Figaro

營業中

休息中

午餐時間入座，落完單15分鐘後同我講我想叫個餐冇哂，好啦我轉第二個餐啦。飲埋個湯，等咗30分鐘都冇黎咪催吓個餐囉，原來落溜左單話即刻整返比我。轉個頭十分鐘有個男人黎話唔好意思整緊好快有，上左飲品比我飲住先。最後點知落完單等左一個鐘頭，催左兩次，之後先黎話比我聽個餐原來已經賣哂。前後等左一個幾鐘，眼見隔離d人都三催四請佢快d上菜、快d出飲品。係，我知道法式餐廳唔催得🤣，但間餐廳用左一個鐘時間以上發現原來冇材料整個午餐，會唔會太過離譜？總結：祝佢生意興隆，永不幫襯。

本身想食隔離嘅牧羊少年，但係真係太多人，Beans又要排隊依家仲係有好多位，因為食飯時間一小時，所以就揀左黎間～ 12:30pm: 坐低嘅時候，有三份二吉，後尾都算滿座然後就好正常咁叫嘢食，叫咗個意粉 ，同埋漢堡扒中途又嚟咗嘢飲中伏點係主食一直未到⋯⋯我哋傾偈傾咗一個鐘 1:25pm 先上漢堡扒，1:40pm先上意粉⋯⋯⋯終於明白，點解間餐廳無人幫襯了而家咁嘅市道，大家都好艱難上餐黎方面真係要改善如果唔知可以生存幾耐

在MCL德福的一角, 有着Figaro這家洋式日本料理餐廳, 這個位置之前已易手了幾次, 最有印象的應該是來自摩洛哥的Grubers. 這餐廳強調的是健康美食, 有日本腸道調理師編寫的餐單, 雖然不太明白怎樣編寫, 但菜式吃起來還算舒服, 例如是跟餐的餐包, 用上備長炭仔的法式長包, 味道老實說和一般法包沒有太大分別, 但感覺就是更有排毒功能.這裏最出名的是烤大雞髀, 雞髀相當大但不太肥美, 用來烤製的醬汁甜中帶檸檬甘酸, 開胃而不肥膩, 最怕是火候食得不好, 容易造成外皮燒焦內裏未熟透的情況, 這輛控制得相當不錯. 外皮又焦香但依然爽彈, 內裏全熟, 肉質偏實但未至於乾韌. 配菜的是黑松露檸檬湯麵, 同樣相當清爽, 如果以冷麵製作, 更能代表炎炎夏日的美食.Figaro, a Western-style Japanese restaurant in MCL Telford, focuses on healthy cuisine with a menu curated by Japanese gut health specialists. The restaurant’s signat

今日去左德福食飯，lunch 時間好多餐廳都大排長龍，想食荳子排唔到，唯有轉戰戲院隔離的Figaro，一樣食西餐招牌烤法日大雞髀$128見到隔離枱叫左隻烤雞髀，大大隻好似幾正，照牌叫左隻黎食下先$128雞髀餐，包左餐湯同餐飲餐湯系南瓜湯，份量唔多，幾啖已經無曬，餐包都系嘉頓貨仔隻雞髀真系幾大隻，大個大食妹塊面，蜜糖烤完甜甜地幾好食，幾香口不過成個餐，$128特飲要加錢仲要加一，為番都成$150，唔系咁抵食

餐牌係有D雜亂 原來我想點嘅係lunch set 但經waiter 叔叔好有耐性介紹後 分開點又跟lunch set 價錢 差不多👍🏻環境寧靜舒適 原來係中環開咗五年 而家搬咗嚟九龍灣一年。～ 薯條 ： 似係日本尾道踩單車時食過咁好食🍟～ 燉菜 ： so fresh! Just like a soup🥘～ 拉麵 ： 檸檬黑豚肉拉麵🍜

食材要配有好的廚師才會好吃，這間有了！真的很不錯，水準非常高，牛肉及肉汁煮得非常好，好美味，這様的環境坐得很舒服，各種各樣的配搭值了，價錢合理，服務亦很好，值得支持！唯一是地點不起眼。

