Flaneur (已結業)

舖頭比我想像中細，不過個環境都幾好。點左煙三文魚、海鮮併盆（二人份量）、心太軟、香蕉朱古力批同埋兩杯野飲煙三文魚冇咩特別海鮮併盆我地揀左芝士味，唔錯，份量夠多心太軟唔夠熱香蕉朱古力批幾好，有好多棉花糖 😋

2018年7月9日。佐敦。雨。雨天令呢間餐廳更加浪漫轉入呢條街，喺遠處就會望到呢間餐廳因為佢同街上其他古舊嘅唐樓風格截然不同大塊嘅玻璃窗係完美嘅打卡位整塊向外打開，就變成雨蓬，美觀又實用朋友未到，於是睇住餐牌先估唔到睇餐牌都有驚喜餐牌嘅右下角有舖頭名嘅解釋Flâneur嘅意思係享受漫無目的喺街上閒逛嘅人就算唔識讀都覺得好有詩意，哈哈哈朋友未有咁快到，所以嗌杯嘢飲，飲住等呢杯Mocktail叫Tokyo Dream，入面有士多啤梨、青檸、黑糖同梳打水唔會太甜，帶少少酸，清新，好飲齊人之後就嗌嘢食牛油果睡蟹意大利飯價錢略貴，但真材實料隔離擺咗成杯蟹肉／蟹膏喺度非常滿足鹽燒熊本霜降牛肉份量雖少，但滋味無窮牛肉只係用咗少少鹽調味，食得出原汁原味，而且仲好嫩滑放面嘅炸蒜片，增加口感之餘仲可以幫手調味正！香草燒法國野雞仔造型好有氣派雞肉依然鮮嫩多汁，調味比較清淡所以食完都唔會覺油膩總括來講，食物份量有啲少，所以計返價錢有啲貴有個靚裝修營造到浪漫情調，好適合情侶來燭光晚餐

菠菜野菌法式蛋批HKD48細細一份都比到兩三款菇類，菠菜味同蛋香都淡淡的，但有好香既黑松露👍🏻·鹽燒熊本霜降牛肉（150g)HKD 98店員無問我地生熟度，可能係固定左，見佢上碟狀態大概係五成咁上下，輕輕放左鹽去煎，無其他調味已經好味道，而且肉質淋身。另外，灑在表面上的炸薄蒜片帶丁點辣感，亦很可口。·烤美國豬背骨（half) HKD98幾款菜式中，我同友人都偏愛呢個，肉質淋滑，而且可以輕易離骨，食用上十分方便，而且伴隨的BBQ醬十分惹味，同嫩滑既肉好夾，確實唔錯！·烤焦糖菠蘿🍍HKD48我平日愛吃輕輕燒烤過的菠蘿，所以也帶點期待去點呢個小食，然後我也失望了。點餐後遲遲未有上菜，經追問後很快就到了，可惜質素欠佳，烤得不足夠、沒有些少焦香的顏色，而且其實沒有焦糖，只有在其中一片菠蘿肉上塗上蜜糖，名實不相符😢而且菠蘿的甜很不自然，懷疑是否浸過糖水🤭·總括黎講，除左烤菠蘿之外，其他都係不錯既，而且餐廳雖然坐落小巷路旁，但店內環境富有浪漫氣氛，亦算滿意。

很久沒有3個去撐枱腳❤️小honey 選擇左近我屋企既餐廳，由於小honey轉左食素，所以我地大多數都點素食，除左主菜就點一個肉食。由於遲左訂位，只有bar枱位置，坐得唔太舒服點了三杯飲品，strawberry paradise , dream come true , sangria ,只有sangria 比較好飲。食物只係一般，咁多樣，我覺得只有意大利飯比較出色。蛋批中心係凍既⋯仲食到少少水份青口有一隻臭臭地😓 汁底係香茅+椰汁，但兩種香味都唔突出。BBQ pork ribs 係好淋，不過肉不夠滑。我同家姐都覺得奇怪，咁既質素竟然客滿，可能係附近無乜類似既餐廳罷了

