Gathering (已結業)

又有朋友新居入伙，house warming 後屋主就帶我去食好西啦！選擇都唔小呀，而且價錢也很親民！跟餐餐包麵包烘熱了，外層脆脆的！跟餐沙律🥗沙律內有煙鴨胸、蕃茄、沙律菜發鮮橙，配上酸酸地的醬汁真的很開胃，而且煙鴨胸也很肥美，沒有羶味！美國安格斯肉眼扒配香草燒新薯主角終於出場啦，愛牛的我必然的選擇！我們叫了七成熟的肉眼，廚師把它煎得剛剛好，沒有過熟！牛味香濃，肉汁仍保持在內！香煎盲鰽魚柳拼阿根廷紅蝦份量超足呀！魚柳魚皮煎成金黃色很香口，肉質很嫩滑！不愛吃魚的我也好快把它KO了！而且還伴有薯蓉，幼滑好rich !Tiramisu 侍應大力推介廚師自家制的甜品！果然沒令我失望，cream 打得很滑，甜度適中，還帶有淡淡咖啡酒香，回味無窮呀！Lemon Squash 飯後最好飲杯酸酸地的飲品解解飽肚感，真的是肚著個肚走呢！😆😆

今晚放工直入元朗食Gathering...一路都有元朗朋友介紹呢一間西餐廳，價錢唔貴，入開去係可以值得去試！位置唔算太近西鐵站，但用google map search, 都好易搵到！打開餐牌睇，價錢的確抵食！可以升級做套餐，加$28就有是日餐湯或沙律加飲品！我地就叫咗個四重芝士薄餅，同黑松露野菌意大利飯升級做套餐，然後點左一個野菌炒雜菇，啤酒脆醬炸日本廣島蠔，同埋意式炸飯波！四重芝士薄餅，勁濃芝士味，而且佢有一種芝士係羊奶，點餐時店員會問怕唔怕羶味，我就當然唔怕，而朋友食落其實係接受到嘅，大家都可以試下！至於個黑松露飯當然要大力推薦，好重黑松露味，而且好creamy, 份量亦唔少！另外啲小食都唔錯，野菌炒雜菇好香牛油味，日本炸蠔亦好大隻肥美，炸完唔會好乾身，入面都好juicy！意式炸飯波初時唔知係乜，叫嚟試下，原來係外面應該係麵包糠炸到好脆，入面包住啲意大利飯，口感幾得意，而且入面啲飯仲好濕，唔錯！食咗咁多嘢，飲品仲升級咗都係每人二百幾蚊度，而且真係超乎預期咁好味！

今日朋友帶左來元朗西餐廳，朋友一直推介抵食，而且好味，cp值好高，終於今日來啦。西鐵站行過來10分鐘左右，不算太遠，店入面環境清靜，比較屬於家庭型西餐廳。我地食左：夏威夷風光薄餅（皮薄好脆，值得一提距地係用新鮮菠蘿，喜歡菠蘿朋友一定要試）香蒜炒蘑菇，蒜蓉包（幾種菇類炒得好香，包就非常脆，加配蘑菇濃湯絕配）主菜方面：香煎盲曹魚柳配紅蝦，孜然羊扒，美國安格斯肉眼牛扒（五成熟剛剛好，非常多汁，軟滑）所有主菜都大大件份量足夠，而且可以+28升級套餐，有湯或者沙拉，飲品特飲再+10。（我地就點左青檸特飲，小紅莓蘇打，雜果賓治，凍檸檬茶，非常可以解膩）最後甜品就焦糖燉蛋，同蛋糕（不太甜不錯）一個非常滿足晚餐完成啦，大大件勁抵食!