頭先喺餐廳食嘢，食食吓發現湯入面有粒黑色嘅嘢，攞出嚟睇仲有翼，原來係一隻黑色嘅蟲，即刻覺得好核突，叫工作人員過嚟睇，佢堅持係啱啱飛落去嘅，堅持佢哋冇問題，但我係從個湯入邊撈出嚟㗎，而且佢哋態度極差，仲問我哋想點，好似佢哋一啲問題都冇，我從來冇見過咁差嘅服務，仲嗌咗第二個人嚟同我哋，都唔係解釋，只係應付我哋，都係問我哋想點。咁我都想知如果碗湯入邊食出嚟蟲可以點？以後都唔會再幫襯呢間，從來都冇見過咁差嘅態度

這吃大部分情侣，晚上吃舒服環境，價錢合理有質素，特別員工有禮(可能有個日本女人)，不知是否老闆娘，搞生日又會播音樂唱生日歌搞氣氛，坐得舒服無咩人，拍拖人仕一定要來談心

成日經過見到都好想入黎試下，覺得環境幾好，加上見到門口仲寫住係「著重腸道健康」！今晚睇戲前終於有時間過黎食下，嗌左個招牌烤日本大雞腿配檸檬海鮮清場拉麵套餐。呢個雞脾真係好好食，啲汁係拎到埋黎侍應先倒落去，渣渣聲真係好療癒，賣相一流，味道都好好，好香好惹味。本身覺得拉麵同西餐嘅食物唔係好搭，但係呢個檸檬海鮮清場拉麵個湯底幾清新，咁樣夾埋食都唔錯。我地加左炒蔬菜，如果多兩條菜就好了，外食都想食多啲蔬菜健康啲。另外仲加左明太子日式煎蛋捲，味道都唔錯。由於我地都唔係太肚餓，呢個份量輕食就剛剛好。呢個位唔知點解每次開餐廳都人流好少，但係呢間餐廳既性價比真係唔錯，侍應們都好友善，希望多啲食客光顧啦！

趁暑假同亞仔去睇吓戲，睇完戲就順便同佢喺戲院裏面食嘢。呢日有啲唔好彩，因為呢間餐廳嘅電腦網絡突然間壞咗，所以等左45分鐘先有得食，要用現金付款。佢哋都好唔好意思，不停道歉，其實服務態度都唔錯，只係今日真係有啲小意外。餐廳環境唔錯，地方都算寬敞，又唔嘈，自成一角。無論在座位定卡位，都係紅色梳化座椅，坐得算好舒服。黑松露黑毛豬片檸檬海鮮清湯拉麵黑毛豬片好薄，有口感，海鮮同黑松露味唔濃，檸檬味好重，麵質煙靭，整體個麵食好清新、特別，阿仔好鍾意。黑胡麻竹炭法包個法包外皮好脆，內層鬆軟，好似有啲黑芝麻味咁，加埋牛油食好香。凍檸檬錫蘭茶檸檬茶唔苦澀，又唔太甜，好飲。加大檸檬忌廉醬扁意粉扁意粉麵質彈牙，檸檬忌廉醬好清新，味道唔係太酸，仲有少少肉碎喺裏面，食完好開胃。

德福商場，除了鄰近住宅區，也鄰近寫字樓區，所以平日已人頭湧湧，星期六 + 暑假，更不必說，處處都是排隊的人龍。今天想吃下午茶，但在廣場上面到處都好多人，要排隊……突然想起MCL戲院那裏的餐廳，人比較少，所以就來光顧。這個位置已轉了好多次餐廳，其實每次我都幫襯過，食物服務都OK，但不知道為何，總是經營不長久。現在轉了Figaro，我看看下午茶餐牌，價錢都幾相宜，而且店內真的「人煙稀少」。環境幾舒服：下午茶不貴：Honey 喜歡的焦糖燉蛋 + 柚子綠茶 甜品擺設令人舒服。法式焦糖燉蛋是凍上，好滑！不太甜。而且焦糖層不厚，脆脆的，好香！Honey 説好味。我點自家製芝士蛋糕 + 水果梳打我平時不喜歡吃美式芝士蛋糕，覺得像吃一塊又實又凍的牛油。我比較喜歡吃日式芝士蛋糕，鬆鬆軟軟又滑。而這個自家製芝士蛋糕，好特別，介乎紐約芝士蛋糕和日式海綿芝士蛋糕之間，好濃厚的芝士香味，鬆鬆散散的質感，不膩，好味！令人喜出望外！水果梳打也好，大大杯，不太甜，好清新，又解渴。看……不貴！舒舒服服的一頓下午茶，難得在遊人如鰂的德福廣場😄😄

