Faychu Cafe

營業中

休息中

本身諗住求奇食個快飯就去上堂，亂咁行誤打誤撞入咗呢間餐廳，見餐廳冇人都好驚會中伏，點知有驚喜😍雖然佢open kitchen廚房細細，重要得一個廚師, 但個Menu好多款式揀。一百蚊有前菜有飯有生果有嘢飲，前菜仲要係Parma Ham沙律。臨走嘅時候廚師話見我食唔晒, 問我係咪唔啱食同埋有咩意見改善，嗰下真係有啲surprise，依家竟然重會有人咁在意個客有冇食晒佢煮嘅嘢，睇得出佢真係有用心去經營。Anyway其實我只係食淨咗少少飯，但其他嘢都食晒，佢啲嘢係好食但個份量真係好多😂我之後趕住去做gym所以都唔食得太飽。煮嘢食嘅人用咩心態真係會對個味道有影響嫁😋

今日一行8人晏晝食個生日lunch，係正常cafe價錢，但性價比非常高！餐廳有西式/日式/中式lunch set，包沙律,主菜,餐飲,飯後果首先沙律🥗每一set都好有心思係唔同款嘅沙律：西式parma ham, 日式蟹子, 中式跟主菜主菜都好驚喜，芝士意粉上面嘅芝士係用火槍燒，好香好有特色！我哋嗌左海南雞食淨雞皮，老闆娘話下次可以走雞皮，非常貼心🥹🥹全部餐味道都好好👍🏽餐飲我哋叫左凍伯爵茶☕️老闆娘為左令杯茶出味啲，先用熱水開好茶浸一陣之後先再加冰🥰飯後果有西瓜🍉同菠蘿🍍，兩款款好甜最後我哋另外叫左焦糖燉蛋，勁creamy，係意外驚喜！😋😋餐廳仲貼心寫上happy birthday 🫶🏻我哋食完都話好想買一堆黎外賣返公司食，可惜今日剩返4個餐廳位置唔多，最好先wtsapp book枱，叫定食咩，如果有想食嘅嘢仲可以提早request 😋😋😋係西式私房菜😍公司聚餐，日常小型party都好適合！Lunch set 有咁嘅食物真係非常抵食！另外服務都好好，老闆老闆娘親切又貼心～因為係二人經營嘅小店，而且食物精緻又高質，所以製作需時，要預返啲時間～如果趕時間可以wtsapp定叫定餐，同餐廳溝通好

機緣巧合，係OR買餐飲劵見到呢間小店，用試下既心態買咗幾張，以係葵涌工廠區以過百元食個lunch都唔算平，但，我係三個月就差唔多食咗10次，原因就係因為食物質素係出乎意料咁好，而重點係我去過10次裡面，從來都只有同一位廚師招呼，由開鋪，落單，烹煮到收錢都一手負責，而食物質素都依然可以保持水準，有時，甚至會有幾檯人都係咁一樣招呼，只要你唔係趕時間，佢就會俾到你有水準既食物，對於呢點係好佩服，而餐廳雖小但乾淨寧靜，坐住睇手機或放空都唔錯，呢啲有質素既小店係要好好支持。

見到review都positive，就黎試下。唔多檯，建議book 檯再過黎。set dinner有沙律，餐湯，主食同飲品。味道相當好。廚師一人細心烹飪，要有滴耐心。

讚1 環境幾企理 執得仔細2 食物係做得幾仔細 意粉醬汁夠芝士香 少少鹹香 意粉夠煙韌 咖啡相當唔錯3 廚師兼侍應兼老闆一腳踢 好上心 食完之後都會問嘢食點服務點彈1 無酒唔開心2 油煙勁左少少

跟家人第二次到這餐廳跟女兒慶生日上次第一次去已覺得食物超有水準吃了大頭蝦已很好吃！今次就預約定這兒最出名的肉眼牛扒🤤有一公斤重超巨型的！果然不負所望，超好食呀！廚師控制得好好肉質是剛剛熟厚厚的肉眼，難得內裡肉質仍保持很嫩滑，入面呈粉色但沒血水，食落好香好滑的感覺😋大家都大讚好好吃，唔夠喉啊！還有其他餸菜也超水準！叫左碎牛肉及紫薯薯餅味，整得好脆好香！忌廉意粉份量十足，很彈牙，那個醬汁也好好濃厚！好好味！更有一試難忘的墨西哥碎牛肉卷今次特別多叫一些令每人也能拎起半件來一口一口咬入口….一咬入口肉汁湧入口裡…那香濃的手打蕃茄汁配碎牛真係好好食！好食到不得了啊！那個巴哈馬火腿芝士Pizza也十分足料，芝士及巴哈馬火腿鋪滿Pizza,食落喺啖啖肉好香好好食！飲品叫了果汁梳打，也是用新鮮水果打碎出來的，好清新好味👍🏻家人整晚也不停大讚：好食！好食！好好食！食得好開心滿足😁我也預先跟餐廳說為女兒慶生日而叫廚師準備了生日甜品餐廳很有心思，除了在甜品旁用朱古力寫上女兒名字，更拎出時播放「生日快樂」音樂！💗想說，這是一間要一去再去的餐廳！兩次去食都好開心滿足！廚師整野食很有心思很好食，所以我很久沒寫食評

