Gali

營業中

休息中

同朋友午餐揀咗 Gali 印度餐廳，感覺係份量足夠，味道有水準，仲幾有驚喜。雖然唔係完美，但絕對值一試！Masala Chicken($75) ⭐️⭐️⭐️⭐️香料味道十足，雞肉嫩滑又入味，masala 醬汁濃郁得嚟唔會太膩。唯一缺點係鹹咗少少，但拎嚟配薄餅食真係一流。薄餅 (+$15) ⭐️⭐️⭐️⭐️⭐️呢個係必點！大份得嚟又夠軟熟，男人食都夠飽。拌埋 masala 醬汁食，口感層次豐富，絕對係升級餐點嘅關鍵。加 $15 完全值回票價！送飲品 ⭐️⭐️⭐️飲品冇乜特別，基本款解辣用，但總算有心思送，補充返少少分。服務 ⭐️⭐️⭐️服務態度中規中矩，唔算太熱情，但亦唔會冷待客人，感覺仲有提升空間。總結：呢餐午餐食得好滿足！味道方面幾正宗，薄餅尤其推薦，性價比高。服務未算突出，但食物已經補返呢方面嘅小缺憾。如果鐘意印度菜，真心值得帶朋友嚟試試！食品評分：⭐️⭐️⭐️⭐️（4/5）總體評分：⭐️⭐️⭐️⭐️（4/5）午市印度餐好選擇，特別推介加薄餅！

首先佢嘅咖喱唔太辣，裏面落咗好多香料都幾俾心機煮。可惜黑羊好多肥膏，另外配的米飯並不是印度米。有點兒格格不入😅服務快亦都有禮貌。另外叫咗一個印度奶茶，可能係我飲唔慣印度奶茶口味吧，只飲左半杯

估唔到第一次寫食評係負評，真係忍唔住要喺度comments。平時鐘意食印度薄餅，見食評同食物相好似幾吸引，所以黎試下！一入到去環境屬於係暗暗地黑mama既style?不多人只有幾枱客， 當時去到坐低，自助手機落單，有問題問櫃枱嘅長髮女士staff態度不錯，不會扮睇唔到。食飯份量多，薄餅可2個細食女仔share，味道正常質素。本身黎之前見佢地舖頭寫收夜晚9點，因為本身想食嘅餐廳早收所以過嚟呢度試，坐近廚房位置見到廚房嘅人經過同做野。點知當食野食到好記得係8點20分左右，入面廚房一名中年黑髮男士，應該係廚房幫工？唔知係想趕收工定點？ 一路食果陣無端端feel到有人喺咁望過嚟，望到既時候發現係俾人用好惡既眼神啤住左，好似用眼神同你講，你食完未快啲食完就走，唔好阻住收工。跟著停左一停手冇食之後，果時8點30都未夠，另外2個女仔staff就走過嚟問係咪食完，跟著就收走左我同朋友嘅餐走🤔👀👀 原來未到收工時間，食物未食晒，就要被咁對待？太印象深刻，冇下次了，用餐體驗差。比錢買難受。👋🏻👋🏻👎

其實依間餐廳係唔係轉左手？見到好耐之前喺MM 話係個印度人同佢老婆兩個有心做，好好食，好多人排隊依家可能熱潮已過，無咩人排但最後都有條人龍，不過唔係因為太多人係因為啲伙計chill 到以為佢地黎餐廳散步服務 間餐廳入面樓面有5個人嗰陣有4張空枱但完全唔比人入見到唔係雞嘅咖喱都漏單嚴重唔知點解落唔到薄餅佢地話因為啲薄餅仲整緊，要5-10 分鐘所以鎖左唔比人落我聽到成頭黑人問號吓？咁你照比人落住，遲啲上咪得囉都係5-10分鐘啫。你半間鋪空枱我企喺門口等你比我入座都喺咁等啦不過兩個女侍應都好有禮貌之後有番薄餅都提我（我話：吓…但我落左喇喎）佢地都肯親自幫我換番，咁我覺得都算係咁啦同堆你如果叫雞，真係好快就有得食唔想等好耐建議一概叫雞食物一開始等到真係嬲，加埋見好多人好似游手好閒但又冇人執枱唔安排人入坐嗰下真係嬲嬲地但啲野食估唔到幾好食佢啲咖喱全部隱約有啲蕃茄味butter chicken, masala chicken 兩個都唔錯塊薄餅質感似crepe 多啲如果仲有下次，我諗叫番飯算總計，野食估唔到係真係幾好食嘅同埋68 埋有4大件雞件加野飲真係抵但服務嚴重需要改善可能請番啲快手啲嘅伙計依家