奶油包每年5-7月都係忙都會死既季節今年都唔例外連續返左2星期工冇假放終於忙完一大輪之後奶油包決定要約朋友出嚟食食食朋友係九龍返工為左唔好要佢走嚟走去又唔想食嚟食去都係尖沙咀我地就去左佐敦既Flâneur一試因為睇外觀已經覺得唔錯而且聽講佢係一間中價既法國菜餐廳鋪面雖然唔大但裝修都幾靚仔真心覺得幾有氣氛仲有好鍾意佢外面個半開放式既Bar枱如果天氣涼D你個度飲下酒都唔錯佢仲有啲Happy Hour既優惠set但奶油包要返工就享受唔到Flâneur既menu上唔係好多野食選擇但係每樣食物都好似好好食奶油包同朋友你一番相議後就決定食下面既食物先嚟一個蘋果木煙燻蘇格蘭三文魚 (HOME-SMOKED SCOTTISH SALMON)奶油包係一個好鍾意食三文魚既人而呢個煙燻三文魚真心係為奶油包而設作為頭盤佢將D三文魚放係石窩上入面就有D燃燒中既蘋果木每一片三文魚不知不覺間就有DD蘋果木味三文魚油香滑嫩啖啖肉真係食極都唔夠之後就再嚟多個頭盤 - 紐西蘭托托蜆(8oz) (NEW ZEALAND TUA TUA CLAMS)呢個真心覺得不得了蛻肉勁新鮮而且唔似出面個D店咁未放好沙就攞去煮呢個蛻真心覺

早前同閨蜜慶祝生日💗想搵個靜靜地又坐得舒服既地方慶祝！最終去左位於佐敦既「Flâneur」😍離遠行過去既時間經已心心眼！因為有個極吸晴又可以影靚相既Open Area！即刻request坐bar😜不論飲品或食物呢度選擇都非常多元化！啤酒、紅酒、Cocktail、Mocktails一應俱全！食物方面仲多選擇！德國豬手、海鮮、鴨肝、牛肉漢皇、意大利飯、意粉真係花多眼亂啊💗飲品我地叫左兩杯Mocktails！Tokyo Dream同Honey Moon！食物叫左脆蟹肉薯丸、波菜野菌法式蛋批、明太子烤雞翼、當然唔少得呢度主打既「烤焗龍蝦海鮮拼盤」啦😝💗Tokyo Dream係用Strawberry、Lime、Brown Sugar、Soda整成既！充滿粉紅色系感覺非常少女的！飲落酸酸甜甜！仲有果肉可以食喔！ 💗Honey Moon用Honey、Orange Juice、Apple Juice、Lime Juice整成！飲落口好舒服！好清新！配搭海鮮真係一流喔！💗脆蟹肉薯丸炸蟹肉加薯仔既薯丸，外脆內軟！為重口感！蟹肉鮮甜，加埋秘製既辣醬非常惹味！最最正係一d都唔油膩！唔會食到成口油！食多幾粒都

之前上網見到文章講呢度係高樓大廈中有一個好似田園既餐廳一路都好想黎🤭今日就趁好朋友約就來呢度啦！餐廳係轉角人潮唔算多既位置。一行到埋去就會俾佢室外bar既位置吸引上面簡單種植物但令成個氣氛變得好悠閒我地仲book左坐室外好開心💃🏻初時怕熱但今日黃昏時間都已經涼涼地 yeah 坐好後我地先一人叫左杯飲品呢度既menu價錢相對幾平民我地就分別叫左杯白酒同cocktail 配合番甘relax既環境🤣之後就點左網上推介既幾樣野食呢個係必叫菠菜野菌法式批菠菜充滿曬成個批，批皮非常香牛油。覺得成件事好match 啊推介鹽爆熊本霜降牛。$98來講絕對收貨仲有個明太子雞翼都好味啊唔似出面既明太子偏咸反而食到明太子的少少香辣味坐下傾下影下相由於唔太餓我地就直接叫甜品揀左烤焦糖菠蘿🍍雖然食唔到焦糖味但菠蘿都是很甜。還有祝福在室外花園渡過了美好的晚上

