Five To One

營業中

休息中

這家餐廳讓人失望，上菜極慢，落單到上菜等了45分鐘。廚房的職員態度也相當粗魯，很暴躁，讓人感到不愉快。在等食物期間，有一位客人因等太耐而要退錢走人，她曾經向職員表示已經等很耐，但職員只是說不好意思而沒有任何跟進。。。。後來有一班客人進來，職員向她們表示很多菜式都不做，客人很驚訝地回應：「咁咪即係咩都無？」雖然食物味道還算過得去，但並沒有特別出色，屬於中規中矩。咖啡也只是一般。整體而言，這次用餐體驗不佳，只適合不趕時間的人，整體令人難以推薦。

落大雨狗狗無得去戶外放風我哋係何文田搵咗間cafe醫肚我哋今次帶住狗狗坐係戶外 自助形式點餐 無加一收費😗店員姐姐好nice同每一隻狗狗客人打招呼👋🏻請狗狗食零食 仲特別提供風扇比狗狗散熱 超讚！👏🏻👏🏻👏🏻咖哩湯底烏冬配照燒雞排 $108烏冬口感煙靭 仲有好香咖哩味湯底鮮牛油果蓉碎蛋沙律農夫包 $93牛油果營養價值高容易消化 係健康之選~凍抹茶牛乳$48口感豐厚幼滑 甜甜地加上抹茶香 幾好幾好 如果可以轉skim milk就perfect了~餐廳食物份量比較細 若果食量比較大 可以叫多份小食~

今日去呢間，咖啡shop仲有烏冬同埋正餐食，吉列豬扒咖喱烏冬個豬扒比較普通，但係個烏冬煮得好好食，個烏冬煙靭，彈牙，咖喱汁又唔會太鹹，個鹹度係啱啱好㗎，一啖烏冬一啖咖喱濃湯真係好夾，呢間咖啡shop仲可以帶埋啲動物入嚟，如果好彩嘅話呢仲可以見到有好得意好得意嘅狗狗，咖啡都幾好飲，可以揀咖啡豆，ice latte同烏冬都好夾，又解膩。

今日叫左兩份冷烏冬，一份糸照燒雞排柚子鰹魚沾麵汁，另一份糸柚子鰹魚沾麵汁吉列池魚，兩份都唔錯，另外叫左兩杯野飲，一杯系柚子咖啡特飲，另一杯糸特級宇治抹茶鮮奶，好味

好耐冇見嘅朋友食咗個early dinner仲未傾夠，朋友話去飲杯咖啡，佢帶路話呢間環境唔錯，有戶外同室內，呢度除咗係寵物友善餐廳，店內仲貼有有關領養嘅海報，我哋入到店店員遞上Menu ，話睇完到櫃檯點餐就可以，我其實對咖啡冇乜研究，見到短笛未試過就試吓，朋友出去點餐，佢話幫我揀咗隻nutty嘅咖啡豆，佢自己就揀咗fruity 嘅就會帶酸，我話啱呀！我唔鍾意飲落有酸味嘅咖啡原來短笛係咁好味㗎！又靚又好飲

帶狗仔去何文田睇醫生，之後例牌會搵間Cafe坐吓，食埋個lunch，買下寵物嘢先返屋企。一般我會去梭椏道, 今日想試吓唔同啲嘅main dish, 睇完呢間有轉左嘅Menu之後揀咗呢間（應該都轉咗一段時間，係我太耐冇嚟）。我哋帶住狗仔坐咗喺出面，屋企人叫咗一個蝦湯烏冬，紫蘇柚子梳打，flat white (可惜我冇影相），我叫咗一個柚子灼燒雞肉配牛油果沙律，加靜岡綠茶。屋企人個烏冬蝦湯底好夠味，唔錯，我個雞沙律合乎星期日食返啲有營養嘅嘢嘅感覺，雞肉有炭燒過嘅香味，蔬菜有rocket salad leaves which is not common, 柚子沙汁味道清淡唔太搶。整體覺得menu design 比以前嘅水準好咗，但係佢啲枱太細，成日要就住就住，希望會有改善。

好少行過嚟呢一區，難得搵到一間裝修ok、環境亦都可以嘅狗狗 friendly cafe 當然一定要試欣賞佢門口都有兩張枱可以坐，亦都有室內位置可以俾狗狗入，空間感都算唔錯，可能因為裝修係全白嘅關係👍🏼所以野自助形式，收費亦都冇收加一 fair enough 。過咗 lunch hour 去，冇左抵食既 lunch set亦冇下午茶menu。最後叫咗個 極度邪惡嘅French toast with ice cream ，真係比想像中邪惡同油膩，不過味道可以的

