Gathering (已結業)

這是一間在元朗近大球場的西餐。我和女友在星期天晚上七時到達，人流不多。我們分別叫了個 Set Dinner 合共大約$500，屬一般西餐的價錢。肉眼扒肉質很好，黑椒汁亦調教得恰到好處。而女友則叫了一個西冷扒配磨菇汁，亦十分美味。這間西餐店質素頗高，但礙於商舖不在黃金地段，加上隱蔽，沒有太多人光顧，適合想慢慢進食，並與友人談天的顧客。這食肆的價錢亦十分親民，性價比十分高，絕對值得在未來再去光顧，享受那裹的美食。

約左朋友係元朗食飯, 呢間餐廳係之前行過見到的, 今日就去試試佢~ 餐廳位置比較偏僻, 但其實輕鐵站行過去都吾算太遠.入到去由於無乜人關係, 環境好寧靜, 可以比我地舒舒服服咁享受晚餐, 服務員遞左餐牌比我地, 原本想揀烤西班牙乳豬, 但服務員同我地講佢地吾會再出了, 只係會有全隻乳豬.咁我地分別嗌左: 脆炸德國咸豬手, 蟹肉意大利粉, 炸魷魚圈, 雜果賓治, 香橙雜飲, 嗌主菜可以+$28轉SET.- 脆炸德國咸豬手: 店員特別推介, 豬手首先慢煮後再炸, 慢煮可以鎖住肉汁, 令肉質軟滑, 再將豬手皮炸脆, 真正做到外脆內軟, 咁嘅價錢食到咁嘅質素真係超值. 就咁食豬手可能會有D膩, 但同埋下面配菜一齊食可以解膩, 口味仲好夾, 我自己都真心推介!- 蟹肉意大利粉: 意粉軟硬適中, 食落好濃蟹肉味無腥味, 感覺好足料!- 炸魷魚圈: 一般都係將魷魚切成圈就咁拎去炸, 出到嚟可能會好難先咬得開, 但呢個魷魚圈係將魷魚攪碎後再拎去炸, 容易入口得嚟又保留返魷魚鮮味, 真係好好食~總括嚟講呢間舖係絕對可以再去食, 食物, 環境, 服務都吾錯, 真心覺得大家可以一試~

呢到新開係我經常食開叫‘開心豬扒’旁邊，所以就心血來潮要黎試試。呢到裝修簡簡單單， 椅子座位都好舒服。配合柔和嘅燈光，岩哂2人撐枱腳❤️見到有斧頭扒成28oz , 真係好想下次多d人時再黎試🤭我地因2人份量叫得唔多， 簡單叫了我最喜歡巴馬火腿～巴馬火腿野菌薄餅（$138）芝士及巴馬火腿份量好足料， 薄餅好脆好薄👍🏻美國安格斯肉眼扒配香草燒新薯（$228）叫了5成熟， 切開唔多血水， 剛剛好， 牛扒已夠味， 當時重口味d， 可以點下醬， 我地簡了黑椒汁， 餐廳另外仲會比芥末醬😋我地都係加了$28轉set , 有餐湯/沙律，還包飲品是日餐湯- 甘筍忌廉湯， 好creamy,好香甘筍味， 足料🤗呢到餐廳的員工仲好nice , 同客人都係有講有笑😄

作為元朗街坊，大家無理由未食過開心豬扒但原來開心豬扒近日有新搞作，其中一間分店轉型做埋夜市變成有格調嘅西餐廳「Gathering」故名思意，就係俾你有個好地方，與三五知己共聚晚餐！煙三文魚沙律主食+$28，就會變成套餐，可以選擇沙律/餐湯，連飲品及香脆多士依個煙三文魚沙律真係物超所值!三文魚有兩大塊，而且品質新鮮，算係落足本！而沙律菜亦唔馬虎，絕唔係求其俾條生菜你放底咁簡單！蟹肉意大利粉個意粉食落好鮮味，一啲都唔會覺得膩，口味非常清新！淡淡蟹肉鮮味，而且啲意粉非常好彈牙，我好怕意粉軟綿綿好似食糊仔咁！黑松露PizzaPizza係用薄脆餅底，而pizza面鋪滿厚厚芝士蘑菇黑松露醬，一啖咬落去，黑松露嘅香氣喺口腔內爆發，感覺非常滿足！同時又唔會令你覺得飽飽滯滯而影響食慾！

今日約咗兩個好知己入嚟元朗共聚晚餐，朋友話知我山長水遠過到嚟一早就已經book咗一間西餐嘅斧頭扒，我朋友係元朗地膽，佢揀得嘅餐廳我梗係相信佢啦你間鋪頭雖然唔係位於大街，但係轉角位就已經見到，招牌十分之搶眼，喺門口已經覺得佢充滿情調。門口嘅圖案充滿色彩，望見令人舒心。鋪面內既擺設充滿童真，令人心情更顯得愉快餐湯係粟米湯，濃郁嘅粟米香甜，粟米蓉唔會好碎，依然食到有少少粟米嘅肉，而且溫度恰到好處，配上淡淡忌廉既香氣，令人食指大動主角終於出場啦不枉我等左成晚，一上枱果下大家都~嘩嘩大叫～真係好大塊扒呀⋯⋯我咁大個女從來都冇食過咁大件牛扒，今次真係第一次食咋。淨係買相已經冇得輸廚師煮至六成熟，恰到好處，超級厚身，廚師仲會親手幫你切好，育新牛味濃郁，配上特製嘅蘑菇醬，味道更勝一籌仲會有美國嘅馬鈴薯仔，可以中和返個食慾，等我唔會淡淡都係肉食到咁濟😋蒜香炒蝦球，蝦球爽脆彈牙，配上粒粒煙肉，蒜片香脆而且充滿方香嘅牛油香味，味道令人回味，而且配上左幾件充滿香草牛油嘅蒜蓉包，包身鬆脆香口，真係食到停唔到口