琴日同朋友慶祝生日，特意揀左一間特別小小的酒吧餐廳慶祝。一去到，已經比餐廳的格局吸引。我地3個人，叫左4道菜，第一道菜係德國慢烤咸豬手，肉質鮮美，嫩滑，塊皮脆脆地不會太硬，酸上酸椰菜，更加開胃。第二道菜係鹽燒熊本霜降牛肉，小小地一塊，但牛肉熟得岩岩好，7成熟，好鮮味，配上好像加上蜜糖甜甜地的汗，味道更岩。第三道菜係烤波蘿手撕豬肉墨西哥烤餅。薄薄地的烤餅，烤到好脆，入面夾住鮮菠蘿，豬肉，特製醬汁，好好味，好新鮮的感覺。第四道菜係咖哩烤原隻小雞，菜式下面會配上薯仔，蘆筍，不過由於無叫菜，食食下會覺得雞肉有點乾，但味道好像沙嗲味，好香。不過前3道菜個分量都比較少，唔岩一大班人，只適合2-3個人一齊去。但總括黎講係好味。

如果覺得尖沙咀的食肆很多遊客又擠迫, 不妨到鄰區的佐敦搵食。交通一樣的方便, 還有不少特色的餐廳。吃厭了連鎖店的口味, 來一個小店清新確是不錯。 FLANEUR 雖然擁有一個法國名字, 但內裏多國菜式都會找到。由意大利海鮮併盤或是美式牛扒都有, 內裏氣份輕鬆, 最適合一班朋友放工後聚會。 半開揚的窗口吧枱令人放鬆, 一邊喝着COCKTAIL, 一邊吃着小食HAPPY HOUR, 真的可以把工作壓力放下, 好好享受HAPPY HOUR。 我們點食物前先點了MOCKTAIL, 解解暑熱, 驅走悶氣。顏色漂的HONEY MOON 一看便知是以橙汁作主成份, 還有入蜜糖, 蘋果和青檸汁, 味道甜中帶酸, 美味又清新。無論大人和小朋友都會喜愛的凍飲。  這晚我有點懶, 除了自己的凍飲外, 全部都交了給身邊那位發板。   這個紐西蘭托托蜆真的超級推介, 以香芧椰湯烹調, 味道帶點泰式風情, 香氣十足。每隻托托蜆都飽滿多汁, 咬去時那種爆出來的鮮甜海洋味真是難以忘記。加入香芧洋蔥等配料一起煮味道就更香更有層次。不但沒有奪去蜆的鮮甜, 反而令可能有的泥味帶走, 這個頭盤真是近期吃過最好吃的。初時只打算

跟人妻姊妹有好一陣子沒有見面了，就在星期天的晚上一塊吃個愉快的晚餐，恰巧那天是一個雨夜，好像倒是添了一分特別的感覺。餐廳是挺有情調的，餐廳是麻雀雖小，五臟俱全的，很適合聊天的。這次跟人妻姊妹坐在望向街景的高椅子上，侍者還細心的送上掛包包的小勾，挺細心的。Honeymoon $60點了一杯沒酒精的飲品，內有蜜糖、蘋果汁、橙汁、青檸汁～ 賣相是很美喔～ 韓式醬燒千層肉 $38除了經典的美食外，看看餐牌，也有各種串燒呢。特別選了這款似是廚師推薦的，千層肉是半肥瘦的，相當惹味。喜歡淺嚐的，二人一同分享也是好選擇喔～ 慢烤德國鹹豬手 $98人妻姊妹說好奇怎麼德國鹹豬手會那麼便宜，一般皆要$200+的，那就吃吃看吧～ 跟想像中的脆皮豬手是走不一樣的路線，皮是走表現骨膠原豐富的腍路線，覺得是做得不錯的呢。 烤美國豬背骨＄98 半份醬汁相當惹味，半分兩個人一同分享是剛好喔～ 烤焦糖菠蘿 $48吃過那麼多肉食後，甜品特地選了清新健康一點的— 烤菠蘿，擺盤是有誠意的，有菠蘿的，焦糖在表面是多了一分簡單的香甜感～ 簡單的晚餐，是化算的，食物方面有更進步的空間。可以相聚見面，更新近況已覺得是一件開心事情～ ^

