EXP

營業中

休息中

睇完電影🎬有D餓，見到依間餐廳個環境唔錯，一路食一路可以睇著人溜冰，就決定入去試一試！我地決定叫個封門牛柳紅酒燒汁蛋包飯$118牛柳有牛味，嫩滑有咬口，配上紅酒燒汁非常夾，蛋有蛋汁非常滑，配飯簡直一流👍🏻👍🏻另外叫左個沙律，沙律有橘子汁配上墨魚，有咬口而且份量都多，健康之選！另另外仲叫左個大蝦🍤芒果蕎麥麵，不過忘記左影相📸️！ 大蝦有3大隻，配上甜甜晚芒果肉，溝埋蕎麥麵一齊食，真係好fresh ，清新味道而且食完有種健康既感覺

新年假期比較多人..要等位～一陣啦終於餐牌更換了，有新鮮感下午茶時間有吾想食太飽輕鬆地點了2個甜品菠菜煙肉迷你薄餅@65～保持水準榛子慕斯忌廉班戟@88Mocha朱古力咖啡@32 好味😋

星期六，十二點幾到又一城，原本想去另一間食lunch, 但要等最少半小時，唯有去只需排15分鐘嘅EXP。我哋六個人共叫了七款食物，用手機點菜，方便快捷，上菜速度十分之快，不用10分鐘就上齊食物。

每次去又一城都必定去呢間EXP餐廳食嘢，因為佢可以一路食嘢一路睇人溜冰，我哋今次叫咗煎帶子墨魚面，韓式炒公仔麵蘋果Pizza，同埋最重要嘅麵包布甸。呢間餐廳主要係自己掃QR code去叫嘢食，而佢哋嘅主打菜式，我哋都叫齊啦，侍應服侍非常到位，以食物嘅質素同價錢都係非常嘅合理，最重要嘅係一路食嘢一路睇住人溜冰一個價錢兩個享受，講返今日嘅墨魚麵，帶子煎到啱啱好。而麵嘅質地又唔會過淋，而韓式炒公仔麵卻有點辣，唔係個個食到，最後咪個麵包布甸，我哋足足等咗25分鐘先到，但係一放入口果下等25分鐘係值得嘅。麵包布甸，值得推薦

話說有一日朝頭早為咗叉電，走咗去又一城。點知啊去到得返啲慢叉，冇辦法！唯有搵間餐廳坐低食住早餐等啦！點知一上到去商場發覺好多舖頭都未開。一見到Exp有開，恍如沙漠中嘅綠洲，即刻走入去。入邊環境乾淨企理，又可以自助電話落單。仲有中西餐揀，價錢亦都好合理。我同老公一人點咗一份，我嗰份係pancake加乳酪，賣相味道都好好。值得推介！下次如果一早去又一城，又想搵嘢食可以試吓呢間。👍🏻👍🏻👍🏻

4/5The price and portion is nice, beside the boiled fish cake was abit soggy, maybe grill will be better. Actually the whole breakfast is not bad. Also if the server at the door could be nicer to tell us is self service but not like sarcasm would be nice.

每次黎到又一城都會黎依度睇下未必次次食到因為長期長龍🤣今日閒日好彩少啲人等左兩三張台就有得入座啦牛油果醬”大”蝦pizza牛油果醬✅pizza ✅蝦✅但稱唔上係大蝦囉….味道不過不失反之墨魚汁煎帶子意粉出色好夠味帶子香口賣點 座位寛闊對正個溜冰場chill😎

餐廳位於溜冰場旁邊,空間感非常大,可以一路食一路睇住旁邊嘅人溜冰⛸️,係又一城必食餐廳之一✅▫️韓式溫生牛肉溫泉蛋石鍋飯($98)熱辣辣嘅石鍋令🥩微微熟, 再撈埋溫泉蛋,泡菜,蘿蔔,大豆芽等配料辣辣地好惹味, 如果唔夠辣仲可以自己加辣醬Tim😋食到尾仲食到少少飯焦,大滿足☺️▫️軟殼蟹炒意粉($102)本來見到Menu要等20分鐘, 點知幾分鐘後已上枱!!上到嚟熱辣辣🍝意粉充滿日式風味,味道好似食緊大阪燒一樣咁酸酸甜甜,中和返軟殼蟹嘅油膩感,上面仲加左鰹魚碎好fusion, 不錯的選擇😋💡提提大家餐廳可以儲yuu分架🫰🏻

睇完戲好肚餓，見有位就坐入去食嘢，餐廳主打日韓fusion菜，Menu都好多選擇，最後就叫咗個泡菜炸雞石頭鍋飯、大蝦西柚芒果蕎麥麵同埋雜菜沙律。兩個嘅賣相都幾吸引，石頭鍋飯上面嘅炸雞以甜辣為主，但係飯就比較濕，整唔到飯焦出嚟。不過，大蝦西柚芒果蕎麥有啲酸微微，好開胃，令到成個蕎麥麵好清爽，啲蝦食得出好新鮮同彈牙，不過份量偏小，食兩啖就冇晒lu。另外，餐廳都sell新鮮果汁，可以有唔同嘅配搭，仲要係即叫即炸，幾好飲嘅。呢間餐廳喺鄭溜冰場隔離，坐得都好闊落，而且可以邊食邊望住人哋溜冰，感覺幾好。

