Glasshouse Greenery (K11 Musea)

營業中

休息中

第一食龍蝦食呢個龍蝦沙律味道雖然好食不過龍蝦肉太少，一個人都嫌少本身係掛住呢間嘅Pizza好好食，不過琴日竟然壞咗個焗爐最後只能夠叫個lunch set意粉不過都好味嘅只不過冇Pizza係十分之失望

當晚book左8:30，餐廳裏面食客不多，很安靜，環境很舒適，適合同朋友傾偈。餐廳有戶外和室內位置，戶外位置好多花花草草，坐喺戶外飲返一兩杯，感覺都幾chill，果期仲做緊優惠有50% Off，感覺超值！ 叫左個芝士肉醬意粉，芝士份量好多，味道就正正常常冇話好特別。三重芝士pizza絕對啱晒我呢啲芝士控，超多芝士，仲會拉絲嗰隻，pizza係薄批好脆果款，我覺得呢個Pizza好好食🧡👍🏻好推薦食呢個！

食物質素是十分好的，廚師和廚房應該是有熱誠的。可惜前線員工的態度實在令人不想再回來。首先替他們講一句說話， 我相信他們的前線員工的工作氣氛一定是十分不開心。 三個前線員工從來也看不到他們有笑容 ，放低食物和拿走餐具也是一句也話也不說。令我最後決定要寫這意見的事件，就是他們的前線經理。 本人一開始是坐在室外 ，但由於有數位顧客不停在抽煙，所以我向經理提出調到室內。 向他提出時，經理呆了三秒，然後黑起面說，可以。最後我的梳乎厘也是等了超過40分鐘本人光顧時間，12月10日6：30pm

真係久違嘅拍拖日，我老公喚醒我個深層記憶…我真係好想食tea set😂呢間我食過最差嘅餐廳之一，無論係服務態度定係食物🥹好後悔揀咗佢😭服務呢樣野可圈可點，只可以話係職員講野有D倔😂無論香港定外籍職員😂明明有大把枱都唔比揀，所有人都座到好迫夾😂講下食物，杯野飲好快上左，因為係凍飲，啲冰都融哂都未上到個Tea set 😂諗住可能係即整，等耐少少都正常，點知！！！個飽硬到掟得死人，薯格2片都係凍既，明白假期人多係會等得耐，等得耐=/=質素差，唔係平，冇下次😅比得呢個價錢，應該有更好選擇😜✣ Tea set $388

閒日下午的時間去呢間餐廳，見到客人唔太多，只係2枱客左右。由2:30入座開始，帶位嘅女員工已經唔係太有禮貌，無咩笑容，感覺係冷漠再加上唔太welcome！！！坐低俾咗一份menu, 但我哋有3個人，叫極都無人應機，過咗15分鐘先再有人出現, 俾多2份menu!!! 再問係咪有tea set, 話3點先有,咁就行開,叫都叫唔住，無諗過主動俾份tea menu同埋唔理客人,如是者又過咗15分鐘，又係大叫先有個男職員俾1份tea menu! 3點可以 order tea set la, 個apps 完全無呢個選項，又係叫極無人應，最終係個食梗嘢嘅經理過嚟問咗3次先去個機度check system, 施施然話同事lock 咗！！！咁樣嘅體驗，真係差到不得了！！！絕對無下次！！！ Thank you so much!!! Whatever we speak in English or Cantonese, the waiter/waitress got no responses which is so amazing experience !!!

No service Rubbish 垃圾服務態度， 叫極唔應Refill 水都唔理揮極手都冇人招呼食物都可以接受但係俾咗錢，零服務加上黑面，送俾我食都唔會嚟食多次，俾錢受人氣嘅感覺

星期六約幾個朋友食Lunch就去開咗都耐嘅Glasshouse 環境有分室內室外感覺比人幾寫意我叫左一杯荔枝氣泡咖啡但真係好甜完全蓋過咖啡味沙律味道正常黑松露鴨飯，飯就比較硬唔夠香個鴨又唔夠juicy小食拼盤每樣都好味叫咗二樣串燒可樂豬肉就比較韌但孜然牛肉好好味

一家人🧑‍🧑‍🧒‍🧒去K11 Musea食晏，揀咗Glasshouse Greenery, walk-in都有位，7成滿，安排坐窗口位。QR code落單，叫咗龍蝦🦞湯（$88）、瑪格麗特pizza($128)、鵝肝乾炒牛河（$168）、涼粉椰汁🥥冰（$62）同脆皮雲尼拿梳乎厘（$138）後上。龍蝦🦞湯有兩塊包浮面，湯🥣比較稀，有龍蝦🦞肉。Pizza皓大塊，皮薄脆，remark咗少茄汁🥫，芝士🧀正。鵝肝乾炒牛河塊鵝肝太乾唔掂，反而牛河炒得唔錯，入味夠乾身。涼粉椰汁🥥冰有椰子🥥肉同涼，椰味重，好清涼。最後梳乎厘要等30分鐘，有個熱pan出場，面頭脆皮似菠蘿包，入面梳乎厘鬆軟，配mix berry醬可惜我唔食酸，90分鐘就有職員🧑‍💼叫埋單