觀塘搵開野食，呢間已經係第二次上黎食，唔係佢幾咁出色，我諗反而係佢既不過不失，價錢唔會貴，令人諗唔到食咩又想食啲重口味野既時候就會諗起佢，當然，如果你未食過，我會建議可以一試！ 位置係開源道隔一條街，一個工廠大廈搭上去，部Lift有啲慢，順帶一提，佢係冇洗手間提供架，要坐返Lift落地下再去商場去，話就話收九點，我八點到佢會同你講八點九要走人，估計係員工冇咩士氣，有得早收就早收，入面裝修係可以話零，燈光昏暗，講食物啦！菠菜烤雞咖喱印度野出名既重味依舊，跟餐可以自己揀奶油烤餅、蒜蓉烤餅或者白飯，我係揀左蒜蓉烤餅既，熱辣辣既蒜餅厚實煙韌，沾上咖喱既口感係非常之好，雞肉雖然小又細舊，但夠滑夠腍同夠入味，值讚香料咖喱軟殼蟹女友嗌左奶油烤餅，我個人就唔鍾意喇，冇奶油皌味，亦冇左蒜餅既厚實煙韌，似就咁一塊越南春卷皮，冇甚特別，我馬馬，不過個軟殼蟹就不得了，本身香料既重味道，加上成隻軟殼蟹食到有梳梳既肉，好味！！Lassi邪惡既乳酪，口感順滑，不過我同GＦ一人ｓｈａｒｅ一杯就OK了，因為飲得出糖份好高，係好味既都！

今次周圍捐窿捐罅，又俾我搵到好嘢。有冇人又係成日食西餐港式食到厭？呢間係觀塘工廠大廈入邊嘅印度餐廳都唔錯。餐廳裝修燈飾雅緻，燈光昏暗，適合情人喁喁細語…（不過係食印度餐🫢）🌈奶油咖喱軟殼蟹 HKD85𝑩𝒖𝒕𝒕𝒆𝒓 𝑺𝒐𝒇𝒕 𝑺𝒉𝒆𝒍𝒍 𝑪𝒓𝒂𝒃 𝑴𝒂𝒔𝒂𝒍𝒂職員介紹冇香料咁辣，啱啲唔係好食得辣嘅人。軟殼蟹即叫即做，十分酥脆香口。缺陷係個奶油咖喱冇香料咁惹味。🌈香料咖哩羊 HKD75𝑴𝒖𝒕𝒕𝒐𝒏 𝑪𝒖𝒓𝒓𝒚 𝑴𝒂𝒔𝒂𝒍𝒂個香料咖喱一嚟到就已經聞到嗰陣香辣味。正宗嘅香料咖喱配烤餅，每一啖都充滿餅嘅香氣和咖喱嘅味道。🍚自由配搭飯 (FREE) /🫔烤餅（naan) +HKD15🔻個人認為叫烤餅同同伴share食已經好夠，個籃起碼有6塊，份量非常足夠。2個女仔食可能一個main加烤餅已足夠。🔻如果唔加錢的話，佢就會自動幫你配飯。留意番呢間舖頭飯量驚人，真係兩個人食一個飯都飽晒🤣⚠️食唔晒唔好做大嘥鬼，記得叫佢小飯。🌈芒果乳酪 套餐+HKD13𝑴𝒂𝒏𝒈𝒐 𝑳𝒂𝒔𝒔𝒊芒果食到有果肉，酸甜適中，加埋乳酪口感非常順滑。

