FooDo

營業中

休息中

今天在旺角逛街，不知道吃什麼，無意中在社交平台上發現了一家小小的手工意面店，覺得挺有趣就決定嘗試一下。進店後雖然人不多，但環境乾淨明亮，給人一種很舒服的感覺。我們點了兩款意面，一份是A1奶油汁豬肉手工寬面，另一份是A3不辣的番茄汁豬肉寬面。先說A3，番茄汁微酸，味道不錯，搭配有嚼勁的手工寬面和爽口的豬肉，整體口感非常令人滿足。然後是A1，奶油汁香濃順滑，豬肉煮得剛剛好，再加上攪拌後的生蛋，意面略帶硬度，吃起來層次感豐富。我們還加了18元的套餐湯，今天的湯是蘑菇奶油湯，香味濃郁，裡面有新鮮蘑菇的顆粒，完全不是罐頭湯的感覺，非常有新鮮感。另外點的套餐水果茶，口感清新解渴，不過果味比較淡。總體來說，這家手工意面店雖然人不多，但味道誠意十足，套餐湯和意面都相當出色，值得一試！

今日同女朋友行到旺角諗唔到食咩好，無意間喺IG上發現咗一間細細嘅手工意粉店，覺得幾有趣就決定試吓。入到去雖然唔係好多人，但環境清潔、光猛，有種舒服嘅感覺。我哋叫咗兩款意粉，一個係A1忌廉汁豬肉手工闊條麵，另一個係A3蕃茄汁豬肉闊條麵（唔辣）。先講A3，蕃茄汁微酸，味道唔錯，配合手工闊條麵嘅咬口同爽口嘅豬肉，整體食感好滿足。再嚟係A1，忌廉汁香濃順滑，豬肉亦都煮得岩岩好，加埋隻撈勻咗嘅生蛋，意粉啱啱好硬身，食落有層次感。我哋仲加咗$18叫個餐湯，蘑菇忌廉湯好香濃，湯入面有粒粒蘑菇，非常有新鮮感。另外叫嘅套餐水果茶，味道清新解渴，不過果味比較淡。總結嚟講，呢間手工意粉店雖然唔算多人，但味道有誠意，餐湯同意粉都相當出色，值得一試！

我們於4/9（二）約中午🕛十二時到達餐廳，由於剛開門沒多久，當時只有一個店員，餐廳光猛簡潔。後來有2個店員回來上班😗我們叫了2個套餐（主菜+飲品）及一個甜點，甜點亦可當套餐咁叫，店員建議我們單點，如果真係想再叫飲品，先計套餐價。①飲品：凍冷泡玄米茶：有淡淡的玄米茶味🥃②主菜❶忌廉汁 菠菜葉 車打芝士 手作闊麵（$69）：滿滿的芝士🧀️，有不少香草🌿，菠菜感覺可以多啲🤣，而撈埋手作闊麵就有芝士拉絲的效果，手作闊麵🍝粗粗的，煙煙韌韌，個人非常喜歡💕❷白菌 車打芝士 馬蘇里拉芝士 松露油 手作薄餅（$106）：比想像中多菇菌🍄，芝士與菇菌平衡得非常好👍🏻，分了4塊，吃的時候，薄餅與餡料沒有「分離」，值得欣賞🤩❸日本炒蛋車打芝士 烤焗餅（$65）：外形有點像中式咸煎餅🫓，炒蛋加芝士無得輸，略嫌黑椒味有點重，烤焗餅邊邊口感非常得意，亦不會過硬😝埋單不用加一，服務不錯，小店溫馨，以平民價錢吃到手作意粉，物超所值

Cream sauce pasta with egg and pork- the pasta texture is quite decent but wish it could be cooked a minute longer for a perfect al denté texture. Sauce is nice, pork is chewy and mixing with the Japanese raw egg makes the sauce more rich and appetizing to the eyes too. ($98 for dinner set)Cheesy fried chicken- I probably like this the most. Crispy yet not too oily, juicy and smooth chicken with a bit cheese flavor making it not too oily feeling. (+$48)Caramel comb ice cream pancake- the pancake

