影片
港鐵宋皇臺站B3出口, 步行約4分鐘
繼續閱讀
特色
包場派對
營業時間
星期一
全日休息
星期二至日
12:00 - 22:00
以上資料只供參考, 請與餐廳確認詳情
食家推介
朋友介紹說此餐廳食物質素不錯，於是來試一下，可惜大失所望！頭盤：蟹餅（店員推介）——味道一般，中心部份是凍的，大概是預先做好翻熱時間又不足。主菜：1. 羊架——肉質不似嫩滑的羊架，吃上去像羊肩扒，有點韌。2. 西班牙黑毛豬（又是店員推介）——完全沒有黑毛豬的香甜肉味，兼且overdone，又乾又韌。整個晚餐只有配菜的沙律和薯條是有水準的，只能說價錢和食物品質遠遠不成比例，難怪每次經過都見到餐廳內客人寥寥可數。
繼續閱讀
餐廳本身給人歐陸家庭之感覺，坐在大廳梳化上，一邊聽着音樂，一邊吃美食，絕對会再以光顧。是次與父親一同來食，先點了48個月西班牙火腿及crab cake 開胃，好味到無話說。父親點了羊架，肉嫰而不羶;而我則點了香煎驢魚配青口，喜歡吃魚的人一定要試。
繼續閱讀
日前見到朋友手機有張成隻手掌咁大隻既蝦！我呢個海鮮控即刻就去左🤤店內地方不大 當晚只有三枱客（兩張大枱）食物以高檔食材為主甫踏入店內 兩個店主都好nice會同我地介紹食材我仲聽到佢同其他客人講啲蜆唔夠大隻貨源黎得唔靚 叫佢揀其他最後我揀左四件羊架兩隻紅蝦兩板黑毛豬紅白housePeach cocktail全晚只賣淨呢一種月份的黑毛豬偷食再一兩片 忍唔住影低記錄下美好既一刻雖然唔係系香港食過最好食既黑毛豬但係佢既質素都好好店主話係獨家專售我以爲自己食緊和牛 救命之後到大大隻紅蝦真係大隻到 影相個陣唔小心插親手 搞到流血個頭係好多膏配以黑松露麵包其實我覺得紅蝦一般不過男朋友就好鍾意食人一世 物一世 點都要試下啦！！試過就心滿意足❤️羊架有好多肉汁 但係無乜騷味店內好似主要依賴光波爐機 我就鐘意煎下佢啦（想比3粒半）忍唔住再encore店內紅白酒好出色特別係白酒食完可以加$140買支返屋企飲店主話呢支愈歎愈好飲事實上都係放耐少少 味道更勝一層樓總括黎講 雖然呢餐食咗2000幾但係可以品嚐到平時食唔到嘅嘢有靚酒飲 呢一餐比得心甘命抵
繼續閱讀
呢間餐廳收藏左好耐，一直都未有機會試，終於試到啦！比我期望更好食，因為餐廳係open kitchen，可以睇住大廚煮之餘，我仲可以偷下師，最開心係大廚Dennis有問必答，開始擔心喺佢煮緊嘅時候同佢傾計會影響佢，點知大廚果然係大廚，一路同我傾，一路煮，仲一邊自己拎住杯啤酒慢慢嘆，感覺佢唔係當一份工作咁簡單，而係享受!真係好難得!我地叫左西班牙紅蝦，好大隻，大過我隻手(不過可惜我嘅攝影技術影唔出係咁大隻)好多膏，d膏多到可以浸滿塊麵包，好鮮甜Sea Bass皮脆，裡面剛好熟，好嫩海鮮配龍蝦尾，送上枱時，大廚建議食哂蜆和青口和其他配菜先好食龍蝦，我都唔知原因，不過同大廚傾左陣計，又食左之前兩個course都咁正，所以都選擇相信大廚建議，當我食完其他配菜，最後食龍蝦時，我和同行朋友都大叫左一聲，嘩!鮮甜到呢！好過份呀！原來因為龍蝦吸收哂蜆和青口的甜味，如果將龍蝦食先，就可以食唔出其他配菜的鮮味。推介，真係好好食呀！另外仲叫左黑松露薯條，因為諗住薯條冇咩好影，但絕對值得推介，大廚係好用心令到每條薯條都有黑松露嫁順帶一提，好多紅白酒選擇，我地試左House White，$280一支，抵飲，質素唔錯。仲有自家制麵包亦係亮點大廚，我會再黎偷師嫁!
繼續閱讀
幫襯左呢間餐廳都有5年，以前只係貪個地方舒服，食下Iberico Ham，飲下紅酒。大約半年前再幫襯，餐廳已經轉左手，廚師和侍應都轉哂人，原來夫妻二人就是新的店主了。男的從事飲食業務多年，醉心入廚，而女的對紅酒數有研究，所以兩公婆用哂所有積蓄決定自己創業。再看新Menu，除左以往的火腿芝士外，還有之前好受歡迎的蟹餅都有保留。蟹餅比以前更鮮味，原來老闆Dennis將以往的做法再改良，除了每日新鮮拆蟹肉之外，煎香後會再入焗爐焗一焗，令表面更香脆。Dennis話，雖然功夫多左，但咁先合乎佢要求喎果然係一個好有要求的大廚Iberico Ham質素沒變，依然高質如果一間餐廳有吞拿魚他他，我多數都會嗌，Is my all time favorite，呢個做得唔錯，生熟調味都做得啱啱好。啤酒豬仔骨，Dennis話係用慢煮方或烹調，唔怪得肉質咁嫩啦平時食中餐，就成日食椒鹽白飯魚，估唔到西餐就有原來係法國黎嘅白飯魚，魚香的確濃好多，加上Dennis配嘅紅菜頭蕃茄醬，即刻清新好多，唔洗怕食得多會熱氣啦！主菜試左西班牙紅蝦，$388兩隻，老闆好好，見我地5個人，建議我地照價錢除開計，叫5隻，貼心個紅蝦係咁耐以黎食過最最最好食嘅，竟然正過我喺西班牙當地食，煮到半熟，d蝦膏多到湧出黎呀！Dennis好細心，專登配埋麵包，等d蝦膏可以一d都唔浪費，d膏多到可以搽滿塊麵包呀！總括黎講，以前我一年黎兩三次，但呢半年，我已經食左4次，對於一個比較鐘意食中餐嘅人黎講，係真係次數好頻密。好想支持真心有心做嘅小店，當然點支持都要食物和服務好啦！希望呢對新創業的小夫婦可以繼續Keep住對食物認真嘅心，繼續努力啦！另一個招牌菜，黑松露什菌釀春雞，外脆肉好嫩滑，有一次同媽咪去食，佢一向話自己煮嘅野最好食，佢都話隻雞咁滑，連佢都做唔到喎私隱度高梳化位黑毛豬扒外面喺一個小超市
繼續閱讀