從元朗豐年路輕鐵站走到這間開業不久的西餐廳Gathering。鄰近車房街，附近都是車行或五金舖，沒想過會有這麼精緻的西餐廳。環境整潔寬敞，裝潢雅緻可愛。先端上一客餐包。看到唧花牛油忍不住多拍一張照片。脆炸德國鹹豬手 $178一來便點了重量級炸豬手，份量十足，香氣撲鼻。外皮炸得酥脆可口，不會過硬和油膩，肉質嫩紅軟滑，輕易便能分開骨肉。蘸蜜糖芥末醬來吃，酸甜微辛，配合豬手底下的西芹薯仔沙律和酸椰菜，清爽醒胃。酸椰菜為德國傳統醃菜，以新鮮椰菜絲加鹽發酵而成，毋須加醋，取其天然酵素的酸味，伴豬手一起吃有解膩消滯之效。黑松露野菌意大利飯 $128黑松露味非常香濃，醬汁如忌廉般幼滑濃稠；燉飯顆粒分明，煙韌有嚼勁之餘不會有生米的感覺。配料簡單，更能品嘗意大利飯的味道，兩個人分享剛剛好，不怕膩。南瓜忌廉湯 每份主菜加$28可轉成套餐，有沙律或湯，加飲品。是日餐湯為南瓜忌廉湯。忌廉湯也能拉花，奶香幼滑，南瓜蓉清新。煙鴨胸沙律大大片煙鴨胸配新鮮沙律菜，清爽開胃。炸美國薯條 $48連皮粗薯條炸得香脆，配蒜香沙律醬頗惹味。Tiramisu $58餐牌沒有甜品，一問之下原來有hidden menu！甜品款式天天

早排經過元朗安興街發現呢間新開無幾耐嘅Gathering, 呢晚就特登同老公嚟幫襯下。餐廳裝修有情調，用餐感覺舒服。打開餐牌一睇，主菜加$28可轉為套餐，可選是日餐湯或沙律，另外包一杯飲品，十分適合我哋。是日餐湯：紅菜頭紫薯忌廉 - 賣相精緻，拉花漂亮。清新嘅紅菜頭味同忌廉味十分夾， 口感 creamy有質感煙三文魚藜麥沙律 ($78) - 煙三文魚肉質緊緻夠新鮮，配上三色藜麥、酸甜嘅香橙及蕃茄、爽口沙律菜、鬆化松子及帶咸味嘅續隨子，味道豐富又健康。輕煎北海道帶子墨魚汁意大利飯 ($148) - 兩面煎香嘅帶子鮮甜爽口，墨魚汁意大利飯味道鮮美，口感creamy又略帶少許嚼勁，加上飯入面嘅蕃茄仔，鮮美好食。美國安格斯西冷扒配蒜香薯條 ($208) - 牛扒約1寸厚，我哋order5成熟，牛扒煎得均匀，表面仲帶微微香脆，火候控制得好好。牛味香濃，肉質細緻略帶咬口，加上法邊豆、炸薯條及車厘茄，係一個唔錯嘅選擇。熱咖啡 - 最後嘆返杯咖啡為呢餐劃上完美句號。😋😋😋

水牛芝士沙律因為冇轉到set，所以另外叫左沙律。軟淋既芝士同爽脆既蕃茄好夾，好清爽。進菜可以加$28轉set有得揀沙律或者餐湯炸魷魚圈依個小食一般般，$68有6隻。炸粉比較厚，一夾就散曬，不過個他他醬幾好味。蟹肉意太利粉一黎到見到醬汁好creamy，以為會好膩，但係食落一啲都唔會！意粉煮得岩岩好，而且比想像中多蟹肉！配埋蕃茄同火箭菜好好味安格斯肉眼扒配香草燒新薯配黑淑汁肉眼扒10oz只係用小小鹽調肉，非常香濃牛肉味，完全唔洗再點汁，而且肉夠淋外皮小小脆，非常出色