睇show前食個快餐，揀咗間唔使排隊嘅手工意粉。一個係辣蕃茄豬肉意粉加芝士，撈一撈，又creamy 又juicy，辣同鹹味都剛好。另一個係無汁嘅香辣牛肉菠菜意粉，呢個就太重手太鹹，撈勻咗都係偏鹹，反而我係鍾意牛肉質感同調味，另一半則嫌太韌🥲 喜歡手工意粉嘅麵體，麵芯硬硬的，麥香蛋香都不錯。最後加點嘅Dutch baby pancake with Scrambled eggs，嘩，真驚喜，邊邊脆脆，中間的蛋和芝士軟滑，口感豐富😍 下次可以試埋甜食😋

男朋友帶我食嘅foodo🤭手工意粉🍝店員好nice係咁同我地有傾有笑😳仲介紹左隻魷魚意粉比我地試🙌🏼食落意粉口感很好 好煙韌但唔會過硬醬汁加埋辣粉一齊食都好濃厚魷魚係新鮮的 整體不錯喔手工pizza外面好脆 調味都唔錯🍕豬頸肉食落都香口會比較推薦手工意粉多甜品加埋天使脆脆 食落係一個空氣感嘅pancake即刻整 同埋幾有特色整體野食不錯7.5/10FooDo (旺角)旺角通菜街1A-1L號威達商業大廈地下C號舖

限時：1小時背景：林秀怡開感覺：間野好迫，快餐店都 好過佢，被照騙。環境：同隔籬枱係完全黐埋一齊。長形舖頭冇一個角落唔係放住啲枱，當你講嘢嘅時候好似隔籬左右全部聽緊你講野，同枱一齊傾緊偈咁，私隱度係0。店員：啲呀姐手忙腳亂，同你講野又痴到極埋，其實唔係咁熟，可以保持番少少距離。食物：其實啲味道唔錯，之但係擺盤好似快餐店，隻白色膠碟勁細隻，而且超級輕，好似快餐店啲餐具仲靚過佢，同埋大碟過佢。**但係佢收緊嘅價錢係中價西餐/Cafe嘅價錢**你expect坐下傾下傾嘅話，啲野食係decent 令令仔仔嘅話，sorry！我可以話俾你聽：係照騙🙂‍↔️有錢都唔想俾佢咁賺法。我知道香港地租貴，但當你有比較，就會覺得佢想盡快cap一筆水，唔理你坐得舒唔舒服，食得開唔開心，呢個我係好唔鍾意🙂‍↔️🫠一係你俾啲咁嘅女人街迫到爆嘅餐廳環境同快餐店嘅擺盤我，你就收番快餐店價錢。

今次一共嗌左2個意粉兩個都幾好食啲staff既服務都幾好 態度幾好最推 香辣新鮮牛肉乾蕃茄菠菜葉配自家製手作闊麵 麵質幾好 煙煙靭靭 牛肉幾好食 香辣得黎幾惹味 份量啱啱好忌廉汁豬肉日本生蛋手作闊麵都好好食 忌廉吾會太膩 豬肉好好食 有啲似漢堡扒既味道 好惹味 加埋生蛋 成件事好creamy仲嗌左個薯仔沙律 入面有青瓜洋蔥甘荀同我想像中吾同 超有口感

忌廉汁鳳尾虎蝦、菠菜葉配手作闊麵😔第一啖個忌廉汁都算幾香，闊麵都有口感不硬而掛到汁，不過keep住食會覺得個汁會續漸濃味。感覺好似有加蛋係入面，對我而言好似有種腥腥地嘅感覺，個人感覺不能客觀睇🤔🤔🥹。 不過個鳳尾虎就好鹹，看到表面佢哋用大量香料落蝦到，不過就食唔到香料味，只係食到鹹味。唔個種食鹽感，而係簡淨你食到係好鹹，即使用啲汁想蓋過都唔得。🫠🫠玄米茶好濃味嘅玄米茶，同個意粉唔係好夾。食意粉係會想清清個口，不過過濃茶味，令到每次飲完都只會留咗玄米茶個種苦澀味係口。🥲可以一試不過去過一次我就唔會再去PS 唔好只係睇相，因為個價值已調整咗，加咗價嘅情況每個都明。不過100幾食以上食物，個人而言，性價比都幾低下😂另外，唔關食物時，咁啱隔離枱坐咗3個年輕人講嘢都好大聲下，我由入坐聽佢哋講中學男女同學到大學，演唱會之類都聽晒。講真都幾煩，我已經戴耳機都仲可以聽到😂，可能佢哋係想分享俾我知啦🤷‍♀️唔係針對年輕人，而係想大家去食嘢見朋友，開心之餘都比少少尊重其他人🥹