今日去開官涌街睇狗狗酒店小狗shopping 完有點餓咁啱隔離就見到間有少少歐陸的小酒吧就入去坐低抖下店舖內燈光柔和餐檯唔係很多唔會好嘈雜氣氛唔錯其中一邊有個很大的懸窗仲有唔少綠色擺設和植物推開後增加空間感之餘 另一邊客人都可以企起度飲返杯 又可和室內的朋友傾偈在微風的晚上份外寫意唯一美足不足就是附近舖頭沒有很統一 如果發展到一個小社區一定會更好餐廳餐飲的選擇比想像中多菜式看起來都很特別蘋果木煙燻蘇格蘭三文魚拎到黎就真係好有氣勢蘋果木在一直在器皿內燃點三文魚則在上面的鐵網繼續受煙燻三文魚的鮮味再加木香味雙重味覺享受菠菜野菌法式蛋批即叫即焗熱辣辣加埋陣陣蘑菇味 食落餅底都很鬆脆而裡菠菜又唔會好乾呢個環境 價錢和質素 真係好難在出面搵到絕對超值鹽燒熊本霜降牛肉睇左很多食評和相諗住大概medium熟又有少少牛脂今次食落有些少失望可能沒有說明大概要幾熟啦這一塊牛有少少比預期熟不過加埋蒜片食都係好食的牛油果睡蟹意大利飯這個焗飯真係有晒誠意本身飯已和蟹膏一齊熟 放到蟹蓋上焗上面再放幾片大牛油果就咁食已非常香口點知仲有一大樽蟹膏俾你撈飯一齊食份量之多足以令每一米粒飯都被蟹膏包圍香草焗法國野雞仔原隻雞

琴日同朋友慶祝生日，所以就去咗呢間位於佐敦嘅西餐廳~餐廳佈置得好靚，充滿歐陸風情，我地被安排坐響窗邊bar 枱位，影相打卡一流！除咗環境靚之外，食物味道亦非常出眾。我地一共order咗四款主菜(烤海鮮拼盤、霜降牛、睡蟹牛油果意大利飯同燒春雞)，仲有五款飲品。海鮮拼盤有好多款海鮮，包括魷魚、大蜆、扇貝、炸軟殼蟹、青口同龍蝦，所有海鮮都非常新鮮，肉質鮮嫩~不過重點係海鮮下面嘅喇沙醬汁非常惹味，食完海鮮之後，朋友仲要求侍應將醬汁裝起，可想而知有幾好味！霜降牛充滿油花，食落好香，配上炸香嘅蒜片一齊食就更惹味喇~不過就略顯分量太少......至於睡蟹牛油果意大利飯，味道非常濃郁，估唔到蟹肉、蟹膏同牛油果嘅味道會咁夾，整體口感好creamy，但係又唔會覺得好膩，真係好好食！！燒春雞嘅味道都相當唔錯，無論係邊一個部分肉質都好嫩滑，雞皮微微燒香，有淡淡香草同蜜糖香味~呢間餐廳嘅飲品選擇非常多，我飲嘅係叫做“Green Summer Cooler”嘅mocktail，係用薑啤、薄荷、菠蘿汁、青檸汁等材料調製而成，飲落非常冰涼清新，酸酸甜甜，好適合夏天飲呀！另外值得一讚👍嘅係侍應嘅服務態度非常殷勤！兩個字

餐廳位於官涌街，周圍是舊樓，車房，和一所健身室，附近環景是草根中帶點麻甩;而餐廳裝潢雅緻，其中一面為半開放式的bar 枱。客人可以坐在bar 枱餐廳內的部分，邊嘆冷氣邊看街景，又或是坐在bar枱半露天的部分吃串燒飲啤酒。相信這設計是為了方便想邊飲酒邊吸煙的人士。是晚沒有訂枱，只能被安排坐在餐廳內的bar 枱。想吃點肉，但餐牌𥚃的肉眼扒足足有400g，對中年人來說太大份量，於是點了完全美式風情的燒排骨，mushroom risotto。前菜點了蛋餅。先來的蛋餅賣相相當漂亮，未開始吃先嗅到伴碟的雜菌的清香。切一小口，先吃到的是餅皮的脆和熱，以及濃濃的牛油香，就像是吃曲奇皮蛋撻一樣過癮。中間的蛋混上了波菜，為滑滑的蛋帶多一點點口感，好吃，但個人覺得菜味蓋過了蛋香是一小瑕疵。野菌意大利飯非常香而且creamy ,亦沒有因應港人口味而煮得太淋,對辦至極。至於燒排骨...實在不明白為何會出現在法式餐廳內，但其品質是沒有挑剔的餘地。甜中帶少辣的排骨，火喉剛好至骨肉分離，豬肉香濃，佐以牛油粟米化去油膩感，好吃。是晚以不知名紅酒配之，時至執筆之日仍回味無窮。值得一提的是，由於是晚坐的是bar枱，而枱的另

