Glow - Oyster Bar & Grill (已結業)

太耐無出過街 決定要搵D好野食! 所以食返之前覺得100分既餐廳!Oysters都係試哂咁多款Lambert ($65), Krystale ($65), Pacific gem ($65), Manifica ($65), NZ Rock ($60), Gillardeau No. 2 ($65)其實咁既價錢可以係香港食到咁新鮮既生蠔真係好難得 每款口感都好特別，食落去都好香甜！！😍😍隻隻都大大舊 視覺效果又好正! 今次仲要有埋clams, 但係食完始終都覺得生食clams有d怪 以後都係食返熟食既clams算lu😂-Signature Seafood soup ($108)呢個signature seafood soup最特別之處係佢會用一個壺裝住D湯, 同個碗分開上, 再係你面前倒D湯落去, 個視覺效果好好! Haha 入面有蝦, 有青口, 但係覺得個湯有少少太咸呢-Linguini with Clams ($168)食過返尋味 決定再叫個白酒蜆意粉! 雖然d蜆都係咁足料同新鮮，但係同朋友一致覺得個意粉差左, 應該係個醬汁既問題><-Nachos ($88)第一

Lobster sandwich with cod roe, red cabbage & caesar salad ($188）The lobster and shrimp were nicely cooked and served exceptionally well with the cod roe, red cabbage mayonnaise sauce. My friend picked a pan-fried hamachi fillet with garlic bread, quinoa & caesar salad ($158) Loved the garlic bread !🥖 The presentation was quite interesting too

朋友喺中環返工，呢日放工我就去蘭桂坊搵佢食晚飯，飲杯嘢。佢話想食生蠔，所以佢就帶咗我去間蠔吧食飯。間餐廳幾靚，格調唔錯，好多瑩光燈牌點綴，發光亮亮的，幾夢幻✨。同時，每張枱亦都有個月亮🌙枱櫈，幾有氣氛。不過環境偏暗，影相出嚟嘅效果就無咁清晰。由於Glow係一間蠔吧餐廳，所以有一邊係酒吧區🍸，另一邊就係有師傅喺你面前即開生蠔。但我就選舉咗坐普通枱，有咕𠱸梳化坐得舒服啲。餐廳有做Happy Hour，8點前部份飲品有做優惠價；另外Draught Beer, Tapas同Oyster喺9點前就有7折優惠，有著數啵，即刻落單先😜！我朋友咁好興致要食生蠔，但我唔好意思要掃佢興🙈，因為我呢期唔食得生嘢，所以得佢自己一個食，但佢每款生蠔都試咗隻。店員有提返最後一隻叫Cherry Stone係蜆來的，問佢要唔要埋。朋友一人獨食的Oyster Platter有：American Pearl($55), Lambert($65), Krystale($65), Magnifica($65), Gillardeau($65) & Cherry Stone($65)。店員介紹由淡味食到濃味，即係上述列出嘅次序

今日放工想同老公chill下，就去LKF揾好嘢食，就揀左呢間Glow - Oyster and Bar。一入到去就覺得環境好舒服，店員都好有禮貌，仲介紹我地有咩好食。原本每日6-9 pm (除左星期四) Tapas, Oyster同埋Draught Beer有30% Off, 呢個promotion 都幾吸引。見到個蠔Bar好吸引，有4款蠔可以選擇，我地揀左濃味啲嘅 Gillardeau No.2, 蠔夠creamy, 同埋都幾大隻，唔錯。Tapas 我地揀左Grilled Octopus 🐙 with Green Thai Sauce, 上碟時廚師已預先幫你切好，八爪魚燒得幾香，配埋酸酸地嘅Green Thai Sauce，非常開胃。Main Dish我地叫左Roasted Yamato Pork Chop，店員話黎自日本嘅黑毛豬，最好係7成熟。啲豬扒上面有啲香草醬，好香同好入味，整得好好食，伴碟嘅Cherry Tomato同埋薯仔都grill得好好食。Pasta叫左Papardelle with Scallop，帶子都幾大粒，唔錯。

