了EXP吃晚餐。晚飯時間人龍自然少不免，不過輪候時間又不會太長，約15分鐘便可以。期間店員會提供一小杯鮮搾果汁，頗為貼心！燒帶子墨魚忌廉汁意粉 - 意粉賣相不錯，不過食落就十分一般。意粉質感不算彈牙，帶子雖然厚身但味道淡淡的。煙鴨胸蘆筍炒飯 - 賣相普通，而且炒飯炒得{痴埋一堆}不粒粒分明，食落頗油膩。煙鴨胸只有數片，份量不足以伴綴炒飯！芝士焗薯塊配煙肉牛油果醬 - 薯塊粗身夠熱，雖然薯味不算太濃郁，但伴隨著酸忌廉及清新的牛油果醬後，整體味道提昇不少。煙肉咸度中等，食落煙韌！煙三文魚紅蔥薄餅 - 三文魚味道淡淡，不過尚算新鮮～紅蔥酸酸味味，更加開胃。薄餅餅底比較乾身，但厚薄度適中！即焗泡芙班戟配雪糕{要等候15分鐘} - 以原個煎pan送上，賣相不錯！呍呢拿雪糕滑身，不過溶掉速度十分快。班戥薄薄的像食薄撐的感覺。左上:::綠能量(青蘋果、奇異果、葡萄、檸檬) - 飲落酸酸甜甜，青蘋果味比較明顯。右上:::大C cup(橙、奇異果、草莓) - 飲到新鮮水果的甜味，而且營養價值十分不錯！下:::ABC(青蘋果

本來蜆肉意粉給我的感覺係比較淡的，但呢次令我對蜆肉意粉呢個名詞有了新的理解。看上去的素色的意粉加上一堆蜆， 但沒想到色水上低調地的汁原來可以是這個意粉的主調，味濃而質不厚，一入口便驚覺它帶出了蜆的海鮮味到意粉去，而其中的香草令人每一口意粉更添一份色彩，真的沒有想到一幾支細細的香草可以發揮到這麼大的影響力，成個意粉都充滿香草味。軟殼蟹沙律竟然可以食得飽你。。。目測個沙律係可以當一餐，可見EXP相當大方，或者好鼓勵食客多點食菜。我同朋友二人都吃不完。味道方面，比較特別的是這個沙律加了小小chilli, 於是辣味入咗沙律汁度，食落幾醒胃。沙律菜方面都幾新鮮，夠爽脆，無奈主角軟殼蟹唔係好得，朋友同我都食得蟹肉唔新鮮（有咩蟹味，好似食粉），而且外面炸得唔脆，真係維持咗佢軟殼的特性.....令人十分感動的pizza! Mozzarella 同蕃茄本來就天生一對，放上pizza 皮上，mozzarella 完全融化了，而面粉焗得脆卜卜，加上少少酸的蕃茄令人愛不釋手，減肥中的我都忍不住食了兩塊。

假日天 九龍塘又一城人多車多好不容易先泊到位 緊係要食返好少少如果唔係咪蝕埋停車場錢？！其他餐廳都好多人係門口而且位又唔算好多最後我揀左exp 位多有空間感又可以望下溜冰場 舒服好多！要左一個pizza侍應即時擺左一個大X既木架係我枱到用黎放pizza 都幾好 岩晒主題雜腸pizza 有牛肉腸豬肉腸做面 茄醬同mozzarella 做底長型既pizza有個好處係打橫咁食會方㐃十同乾淨啲熱辣辣即烤出爐 好香麵包芝士味芝士份量多 腸就可能少左啲啦不過一個人食真係好飽 哈哈 好采我肚餓啫麵包軟熟𡟚好好咬 唔會牙較軟芝士同茄醬唔洗問啦 實夾既 腸方面就少左啲但味道唔錯 少少乾身之外都滿意拉絲效果 熱住上真係無得輸架！！加多杯latte 味道就唔會太濃味 唔會蓋過左pizza既香味但又會保留到咖啡香 都幾夾 而佢個奶都幾濃而且泡沫都厚身 所以拉花都保持得幾唔錯一個假期的下午茶 涼住冷氣去享受日光所帶來的悠閒 幾享受架又見到小朋友係到好開心咁食野 人都輕鬆啲

