Fish & Chick (MONTEREY Place)

營業中

休息中

呢間英式炸魚薯條店，我一直以為只得西環海旁一間，而且一直都無緣幫襯。但喺將軍澳搵食咩晏晝期間，發現澳南海岸原來有間分店，唔使考慮咁多，就你啦。午餐包頭盤、主菜、飲品，每項都有多款選擇（有啲款式要另外加錢）。炸鮮蘑菇沙律、傳統英式炸魚（藍鱈魚）配薯條、凍檸檬茶（$98）炸鮮蘑菇外層脆，裡面仍鎖住蘑菇啲水份，好味道。沙律菜清爽。炸魚份量大而且厚身，炸到金黃色好靚，表面洒咗些少鹽。炸粉厚薄適中，十分脆口，但唔硬實，兼且唔油膩。藍鱈魚（紐西蘭）肉質紮實，唔嚡但有咬口，有魚味但帶好少量可接受嘅魚腥味。他他醬調味不錯，配埋炸魚一齊食好夾。薯條係粗身，脆口，少量油但可接受。凍檸檬茶用 250ml 啤酒杯裝，味道普通，係一般西式餐廳嘅味道。自家製蘑菇湯（+$12）、傳統英式炸魚（石頭魚 +20）配薯條、凍檸檬茶（$98）蘑菇湯濃厚菇味，香滑幼細，味道不錯。石頭魚（紐西蘭）份量適中但再厚身啲，魚肉肉質嫩滑，魚味比較淡，零魚腥味。

之前去過同一品牌的總店，這間位於將軍澳南的分店，鋪位更位闊落，坐得舒服，但少了一點英國酒店風味。食物保持水準，炸魚新鮮，雞肉嫩兼有燒烤香味。兩個女生去，點一客炸魚及一客烤雞，份量剛好。Lemonade清新 甜酸度適中。

🐽美食推介🐽*Fish & Chick*🐟🐓今次推介比大家嘅係主打傳統英式炸魚薯條及烤雞🇬🇧🐟🐓嘅「Fish & Chick」 我們今次去嘅係將軍澳店，呢間已經係佢哋嘅第三間分店啦‼️ 食物嘅質素梗係有保證啦😋👍🏻我哋order 左一個2人餐和一個1人餐，必須講所有都好好食呀😋👏🏻🌟鐵板炒魷魚仔配蒜蓉包🦑魷魚仔勁新鮮，又爽口，加埋d檸檬汁口味好清新‼️蒜蓉包d蒜蓉勁香，包又脆，豬包食到一啖接一啖呀🤣🤣🌟炸鮮蘑菇沙律配黑醋汁🍄‍🟫🥗炸蘑菇外脆內軟，裏面勁多汁，大家一定要試吓❤️ 沙律菜也非常新鮮👍🏻🌟秘製烤雞翼配薯條雞翼和薯條香脆、惹味👍🏻🌟煙肉洋蔥茄汁長通粉🍝係豬包最中意食嘅長通粉呀😍香得來又好食，豬包一人就食左1/4🤣🤤🌟烤雞半隻配粟米🐓🌽烤雞作為其中一樣的主打，做到皮脆肉嫩真係厲害👍🏻👍🏻🌟傳統英式炸魚配薯條🐟🍟有多款魚選擇，包括一些本地新鮮魚🐟 想食滑d、實肉d或者油香勁d都有得揀😁 大家嚟到一定要試吓呀‼️👍🏻🌟雜果賓治+熱情果檸檬特飲🍸2杯飲品都好清新，又唔會太甜，十分適合香港人口味👍🏻👍🏻📍地址：將軍澳澳南海岸唐俊街23號

話說以前住西環嘅時候都去過一次，因為佢哋西環都有分店。今次去到將軍澳食過🤣真心佢嘅炸魚真係冇得輸！樣嘢一定要order今次叫咗自家製粟米蓉湯&蘑菇湯兩個湯- 粟米同蘑菇湯都係真材真料，每啖都食到好豐富粟米同蘑菇蓉👍🏻👍🏻傳統英式炸魚配薯條🍟佢地Fish & Chips 既魚有唔同品種同產地可以俾你揀我地揀咗本地新鮮鱸魚，係一D腥味都無，好好食，炸粉薄而脆～薯條熱辣辣，仲要厚切🤤烤雞半隻配薯蓉另外仲叫咗烤雞~係脆皮 超Juicy，一啲都唔係鞋👍🏻真心好食