話說肥駿最近搬咗入元朗，上星期幫佢搬野之餘亦順道跟佢搵野食。最終佢就同我去了屋企附近嘅Gathering啦！Gathering主打西餐，菜式選擇唔少。而店內裝潢幾得意有趣，我估係希望客人可以愜意地享受食飯嘅時刻。同其他餐廳一樣，點完餐就上麵包。食個香軟嘅麵包，為主菜做好熱身💪🏻接著就係餐湯湯餐好大碗呀！不但上碟賣相吸引，更係味道濃郁！食客眼中好基本嘅餐湯，餐廳都用心準備，好impressive！一間餐廳嘅質素，其實亦可以係細節度反映出黎！輕煎北海道帶子墨魚汁意大利飯帶子都幾大塊，食落無半點冰鮮味！墨汁Risotto 好creamy，飯的軟硬度也掌握得恰當！牛腹肉牛扒配香草燒新薯值得留意的是餐廳真係做到medium rare，代表chef對火喉控制得好好！煮到medium rare可以令到肉質嫩滑，同時亦可以保留牛扒嘅肉汁。而且切件上碟亦好窩心，食得超方便Gathering確實可一可再呀！

朋友介紹左哩間西餐廳，叫我地去食，結果西鐵站落左，穩左一輪，終於穩到啦，一開始入面時候覺得哩度地方甘細間西餐廳，真好食？過左一陣居然坐滿人，應該做熟客比較多。我地幾個人叫左個夏威夷風光薄餅，薄批，包括距地值得一讚係距地菠蘿係用新鮮菠蘿，喜歡菠蘿朋友可以叫哩個薄餅。香蒜炒蘑菇：裡面有幾種唔同菇類炒得好香，而且好濃蒜味。蒜蓉包：烤得非常脆，而且好香蒜蓉味，配上跟餐忌廉蘑菇湯非常好味。輪到主菜啦，我地叫左美國安格斯肉眼牛扒（5成熟）、香煎盲嘈魚柳配紅蝦、仲有一個羊架。牛扒方面真係非常肥美，入口多汁嫩滑。盲曹魚，煎到外脆內軟，好香，陪上秘製醬好味。羊架方面，比平時食嘅嫩滑，多汁。而且幾個主菜價錢不貴，大大份，還配上不同味道薯蓉，第一次食西餐連薯蓉全部食曬，好味道。而特飲方面我地叫左：小紅莓蘇打（不是很甜非常好）青檸檬蘇打⋯⋯一定唔少得緊係甜品啦，實在太飽只點左2個熱門：焦糖炖蛋，蛋糕，2個甜品都好好味而且唔甜。總結，不枉此行花時間穩到哩間味道不錯而且價錢便西餐廳

有時候係繁忙既鬧市中食飯，往往都係食得好急趕，完全享受唔到個種細賞食物個種感覺。所以我今次就走到元朗既Gathering，同我既女友遠離繁囂，寧靜地拍下拖共進晚餐。餐廳裝修簡約，睇完個menu之後我地就叫左煙三文魚藜麥沙律 (HKD 78)，巴馬火腿野菌薄餅 (HKD 138，加餐湯加HKD 28)，美國安格斯肉眼扒配香草燒新薯 (HKD 228，加餐湯加HKD 28)。餐飲要左熱檸茶同熱檸水。在等美食黎之前，餐廳送上餐包，口感鬆軟，味道唔錯。而個餐湯係磨菇湯，上面個拉花拉得好靚，賣相唔錯。先黎既係沙律，賣相好靚，顏色繽紛奪目，有唔同顏色既水果，煙三文魚又多又大件，味道非常鮮甜。至於個薄餅，賣相唔錯，非常香脆，芝士味濃，巴馬火腿同野菌個味道好夾。至於個安格斯牛柳，大概5成熟，好大份，有入口即溶既感覺。正熱檸茶同熱檸水，味道不過不失。