本人在何文田區工作, 通常食晏都有40%會於勝利道搵嘢食, 這兒好多間都食過， 呢間比較新式、咖啡室、午餐俱全的一間西餐廳. 今次第三次來，如果想唔係太迫又坐得舒服又好食啲嘅西餐，依間值得推介. Staff 好Nice, 可以坐出邊和入邊. 裏面有狗隻店長歌基⋯⋯但寫明唔好接觸佢（如果佢瞓覺時的話😂) 説到食物唔係係大份量嘅食物，係啱啱好，飲品我通常飲咖啡同凍mocha , 拍得住Starbucks或以上的水準. 今日叫左吉列豬扒烏冬，烏冬非常彈口，maybe 日本野，湯底好好味，個吉列豬扒炸得啱啱好⋯⋯不油. 如果啱啱行開mong kok , 又剛剛去勝利道睇下寵物而啱啱又想坐低食啲嘢飲杯咖啡的話，依家值得推介….. Lunch set 連ice mocha $141

喺隔籬街同狗狗睇完醫生，知道係可以帶寵物所以行過嚟試吓！有狗狗只可以坐戶外，只有三張枱😌食物選擇以cafe嚟講都唔少，主要有農夫包同埋烏冬，可以配唔同嘅食物，見到甜品都有幾多款式。嗌咗吉列豬扒配碎蛋沙律農夫包同飛魚子胡麻醬冷烏冬配炸雞，價錢都尚算合理。嘢食好快上枱，吉列豬扒都冇炸到好乾，不過炸醬底下咬落去有啲薄，如果可以更厚身會更Juicy，好在配埋蛋沙律令口感豐富啲。冷烏冬撈埋飛魚子同胡麻醬基本上唔會唔好食，烏冬煮得煙靭同埋份量都幾足，雞粒就炸到好Juicy，比多兩粒會開心啲😛飲品方面餐廳只有whole milk選擇，skimmed/oat/soy milk全都無，配合唔到有唔同需要嘅顧客。。。希望可以改善下🥹

勝利道pet friendly cafe! 仲有埋menu比狗狗🐩餐廳有一隻超級可愛的柴犬😍餐廳設計超級日系 入到去好舒服闊落 而且仲有室外位置可以坐⛱️餐廳食物高質 而且堅持使用日本蛋✊🏻蒜蓉牛油蝦配吐司🍤🍞蝦同埋魷魚份量都幾多 好香既蒜蓉牛油味！包焗到脆脆哋 份量偏細 沙拉有柚子醬 幾開胃🤤 海老白湯烏冬 配炸蝦🦐 烏冬好彈牙 應該係讚岐烏冬🫶🏻 蝦湯有淡淡既海老味仲有好香既雞湯味🥣 麵上面仲有少少蟹肉 🍤炸蝦係連蝦頭的 炸粉係麵包碎 超級脆 唔係冰鮮蝦French toast😍超級邪惡👿 炸得超級香 面頭有超級多既牛油同埋蜜糖 配埋日本牛奶雪糕真係100分 日本牛奶雪糕奶味好香 唔會太甜 配埋原本已經偏甜既法式吐司 幾夾蜂蜜青森蘋果酥皮💚總共有四塊漲卜卜既酥皮 真係每一塊都超級脆同埋好酥👍🏻但係我覺得有少少過脆 蘋果應該係用左紅蘋果同埋青蘋果🍎🍏 炒得幾香 好重肉桂味 同埋係偏硬的 仲食到蘋果脆脆哋既口感🤓📍Five To One (何文田)地址：何文田勝利道6號地舖

香港cafe 開到成行成市食物質素就各花入各眼但一直不乏價錢同味道不成正比的餐點普通, 甚至稱得上難食的三文治/意粉都叫價過百但呢間餐廳的餐點我認為做到其本份了當天叫了吉列豬扒蛋沙律配農夫包和蘋果梳打蘋果梳打用上新鮮蘋果梳打水亦用梳打水機自製不是用果汁配罐裝梳打水感覺只有蘋果微甜, 沒有現成果漿的假甜味略嫌梳打氣打得不夠多本人比較喜歡更夠氣的梳打水吉列豬扒蛋沙律配農夫包吉列豬扒炸得香脆乾身沒有過多油份麵包亦如是烘得香脆卻不會乾得𠝹口一刀可輕鬆切下兩樣食物輕易入口不知大家有冇食過cafe 三文治的麵包烘得要乾不乾, 又或是上面食材過份濕潤把麵包都弄得太濕難切最後只好各個食物分開切分開食這份三文治絕不會有這個問題上面蛋沙律亦蛋味濃郁口感綿密沙律配上酸醋醬汁, 味道正常總括而言, 餐廳把食物做得恰如其份質素並沒有因為只是cafe而求求其其