裝修完後，坐位確實比以往更舒適 但食材方面好像比以往遜色....馬來西亞喇沙@湯底重椰香味，無海鮮味道，海鮮有蝦，魚蛋，魚片，餸份量唔算多 巴馬火腿菠蘿薄餅@這種意大利火腿應該本身充滿鹹香，相當惹味。但呢個Parma Ham Pizza唔見得出現以上o既野 雪糕窩夫三文治@窩夫配雪糕，很常見吧！雖然叫三文治...但同坊間很多甜品店都一樣只是放在鬆軟的窩夫上。如果真係做到可以把雪糕夾入窩夫中，而不只是放雪糕球在窩夫上面先好叫做三文治 即焗泡芙班戟配雪糕＠班戟外酥內軟，香熱適口，配上凍冷冷的雪糕，異常地好味，應該會是許多酷愛甜品女生的心頭好

近牌成日去又一城，食左幾轉Simplylife，雖然唔悶，但係又好耐無幫襯EXP，就轉一轉環境。Simplylife未係又一城開檔之前，EXP一直都係我係又一城開飯既第一選擇，感覺佢同Simplylife都有相似既地方，Pizza…….Burger………舒適既環境，半開放式廚房…………Simplylife應該搶左EXP唔少生意，以前EXP都要排長龍，衣家條龍上左去Simplylife…一個人坐低，餐牌選擇多，但係就係無一樣我特別想食既，左度右度，最終就點左呢個日式咖喱豬扒炒飯配炒蛋同一杯Juice！日式咖喱豬扒炒飯配炒蛋一上枱賣相真係幾吸引，豬扒夠大夠厚，包糠炸得色水均勻，咖喱香撲鼻……..食啖咖喱，少甜唔辣，幾岩胃口，豬扒咬落去，包糠炸得夠脆又唔太油，豬扒肉質軟淋有肉汁，本來應該好得，奇就奇在佢塊豬扒雖有肉汁，但係就無味道，好淡口，完全無豬肉應有既味道，其實塊豬扒有接近全瘦，但係佢又好淋，唔知做左D咩手腳…享受炸得脆口既包糠同軟淋既肉質，但就唔享受佢既古怪無味！貨不對辦就係…個飯底，又話炒飯，點解變左白飯？

-日式咖哩吉列豬排飯配炒蛋咖哩既味道好岩我食味道唔會太濃太淡而蓋過吉豬，感覺軟熟既飯，濃淡適中既咖哩，吉列豬扒同炒蛋都配合得岩岩好😍 -水牛城雞翼用炸過既雞翼再加上特制醬汁咬落脆脆地，味道酸酸甜甜，好match好好味，四件真係唔夠喉😋

今次係我第一次去食EXP，之前好多次經過都好多人排隊。今晚比較夜，成九點先去食晚飯，所以唔洗等位就可以入坐喇！我地三個人去食，叫左五樣野食，其實好多但同行嘅男性朋友就好大食，佢話包底，哈哈！我地分別點左3杯果汁，小食有水牛城雞翼，芝士焗薯配煙肉牛油果醬主菜就有墨汁意粉，三文魚PIZZA同鴨胸炒飯我好鍾意飲果汁，EXP嘅果汁非常吸引我，因為係MIX埋幾款生果嘅juice樣樣我都好想飲，不過最後我揀左杯Capital C ＄35，係mix左橙，Kiwi同草莓酸酸甜甜好岩我口味，好好飲啊！先講下兩款小食先，因為我覺得雞翼係好普通，加上我又唔係特別鍾意食，所以我好少出街食飯會點雞翼嘅，今次係朋友話食過好味所以要點，就係咁，我終於試到第一次嘅水牛城雞翼喇！嘩～啲雞翼炸得好大隻啊！同堆個醬嘅色完全引起左我嘅食慾，哈哈！咬落去果然冇令我失望，雞翼炸得外脆內軟，個醬係酸酸甜甜，好味！個醬有啲似韓式炸雞，但我覺得EXP炸得好食啲！跟住係我想點嘅焗著塊，係MENU一見到佢個菜名就知唔可以唔點，因為成個配搭都係我好鍾意食嘅材料！芝士！薯仔！煙肉！牛油果！面頭有一大Pat嘅酸忌廉同牛油果醬，好好食好邪惡啊真係

