Fame Deli

營業中

休息中

🍾用餐體驗平日lunch時段經過呢間餐廳通常都會排滿晒人，無乜機會試到。星期六lunch咁啱經過，見唔使排隊，即刻有得坐低，就入咗去試。🖼環境呢間餐廳環境都幾舒服，空間感好足夠，室內燈光暗暗哋，枱櫈都係用木為主調，好適合悠閑咁坐低，慢慢嘆返個lunch😌飲料：🍹凍檸茶 $3主食：🤍香煎美國自然豬肉眼扒 $79塊自然豬肉眼扒煎得恰到好處，而且塊扒係好足料同厚身，一啖咬落去完全可以滿足到食肉獸嘅慾望🤤呢個餐可以配意粉，意粉嘅軟硬度亦都適中，好好味👍🏻👍🏻甜品：🍦伯爵茶雪糕 FreeLunch會跟返餐湯，今日就係洋蔥湯，同埋會送埋甜品，真係好抵食🤭

📍Fame Deli (紅磡)黃埔食街其中一間西餐，由於扒類比較出名，大部分食客都選擇食扒類。🥩香煎美國自然豬梅肉扒（招牌）$98午餐套餐包括前菜、豬扒、飲品同甜品，份量十足，性價比高。呢一塊半豬扒真係唔錯。由於豬扒係厚切既，所以口感實在、滿足。而且烹調時間剛剛好，肉質鬆軟，絕對無柴或者老到。醬汁嘅份量亦都啱啱好。甜品也有多款選擇，木糠蛋糕、伯爵茶雪糕、抹茶雪糕，食落都係好食既，唔係啲平價甜品。整體來講，質素唔錯，價錢合理，可以再試。📍紅磡崇潔街47號地舖

野食正常，但服務非常一般，d staff 冇sense，明明會走得蔥蒜既客人通常都係食素。 既沒有與客人覆單（基本動作啦下化），結果明明素食意粉變海鮮意粉，搞完一大輪，挑走晒d 海鮮粒，先食得，進食心情極差。 雪糕亦不會與客人講明係咩雪糕，冇得揀，得香芋味就早出聲，請佢換個泡芺就超唔耐煩，再次影響進食心情。 其實，食完都背脊骨落，睇住個客咁無耐，只係眼望望，係另一邊細聲講笑，d 野食都食之無味，唔會再去。 比錢埋單，明明80蚊講左140，原來係口音問題，終於燥左底。

成日都去崇潔街搵食嘅我，基本上成條街都食暈晒。短短呢條崇潔街，有韓式，日式，茶餐廳，米線，車仔面，西式，仲要質素幾好，至少性價比合理啦，所以好鐘意過黎食野。而家少出街，多左係屋企，無無聊聊咁，寫下食評過下日辰都好。呢間西餐廳，基本上自從佢開以黎，我一個月都會食2-3次，食到佢由細鋪搬大鋪，最難得係質素一直都keep得好好。今晚食左蟹肉蟹膏忌廉意粉，雖然個外賣盒好似好細份，但打開係滿曬，食得曬都已經好飽。我中意佢蟹肉夠多，真係蟹肉，並唔係蟹柳扮蟹肉，同埋個忌廉汁好香，汁嘅份量剛好，唔太少，又唔會浸親d意粉。一個價錢仲有埋餐湯or salad, 仲有餐飲同一口甜品，每次食完都好滿足！

Working nearby, head for a quick lunch又唔想食附近啲中餐/頹茶記，揀左呢間。佢由細舖搬大舖，可想而之一定有保證。三文魚扒唔會太熟，岩岩好，我最驚熟到勁乾果d扒。下面係薯蓉，都幾大份，配菜都有味，唔係白烚無成意果種，唔會好寡，女仔可能未必食得哂成個set。個lunch set仲有個洋蔥湯，都ok，同埋包埋甜品，可以揀泡芙或者雪糕。咖啡都唔錯。性價比好高, recommended！

新開的餐廳，約埋同事試下，呢個時勢真係冇乜餐廳要等位！我地一入到去就入座，四人一枱剛剛好🤟🏻每枱都有消毒洗手液，而且枱與枱之間不算密集，坐低除底口罩都放心D，我點咗個蟹膏蟹肉意粉🍝，上枱後感覺份量較小，但食落先知其實份量剛好，意粉不過不失，蟹膏蟹肉反而有驚喜，好味道，喜歡食蟹不容錯過！食完已經非常飽，再多d食唔哂就會浪費了，因為個餐仲有餐湯、飲品及甜品🍮，甜品可選雪糕糯米糍或普通雪糕🍦。這個價錢有這個質素，滿足啦

來到政府要餐廳實施1.5米距離防疫措施的第一個工作天，街上人不多，但Deli Fame都差不多爆滿（當然有1.5米距離），本著是新開店也去試試的心態，就進去Demi Fame 一試，lunch sets選擇都多，由$50+到$100+都有，我點了一個黑松露海鮮意粉，跟一碗南瓜湯及一杯凍檸茶，盛惠$72，意粉份量剛好適合一位女士，下次還可再來一回！