朋友生日要揾地方聚一聚，search元朗就揾到依間叫"Gathering"餐廳想揾間小店坐得舒服又方便傾計，睇相個場都幾靚就去試試~餐前有牛油配切片麵包，牛油軟身無鹽，查咗厚厚嘅牛油係麵包上面，食起嚟囗感似奶油，可能因為無鹽嘅關係，少咗一份咸香嘅味道。麵包乾身唔鬆軟，有啲似隔夜包嘅質地，令人失望加$28可以配湯/沙律+飲品，每款食物價錢都過百但都冇配餐，價錢都算偏貴因為要加錢先有set，我地只係叫咗一份share食沙律。沙律份量唔多，芝士得幾粒仔，沙律菜新鮮。整體味道一般，可能叫湯會好味啲...炸魷魚圈一份有6件，每件size都幾大，表面炸到金黃脆囗。原本以為入面係有原條嘅魷魚，點知係魷魚粒加麵粉，難怪可以造到咁大個圈啦囗感都幾得意，似混咗魷魚粒嘅薯餅，味道唔錯可以一試！原本唔知依間店係食德國菜，見餐牌有德國腸同豬手先知~拼盤一共有4款腸，食落味道分別唔大，唯獨係蛇腸值得一提，咬落有少少肥肉係腸入面，囗感比較結實，有啲似臘腸但冇咁咸，都幾惹味各款腸仔下面再鋪咗薯蓉同酸菜係底，薯蓉唔覺有特別調味，不過連埋上面嘅火箭菜食就香啲，至於酸菜就一般，我地都唔係太喜歡個味，食剩曬啲酸菜主菜之一辣肉

同學聚下舊，呢度真係唔錯，有時小店更有人情味，做食物更有heart。睇下好咩好食先，加$28轉餐有湯有飲品，抵食。今日係南瓜湯同水牛芝士沙律，南瓜湯有拉花，連餐包嘅牛油都有花，靚靚。好少沙律會有埋水牛芝士加埋兩片橙，一啲都唔吝嗇。法式鵝肝伴焦糖蘋果，除咗厚厚既鵝肝，焦糖蘋果真係好特色，又甜又脆嘅焦糖配埋爽口嘅青蘋果，又甜又清新。煎大蝦茄汁扁意粉，茄汁沾滿每條意粉，大蝦有三大隻，好好味！美國牛腹肉牛扒配香草燒新薯，牛腹肉柔軟稔身，咬落肉汁溢岀，連薯角呢個配菜都煎得好香脆，正！飲品叫左熱朱古力同Shirley Temple。。。

前日收工去左gathering食，因為見到有朋友ig story成日都去果然冇揀錯，絕對係元朗區其中一間高質既餐廳我地點左一個小食（香蒜炒蘑菇）同埋兩個主食（牛腹肉扒同埋黑配白pizza），加$28就可以變套餐，有野飲+湯／沙律香蒜炒蘑菇睇名好似係一個好普通野小食，但炒得好都唔易呢度炒得夠乾身又香，香料配搭都好夾，好味！之後出場既係黑配白pizza，用左黑松露醬同白蘑菇，再加上好多既mozzarella，熱辣辣上枱。黑松露醬既味好濃，芝士會拉絲，個pizza底好脆，食到停唔到口。惟一缺點真係太大份，我同朋友食唔晒，結果要打包，哈哈！hanger steak要左5成熟，岩岩好。牛扒質素唔錯，我自己最鍾意係淋係扒上面既醋汁，好夾好解膩；我朋友就覺得薯菜整得好好食。-食左咁多，埋單都唔貴，而且鋪頭既枱夠大，好好坐，平時想食西餐的話，絕對係一個好選擇