係ig 睇左啲foodie post所以先黎，講到話手工意粉，al dente，醬汁香滑，啲麵掛汁。全部都唔係😵 首先樓面個姐姐粗魯又無禮貌，講野199。 落單既時候話要2個忌廉白汁豬肉生蛋意粉+水果茶，個姐姐話：而家煮緊一個。 我同我個friend 一頭問號，然後問：咁即係無得叫個生蛋意粉？ 姐姐再答：唔係，不過而家煮緊一個。 我同我個friend 繼續一頭問號，問：咁即係點？另一個遲啲上都得。姐姐話：無得後上。我地繼續一頭問號，問：咁即係咩意思？ 咁即係有得叫定無得叫？姐姐話：喔…即係你地唔介意等啦落單落到咁都係第一次水果茶黎到，係好淡好淡既酸甜水果茶，好唔好飲見人見智，我就覺得唔好飲好啲個意粉黎到，份量勁細，啲麵質絕對唔係al dente！！係硬lol 無乜麵粉香味。個汁水汪汪咁一啲都掛唔到上個意粉到又無乜味。個豬肉就淨係得香草味… overall成碟野勁失望，唔好食仲帶左個friend 去食…勁失望

女人街兩旁食店林立，其中就有一間主打手工意粉及手工薄餅，全部自家製作非常有心思!!👨‍🍳- 雙重芝士·肉醬自家手工闊麵 HK$128 🍝經典味道出色手工意粉!!自家製手工意大利闊麵散發迷人蛋香，外層口感柔軟滑順，中心爽口有嚼勁。肉醬由牛肉及豬肉混合，味道香濃且油潤，搭配大量芝士，奶香及肉香相互融合，超好食!!- 日本太陽蛋菠菜·車打芝士自家手作薄餅 HK$106 🍳🍕新派日式口味有驚喜!!薄餅餅底非常香脆，每一寸都覆蓋著濃郁車打芝士!!太陽蛋熟度剛好超流心，蛋味濃郁!!菠菜新鮮且帶有甘甜香氣，整體味道豐富又感覺健康!!- 薯仔沙律 HK$32 🥔🥗日式味道!!軟滑香甜薯仔粒及薯蓉混合青瓜、紅蘿蔔及洋蔥等爽口配料，味道清新，口感豐富!!

人生第一次為一間餐廳留低cm🙏🏻今日見到ig上面介紹呢間手工意粉，覺得賣相都好吸引，於是決定過嚟試，開啟中伏之旅。首先就係餐牌都幾油，跟住侍應嘅服務無話差，但係都無話好。跟住就係重頭戲，叫咗個忌廉汁意粉同埋蕃茄汁意粉，加咗個蘑菇忌廉湯。忌廉汁意粉食落去只係去到正常，真正出事嘅係蕃茄汁意粉同埋蘑菇忌廉湯。蕃茄汁意粉只有一個酸字，成兜嘢之有蕃茄嘅酸味，已經接近唔係食物嘅水平。食到一半真係想放棄唔食，最後覺得唔想浪費都係食晒。蘑菇忌廉湯仲過分，聞落去嘅時候好香，但賣相有啲似嘔吐物。一飲，佢無論係口感定係味道都出事，佢口感太澀，叫蘑菇忌廉羹會更加合適，跟住佢嘅味道好奇怪，最重嘅唔係蘑菇或者忌廉嘅味道，完全食唔出嗰種係咩味，可能係我孤陋寡聞。呢個蘑菇忌廉湯已經唔係屬於食物嘅範疇。希望有人睇到我呢篇cm，救得一個得一個🙏🏻