我哋係西環嗰間fish & chick 常客！次次都去食炸魚🐟超鍾意食！今次咁啱去開將軍澳就帶埋呀囡去澳南海岸嗰間fish & chick食dinner!😍今次我哋order咗兩個set dinner，每一碟都好好食😋🦀🥗秘製炸蟹肉球配沙律秘製嘅醬汁配埋好新鮮嘅蟹肉，口感外脆內嫩滑，沙律非常新鮮冇苦澀味，好開胃！🐓🥖鐵板雞肉丸配蒜蓉包雞肉丸好Juicy, 鐵板上更加keep到佢嘅溫度熱辣辣！新鮮嘅雞肉味再加上佢嘅醬汁，一啲都唔膩！蒜蓉包好脆口但唔硬身，Keira 好鍾意食！🐠🍟傳統英式炸魚配薯條魚有好多種類可以揀，我哋揀咗最經典銀鱈魚🐠即叫即炸，一上枱已經感受到佢非常新鮮！炸粉皮非常之薄，基本上唔使用刀就食到！魚肉好嫩滑，完全唔會有好乾柴嘅感覺，魚味唔算太濃，加咗少少海鹽落去帶咗啲魚嘅鮮味出嚟！再加上我哋好鍾意食嘅粗薯條，完美！🍝卡邦尼意粉卡邦尼意粉好有驚喜，每一條意粉都掛滿醬汁，煙肉份量好多，本身碟意粉嘅份量都比較大碟！醬汁好Creamy，唔會太膩，值得推介！🍰檸檬罌粟籽蛋糕呢個檸檬蛋糕都超好味！🍋酸酸甜甜嘅味道同埋有好濕潤嘅感覺，食完絕對想再encore！下次要試埋紅蘿蔔蛋糕先🤗今

今天我踩單車來到這片碧海藍天旁的餐廳。一走進餐廳,我就被它舒適怡人的環境所吸引。佢有個午餐set嘅, 午餐包個頭盤主菜同埋加一杯嘢飲我先從頭盤開始下手。首先是炸鮮蘑菇沙律。蘑菇外酥內嫩,加上新鮮翠綠的沙律,既營養又美味。緊接著我又嗌了煙三文魚沙律,三文魚肉質飽滿,與香甜的沙律交織出迷人的滋味。這兩道開胃菜為我的味蕾帶來了美好的體驗。之後我揀咗佢嘅招牌菜 - 傳統英式炸魚薯條。我迫不及待地切開那金黃酥脆的外層,魚肉頓時鮮嫩欲滴,飽含濃郁的海鮮香氣。搭配的薯條同樣誘人,酥脆可口。又嗌咗個香煎鮮魚同炸魚嘅感覺又唔同最後點了一大杯冰涼的檸檬茶。清新爽口的飲品,剛好中和了炸魚薯條的熱氣,讓我整個用餐過程變得更加舒爽愉快。

我原本看到這家店的報導後,就蠢蠢欲動地想去嘗試一下。畢竟,報導形容的實在是太誘人了，而且賣點是本土新鮮魚，我住西頁，西頁有幾間炸魚薯條店也不錯，所以很期待這間離西頁不遠的店會是一個很好的選擇......然而,當我真的嘗試後,卻發現整體表現實在是平平無奇。魚肉本身倒是新鮮, 外皮也算酥脆可口, 但味道實在是乏善可陳, 而且很多油，缺乏任何特色調味。至於薯條, 質地很淋，炸不夠香脆, 也每有薯香味。不過份量很多，一個人吃不完的份量。整體來說, 百多元吃到新鮮魚做的炸魚還算可以，如果再來一次，可選意粉或沙律較好，這道菜只能算是一份中規中矩的普通小吃而已。雖然也不算差, 但畢竟沒有達到我之前在報導中的期望。