見好耐冇食印度野就黎食下✨菠菜燴羊肉咖哩 配奶油烤餅 $75 + $24冇乜菠菜味 啲羊肉味正常嘅 但有骨… 個奶油烤餅都冇乜特別🙈✨香料咖哩牛腩 $68 + 蒜蓉烤餅（6片）$24個咖喱味幾香 呢個比羊肉嗰個好食 但我覺得啲牛腩都比較老😵 好鞋口 個蒜蓉烤餅好鬆 蒜蓉味幾香 幾好食👍🏻✨Pani puri $42佢係啲炸波波同餡分開上 要自己DIY 但係啲薯仔又冇乜味 個汁又冇乜味🌚 同之前食過嘅唔同 冇咁好食嘅😔🍹Mango Lassi $28呢個質感比較稀 都有啲芒果香味嘅☕️印度香料奶茶 $28個味好特別 好似擺左葉咁嘅香料落去嘅味 偏甜總括嚟講味道普普通通🙈 食完都唔會有太大印象環境有啲迫 同隔籬枱有啲近只收現金味道❤️❤️❤️抵食❤️❤️❤️服務❤️❤️❤️環境❤️❤️❤️💰午餐人均～$120 （唔收+1）

每次入到觀塘午餐都會有選擇困難症，但聽朋友講呢間印度餐廳性價比好高，去試吓先😼✨香料咖哩牛舌 $68牛舌不得了，超級軟嫩，而且都好入味！呢款咖哩配合林林總總嘅香料，令到口感好豐富，帶嚟香辣同埋濃郁嘅風味星星推薦度：⭐️⭐️⭐️⭐️⭐️/5✨蒜香蝦香料飯 $68呢個好有新意，係以炸蝦既形式製作蒜香蝦同灑上香料形成，有少少似食緊炸雞既感覺，但同時保持到蝦肉肉嫩既質地🫢而今次嘅香料飯比香料咖喱嘅層次口感更加豐富，除左小星星聞到啲飯有少少鹹柑橘嘅味道，香料飯就冇咩特別星星推薦度：⭐️⭐️⭐️（⭐️加俾蒜蓉蝦）/5✨奶油咖哩雞 $68雖然睇落份量偏小 但入面有4舊大雞肉 雞肉幾滑好入味 而配合帶香辣既咖哩加上帶甜味既奶油 真係好適合配白飯食😋星星推薦度：⭐️⭐️⭐️⭐️⭐️/5✨奶油烤餅（6片） $24 （跟餐+$15）小星星覺得印度烤餅簡直係印度餐廳嘅靈魂，每次點咖喱一定會配烤餅，但係呢個烤餅真係失望，不單止賣相麻麻，仲好細塊好薄，好難咬開☹️星星推薦度：⭐️⭐️/5🍀記得間餐廳只收現金‼️同埋星期日唔開架

收工約咗朋友去觀塘食飯 朋友係觀塘返工 大推叫我一定試下呢區嘅人氣印度咖哩 好易入口 好啱香港人口味奶油咖哩軟殼蟹奶油同咖哩好夾 啱大部分人口味 連一向對咖哩唔係好有興趣嘅朋友都大讚 原隻軟殼蟹 食到一梳梳嘅肉香料咖哩雞有辛辣味 但唔會太辣 香料味突出 雞肉煮得夠腍 同樣出色香料咖哩牛舌牛舌切得夠厚 煮得夠腍 口感十足奶油烤餅跟餐可以配奶油烤餅、蒜蓉烤餅或者白飯我哋要咗奶油烤餅同蒜蓉烤餅 奶油烤餅好香好有驚喜 建議大家來一定要試 蒜蓉烤餅就不過不失 香料酥炸球味道一般 可以留肚試其他嘢食整體性價比高 大力推薦