好耐都冇黎食EXP, 今日咁岩黎到九龍塘就諗起佢由於好夜先入坐, 今餐食得比較趕Sausages Pizza - PIZZA焗得幾好食, 不過我地覺得D腸好鹹, 所以食唔晒Buffalo Chi. Wing - 朋友話黎到一定要叫呢個雞翼, 又真係幾好味, 有汁但仲KEEP住脆身B.guacamole flat fri - 焗薯塊同煙肉一齊食, 個味係夾既食左三樣野, 埋單只係$217.8, 好抵

以前讀書嘅時候因為學校離又一城都算近，所以周不時都會黎又一城EXP食下野。後期裝修之後，就無幫襯過啦。今日難得又行經又一城，就重溫下EXP啦！發覺除左裝修變左，menu都變左少少。宜家甚至有埋甜品！為了滿足好奇心，我地嗌左份甜品試下。 呢個雪糕窩夫三文治，兩層窩夫加雪糕球堆疊一齊，一個喺香草味雪糕，另一個喺草莓味雪糕，下面仲有少少草莓做點綴，撒上朱古力醬再配上奶油，個造型都幾吸引~~ 但唯一不足嘅喺…窩夫喺淋嘅，而且唔夠厚身，口感差了少少，整體味道都比較淡~只能從雪糕中食到d甜味~

好耐冇食過exp了，今晚和男友二人來這裡食個晚餐，因為6點半就去到了所以唔洗排隊等位！款式其實唔係太多，最後點了鮮茄水牛芝士薄餅和燒帶子墨魚忌廉汁意粉。鮮茄水牛芝士薄餅：好得意，落單後侍應放了個木製的X型座在我們枱上，原來是用來放pizza的～呢度的pizza係長長地既橢圓形黎既，pizza賣相好吸引，未食已經聞到好香，pizza上面的水牛芝士都唔少吖，正～pizza底外脆內軟，食落口口感很鬆軟，而且pizza焗得唔錯，見隔離枱份pizza焗得有點燶，我地呢份就好彩冇事。鮮茄感覺好juicy，配埋芝士感覺會冇咁漏，味道亦好夾呀！燒帶子墨魚忌廉汁意粉：見好多人都有叫這款意粉，就點黎試試啦。質素不錯的，意粉軟硬適中，都幾彈牙～帶子都煎得幾好味，唔會太熟太乾，時間掌握得唔錯。意粉上還有些蟹籽和菜苗，除了意粉的彈牙，還加了蟹籽和菜苗的爽脆，令到口感更豐富了！滿意，下次會再來試下其他款式的pizza