好耐之前食過西環分店，覺得好食兼性價比好高！估唔到將軍澳都有分店，3點入去都要等兩張枱，證明係將軍澳都好受歡迎🔥佢地Fish & Chips 既魚有唔同品種同產地可以俾你揀💫 我地揀咗本地新鮮鱸魚(＋$30） ，魚係一D腥味都無，好好食，炸粉薄而脆～ 😋薯條係有粗度似係原隻薯仔厚切的，好正！另外仲叫咗烤雞～ 之前係西環食既印象係脆皮Juciy，今次叫就覺得有啲失色，比較乾，係有少少過咗火候既感覺🥲不得不提兩個湯 - 粟米同蘑菇湯都係真材真料，每啖都食到好豐富粟米同蘑菇蓉，非常滿足！😋

唐俊街一列有好多餐廳，今次揀咗呢間主打炸魚嘅餐廳試下，入面唔大，但裝修都幾舒服，感覺幾chill 叫咗兩個lunch set，包括頭盤+主菜+飲品 傳統英式炸魚配薯條（藍鱈魚） 🌟4.5/5 炸魚基本係用藍鱈魚，亦都可以加錢轉其他魚 外皮薄脆，切開嚟魚肉鮮嫩，又厚又滑，好好食，值得一試薯條係粗薯條，食完呢個超滿足 橄欖油炒香蒜片辣椒意粉 🌟3/5重口味嘅最愛，香蒜片辣椒加埋真係好香好惹味 自己都幾鍾意食乾身硬少少嘅意粉，可惜呢到啲意粉連我食食下都覺得太乾太硬最後老闆問嗰陣有反映，老闆解釋佢哋用嘅意粉係偏硬少少，如果想食腍啲，可以落單嗰陣同佢哋講 煙三文魚沙律配蜜糖刁草汁 🌟4.5/5 呢個頭盤超有誠意沙律分量多，有3-4大片煙三文魚，配上酸酸甜甜嘅汁好開胃鐵板炒魷魚仔配蒜蓉包+$25 🌟1/5呢個係加錢upgrade嘅頭盤，但魷魚冇去骨，所以食嘅時候要小心，有機會有少少碎骨 唔係好食到鐵板嘅味，調味都偏淡，但魷魚又唔係非常新鮮唔建議加錢叫呢個，後悔冇揀多個沙律假期上面兩個lunch set都係$88加一，呢個價位值啦

嚟到將軍澳搵食，行過呢間店，果然係相見恨晚！一入去環境舒服通爽，店內傳出嚟嘅飲食聲音幾有氣氛，令我更加期待食物嘅表現！首先，炸洋蔥圈出場，外脆內軟，唔係平時個啲橡膠感覺嘅，佢個味道幾濃郁，真係引起咗我食慾。跟住係白油汁煮鮮蜆，新鮮無沙，淡淡嘅辣勁湊得啱啱好，啖啖肉感，幾正！來到主角炸魚，選咗鱸魚同鯛魚兩款。表皮炸得啱啱好，又香又脆，而且最正嘅係魚肉彈牙得嚟又保持咗魚嘅鮮味🐟，真正做到外酥內滑。炸物通常怕油，但喺呢度真係唔洗擔心，唔會覺得佢油膩。啤酒🍺配炸物當然係唔錯嘅選擇，啱啱好來個清爽一下！最後，劈雞做收尾，肉質嫩滑，腌製得宜，香氣撲鼻。喺質量同味道上，呢間店都確實做得到位，下次仲想再嚟試下其他嘢，希望繼續保持！👍🏼

係香港食fish and chips 已經唔太多間，好食既亦少之有少🙈，今次同屋企人誤打誤撞，入左呢間好有驚喜既餐廳😍我地叫左2-3人餐都係$338, 超級低食😎如果大家經過將軍澳海旁，都可以入去餐廳享用脆炸魚魚🐟🐟🐔雞絲凱撒沙律凱撒沙律份量充足，沙律菜新鮮冇苦味🧆蕃茄肉丸蕃茄味香濃，肉丸彈牙有口感🐟傳統英式炸魚配薯條炸魚一上枱份量大份，熱辣辣，炸粉薄脆，唧d 檬檸汁上去，成個鮮味提升晒😇🍝白酒汁煮鮮蜆意粉呢個意粉係成餐最意想不到，係用新鮮蜆肉同大量白酒煮成，個意粉汁係充滿蜆肉鮮味加上有少少辣椒，第一次係覺得蜆肉意粉係咁好食😋😋😋我一定會再返去食