因為男朋友好鍾意吃生蠔，所以帶佢黎中環呢間食高品質既生蠔。今晚有五款生蠔，男朋友每隻都要，我就食三款就夠啦。我最鍾意American Pearl，我覺得佢最creamy又鮮甜，其它都好新鮮。而男朋友就覺得隻隻都好好食，哈哈。我地仲叫左Tomato Bruschetta，因為男朋友係番茄迷，所以叫左俾佢食，佢當然好鍾意啦。Crab cakes有兩件，每件都充滿蟹肉，而且新鮮整起，熱辣辣。Roasted Australian Lamb Rump，雖然羊肉偏結實，但唔會韌，好好咬，加埋少少肥膏，又冇咩羊羶味，好食。男朋友對於呢餐非常滿意，佢最後再order多四隻蠔食添。

今晚屋企冇煮飯，於是就約左個朋友出來中環蘇豪區食飯。我哋兩個都鐘意食蠔，於是就去左這間bar & restaurant 食。原來係happy hour時段，叫蠔、wine、啤酒、小食都有7折。咁我哋叫左一打生蠔，我同朋友都最鐘意來自美國的珍珠蠔，覺得最肥美、最鮮甜。而其他蠔則比較岩鐘意海水味的客人。我哋之後仲點左啤酒，所以點左nachos伴酒，非常夾，亦好開胃。主食我哋叫左意粉，朋友點的係芝士帶子闊麵，雖然有少少膩，但真係好好味，而我點的海膽意粉，廚師落左蛋汁，食落有少少濕，配上魚子醬，絕對係一流的享受。

前排朋友要去中環做嘢，所以就決定約喺中環食晚飯，之前見到網上有人推介過呢間係蘭桂坊附近既蠔吧，今次去開附近決定黎食下嘢吹下水🥰餐廳環境好舒服，坐位都幾闊落💜_呢間餐廳主打係生蠔🦪仲要係即叫即開，好新鮮😆我哋就叫咗兩款黎試，9點前叫仲有7折好抵食架😎.🦪American Pearl $55黎自美國🇺🇸，生蠔食落帶有淡淡的海水味，口感creamy 自己幾鍾意呢隻😍.🦪Lambert $65同樣好新鮮，海水味較重_🍝Linguine with Porcini Mushroom $168扁意粉食落好有口感😋滿滿的蘑菇食落好滿足_🥩Grilled Angus Ribeye(300g) $328呢塊牛扒又大塊又好食👍🏻我哋叫咗5成熟，牛扒肉質有口感亦有牛肉味，入口亦有肉汁，鍾意點醬嘅朋友仔亦都可以點芥茉醬，口感更豐富😄_飲品方面除咗啤酒🍻、白酒之外，呢度亦都有各款特色Cocktail 同Mocktail 可以選擇🍹Tropical Passion $88用上熱情果及酸橙🍊，飲落去酸酸甜甜，唔係太飲酒嘅朋友仔應該會幾鍾意☺️

晚上與三名朋友去到中環近和安里地下的一間進口生蠔西餐廳，名字Glow Oyster餐廳設有高枱吧位同埋長枱座位，可以同時坐大約50人，燈光微暗，非常有情調，一進餐廳正門左手邊滿滿都是餐酒，正中央就是擺放各國肥美生蠔的地方。我們嚟到這裏當然要食他們的生蠔，我們選擇咗法國的生蠔，分別是來自Magnifica 和Gillardeau，呢兩款生蠔非常之有海水味，加上非常滑流和爽口，加上少許餐廳自製的Wasabi，入口非常清爽，我們還order左日本啤酒，另外加上幾款小食分別是蟹餅沙律，黑松露醬炸薯條，我非常喜歡這裏的薯條，新鮮爽脆，加上松露醬料非常之Creamy ，還有燒牛舌，非常嫰滑和咬口。再追加上他們的香煎帶子，大大隻的帶子經過兩邊煎香，微微的煎致微焦，肉質相當嫩滑，以上三款用來送啤酒，相當唔錯的小食選擇，主食我們選了兩款分別是燒羊肉和帶子闊條意粉，燒羊肉我們選擇了六成熟，羊肉經過六成燒烤，也不會過於生，闊條意粉配帶子非常Creamy的忌廉汁，香滑濃厚，美味十足。這間餐廳三五知己是閑談品酒的好地方

