影片
營業時間
今日營業
12:00 - 20:30
星期一至日
12:00 - 20:30
公眾假期
12:00 - 20:30
公眾假期前夕
12:00 - 20:30
以上資料只供參考, 請與餐廳確認詳情
相關文章
逸東food court呢度嘅餐廳我都幾乎試勻哂，唯獨呢間越南粉我未食過，因為佐敦油麻地嘅越南粉選擇都多。-今日叫咗個特色濃湯雞絲湯粉試吓，雞絲嘅份量都幾多，仲有雞丸同鵪鶉蛋。佢嘅湯底真係好濃，同平時出邊嘅越南粉嘅清湯唔同，濃湯配雞絲真係最正嘅配搭。-Lunch set就包埋一杯嘢飲，唯獨覺得價錢嚟講，同出邊其他街舖越南粉差唔多，不過你會expect food court價錢會平啲，但比到呢個質素我都覺得會再回頭食。
繼續閱讀
我間中黎食下午茶，其實啲嘢食ok, 係個戴眼鏡職員唔ok, 唔係懷疑聽力有問題，就係社交能力較低。 因有食物敏感，我想問清楚春卷係乜肉做，佢竟然答唔知，我「吓」左一聲，我問多次，佢竟然再答多次「我唔知春卷係乜肉做」，我個刻好擔心啲春卷其實係人肉造，係懷疑佢係邊度入貨⋯⋯不安之下，立即打退堂鼓重申一次，其實啲食物ok, 如果你唔問係咩肉造嘅話⋯
繼續閱讀
兩個人嗌咗三樣嘢沙嗲雞扒飯 ：果汁基本上死甜 沙嗲係完全冇乜味 之後塊雞扒都好乾 仲要冇乜味 豬頸肉叻沙： 豬頸肉都係無味 仲要好油 個喇沙算普通過得去同埋沙嗲牛肉串燒： 成串嘢完全燶晒 咬落去係食緊鑊燶咁 又冇乜牛肉味 賣相本身已經差 食落去仲失望 唯獨晚飯凍飲加$5 同埋都唔算好貴 不過冇下次環境嚟講呢度酒店 幾特別 唔算嘈
繼續閱讀
之前嚟依間酒店食自助餐見到依間越南餐廳。見佢啲價錢又唔貴，又多款式選擇，所以決定今次試吓佢啲越南扎肉髮包，點知就中伏。個價錢$30/1個單點，加嘢飲下午茶要加$5。正常越南法包入邊應該要有豬肝醬，芫荽蔥。依幾樣嘢都係靈魂所在，但偏偏佢冇。入邊只係得沙律醬，有啲生菜，有啲酸蘿蔔絲之類嘅嘢。扎肉得兩三塊，咁價錢$30我都唔預啲扎肉會好多，但係冇豬肝醬真係敗筆。真心好失望。得個平字。我寧願佢去抬高少少價錢，但係比足料。
繼續閱讀
（10分為滿分：🌕）味道：🌕🌕🌕🌕🌕🌕🌕🌑🌑🌑香茅豬頸肉撈檬($58)夏日熱辣辣梗係食啲酸酸辣辣既野喇😛呢個份量勁大，豬頸肉燒得幾香口，啲撈檬多到唔使錢咁，一個女仔應該食唔曬🤣香茅豬排飯($55)呢個豬扒飯就稍為失色左啲，豬扒比較乾同韌，飯都煮得有少少過硬🫡不過岩曬食肉獸既🫨🫨酸辣無骨鳳爪($34)今日突然想食啲酸辣野就叫左呢個酸辣鳳爪try try, 竟然都有驚喜🤤初初食都唔覺辣，食到中途feel到啲後勁🫡不過細既都勁大碟，大家唔好亂咁叫大size😂😂😂秘製雜感沙嗲串($44)呢個串燒係今日最正既選舉，份量多之餘，每串都燒得好好，唔會乾曬，keep到有肉汁既口感😋😋雖然香茅豬排飯伏左，但串燒黎講豬又佢完全唔鞋🤣椰汁三色冰(+$10)三色冰黎講係碎冰加椰汁再加一大埋綠色啫喱個啲，但因為佢實左太多碎冰，雖然飲落係好涼爽，但敏感牙齒既我飲唔掂😂😂凍咸檸7(+$5)咸檸7就不過不失，粒咸檸雪到實曬，要用力啲篤篤篤範出味，但加$5黎講我就覺得抵飲過三色汁喇😛😛價錢：🌕🌕🌕🌕🌕🌕🌕🌕🌑🌑午餐都只係50幾蚊，已經平過好多而家既茶記鳥🧐同埋啲份量有番咁上下，絕對係抵食之選🤩🤩🤩交通：🌕🌕🌕🌕🌕🌕🌑🌑🌑🌑位於逸東酒店入面food court既一間餐廳，地鐵站行過去都唔近架，大熱天時都會行到出曬汁🥵大家記得要帶定手巾抹汗🤣環境：🌕🌕🌕🌕🌕🌕🌗🌑🌑🌑呢個food court係係酒店範圍入面嫁，望落一層就係食buffet既位置，幾特別的🤣🤣而且佢入面都有特式裝修，位置間算闊落，food court環境乾淨企理，冷氣都好夠，坐落夠曬C服🥰所以夏天熱辣辣去開佐敦諗唔到食咩都可以入去行個圈😺性價比：🌕🌕🌕🌕🌕🌕🌕🌑🌑🌑呢間算係好抵食，基本上我地兜左個圈都係見最多人買呢間，同埋我地一路食都keep住有人幫襯，價錢平份量多，味道仲唔差添😋
繼續閱讀