首先，讓我談談他們的自家製粟米湯。這碗湯的香氣濃郁，第一口入口就能感受到粟米的鮮甜和湯的濃稠，充滿了粟米的風味。這碗自家製粟米湯給人一種溫暖和滿足的感覺。接下來是傳統英式炸紐西蘭藍鱈魚配薯條。這道菜以魚肉的鮮嫩和薯條的香脆聞名。魚肉炸得金黃酥脆，每一口都能品嚐到魚肉的鮮美和口感的豐富。薯條炸得外酥內軟，吃起來非常香脆可口。這道傳統英式菜餚經典而美味，絕對是魚肉愛好者的不二之選。最後，我嘗試了他們的香煎本地鱸魚加薯蓉。鱸魚煎得外酥內嫩，帶著淡淡的焦糖香氣，每一口都能感受到魚肉的鮮美和口感的豐富。搭配的薯蓉柔軟順滑，與鱸魚的鮮嫩完美融合。

係將軍澳踩完單車，見有間叫‘‘Fish ＆ Chick’，個店名好正，食晒字！見外賣炸魚買一送一，即刻買來試下，炸魚有好多唔同類別選擇，今次試了黑線鱈魚同藍鱈魚(指定送藍鱈魚)，仲可以揀配沙律菜，粟米粒或薯條，炸魚非常新鮮，魚味夠濃，粉漿整得幾好，表面亦會灑上粗鹽來調味，入口香脆，肉質嫩滑鮮甜，每口都係啖啖肉，唔會太油膩，份量十足，配埋他他醬好味，粗薯條份量都多，熱辣辣大大條，香脆可口，口感非常豐富

Weekend嘅時候總想搵個地方chill下，放空下，所以有follow開我地嘅都會發現我地成日去將軍澳海傍🤣好鍾意吹下海風囇下太陽☀️呢日搵到間未食過但價錢又幾抵食嘅Fish & Chick! 😋🐟🍽️Lunch Set會包頭盤，主菜，飲品，價錢$88-118左右～🐟Fish and Chip Set ($88)頭盤煙三文魚沙律配蜜糖刁草汁🥗煙三文魚好厚好香，沙律汁甜甜酸酸，作為前菜好開胃😋主菜炸魚薯條，魚預設左新西蘭藍鱈魚🐟佢仲可以再加錢換銀鱈魚/比目魚等等，但default呢隻都已經很不錯👍🏼炸得好好，外脆內軟，個皮酥脆得黎又唔會覺得好油膩😬而薯條係粗厚身嘅🍟份量都幾多，👧🏻係食唔哂嘅🤣🌶️橄欖油炒香蒜片辣椒意粉 ($88)頭盤+$25揀左鐵板炒魷魚仔配蒜蓉包，魷魚都幾新鮮，味道唔差🦑蒜容包正常發揮😬主菜意粉有驚喜🤩估唔到呢到連意粉都幾出色，蒜片炒得好香，辣味適中，意粉偏硬身啱晒👦🏻成個意粉都炒得好香，份量唔算少，好食！😋飲品+$20要Fruit Punch🍹感覺足料唔算太甜，但份量較小，下次都係叫番可樂抵飲啲🥤😆總括嚟講，無論價錢、味道、質素都好合理，餐廳嘅人都好nice，又會問

傳統英式炸魚配薯條係英國🇬🇧嘅經典美食💕鱸魚既外皮炸得金黃酥脆但內部肉質鮮嫩多汁 最重要係炸粉唔厚 唔會食到油膩感😋配搭薯條🍟就perfect😆白酒汁煮鮮蜆上菜有種濃厚既海鮮香氣🤩 鮮蜆既口感嫩滑又有種醇厚既白酒香 同蜆肉既鮮味融合🤤煙三文魚沙律配蜜糖草汁清新既前菜🥰 煙燻三文魚帶鹹香又有淡淡既煙燻香氣 與新鮮蔬菜混合 食起上黎口感更加豐富🧡原味烤雞配烤蘑菇烤雞看似簡單但卻非常美味🤤烤雞既外皮烤得金黃酥脆 亦肉質鮮嫩☺️蘑菇則經過烤制後散發出濃郁的香味 相互襯托出彼此既美味😚