佢開舖嘅時候好多人排隊，所以今次搵咗平日夜晚去食，唔使排隊就可以入。門口就可以睇到係手工制嘅意粉，以前未食過仲以為佢係韓國菜，點知係有心思嘅小店做手工制意粉。舖頭唔算好大，睇落去應該得三個職員，廚房同兩個服務員，唔使等位，但係都有八九成滿客人不斷地來。第一個叫咗醃肉蛋意粉，芝士加松露粒好好食，個意粉唔係好熱，所以隻蛋撈勻之後唔會熟到即刻出現蛋白，好融入個自家製忌廉醬入面，咁啱我哋嗰隻蛋黃好大隻，食完仲有好多汁喺個碗度，建議好似我哋咁用嚟點埋其他嘢食，因為係手工制意粉，所以係偏挺身嘅版本，要睇個人口味鍾唔鍾意食呢款pancake有鹹嘅亦都有甜嘅，我哋今次叫咗鹹嘅款式，上面係滑雞蛋，我就係攞咗佢嚟點埋意粉嘅忌廉汁，味道更加昇華。一路食佢都仲係滑蛋。最後叫咗個車打芝士醃肉火箭菜薄餅，由於係小店，所以佢真係即叫即整，如果大家要食薄餅可能就要耐心等吓或者一早叫咗先。依隻醃肉就同意粉嘅一樣，由於朋友在加多咗一份車打芝士，所以芝士味道超級濃郁，亦都會偏向飽肚薄餅屬於薄批類似餅乾款。建議大家嚟到都可以試吓唔同口味。

1月踏入2024年，最岩約身邊朋友見面食飯，今次去左旺角小店，地址吾算難搵，餐廳吾大 ，但簡潔乾淨。叫左兩個套餐，一個小食同一個甜品❤️全部都係自家制，價錢都好大眾，好有誠意嘅餐廳😝叫左忌廉汁醃肉，日本生雞蛋手作闊麵，留意番呢個餐只限堂食，可能因為有生雞蛋關係🤭 所以上桌後要自己盡快撈勻，本身都已經好多汁好creamy，撈完後更增添一份蛋香，醃肉方面亦都好入味，肉質薄薄的吾會太厚，口感亦都吾會太韌，手作闊麵都好彈牙，果然係餐廳嘅主打👍另一個就叫左個pizza，菠菜葉,車打芝士、馬蘇里拉芝士手作薄餅 ，size比想像中大份，皮屬於係薄底，熱辣辣食，食落口感非常柔軟，加上滿滿嘅菠菜葉同芝士，濃濃芝士拉絲中帶啲清新感覺烤焗芝士雞塊外層食落好香脆，溫度仲係熱辣辣，入面肉質都係好嫩焦糖脆脆蛋糕吾會太大份量，味道吾會太甜，但脆脆都算多，一啖蛋糕一啖焦糖脆脆👍隨套餐付送有水果茶 ，淡淡嘅味道，吾會太甜

旺角女人街不嬲多嘢食，今次試一間主打手工意粉同Pizza嘅FooDo。上網Search發現係藝人林秀怡開，質素應該有保證。今次比較想食意粉，所以同朋友都揀兩款唔同嘅意粉share食：蕃茄汁鳳尾虎蝦、菠菜葉配手作闊麵闊麵充滿蛋香，麵質結實，食得出係手作！蕃茄汁都好開胃惹味，落單時可以要求加辣，我地加左都唔算好辣。特別一讚虎蝦，肉質爽口彈牙，幾好食忌廉汁醃肉、日本生雞蛋配手作闊麵卡邦尼加蛋汁真係冇得輸，勁Creamy! 而手工意粉都好掛到汁，同醬汁好夾，另外醃肉食得出都係自己用豬肉醃成，唔會好似出面咁落煙肉，都幾有個性。加錢試左溏心蛋同薯仔沙律。溏心蛋生熟度啱啱好，滷得好入味，而薯仔沙律都係日式居酒屋style，將醃青瓜、洋蔥切碎再拌入薯仔沙律之中，幼滑得嚟帶啲口感。意粉套餐免費配水果茶，入口唔甜，感覺幾健康。平時食手工意粉閒閒地都百幾二百蚊一碟，呢度食只需要100蚊左右，仲送埋野飲，性價比相當高，行過旺角真係要試下。