Funky Monkey

營業中

休息中

星期六下午放工後, 去佐敦區覓食, 想起早前看康熙來了, 看到嘉賓吃尼泊爾菜不斷說好好吃, 引起了我對尼泊爾菜的興趣, 搜尋到佐敦也有一間叫FanckyMonkey 就在我的附近, 就去試一試了。原來尼泊爾菜和印度菜是好朋友, 這餐廳兼做印度菜。<招牌薄餅>薄批底脆,用手食更地道,材料豐富,因為是臘肉腸,以為會比較淡味，但结果是每食一口也有不同的材料,很豐富的味道<辣味雞翼>個 look0k,一上桌已經香噴噴,引死人！我影相時因為燈光問題focus了好久也未ok,友人想快點有得食,立刻幫攞個電話出來我“打燈“,哈！店家還細心比多幾張紙巾,好讓客人食的時候方便拎清靜嘅尼泊爾小店,當愈來愈多鄉里到臨,我這個港女反而更像異鄉人,其實小店經營比連鎖困難很多,個人十分支持小店,加油

今晚奶奶生日食飯，帶奶奶嘗試一間特色尼泊爾餐廳，我地一行3大1細，由於Book 左枱，所以一去到就已經可以入坐，雖然舖仔細細但環境非常特別而且坐得舒適，服務主動幫我地斟水，由於沒有套餐，所以單點*⃣辣味雞翼，我鍾情的辣味，雞翼炸得外脆內軟，上面灑上辣粉，十分惹味*⃣尼泊爾餃子豬肉雞肉湯餃，餃子皮唔算厚，餡料充滿，肉餡已經調味，一咬落去係爆汁，其實個汁幾特別小時候首次接觸薄餅就是這傳統模樣的：這款*⃣招牌薄餅材料包括意式肉腸、辣肉腸、蘑菇、黑橄欖和洋蔥，批底口感與辣肉腸薄餅同樣，食材味道和口感層次豐富又惹味，最喜歡吃到橄欖和洋蔥的香氣，薄餅整體味道不差這店的服務很好，這晚的招呼也非常週到，尤其是那位外籍男仕，服務到位，有求必應，真難得

今日同女朋友第一次去食尼泊爾菜..真系有吾少驚喜...經朋友介紹我地去左一間位於佐敦食正宗尼泊爾菜嘅餐廳..原本以為只是一間餐廳..原來系一間裝修好有異國風情feel嘅bar...好有心思嘅裝修...神秘得黎又帶點狂野風格..我本人就好中意喇.....講返食物先，今日我地就叫左：辣味雞翼- 雞翼超大..肉厚多汁..一d都唔乾..再配以甜甜辣辣嘅辣汁..好醒胃..蒜茸包 - 麵包好脆，仲有啖啖的蒜香味...用作餐前小食相當不錯燒豬肋骨 - 燒得好靚，表面香口，肉質肥美多汁..仲有薯角同沙律做配菜👍

三個女人一個墟？咁四嗰呢星期五晚上想食番啲特別嘅嘢，有次經過柯士甸站附近見到呢間尼泊爾餐廳已經想入去試吓，但係尼泊爾喎，真係唔敢立亂入去先。既然係happy快地，咁就試吓啲新嘢啦。入到去真係充滿晒尼泊爾嘅風味，牆上面仲係用Monkey黎做主題，呢度嘅另一賣點就係尼泊爾雞尾酒啦，星期五晚唔係唔飲酒啊嘛再睇埋個Menu有唔少係尼泊爾做主打嘅菜，其實真係未食過尼泊爾菜真係唔知道係咩味道！最後嗌咗個墨西哥脆片，baby short rib，芝士蘑菇雞肉意粉，薯條，同埋每人一杯尼泊爾雞尾酒🍸碟意粉真係真心好好味囉我覺得，好香嘅芝士味，每條意粉都掛住左啲芝士汁，估唔到尼泊爾餐廳可以食到啲咁有水準嘅意粉！至於雞尾酒，杯雞尾酒一上枱着火㗎，真係睇得又飲得。

係Openrice 比佢中東風味既佈置吸引 覺得真係好有風味！之後見佢個價錢唔係好貴，決定一試😁一黎到既餐湯係一個胡椒湯！不算太辣，但有胡椒既香味^_^到主菜黎啦！個要左個burger，估唔到入面既肉好有驚喜😍食落似係羊肉，好香 不過唔會好羶，。另外個薯條好熱辣辣，而且好似食緊薯格既味道👍🏻👍🏻👍🏻至於個沙律就不過不失only之後最欣賞係杯cocktail!!!味道混合得非常有板有眼!隱藏左酒精既苦味👍🏻不過食物的等候時間較長，無岩傾既fd一路吹水，一路等，真係幾難捱

