3
2
0
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
又係食five guys嘅時候,要兩個人先可以又食薯條,又食漢堡包🤤今次個奶昔試左海鹽焦糖加煙肉,男朋友話飲唔出,又好似係,下次去另一間鋪試多次先考慮會唔會放棄你🤭
繼續閱讀
我見我個女同學仔成日都食five guys, 咁啱今日溜完冰,唔知食咩,見到又一城有five guys, 所以諗住嚟試吓。嘩,嘢飲無限任添正喎。開頭都諗住叫個正常burger,但係發現自己唔係太肚餓,就諗住嗌little burger 算,點知出嚟嚇親自己,咁大個嘅。topping 仲可以任點。正。
繼續閱讀
又一城一人餐廳選擇較少,唔想食food court,見到頂層有呢間Five Guys就黎試吓。平日晚上唔多人,叫左個Cheese Burger同杯Milkshake,Five Guys出左名係可以落晒全部材料🤣,我杯Milkshake揀左士多啤梨 & Lotus 餅乾。店員比完收據,客人就一係企喺度等/ 坐喺用餐區度等,但我去用餐區坐低後,要好留意住店員叫no.,冇任何電子號碼牌,亦都冇food court常見嘅發光器去通知你攞餐。結果,我要行三四次去睇係咪已經出左餐🫥Burger都幾好食,好juicy &重牛味;Milkshake就略嫌太酸,下次都係配oreo🤣。
繼續閱讀
今日係九龍塘做野,又想食美式漢堡,除左McDonald,Mos Burger之外,發現原來近幾年登陸香港嘅Five Guys都已經開到黎又一城。 Five Guys主打美式漢堡包同美式奶昔,每個漢堡包份量都唔細同埋漢堡係用100%牛肉製成。想食Fives Guys嘅朋友要注意,Five Guys係無套餐,全部食物同飲品都係需要散叫。而Five Guys廚房採用open kitchen設計,可以睇到晒員工工作,唔駛擔心衛生問題。 另外,漢堡包有八款選擇(漢堡包/芝士漢堡包/煙肉漢堡包/煙肉芝士漢堡包,雙層或單層)。配菜方面係任揀,有選擇困難症嘅朋友可以要求”ALL THE WAY”,咁就全部都俾晒你。 Cheeseburger 芝士漢堡包 ($95) 因為點左”ALL THE WAY”,漢堡包好大個。麵包食落十分鬆軟,而漢堡都煎得好香,食落勁多肉汁超juicy。芝士溶溶地,食落有拉絲效果。 Five Guys Shake – Peanut Butter 花生醬奶昔($60) 奶昔好滑花生醬味好濃,但可能加左花生醬關係,好難先吸到上飲管。 唯一可惜係以前其他分店嘅任食花生,係九龍塘分店已經無提供。總括而言,食物質素唔差,但價錢略為偏貴。
繼續閱讀
聽朋友講有間叫五兄弟嘅漢堡包餐廳好好食,我懷着打大佬嘅心情走去試一下,一去到見到個餐牌我已經目定口呆,點解會咁呢?就因為佢最平嗰包都要$85起,同埋所有嘢都係散叫嘅,例如薯條啦汽水啦,全部都係逐樣叫嘅,我哋一行五人叫咗五個包三個大薯條同埋五杯嘢飲,買單嘅時候多謝成為九百幾蚊,完全諗唔到一間食漢堡包嘅餐廳點解可以食到咁貴,但係一攞到個包上手嘅時候一打開,就覺得物超所值個牛肉,好味得來又多肉汁,個薯條又大又粗,仲要有皮嘅添,而且佢揸得唔乾,而汽水呢?佢係採用自助式嘅方式,你鍾意飲咩味嘅汽水都得
繼續閱讀