因為懶很少寫食評，但今次食完真係要紀錄一下。慶祝周年紀念一餐，經朋友介紹來到這間隱世cafe，多謝朋友好介紹，吃著每道菜式feel到廚師非常用心，真的非常好吃，竟然連炸物頭盤和湯都很好吃，主菜更加美味可口，而且每碟菜的份量很大，一家人今晚可以開懷大嚼，環境寧靜舒適，本來駕車來到，因為樓下就有停車場和咪錶，原來葵興地鐵站行過來只要5分鐘，非常適合一班朋友聚會，一定會再次光臨😊如果這間小店放在人流多的地方，一定會大排長龍啊！

Faychu 開業已一段時間，每次經過都聞到好香嘅味道，終於去試一下，價錢唔貴，又舒服，只是環境open 少少，最重要係廚師用心煮餐😍，份量多，唔肚餓，真係食唔晒😋第一次，叫3款試下：前菜 ： Parma ham沙律，菜好新鮮清甜1. 西班牙黑毛豬扒拼山崎腸香草意粉 $128豬扒好冧，鮮茄底意粉2. 芝士洋蔥煙肉忌廉扁意粉 $108好重忌廉味3. 洋蔥海鮮蘑菇忌廉意粉 （有日本帶子虎蝦肉智利藍青口）$118尼個價錢有咁多海鮮，性價比高最後飲杯熱咖啡，完

29.03.2023 星期三 晚Faychu Cafe今晚再次到EDGE欣賞音樂劇《我們的青春日誌》，原來一樓有間Café，見Open Rice 評語不錯，於是訂枱食晚飯。來到餐廳門外，地方雖小，但看得出經過精心佈置，牆上大電視，另放置了擴音器、三個結他，近窗位置又有小盆栽擺設，地方雅緻，播放著柔和的音樂，有如此寧靜環境下慢慢享受美食，實在難得。餐廳老闆（相信是）很耐心解釋餐牌，推介黑毛豬扒，每個餐送上都會說明各類美國食特色之處，這個商場除了附近工廈的人之外，相信也有像我們般看話劇的客人。黑松露忌廉蘑菇湯黑松露味香濃，美味。巴馬火腿田園沙律據說是意大利九個月的風乾火腿，配上脆卜卜的有機瑞士條，老闆介紹了幾款從瑞士入口的小食，如蝴蝶酥、朱古力，香港其他地方暫時都未有供應，結果我們滿載而歸。400g 美國安格斯肉眼扒配雜菜粗薯條＄448用木托盛載，分成三份，一份牛扒、一份薯條另加一份雜菜，賣相很吸晴。先把肉分割後連磅給我們看，真的很仔細；五成熟肉眼扒生熟度剛好，份量很多，兩人分仍然有點多。熟菜包括茄子、青紅黃椒，醬汁很濃味，但對我來說實在太重味道，不喜歡。黑毛豬扒配山崎腸香草意粉 $218

好少走到地鐵線嘅大西北但有朋友介紹就於是乎嚟咗呢間小店食dinner小店格局似係可以聽音樂嘅餐廳感覺新淨舒適前菜我真係無問係咩嚟不過咸香火腿配下面果個幾清新😂唔膩幾好食完老闆就上湯係我唔啱搞散咗啲黑松露影到pat嘢咗🤣好creamy 主菜係西班牙黑毛豬？拼大蝦帶子份量好足火候好夠呢個甜品好食！朱古力加咖啡餅碎？因為本人都幾鍾意咖啡味嘅甜品啱晒我心水熱情嘅老闆仲請我飲咗一short espresso 晚市老闆one man band認真唔容易因為呢度有賣啲外國返嚟嘅豆同朱古力所以都忍唔住買咗一包總括來說可以再嚟一聚🫰🏻

原本諗住係普通cafe睇青春日誌之前去食個西餐點知超級驚喜！有4course meal🤩🤩包湯，沙律，主菜同甜品同咖啡/茶最like個蘑菇湯同甜品!!! 😋😋主菜飯量都好足！2個女仔其實食唔晒雖然餐廳唔算大但裝修都好新好靚大廚同職員都好有禮貌原本諗住個set都唔平但最後原來冇加一埋單每人$230其實好合理睇得出食物係誠意之作值得去！去睇musical既朋友可以順便去食或者特登去都好方便隔離就係青山公路有巴士站係隔離recommend!!

今日附近做完嘢，搵嘢食之際無意中搵到呢間餐廳，環境唔錯，有舒適音樂，唔知仲以為咁富貴去咗酒店食晏🤣入到去坐底叫咗個set lunch 芝士意式肉丸意粉，$98有煙烤鴨胸沙律、主菜及飲品，計落又唔貴，仲要免加一，咁就試吓。煙烤鴨胸沙律，鴨胸皮脆甘香，沙律配意大利醋，仲唔細碟主菜芝士意式肉丸意粉，食落意粉有咬口，唔似煮定，肉丸彈牙夠肉味濃，仲有烤過嘅芝士，完全食晒飲品叫咗杯佢哋招牌飲品冰特濃榛子朱古力，老闆話曾經有30萬點擊率，仲話跟餐叫一杯蝕一杯，咁老闆唔好怪我喇🤣飲落真係堅濃榛子味同朱古力味，果然超正，大家真係要點呢杯。整體上餐廳環境舒適，空間足夠食物質素中上價錢方面我覺得抵食係咁多先

I booked this romantic and beautiful cafe to celebrate my friend's birthday. It gave us a big surprise. I like the envirnment and atmosphere very much . The chef is nice and cook with heart.The taste  of the food is great. Its an unforgettable night.^^

Faychu Café has such a welcoming atmosphere when you walk in, the staff are friendly and  very helpful.You feel comfortable to sit and enjoy your  morning coffee .The décor is great,  I love the guitars displayed on the wall of the café, a real sense of enjoying your time while having a great meal in a relaxed atmosphere.