有緣認識到尼泊爾人，介紹間餐廳環境，氣氛不錯，在這裡感受到民族，藝術色彩！食物方面，當然有辣有唔辣，味道偏向濃味，配上很多不同醬料，非常惹味！有菠蘿Ｐｉｚｚａ香脆可口，湯餃子肉汁鮮嫩，嫩肉排配上炸南瓜，香舐美味，木瓜沙律清新爽口兼有少許，仲有香脆併盤，見到口水流，飲品都很有特色，有酒精類及果汁，選擇甚多，味道配搭好清新！總之全晚食唔停

星期六下午放工後，去佐敦區覓食，經過一間尼泊爾菜，入面裝修有幾隻Monkey 引起了我對它的興趣，皆因我都係一隻Monkey，所以就去試一試了😉“蒜蓉包”一上檯聞到好香，食落外脆內軟，但又不太油膩，趁熱食的確唔錯，值得一食今晚就簡單地揀了”凱撒沙律加煙三文魚”，每人一小碟，分量不多。清爽的羅馬生菜、味淡幽香的水牛芝士片，唔少得仲有捲成花瓣狀、色澤粉嫩的煙三文魚，比想像中好“燒豬肋骨”有水準，肉質更香嫩，搭配店家特調的酸甜惹味的特色醬料😋“蒜香辣椒鮮蝦意粉”炒得好有鑊氣，蒜片香口，鮮蝦鮮甜，辣椒同蝦肉味道，另一個層次，食多幾下越食越惹味😋👍🏻“Tiki Monkey “特色荔枝味雞尾酒，容易入口有開胃好清新，配合返Frankie Monkey嘅裝修好難得搵到咁特色嘅尼泊爾菜，希望大家多啲支持特色小店，唔好淨係去連鎖店

佐敦一帶都有好多尼泊爾餐廳的早排襯住新年，又無去拜年，就周圍去飲飲食食，有好多餐廳都無去，所以就決定去d異國風味既餐廳，因為多數都唔會係農曆新年休息嘛聽聞呢度都cocktail係幾有特色的，d名都幾特別，我就點左一杯god of love酒吧的裝飾都好特別，又紅又綠，整個格局都比都一種好舒服既感覺我好靚靚的cocktail，甜甜地，少少酒味，易入口呢個係periperi chicken，配上辣醬，睇來尼泊爾人都係食得辣的，呢道菜新鮮炸起，非常惹味！tacos fish，配薯片。非常足料呢，有沙律醬係入面，又有蕃茄同埋魚係入面，熱氣中又帶點健康，我仲嫌份量有點多，食到好濟！總括黎講 尼泊爾菜都比到驚喜我，希望之後可以多d試下其他尼泊爾菜式！

第一次食尼泊爾菜，出乎意料好味又驚喜，店內有不少外籍員工，店內比較暗可能迎合晚上變身-》酒吧🍻其實店內好特色很有氣氛，而且店員十分有善，下次同朋友再來先來一杯Virgin Mary🍸Rosemary,salt,lemon,black pepper,Worcestershire sauce,Tabasco & Tomato juice 冰凍未入口已聞到酸酸的味道，令人胃口打開，喜歡酸味的朋友會喜歡的口味Momo pork/Chicken 尼泊爾餃子豬肉雞肉，湯餃咬下去皮很薄，内餡不算豐富，但頗爽口，此時配上酸辣的招牌醬汁，真係perfect！FM signature pizza 招牌薄餅Pizza🍕底脆脆的口感值得一讚，上面的辣肉腸味道很濃郁，豐厚的芝士超級滿足，吃完後會整個口腔充滿濃郁芝士香味，芝士迷必嚐！Spaghetti Aglio Olio 蒜香辣椒鮮蝦意粉🍝蝦大隻彈牙，肉質爽甜，味道鮮美。 用辣椒配蒜蓉炒意粉，非常香辣惹味，意粉口感食落煙韌

今日放工同朋友嚟咗佐敦搵嘢食，見到呢一間餐廳幾有feel就入咗去試吓喇！餐廳入面裝修都幾環境，幾適合傾計飲酒，舒服！Dinner set 都幾多選擇！我地就嗌左 Peri Peri chicken 同 Spaghetti Meatball 兩個 share 食！每個 dinner set 都有附送餐湯或沙律。餐湯係南瓜忌廉湯，湯好厚身，配埋濃濃既黑椒味，好開胃，唔錯！食完頭盤，主菜就黎啦！Peri peri chicken呢個烤雞烤得好香口！配上特製既醬汁，微辣，非常惹味，真係食唔停口！雞肉都算幾嫩滑，而且幾入味，唔錯！值得一提既係個薯角唔係普通既薯角！係用甜蕃薯整既，幾特別！Spaghetti Meatball蕃茄意粉味道唔錯，肉丸好大粒，配埋蕃茄汁食好好味！呢個主菜份量都幾大，唔錯！而我地亦都有嗌 cocktail chill 一 chill，呢杯 Soultini cocktail 賣相好靚，亦好易入口，推介！同friend 放工靜靜地飲下酒傾下計實在唔錯！