🍗烤日本大雞腿配黑松露菌黑胡椒醬💰$138.⚡️主打法日Fusion菜式嘅餐廳，係正德福MCL戲院隔離，原本唔抱有特別大期待🫢估唔到又幾好食😳一份lunch set包🍞日式柔包+飲品，加上環境都闊落同chill，擺盤都相當精緻✨.⚡叫咗份🍗烤雞腿，冇諗過雞腿超大件🤣松露菌黑胡椒醬香口，配搭一齊食幾惹味，配埋包同湯份量啱啱好，成個進食體驗非常relax呢～🥰

在此看到負面食評，咁啱今晚又嚟到遇到間餐廳，就抱住一個神秘顧客嘅身份入嚟試吓，第一次真係唔夠膽落啲太貴嘅食物，堅驚中伏，大家可能覺得食物有點普通，不過可以睇吓賣相，真係一啲都唔差，唔好信什麼負評，即管當佢係貴版快餐店來試，真係都未必沒有驚喜……..味道與價錢算成正比，雞腿比相像中大隻，上碟擺設不錯，唯獨是餐牌沒有飯給客人提供選擇😑炸雞(4件) - 塔塔醬炸薯條 - 配章魚丸燒風呋烤日本大雞腿配蜜 - 汁芥末醬

雖然是午飯時間，但餐廳裡人流不多。入座後，一位貌似是餐廳裡資深的員工就連珠砲發般講解餐廳出品的食物是酒店級數的法日Fusion菜。點選了日本豆腐沙拉菜，法式煮蔬菜和青海苔粉炸薯條。賣相乾淨整齊，以女生一般食量來說亦份量足夠。味道方面，法式煮蔬菜很普通，青海苔粉炸薯條，薯條可能已放涼，所以不夠脆且偏鹹，完全不用點蕃茄醬。最喜歡的是日本豆腐，很清新的。套餐跟的湯和麵包都不錯，但熱度不夠，如果能將食物熱烘烘的上枱，味道和口感會更加好。坦白說酒店的食物也不全代表是美味精緻，如果將更多時間及精力花在食物和出餐服務上，相信更能帶給食客美好的體驗。

本身冇諗住試呢間餐廳，因為感覺戲院旁既餐廳都係一般質素，今日下午經過餐廳門口見到個下午茶Menu幾特別（抱歉冇影到😅）而且有我想食既炸雞同拉麵（德福冇咩地方食拉麵，而且好味）所以即管入去試試😎等左大約10分鐘左右，檸檬海鮮清湯拉麵配炸雞上檯喇，賣相非常不錯，好吸引🤩（佢係海鮮清湯，係冇海鮮架～）炸雞有3大件（我冇記錯既話，佢講明係3-4件～）最吸引係熱辣辣，真係剛剛整起即時上檯！至於食物質素同味道，拉麵好清新，好有瀨戶內海檸檬🍋清湯拉麵既感覺，拉麵既麵質剛好，本人鍾意食偏硬啲啲，合晒我口味～ 炸雞好嫩滑，味道不是味精粉味，唔會過濃，仲好香脆。配埋杯自家制Lemonade，好refresh ! 下午茶黎講，真係非常高質！呢個下午茶真係無得頂👍🏼下午茶時間唔太多人，仲可以慢慢坐😊會再黎試埋佢其他食物！食物要自己試先知好唔好味，只看文字決定選唔選擇間餐廳，損失既只係自己😋住呢頭咁耐，今日先試佢⋯⋯雖然有啲遲，但總好過冇發現啦😜