近來喜歡睇早場，又一城 Festival Grand Cinema是個很好的選擇！我習慣入場前先吃個早餐，上次吃過戲院樓上(L2層)敏華冰廳，味道尚可，今次試試其他店。上次發現，距離戲院最近，又供應早餐的店，是溜冰場旁邊的EXP。流程如下：1)在柜枱點餐和付款；2)選擇座位，把感應器放在餐枱指定位置；3)店員會送上食物、飲料。挺方便的。點了多士早餐，包括以下的：#芝士腸炒蛋多士：全麥多士，烘得外脆内軟，塗上牛油，好味！芝士腸外皮脆，鹹香；炒蛋夠滑，很不錯！#熱咖啡：挺大１杯，咖啡味濃，我喜歡！

🦀軟殼蟹炒意粉（$102 ）🍝大約一隻軟殼蟹，熱辣辣，炸到脆卜卜，但係略嫌炸粉有啲厚，食落有啲油，不過加埋洋蔥一齊食就冇咁漏。個意粉口感唔錯，有啲咬口。味道係類似大阪燒嗰隻醬嘅味道，少少酸酸鹹鹹，解軟殼蟹嘅漏。🌶️（ 辣）日式白咖喱炸雞（ $92 ）🐥白咖喱汁嘅味道其實唔差，亦都唔係好辣，唔食得辣嘅人都食得度，可惜啲汁太少，點得雞嚟又唔夠撈飯。炸雞球冇乜特別。🍊酸果出擊（ $37 ）🍎杯果汁用咗橙、西柚、百香果同埋蘋果榨汁，飲落主要係citrus嘅味道加咗少少百香果味，蘋果味唔出，不過唔影響成杯飲品嘅味道，比我想像中好飲。

2大2小食lunch , 2:15左右入坐，其實坐唔滿。但就限個半鐘埋單… 問題嚟喇！ 想食完飯先再叫點品，咁個半鐘，點算呢？最終，2大2小叫左3個午餐，食完剛好個半鐘… （因為等pizza都要時間） 好想食甜品，但又驚order完俾人趕收枱… 諗諗下，算喇，食個Tea唔想有壓力，轉場去其他地方食甜品算。食物不過不失，pizza算唔錯，即烤pizza 個邊鬆脆內軟，唔錯。忌廉湯意粉個汁都夠濃。白咖哩飯，微辣，好味😋 但餐廳安排較差…

🍕事關隔離已經係溜冰場，好多家長抌低小朋友上堂，自己就嚟呢間餐廳食飯，係幾好嘅Me time😂🍕經過餐廳門口見到啲Pizza質素幾高，個樣幾好食所以就入咗去啦！🍕Parma ham菠蘿Pizza 係意大利人好憎嘅Pizza款式😂呢間餐廳仲將佢發揮得淋漓盡致，唔係平時食Pizza嘅一嚿嚿，你係將佢切薄片，舖到成塊Pizza都係，冇任何一絲嘅空位😆個人認為幾好食，睇得出係手工pizza🍕創意喇沙年糕味道係ok嘅，年糕軟硬適中，喇沙有層次，有東南亞風味，食落唔會水汪汪。🍕可以再encore，順帶一提佢個drink list其實幾吸引，下次可以試！

Vivian有野做去左又一城，見有少少🤏🏻肚餓問朋友食乜好，佢推薦食呢間Lunch set $108包野飲（都幾貴）橙汁燒鴨胸冷烏冬蔥，全部都係蔥，凍烏冬好食，煮得啱啱好，滑喐喐，幾好咬，睇個名有橙汁以為個味會好詭異，但食落個味係好食既，可能係因為凍食，都幾fresh，同埋呢隻味都係第一次食到，推薦巴馬火腿菠蘿薄餅 火腿偏鹹，個薄餅底外脆內軟，幾煙韌，切開有拉絲芝士，正常水平既薄餅粉紅蘋果（紅色個杯）芒果樂園（黃色）芒果樂園幾好飲，似新鮮榨汁，另一杯粉紅蘋果都ok，但比較之下，芒果樂園好飲d，鮮甜dOverall好唔好食？好食會唔會再幫襯？未必，因為lunch要$108偏貴，同埋未之於好食到要再幫襯，試下其他仲好

要在又一城吃早餐, 除了food court之外, 就只有EXP的選擇 上個月幾乎每天早上都要來一趟, 順理成章也會在這裡先吃份早餐後才去上班, 餐廳就在溜冰場旁邊, 邊吃早餐邊看著溜冰的人沙嗲牛肉包肉汁豐富非常燙口All day breakfast係我最喜歡的, 沙律菜很鮮甜午市套餐的海鮮意粉, 帶子大大粒, 忌廉湯美味而不膩肉醬意粉都不錯蒟蒻烏冬不是我杯茶韓式辛辣麵, 麵質軟左少少蕃茄湯麵夠健康炸魚不油夠晒脆, 最鍾意牛油粟米加入香草豬排煎得夠香又大塊, 牛油多士好好味全部菜式味道都很好很平均, 會繼續來幫襯