依家餐廳嘅服務態度真係好差。有個男侍應由入座開始已經黑口黑面，講嘢嘅態度勁冇禮貌，影響整體用餐經驗。對客人好似對犯人咁。又係嗰個男侍應，突然之間衝埋嚟：「你哋已經用餐超過90分鐘，埋單啦。」唔該同多謝都冇句，就隊返張單俾你。真係超級頂佢唔順。如果嗰位男侍應想辭職唔做，應該同老闆講，唔使咁對啲客人。 咁嘅服務態度，真係好趕客，永遠唔會想再幫襯。Overall very bad experience… 預咗受氣，先好幫襯呢間餐廳。

我訂了下午1時的枱。早了30分鐘到，問門口那位經理先生可否早些入坐。他態度很差地說因為有四十多人 booking 來緊，要半個鐘後才可以入坐。但當時起碼有八張空枱。請問那四十多人怎樣在半小時內到達又食完交枱。之後我去幫襯另一間。以後都唔會幫襯！

K11 Musea Glasshouse 一向都頗多人去，今日等左短時間就有位。點左：越式 x手沖咖啡 有班蘭同椰子選擇。我揀左椰子。用新鮮椰子肉，再自己倒咖啡同鮮奶。冰咖啡配椰子味道唔錯。黑松露鵝肝牛肉炒河粉賣相好好，薄牛肉放係一邊，炒得好嫩，煎鵝肝剛好，不過我偏向煎得香脆啲。聞到黑松露味，但乾炒牛河既甜味比較重。全日早餐本身order scrambled eggs,但嚟到變左煎蛋。餐廳環境都唔錯，係音樂大聲左啲。

食物賣相睇落唔差,但係我一啖都冇食就走咗。我點餐後想叫杯Cocktail,就問侍應一句,請問有啲邊款Cocktail可以唔另加糖水。侍應回答所有原材料都有artificial糖,呢度唔會有natural Juice。佢嘅態度係嫌棄我嘅問題太麻煩。 我再有禮貌地問一句,原材料有糖無問題，唔另外加糖漿我就可以。佢又同我講:做training嘅人唔想飲糖就飲spirit,唔會可以唔加糖,要飲就會有糖。態度係極度冇禮貌同串。我即時要求埋單，亦表明唔介意無食任何野就付款。經理見勢色唔對，幫手截單，中途上咗第一碟食物最後都免單。我之後轉左第2間餐廳食buffet唔洗同服務生打交道免得又俾人寸。可憎一間食物賣相同環境都幾好既餐廳，服務環節令人不會再幫襯。

⭐️Big Breakfast $168呢個all day breakfast 都幾多種類嘅食物，味道就正正常常，男人食都會夠飽，可以encore😝😗😗⭐️脆煎三文魚配蔥油拌麵 $198份量唔算大，三文魚煎得有啲乾，同埋唔夠肥，重蒜味，呢個價錢會expect 好少少，啲麵就正常，可能佢都唔算係意粉category?! 唔算係Al dente ，有少少太腍，食落都有少少油膩😗⭐️Latte 正常發揮雖然話有少少偏貴，但係始終係K11 Musea，所以都可接受😊

約左朋友仔兩點睇戲 ，朝早大家都要返教會，諗住喺返K11 Musea 食簡單啲。記得曾經在這餐廳有愉快生日，又有網上訂位，就決定再訪了！因為趕時間，就簡單叫左香酥鴨配松露炒飯 同 Burrata cheese無花果杏仁沙律，快閃吃！鴨肉無蘇味 炒飯乾身 如果鹹啲或濃味啲會更好！沙律所有材料都好新鮮呢～特別那個Burrata cheese的奶香配蔬菜好好味。個人最喜歡的還是他們各大系列的飲品(可惜忘了影drink list😅)，多得眼花繚亂，選擇困難，樣樣都想試。就點左lady 啲嘅玫瑰荔枝冰茶： 自然的荔枝味和玫瑰糖甜度配得恰到好處，必試!下次會再黎，坐耐啲食其他小食同試其他飲品。

推介指數 Recommendation Level : 🔥🔥🔥🔥位於尖沙咀商場內的人氣食店，走年輕客戶的路線，提供多元化的西式美食，各種特色雞尾酒及飲品，還有多款精緻的甜品。餐廳的菜式大部分都不會過份油膩或重味，適合注重健康的人士。此外，值得一提的是這間是寵物友好食肆，所以客人可以帶同自己的寵物一起用膳。Located within the bustling mall in Tsim Sha Tsui, this popular eatery caters to a youthful clientele, offering a diverse range of Western cuisine, specialty cocktails, and beverages, accompanied by an array of exquisite desserts. Most dishes at the restaurant are skillfully prepared without being overly greasy or heavy, appealing to health-cons