FAT CHOY (已結業)

受朋友邀請，第2次來PMQ對上的Fat Choy食飯。今次品嚐的菜式跟上次完全不一樣，但味道一樣令人有驚喜，所以決定上來分享一下比多d人認識呢個咁有趣既地方＆食物。1) 蟹肉他他配牛油果:呢個上次黎食都有，但唔係配牛油果，所以今次再食都仲有新鮮感。d牛油果睇住餐廳同事响bar果邊即開即整，個牛油果真係好新鮮。2) 煙三文魚＋藜麥＋青木瓜＋薑黃＋黃醬蛋:欣賞呢間餐廳既其中一個地方，就係佢用既配料同醬汁夠晒特別，而且大部份都係健康有機食材，真係唔係好多地方可以食到，呢個又係令人有驚喜既菜式，食落口好清新，值得推介！3)粟蓉湯:西湯最緊要就係味道同質地，呢個湯都做得唔錯。4)牛肉紅菜頭迷你漢包:紅菜頭加咗响漢堡入面，唔似一般街外食好邪惡果d，口味相對地light d，食法完全不一樣，個味道係好味既。5)黑松露牛油，西蘭花蓉煎帶子:唔洗多講，三樣野都係我好鍾意既食材，梗係冇得輸啦。6)愛爾蘭羊架＋蘿蔔泥＋荀:正，個羊架個texture啱啱好，個荀都好甜好爽，所有野都冇overcooked。7)甜品－椰子奶凍:其實到呢度已經唔係好食得落，但椰子又係我大愛，再加埋用藜麥同蕎麥做既，應該唔怕既，食埋

Fat choy is such a fabulous place! Located at the end of Staunton street, it is quite with a lot of privacy. Happened to Have lunch here and love the tranquility and peace during the busy weekday! The fat chick flatbread is so awesome and so as the mushroom soup! Totally fall in love with the food and the green decor! Also they grow part of the veggies that they use in their own farm in Yuen Long! Very ORGANIC! Love it.

又到年尾一大班朋友一齊食餐團年飯嘅時候， 大家今年想搵過地方可以包場黎傾計。朋友發現有一間新開嘅餐廳係PMQ附近。入面大約可以坐15至20人， 細問之下, 可以包場。最低消費$3000 ， 每人大約係$150 。係中環來講,真係好抵.我哋一班人六點鐘就黎到, 呢度嘅負責人幫我地發板大多數嘅菜式都好健康，好清新。（準備好個胃黎食新年嘅油膩野）特別欣賞嘅係有足料蘑菇湯，好似有成隻蘑菇係入邊。另外蟹肉他他都好足料，個醬汁辣辣地好惹味。負責人叫我地試下果個唔同味道嘅頭盤，我哋估左好耐都唔知係乜嘢 @@ 同埋呢一間餐廳用咗好多好特別嘅蔬菜, 好多我聽都未聽過好似有羽衣甘藍，其實仲有幾種不過真係記得如果大家想係中環搵一間清新啲嘅餐廳食飯，呢一間餐廳係一個唔錯嘅選擇。

之前未裝修前都黎過一次，但改咗Fat Choy後首次幫袗，事實上響菜式風格上同餐廳環境都好大改變，可以好好慢慢享受環境之餘食物亦都非常有水準！當日我地叫咗野食唔多，因為第一次試新餐廳都會先睇份量，如果唔夠先再叫，但份量出奇地大份，所以都無再添加嘢食（大家可以睇相片），而飲品就叫咗一杯，聽聞佢地用料都係選用有機食材，所以感覺都幾新鮮！而叫咗咩菜名我地已經唔記得，但因為事後先知佢地係由一個NGO經營，所以值得一試！

本身諗住去pmq搵野食，兜嚟兜去都唔識行，點幾鐘又餓，諗住出返士丹頓街邊間唔洗等位就食邊間...坐低都ok嘅，裝修有自然光好舒服，因為位唔算多，所以唔會成間鋪好嘈好嘈。好疑惑點解新開張個menu已經掀到皺哂....🤔menu冇圖，睇完都唔知係咩嚟嘅，唯有亂嗌😂選擇都唔算多...坐坐下唔係好對路... 點解個個忙到踢哂腳但冇乜出過菜？？等上菜嘅時間係耐到嚇親... 我仲要餓住入嚟😅蟹肉他他，下面係蕃茄同紅蔥，個他他係辣辣地嘅，味道出色👍🏻Menu話呢個係signature，flat bread上有好多菜，仲有蕃茄乾、芝士、蟹肉同埋grill左嘅大菇。用料絕對唔cheap，份量亦好多，$138好合理。整體配搭唔錯，本身食材新鮮，個菇grill左都非常juicy，一齊食唔會覺得flat bread好乾好寡👍🏻燒雞沙律好似都係$138，呢個就用返一般沙律菜同車厘茄，上面啲粟米應該係生嘅，冇乜味，落左啲石榴落去酸酸地又幾特別。個燒雞都唔講得笑，好少可喺沙律上食到嫩滑嘅燒雞！因為一般都用雞排或雞柳燒到乾爭爭為止。咖啡$28，洗唔洗咁大杯😂奶泡都打熱左先上，誠意係有嘅😌總括今餐食物係非常滿意，份量真