元朗嘅餐廳，每日食一間，食一年都可以數重複因為你食完依365間有機會已經開返365間新鋪俾你食另外一方面咁講，元朗啲餐廳真係好難捱今次我地又嚟試新餐廳點解會知佢開咗間新餐廳？因為佢坐立係開心小聚隔離食開心小聚要等位嘅時候得閑都會望隔離由佢裝修到開張今日就嚟試一試！環境幾好㗎 ！幾舒服乾淨，冷氣啱啱好，不過嗰日星期六，都係坐唔滿，真係睇佢有啲擔心，因為見佢哋冇做宣傳，有冇咩特別優惠做間要吸引人黎食真係要加油通常餐紙印得嘅食物都應該係招牌菜所以我帶咗巴馬火腿薄餅同埋鹹豬手跟左餐、有湯有嘢飲不過唔記得影相個湯係南瓜忌廉湯，好甜，幾好飲跟埋餐包點湯👍🏻有個朋友冇叫湯就跟咗個餐沙律，又係冇影相，係煙三文魚沙律嚟㗎因為在座有個人要減肥，所以直情叫咗個沙律：雞肉凱撒沙律個沙律菜好新鮮，醬都好好個雞肉咸度啱啱好，烤得啱啱好，無好干不過我覺得菜既份量有啲細反而唔使俾咁多雞肉前菜要左個墨西哥烤餅上面嗰啲醬都係跟反大路牛油果、忌廉同蕃茄不過佢入邊就夾左一層肉醬食落去都幾漏下不過個餅焗得好脆都唔差，不過唔可以列入去好食嘅墨西餅list 巴馬火腿薄餅燒牛肉在坐又有人唔鍾意食生牛肉，係做到七成熟嘅情況下都係好林，

呢排去開元朗搵食，見到呢間新開，野食都幾吸引唔算太貴，就去同肥仔食。MENU店內環境幾優美, 坐得幾舒服各叫左一個MAIN, 再加 $28做SET ,有包，湯.沙律加一杯野飲, 再加$10先係特色咖啡同特飲。個包幾脆。是日餐湯 南瓜湯新鮮南瓜製成，味道鮮甜香濃，又甜甜地。煙三文魚沙律煙三文魚煙薰味香，沙律好新鮮爽口。美國牛腹肉牛扒 10oz $188七成熟的火候剛剛好，牛腹肉好重肉味，Ｄ肉好ＳＯＦＴ！！你睇下！而且肉質嫩口，伴碟好精美，仲有脆薯條配。好有誠意，呢個讚。輕煎北海道帶子墨魚汁意大利飯$148帶子鮮嫩爽口，意大利飯正宗，有嚼勁，帶陣陣墨魚汁的香味，加上每啖飯都有新鮮的青瓜粒同蕃茄粒，感覺好fresh，推介。炸美國薯條$48薯條係粗薯條，炸到好香脆，脆度有十個脆！仲有沙律醬冋茄汁可點。估唔到咁好食青檸梳打+$10青檸味道份量十足，仲可自行調教甜度。泡沫咖啡+$10奶泡好香滑，飲落有奶香又不失咖啡的香濃。ＯＶＥＲＡＬＬ　好滿意呢餐，係水準之上，又唔會趕人走，店員服務好好，見到個碟唔要即刻執，又勤力換碟，唔講以為自己食緊自助餐

今晚係元朗圖書館附近逛逛，發現附近新開有間西餐廳..於是便入去試試..食西餐我指定會點凱撒沙律今次都不例外..烤雞凱撒沙律..上檯已經聞到烤雞既味好香不錯不錯巴馬火腿野菌薄餅餅底完全係我杯茶好薄好脆蟹肉意大利粉淡淡既忌廉味加上超多蟹肉絲超讚意式炸飯波..外面好脆而裡面有各種嘅配料..而內裡既飯就好煙韌..少少似糯米飯嘅感覺..幾特別值得一試呢杯係檸檬梳打（糖水分開上，岩曬不愛太甜既我）呢杯係鮮奶latte超香咖啡味好濃好滑

星期日跟老公中午外出找地方吃飯，看到這間在馳名豬扒店旁邊，新開的西餐廳，看上去感覺不錯，便試一試。午餐選擇算多，有些是輕食的，適合女士。套餐包餐湯或沙律及餐茶，特飲要另加$10。我點了班尼迪蛋，老公點了漢堡包，另外轉了特飲 (青檸梳打及雜果賓治)。餐湯是蘑菇湯，味道香濃，而且有一粒粒的蘑菇，有咬口之餘又增加了湯的層次，不錯。沙律的蔬菜都很新鮮，配上了黑醋及很多果仁，清新好味。餐飲方面，加$10的特飲味道都不錯，只是加錢轉的話，飲品份量略嫌太少...主菜的話，班尼迪蛋做得非常不錯，荷蘭汁味道及份量剛好，亦不會太稀。我非常喜歡她們把鬆餅都烘得脆脆的，配上大大片的煙三文魚的確不錯。漢堡包賣相很好，漢堡扒肉質和味道都不錯，煎得挺香口。伴碟的薯條及沙律份量都多，只是薯條的調味可以再多一點。總括來說，以這價錢來說的假日午餐算是不錯，可以再來~