猶記得一年前曾經看過米紙的訪問影片介紹一位香港女生🇭🇰嫁給印度丈夫🇮🇳 兩人於港定居並開設印度餐廳的故事碰巧有朋友向我推介這間印度餐廳於是就帶朋友一起去品嘗是日閒日午餐時間到訪 店內座位8成滿 兼且大部分都是香港人眾所周知 正宗印度菜的味道不一定合乎香港人的口味但這間印度餐廳能得到我香港朋友的推薦而且有不少香港人到訪估計其味道略有調整 令其變成適合香港人的口味🤤可能是其成功在觀塘區而非尖沙咀紮根的原因👍🏻咖哩的選擇有幾款而且有配搭吉列蝦🍤、軟殼蟹🦀甚至還有雞肝等頗為少見的選項😲令我眼前為之一亮我們試了Masala Curry（香料咖哩）配軟殼蟹香料咖啡味道酸辣 十分開胃配脆口的軟殼蟹 送飯一流另一道咖哩則選了菠菜咖啡配烤雞菠菜咖哩香料味和辣味頗重令其印度風味大大提升我個人不是特別喜歡太濃郁的香料味所以會較喜歡香料咖哩 不過烤雞味道可口 也令我不知不覺愈吃愈多除了咖哩 當然也要試試這裡的小食和飲品小食我們選了香料酥炸球與其他印度餐廳不同這裡並沒有將醬汁餡料放進炸球中 而是分開上碟 讓人自行配搭好處是能保持炸球酥脆可口不過餡料比其他印度餐廳少 只有薯仔蓉 另一款小食我們選了炸乳酪波雖然中文

係工廈上面 午市好旺！見到有d少數族裔都會幫襯好似真係好正宗咁！每個lunch都會配汽水🥤奶油咖喱軟殼蟹 ($75)加左$15轉蒜蓉烤餅 有成6塊！不過就唔係好重蒜蓉味配咖喱食又真係幾正嘅😋有一隻軟殼蟹 炸得幾脆奶油咖喱呢款食落有番茄味同之前食過嘅唔同🤔覺得番茄味有點重 麻麻地香料咖喱雞 ($68)呢個配飯 都一大碗飯😂有3大舊雞 好飽個咖喱同奶油咖喱個味好似又係有d番茄味 分唔到邊個打邊個😂但好似好食過奶油咖喱整體唔算勁貴又好少食咖喱耐唔耐試一次都ok👌🏼

喺觀塘想食印度咖喱見到呢一間餐廳！選擇都幾多而且都有啲特色小食可以揀～入到去係用qr code落單嘅～社恐人必備！🤣⭐️奶油咖喱雞配奶油烤餅奶油咖哩香氣四溢🤤雖然奶味唔算好濃郁但食落好溫和舒服～雞件入味數量都多！奶油烤餅就正常不過不失～雖然睇落好似唔多但食落都幾飽肚😋咁樣先$68 cp值好高💓

-{觀塘工廈印度菜🥙🌮}🤤 奶油咖哩軟殼蟹+蒜蓉烤餅🤤 ($108)好creamy嘅咖哩汁 軟殼蟹好脆😋而且好多膏😛蒜蓉烤餅少少脆 入面又有啲鬆軟🥰勁快清左個咖哩😍👖褲評: 9/10🤤 海德拉巴羊肉香料飯 🤤 ($75)香料味好重 後勁好辣😂羊肉腍到有啲似炆牛腩 不過係有重羊羶味🥳👖褲評: 8/10🤤 香料酥炸球 🤤 ($42)Pani puri 今次係DIY版本😚有薯蓉 甜酸醬同咸咸地嘅醬 用手指㩒個頂 再整料入去☺️👖褲評: 8.5/10🤤 芒果乳酪（冷） 🤤 (+$13)酸奶味比較重 芒果味較淡同冇咁甜😳👖褲評: 7/10一直想試嘅觀塘飯堂 好出色嘅平價印度菜😙食得好開心🥰性價比: 9.3/10服務: 8/10環境: 8/10🚩 Gali 🚩地址: 觀塘駿業里6號富利工業大廈14樓B號舖 #fuudjai #fuudjai中東菜 #fuudjai觀塘

Long time no met my friend, I went to Kwun Tong intentionally to catch up and search for good west with her. .I ordered Chicken Liver Masala with Rice, while she got Butter Chicken Masala with Rice.The Chicken Liver Masala was impressive. The spices smelled fragrant and the Masala was rich, which was appetizing to have it with the rice. Served with abundant amount, the liver was fresh and soft. The Butter Chicken was not as spicy as the Chicken Liver Masala. It was sweeter and creamier.We shared

🌤️Before visiting Gali, we had high expectations for their food, thanks to a positive interview we saw. Upon entering the restaurant, we found the ambiance to be modest but soon noticed an increasing number of customers. Overall, the food was excellent, with the curry being the standout dish. Unfortunately, I didn't capture a photo of the Chana Masala, which was also impressive.