影片
港鐵佐敦站 C2 出口, 步行約5分鐘
繼續閱讀
營業時間
星期一至日
12:00 - 21:00
以上資料只供參考, 請與餐廳確認詳情
依間餐廳我真係介紹咗好多人黎食，佢成個餐牌我都食暈哂！令我迷上佢嘅係佢嘅藍青口！佢真係bb青口黎，細細隻，好嫩滑，就好似18歲嘅少女面豬登一樣，忍唔住想錫佢一啖！我係幾鐘意叫青口嘅人，有時嘀餐廳話自己藍青口，但一時又大大隻，一時又煮老哂，次次嗌都好似抽獎咁，真係驚驚地，佢有成三隻味揀，重好大煲，價錢又平，重冇失過手！第一次黎，一定食呢個做入門！唉！不過有時人就好衰格，鐘意食就成日去食，好似一講過碟餸好食，呀媽就餐餐煮咁，成也風雲，敗也風雲！我自己俾自己食到厭咗，不過唔緊要，佢其他野都好好食，最緊要佢價錢勁合理，嘀野又大大碟！有時hh 落去飲兩杯都幾好坐㗎～
繼續閱讀
約咗美容朋友仔約咗成年卒之都約到啦明明條友仔話同我慶祝生日問我食咩餐我話食中餐都去到餐廳嘅時候發現，咦西餐嚟嘅🤣而且可能因為近期社會問題啦餐廳冇人好似我哋包左場咁嘩勁正🤣首先我哋嗌咗好多小食個人極力推介芝士青口好食到不得了仲有個煙熏三文魚冇諗過佢嘅擺盤係咁靚呢兩個前菜真係不得之了然後我哋後加個螺，就Okay啦唔係唔好食嘅跟住可能個前菜實在太好食然後去到個主菜，碟牛就比下去不過當然都係好食👍🏻👍🏻👍🏻然後佢個甜品有棉花糖嗰個呢非常特別後尾我發現點解朋友仔會book呢間餐廳因為我order左嘅心太軟，佢幫我寫咗Happy birthday🙈🙈嘩真係好驚喜呀😱可惜因為社會事件要早閂門啦本身九點閂嘅都俾我哋延遲到十點先閂服務都真係不錯👍🏻
繼續閱讀
係近柯士甸路，官涌街尾果面，見到一間裝修得幾有格調既餐廳，我覺得好有外國優閒情懷餐廳個名叫FLANEUR應該係法文黎餐廳有室外既坐位，方便吸煙人仕餐廳既裝修好有情調，有啲紅色既燈光，好適合情侶夜晚黎談下心餐廳以西餐為主，不過我今次行過見到有happy hour package, $68蚊有杯啤酒加一串串燒送下酒好似幾抵甘，決定試一試距串燒方面只有三款選擇，一個係燒豬腩肉，另一個係牛油果雞肉，仲有一個係咩我唔記得左個豬腩肉燒得幾香，幾正牛油果雞肉不過不失，唔算好特別佐敦真係比較少依啲坐得幾舒服既地方俾人happy hour坐下飲反杯，價錢又唔太貴所以我見果日都幾多人幫襯
繼續閱讀
慶生飯，餐廳多的是，但要揀一間色香味俱全，有情調，抵食，平，就我放工同歸家，就唔容易啦！今次呢間一次過滿足我所有要求！星期五晚上，七點許黎到，未坐滿不過可能係訂左位好似我地咁！打開menu，每間餐廳都係所有野都吸引。係openrice做定功課，睇中左佢個自己煙薰三文魚而黎，好似好好玩咁！職員有個suggest燒法，我唔建議，試左一塊一樣凍冰冰！我會等d火猛d先燒，咁就好香啦！蛋餅有少少失望，聞好香，食評見人讚，食落口冇咩驚喜，加上我仲有少少咳，曲奇皮嘅熱氣感令我咳多兩聲！鵝肝好正，係兩食，鵝干醬香口，我們將瓶子撩得好乾淨！煎鵝肝都香口，外脆內軟，雖然唔係我食過最好食（唔貴的比較），都排第二啦！本身唔鍾意食意大利飯，但果日自身條件限制迫住揀，唔評價啦！最後都好驚喜，我book位講明要寫字，但食飯當日先揀甜品，唔知揀邊個好，試個椰王燉蛋好了！字同我order有少許出入，不過小事！呢個燉蛋不得了，蛋香，椰子味香，而兩者能融入，超驚喜！用埋hsbc card好似近$400，抵，誠意推介這家！
繼續閱讀
姊妹聚會食飯搵啲小著數， 舖頭座位有限， 放工唔想等位梗係要訂枱， 經網上平台訂位有積分送。半開放式，對住條街食嘢都幾治癒， 唔好以為半開放式會好熱， 坐喺梳化嗰排位置冷氣都充足， 舒適環境下傾偈用餐。先食無花果ham襯絕配搭，這是最愛的配搭， 伴碟的新鮮菜和醋讓味蕾生色不少。飲品感受到認真調味，味道濃且杯邊的水果新鮮。這一碟是豬， 見到紅色的肉質有冇嚇了一跳?! 我們問過店員叫我們放心吃😊😊毫不猶豫立即開動， 吃的感覺很好。燒茄子材料滿滿，蒜香味飄散， 無論視覺味覺口感極為豐富。最後燒菠蘿和生日甜品作結尾。完美的一頓晚餐。
繼續閱讀