今天來到元朗一日遊，下午已經吃了美味的泰國菜，到了晚飯時間，不知不覺已經有點累又有點餓，所以用Openrice 搜尋附近，發現這間餐廳，偏離了元朗最旺的區域，而離開我們不遠，便去吃個晚餐。這裡裝修精緻，牆壁上有些小擺設，而座位都算舒服，背後還有音樂，令人心情愉快的進餐。我們點了Seafood platter $328，奉送紅酒或白酒兩杯，香草白酒鑽石蜆扁意粉$128，另外加$28可以轉為套餐，可選是日餐湯或精選沙律，套餐加$10可享特式咖啡，我要了Ice mocha 。白酒果味十足，帶點微酸，用來吃海產一流。沙律是煙三文魚，煙三文魚是我的最愛，作為頭盤，非常開胃。Seafood platter $328，包波士頓龍蝦半隻，日本磯煮鮑魚兩隻，智利藍青口6隻，法國黃金海螺6隻，冰島海熟蝦6隻。波士頓龍蝦半隻，雖然不是很大隻，不過蝦糕頗多，肉質彈牙。日本磯煮鮑魚兩隻，經過醬汁烹煮後，再雪凍，肉質軟腍，加上醬汁已經被鮑魚吸收，味道濃淡適中，我很喜歡這個鲍魚。法國黃金海螺6隻，同平常吃的翡翠螺味道差不多，肉質彈牙有嚼勁。值得一提是個醬汁，除了用上茄汁、檸檬汁，還加上了蒜粒，這個醬汁帶起了海鮮的鮮

今日同朋友去呢間喺元朗劇院附近嘅西餐廳，唔係上網search過都唔知原來呢個位有餐廳！雖然門面睇落有啲細，但入到去坐得都幾舒服。.叫個Main加28蚊可以有個紫薯紅菜頭忌廉湯紫薯味感覺有啲似甜品，不過飲落都幾特別同埋影麼，OK啦！.肉眼我哋就嗌咗美國安格斯肉眼扒配香草燒新薯個肉眼扒應該冇乜調味，只係落咗啲鹽吊味，但好香肉味，證明好新鮮。我哋叫咗5成熟，切開見到佢入面係微微嘅粉紅色，師傅控制火喉得唔錯！.另外我哋亦嗌輕煎北海道帶子墨魚汁意大利飯個帶子都幾香口嘅，不過個意大利飯入面就有啲青瓜粒粒喺入面，未必個個鍾意。.小食我哋嗌咗法式鵝肝伴焦糖蘋果同埋啤酒脆漿炸日本廣島蠔。鵝肝夠厚，油脂味亦都好足。係略嫌塊蘋果有啲太細塊，解膩效果稍遜。隻蠔好大隻，食落原汁原味非常唔錯。不過啤酒味就唔係好食到喇。.最後不得不讚吓佢哋嘅服務態度，真係幾細心嘅。.我哋叫咗個薄荷茶，差唔多飲晒嘅時候佢哋都好主動問使唔使加熱水，服務唔錯。

元朗安興街的「Gathering 」個人覺得是一間非常最水準的西餐廳，食物和服務兩方面都十分令人滿意裝修格局柔和舒服，木製的桌椅很有英式風格，擺設十分整齊二人晚餐Set前菜除了牛油餐包外，各自選了雜菜湯和煙三文魚沙律，盛載的器皿十分美輪美奐，開胃冷盤沙律，水果十分新鮮，餐湯味道咸淡適中主菜之一「慢煮美國黑毛豬鞍扒」，講真我好少食豬，但係呢一份黑毛豬鞍扒，確係令我有驚喜，同普通豬扒味道不同，感覺帶有一點菓香，肉質纖維很特別，肉味與眾不同，值得推介另一主菜「美國安格斯肉眼扒」，絕對是價廉物美，五成熟剛剛好，標明是10安士份量，但目測應該不止這個份量肉味濃香而不膩，肉汁在口內慢慢滲出，生熟程度剛剛好，冇得彈檸檬梳打，甜甜酸酸，清爽怡人，冰涼可口，賣相亦值得一讚選了兩款甜品，自家製 Tiramisu，足夠兩個人份量，唔會太甜，高水準之作，喜歡極了另一款「焦糖燉蛋」，賣相美輪美奐，連甜品都這樣用心製作，我們食得真是十分滿意，人均消費只是三百元左右，確實超值