平日工作假日總需要找朋友放鬆心情傾訴暢談這間餐廳位於柯士甸站附近大廈附近一間附有特色的西餐廳內裡環境優雅浪漫氣氛牆上以白框為主題 帶出純白簡歐風格Bar台一邊內坐一邊外坐外牆掛上假盤裁裝飾植物擺設帶有歐綠田園風絕對適合慶祝、約會、朋友伴侶暢談的好地方夜晚更可觀看世界盃與朋友點選了1款前菜~菠菜野菌法式蛋批3款烤點~明太子烤雞翼鹽燒熊本霜降牛肉烤焗龍蝦海鮮拼盤1款甜品~酒香心太軟伴甜酒汁除了優質服務外食物質素亦相當不錯 較為高水平！菠菜野菌法式蛋批$48$48有這味道加上優雅的環境絕對是物超所值！賣相吸引 面上的野菌啖啖香濃可口餅底鬆脆 入裡配有菠菜蛋 口感軟滑豐富鹽燒熊本霜降牛肉$98先唧上少許檸檬於面上牛肉半熟嫩滑鬆化肉質鮮嫩多汁 油花細密 牛味濃郁！配上面上的蒜片 味道爽口嫩滑推介！明太子烤雞翼$32有些人嫌明太子太鹹但釀入雞翼中 與雞肉的味道搭配就味剛好！辛辣明太子釀入雞翼內外皮甜甜脆脆的入面帶少許辛辣 開胃可口！烤焗龍蝦海鮮拼盤$298份量多足料 抵食！有6款海鮮芝士焗龍蝦、扇貝、炸軟殼蟹、花甲、北寄貝及魷魚先食最面的炸軟殼蟹外皮脆脆入口軟腍吃入口鬆脆味道極佳 而龍蝦蝦身肥厚多

預上父親節加端午節的長周末，就梗係出去搵好野食慶祝下啦，book左位於柯士甸有著法文名字的西餐廳，雖然係西餐廳，但走半開放式的輕鬆路線，不怕吃法國大餐帶來的壓力，哈哈。枱上放上小蠟燭幾有feel，哈哈，廢說唔講太多，落單先，昰日餐單就由男仕拍板。脆蟹肉薯丸（$68）先來第一個小食， 顧名思義就是炸蟹肉加薯仔做成的丸子，外脆內軟綿綿的，蟹肉鮮甜，點上中間的辣醬更惹味。菠菜野菌法式蛋批（$48）見隔離枱點了香香的，我們又來一客先，圓圓的蛋批上伴了大量雜菌，散發著濃濃的菌香，還有黑松露香同蒜香，未食已流哂口水啦。外層焗得香脆，內裏是切碎的菠菜混入蛋漿，軟嫩香濃，有著濃郁的蛋奶香，酥脆的餅底還有強烈的芝士味，十分對胃，大伙兒嚷著要encore，哈哈烤玉桂南瓜伴煙芝士（$58）接著是烤南瓜伴芝士，貌似簡單的一度小食，但還是讓味蕾帶來無限的沖擊。加了玉桂調味的南瓜件微甜香口，烘得很脆，內裏還有一絲絲的南瓜纖維，口感好棒，伴上菲達芝士鹹香十足，堅實有咬口，一鹹一甜意外地配合，好好味鹽燒熊本霜降牛肉（$98）愛肉食的男仕們又怎會放過牛扒，是晚的肉眼扒無貨，轉戰了和牛，沒想過會是如此驚豔，牛扒燒熟後切件