朋友介紹話中環有間食蠔嘅餐廳唔錯 今次嚟左一試 睇下menu先 原來星期一二三五 9:00前落單 生蠔 tapas 同beer 都有7折優惠呀 本身我都唔太鍾意食蠔 今次試一隻american pearl 啦 佢好大隻好肥美 加埋檸檬汁中和左一d 鐵鏽味跟住叫左2個tapas Avocado & shrimp tartar: 本身我唔鍾意食牛油果 但佢呢個tartar mix左d 蝦同醬 仲有塊薯片夾埋食好好味呀smoked salmon & asparagus: 煙三文魚包住露荀感覺好清新angus rib-eye: 叫左7 成熟 不過咁啱有條筋係度 點埋d 汁都幾好食 佢有沙律薯仔做配菜 粒蕃茄仔好好味 份量好夠 食食下都飽飽地linguine with clams in white wine sauce: 分量好足 都有成20粒蜆肉 不過個汁咸左少少星期二嘅晚上過嚟都無咩人 可以靜靜地咁享受晚餐

今日放工就約左朋友係中環等，之後就一齊去左蘭桂坊飲左一杯先，傾左一陣計，見有d肚餓，就行去和安里小巷既Glow-Oyster Bar&Grill食晚餐入到餐廳見到每一枱面，都有一個會發出唔同顏色既圓球，令整個氣氛都更上一層樓，店舖除左有酒吧枱外，仲有埋生蠔吧，而且仲係即開即食，加上我地去個時係優惠時間(6pm-9pm)，食生蠔有七折，非常抵食American Pearl生蠔$55海水味剛好，入口不太鹹，肉質爽滑Lambert生蠔$65海水味重，肉質肥厚Grilled u.s black Angus rib-eye$328牛扒係用炭燒，令到肉質更加鮮嫩，食落會有一種炭香味，而且唔會苦，仲保持到肉汁，Linguine$168選左磨菇意粉，意粉彈牙，磨菇鮮甜Tropical Passion$88味道清甜，唔會太酸

呢間餐廳係中環蘭桂坊一帶，夜晚好熱鬧，呢度最出名嘅就係生蠔，裡面有個位展示各款生蠔，即開即上，十分新鮮，而且餐廳依家做緊優惠，晚上九點前order生蠔、tapas同啤酒有七五折！店員友善地同我地介紹oyster menu上每種蠔嘅口感。Menu由上至下是淡至濃順序，要按次序食，越下越有海水味。我地兩個分別試咗Shimonoseki,Krystale, Magnifica 同 Gillardeau。Shimonoseki同Krystale嘅口感比較creamy，好易入口。Magnifica同Gillardeau則海水味更重，是難得食到嘅靚蠔！由其是Gillardeau，一入口就好似飲咗啖鮮甜海水落肚一樣！Grilled Angus Rib eye牛扒好厚同大塊，牛扒表面燒到一格格，整體上燒得適中，肉質幾嫩滑，內裡肉汁被鎖住，所以食落好juicy！Linguine w/ clams in white wine sauce白酒蜆肉扁意粉，白酒味唔算好重，蜆嘅分量頗多，都幾抵食。每隻蜆都幾厚肉，意粉吸咗好多蜆肉精華，幾入味。

今日要去中環見客，見完客差唔多6點，於是叫老公過嚟搵我食飯，之前好姐妹介紹我去蘭桂坊附近的一間叫 Glow的西餐廳食嘢，今日終於有機會去食嘢🥳我哋大約8點幾到，餐廳已經坐爆曬，好彩我醒目一早Book定位✌🏻😆✌🏻凱撒沙律🥗超級大碟😻仲勁多芝士🧀凱撒沙律醬調得好好味😋羅馬生菜🥬好新鮮又爽口配埋香脆可口嘅煙肉碎，真係超好食👍🏻Glow Seafood soup 嚟到嘅時候，職員係您面對倒啲湯落海鮮到，海鮮湯好鮮甜😋海鮮湯超級多海鮮🦞有蝦🦐長腳蟹🦀青口和蜆😻蝦好彈牙其他海鮮都好新鮮好好味😋見到隔離枱叫蒜茸包勁香，所以即刻叫嚟食，蒜蓉包即叫即焗，嚟到嘅時候仲係熱辣辣，咬入口外脆內軟，非常好味😋呢間餐廳主打係生蠔🦪老公唔鍾意食生蠔🦪但嚟到點都要試一隻🦪生蠔我揀咗Gillardeau，生蠔好新鮮，海水味唔會太重，咸味適中，9點前叫仲有7折好抵食😻魚子海膽醬意粉味道咸咸哋，意粉好有口感😋Grilled Angus Ribeye(300g) 呢塊牛扒可以用冇得輸嚟形容😋真係超級超級好食👍🏻我哋叫咗7成熟，一切開牛扒肉質仲係咁鮮嫩，入口超級juice，一啲都唔韌爆正😋地點位於蘭桂坊附近，都唔算難搵💖餐廳