我在這間餐廳光顧好幾次，本身因為地點之便利，也具備了兩個好字，就是送餐好快，分量好夠，但今次多了一樣，就是薄餅好燶。我們一行二人點了2 個前菜、一個意粉、一個薄餅和一杯果汁。前菜:炸栗米蝦餅:朋友每次必食之菜，因為份量好足夠，因為蝦餅夠厚身，好抵食，味道不太突出，沒有特別驚喜。軟殼蟹沙律:相比又一城的一間越式餐廳的軟殼蟹比較，這間粉槳較多，所以吸收的油相對較多，食完滿口油膩，像食炸粉多過食軟殼蟹，幸好沙律菜份量足料和新鮮，除去不少油膩 (當然價錢是不會騙人)。意粉:墨魚汁元貝意粉 (烏卒卒帶子麵): 我見很多枱都點這個意粉，我們也點了一個，意粉軟硬適中，什至會形容有點彈牙，帶子熟成度剛好，沒有過份收縮，忌廉味好濃而不濃稠，不會吃到令人張不到嘴巴，整體的評價為中上。大蝦牛油果醬薄餅:恕我孤陋寡聞，我小食牛油果醬配薄餅，這個我蠻滿心期待試的，薄餅底醬味道類似千島醬，而且分量不少，因為第一口已食到滿滿的醬，大蝦沒有烤過頭，入口爽脆，唯烤的火力不均，右邊明顯烤焦，底部更有7成面積是燶了，這個批真是好抵食，就是可以食到一邊燶同一邊唔燶的啦。整體而言，所有菜式份量好足夠，但薄餅過燶令分數打折不少。

年初三赤囗不用拜年，便到附近走走，順便買餸回家玩煮飯仔。去到又一城，侯生想食西餐，沒有多想便行去EXP, 可能還未到12點，不用等位便可坐低。我們點了2食2飲：首先來到的是飲品 - 熱檸水和 Capital C 大C Cup, C Cup 𥚃面有橙／奇異果／士多卑利，諗下已經很酸，但飲落ok喎，酸酸地，可以開胃D。 再來便是燒帶子墨魚汁忌廉意粉，看賣相已覺得非常可口，意粉炒得很乾身，有咬口，帶子煎得不會太熟，不過火，恰如其份，不錯！ 最後是鮮茄水牛芝士薄餅，侍應一放低，我在心中不禁'嘩'了一下，亦急不及待馬上試了一大囗-"正"... 那蕃茄的味道非常juicy, 餅皮鬆軟，最緊要不會烘到很燶，再夾雜著濃濃的芝士，不得了，我這個芝士控食了3大塊 總結：沒有失望，只有驚喜！

約咗朋友喺九龍塘食晚飯，唔知食咩好嘅情況下，我地就碌咗入去EXP😂自從佢裝修咗之後，都冇黎過，估唔到今次唔使點等位，三個字左右就入得， 對比起以前就算閒日都要等好耐真係快咗好多😌坐落發現原來個餐牌都有少少唔同咗，選擇好似比以前少左因為我地得兩個女仔，同埋晏晝食左好多野，所以今次淨係叫咗個軟殼蟹沙律同埋一個巴馬火腿菠蘿Pizza個軟殻蟹沙律都保持到水準，唔錯，沙律菜幾新鮮，個sauce都ok，軟殻蟹夠脆，份量兩個女仔黎講都夠而個橢圓形嘅巴馬火腿菠蘿Pizza都係兩個人就啱啱好，唔會太飽肚，Pizza底外脆內軟，個茄底你好香，每塊Pizza都有一片Parma ham;分怖平均唔知係咪回憶總是美好的,總係覺得以前嘅係最好味😂，但係宜家都好味😜，絕對對得住個價錢，而且環境唔錯，地理位置四通八達，依然係飯局的好選擇😎👍🏻!!

週日二人午餐，點了一個蜆肉意粉，一個巴馬芝士薄餅意粉：不夠熱，湯汁味道很怪，氣味令我聯想起廁所清潔劑，蜆肉很腥。=_=；薄餅：水準以上，材料足，juicy衛生：兩支匙及一把刀有食物殘渣（汗）

On Christmas Day, on the way to Central, me and my boyfriend stopped over at Kowloon Tong for some lunch. Normally there's a long queue outside EXP but today, we arrived just before noon so the line wasn't that long. To be honest, the venue is pretty big and lots of empty seats, I guess they don't have enough staff to support that many people so they don't let people in. Anyway, we got our seats next to the ice rank.🏂My boyfriend loves the buffalo wings, the wings were crispy on the outside and