在你的咖啡店名單里，有沒有那麼一兩家是特別的存在，它不單止是提供給我們好味食物本身，還有那種獨特的由食物背後勾連出來的回憶，那麼five to one於我，就是這樣的存在。.店鋪由一對夫婦主理，主廚更是老闆娘本人，店內小哥哥小姐姐都十分親切高顏值。週末常會來這家小店坐上1-2個鐘，愜意和好友catch up，點上雞白湯烏冬（魚&蝦）。這一set堪稱經典款，很多咖啡店都是西式菜式為主，這家店就有這款暖胃日式烏冬，而且雞白湯底濃郁，蝦和魚也和高質素，小菜亦非常開胃，配搭完美。再來杯flat white，私認為這家flat white是我在hk喝過咖啡店裡Top3！

勝利道又是－條寵物街，當中有－家別緻的coffee shop. Coffee shop 的裝修簡約樸實，有少少文青feel，但由於坐無虛席，沒有寧靜的感覺。Flat white $42這咖啡的味道走nutty 路線，但味道比較淡口溫和，然而奶泡香滑，味道是ok的，味道比Starbucks 的flat white 好－點，高知柚子靜岡莖茶$45這柚子靜岡莖茶是無糖風味，有淡淡的柚子清香，口感順滑，沒有半點澀口，味道雅淡，是ok的。

雖然我無養寵物，但呢間CAFE好好係PET FRIENDLY見到唔少主人都帶埋狗狗黎一齊食野🐶🐶坐入面都環境寧靜，幾舒服同朋友傾下計吹下水都唔錯😉😉😉🤎炸軟殼蟹及蟹肉配冷烏冬🦀炸軟殼蟹都幾大隻，仲炸得好脆添加左好多木魚同蟹籽，仲有蟹肉配埋芝麻醬同冷烏冬，非常夾推介推介🤤🤤🤤🤎牛油果蓉、碎蛋沙律配農夫包🥑🥚超級多牛油果蓉，遮滿左個農夫包上面仲有一球碎蛋沙律每啖都有齊三樣野，好味道🤎沖繩黑糖清酒梳乎厘PANCAKE🥞有清酒雪糕配沖繩黑糖醬，黃豆粉蕨餅及白玉丸子雪糕嘅清酒味唔係好重，而黃豆粉蕨餅都幾煙韌呢個配搭都幾得意同埋佢有4塊梳乎厘PANCAKE，食完超級飽呀🤭🤭🤭🤎柚子咖啡特飲🍊☕️估唔到柚子同咖啡好夾呀柚子嘅甜味中和咖啡嘅苦味如果想飲落有層次，就唔好攪均杯咖啡啦😉😉😉🤎LATTE☕️唔會沖得太甜，又有咖啡嘅香味😚😚😚

事隔兩年多 二訪文青咖啡店 ғɪᴠᴇ ᴛᴏ ᴏɴᴇ 中間很多次想要去  但地理位置跟家其實頗有距離就一直擱置 直至前一晚在搜尋有什麼咖啡店想去突然看到 ғɪᴠᴇ ᴛᴏ ᴏɴᴇ 佈局沒有大改變 都是簡約清新的文青氛圍也許不是新店 亦也許附近都開了幾間 ᴄᴀғᴇ人流沒有上次的多 反倒多了一份舒適感𓋪 吉列豬扒 碎蛋沙律 農夫包兩個組合在一起真的太完美大塊的吉列豬扒香脆又 ᴊᴜɪᴄʏ 配上綿綿的碎蛋沙律底部稍硬的農夫包還夾著一層美乃滋 口感豐富配上健康的沙拉 份量來說女生剛好不愛農夫包口感的話 亦可加錢換成牛角包𓎾 ʟᴀᴛᴛᴇ ( ɴᴜᴛᴛʏ )咖啡可以選 ɴᴜᴛᴛʏ / ғʀᴜɪᴛʏ水準蠻穩定 兩次到訪都覺得很合心意 除了吐司類餐點 還有烏冬 疏乎厘班戟等選項外面有兩三桌 ᴘᴇᴛ-ғʀɪᴇɴᴅʟʏ 用餐區也可以跟毛孩一起用餐這次二訪十分滿足感覺會為了這個餐點再去