今日中環收工，約咗媽咪食飯，同事介紹呢間餐廳，話環境同食物都唔錯，所以我哋就黎試吓。嚟到見到有我最鍾意食嘅法國Gillardeau生蠔,二話不說叫咗四隻，本來想配白酒，但係見到佢生啤做緊Promo,所以就叫日本啤啤啤佢！生蠔嚟到之後比想像中嘅大隻同埋新鮮，媽咪都好滿意！配埋生啤一齊食都幾夾喎！之後叫左個Avocado n Shrimp tartar, 媽咪又係好鍾意食，我覺得好香口，用嚟送啤酒又係一流。另外我哋叫咗燒菠蘿，燒魷魚，個人推介係燒菠蘿，因為真係好甜好香好好味。跟住叫咗個燒帶子，火候啱啱好。再叫牛肉配埋啲薯蓉食，啲肉質好滑，連對食要求好高嘅媽咪都讚好，見到媽咪滿足個樣我都好開心。下次要再帶媽咪食好嘢！

中環蘭桂坊附近的Glow，生蠔新鮮好食！Happy hour 生蠔及Tapas更有7折！半打生蠔，分別有Krystale ($65)、Magnifica ($65)及 Gillardeau No.1 ($75)。Krystale 的口感非常爽脆，鮮香的海水味及蠔肉的鮮甜味非常突出。Magnifica 呢種法國蠔海水味濃， 裙邊爽脆， 肉身飽滿， 口感幼滑味甜。法國名牌生蠔 Gillardeau，蠔肉比另外兩款肥美，結實有彈性。而且開蠔開得好好，完整一顆顆處理好，非常企理。Grilled Octopus （$118）- 八爪魚經燒過後有份焦香，泰式酸汁好開胃。Grilled Seabass Fillet ($198) - 魚肉好嫩滑，呢度d生蠔及海鮮都好新鮮！Linguine with Clams ($168) - 鮮甜蜆肉加白酒的意粉，非常好味！

朋友為我補祝生日，揀左呢間靚靚地既西餐廳食餐好。餐廳位於蘭桂芳第一個街口轉右，行到尾就見。平日晚上九時前生蠔同小吃都有七折，星期四仲有半價添。非常吸引抵食。見每枱都點一打生蠔，我地請店員推介，介紹下揀左重海水味既Lambert 同爽脆既Shimonoseki 。店員介紹可先試用wasabi 味既碎粉伴吃，這個調味少見，好似食緊sashimi 咁。Avocado & shrimp Tartar, 攪碎的牛油果和大蝦，食得出配料有洋蔥芫荽和蔥，香口醒胃的前菜。Baked Mushrooms 大大隻的烤蘑菇配以雜豆，面舖滿芝士再焗，好香濃芝士味，整個配搭清新健康。主菜 French Duck leg confit，有水準，外皮香脆，沒有鴨騷味，鴨腿肉嫩滑，細味鹹香留餘韻。spaghetti with Sea Urchin,點時已提點我們這個意粉有小小腥，上枱便見一大片青瓜薄切青瓜，為意粉帶來清新感覺，意粉配以海膽汁，為意粉提鮮，啖啖鮮味，這個味道好夾。餐廳佈置以星球為題材，每張卓面都有變色月球，很有情調，適合聊天談心，跟情侶，朋友聚餐的一個好選擇！