貓貓今日過左個超放鬆既星期五。好有異國風情既酒吧，原來酒吧仲有好味既餐食。貓貓今日要飲醉！貓貓order左個monkey colada。好有夏天既感覺，好似去左夏威夷咁。見到杯cocktail都好開心。有貓貓愛飲既菠蘿味，同埋Malibu。成個感覺好夏天麼麼茶。加上天氣開始轉熱，呢杯cocktail真係好啱呢個天氣同氣氛。貓貓既餐沙律都好靚。大大塊芝士片，沙律好fresh，酸味同甜味整得好，好開胃。貓貓期待既peri peri chicken原來咁大份！半隻燒春雞，好香既辣醬，惹味又熱辣辣。切開入邊仲出緊煙，燒春雞整得出邊乾脆，入邊好軟滑，貓貓濕左個嘴啦又。辣醬唔會好辣，係貓貓接受到既辣，食得開胃。特別既係，薯角係用番薯黎整。甜甜地都幾好味，番薯角炸得好脆，貓貓鍾意呢個口感。甜品都整得好滑，而且唔會濟。貓貓覺得呢個套餐真係好抵同好味！貓貓覺得係呢度食野好有氣氛，而且價錢唔貴，野食都好好味。貓貓好鍾意馬嬲仔酒吧。

Obviously I was attracted here by the Tiki Tiki style cockails and Nepalese food.When I got there, it was funky as expected with lots of colourful monkeys everywhere.Sadly as my friend wasn't adventurous we ordered the non Nepalese food, otherwise I would have ordered the momos and Nepalese noodles.Anyway, we had Peri Peri chicken and fish tacos.The chicken was fantastic, it was half a chicken smothered with their Peri Peri sauce which I really liked because it was really spicy and if you have t

今日同朋友去左間尼泊爾人開既酒吧餐廳，播住尼泊爾既音樂，一句都聽唔明，就好似去左第二個國家咁餐廳係以馬嬲仔做主題，有好多馬嬲係牆上 幾可愛每一個餐都會有沙律，呢度D沙律就幾爽口，塊芝士好特別，平時好少食到之後 呢個係Chicken schnitzel ，一大塊既雞扒，配幼幼薯條，仲有一個非常特別既蕃茄醬，少少甜少少酸，好惹味。而幼薯條我就真係好少食，唔同平時食到既薯條。塊雞扒岩岩炸起，熱辣辣，同埋都好大塊，差d就食唔哂最後仲有個甜品送，差d食唔落，因為已經好飽而呢度既尼泊爾雞尾酒都好特別，好值得試，其他地方應該唔會飲到了，真係幾有特色，一路飲，一路食，一路睇波，好爽

friend wants to have a drink 🍹 She has been so good taste Take us to the Wai Ching stnice dinner set And the price ok toomy friend has a hot black teamine Tiki Monkey A mixed cocktail 🍹 juicy and delicious 😋 she has a cheese 🧀 and vegetables 🥒 salad Ok Yet we love the black pepper carrot 🥕 hot soup 🍜 a lot a pizza 🍕 of pepperoni spicyA lot of cheese 🧀 added my favourite is still English fish and 🍟 chips The fish is covered by beer mixed with flour chips is my friend 's love ❤️ She's crazy 😜 and e

又到左一個星期最開心既星期五~ 今晚同男友行開永安買野, 近近地搵間特色野試下, 見咁大個人都未試過尼泊爾菜, 男友又想食下pizza, 就去左呢間試下入去前見到有應該係水煙既野set 緊, 好新奇下呢間bar以木同馬騮為主調做裝飾, 天氣凍既情況下比人一種warm既感覺~餐牌唔少野食, 無論係前菜, 主菜, 意粉, pizza樣樣都有, 以bar黎講好豐富~當然唔少得各種酒類同mocktail啦~不過黎到特色bar, 當然要叫特色野飲下呢杯特飲叫tongba~係尼泊爾傳統熱飲, 由於果度天氣凍, 呢d暖胃又有少少酒精既野就最岩啦~員工介紹連發酵都係係鋪頭自製, homemade得黎又傳統~飲落味道有少少似清酒同米酒呢類, 不過酒味唔會濃飲到咁上下仲可以叫職員再加熱水, 佢地話可以沖三杯都仲夠味可以稱得上特色又抵飲呀男友就試下cocktail~呢杯叫jack's car應該係whisky + lemon +lime, 杯面既係糖霜~飲落個味甜甜地, 酸酸地, 再加埋whisky都幾濃, 幾好飲仲要冇一般bar咁溝得好淡, 我飲左一啖就要放低比番男友了~小食我地叫左calamari ri